الموضوع الرسمي ... كأس اسيا 2011

[صامد]

ليش احس اني خاش عرض بالموضوع :/

بقوه :laugh::

بصراحه اليابان تستاهل الرابعه عطفاً على مستواياتهم و "خططهم المدروسه" , مو حنا الفالحين في الترحم على الماضي وكيف كنا اسياد اسيا.

 

[Photon]

ماحد قال انها من اوربا..استراليا هو الفريق الوحيد الي من خارج القاره عشان كذا قلت "اتمنى فريق اسيوي ياخذ البطوله لاول مره".

لأول مرة؟ .. لول تراك لعبت بمخي كيف يعني فريق آسيوي ياخذ بطولة آسيا لأول مرة ؟ .. من يسمعك يقول استراليا تفوز فيها من خمسين سنة و لا خلت لأحد شي بينما هي ما حققتها أصلا .. ليش أحس قصدك شي ثاني بس مو عارف تعبر هههههه

 

[صامد]

لأول مرة؟ .. لول تراك لعبت بمخي كيف يعني فريق آسيوي ياخذ بطولة آسيا لأول مرة ؟ .. من يسمعك يقول استراليا تفوز فيها من خمسين سنة و لا خلت لأحد شي بينما هي ما حققتها أصلا .. ليش أحس قصدك شي ثاني بس مو عارف تعبر هههههه

ياليل , ترا السالفه بسيطه ياعمي :laugh:: اليابان وكوريا اخذوا البطوله من قبل بينما ازبكستان ماخذتها من قبل, هذا الموضوع باختصار p:

 

[Photon]

ياليل , ترا السالفه بسيطه ياعمي :laugh:: اليابان وكوريا اخذوا البطوله من قبل بينما ازبكستان ماخذتها من قبل, هذا الموضوع باختصار p:

طيب هذه كلها فرق آسيوية :laugh:: .. لا يكون ودك تقول فريق من شرق آسيا ؟! ههههه

 

[Brewmaster]

لا احسن خل اليابان تفوز عشان يتربى منتخبنا

 

[صامد]

طيب هذه كلها فرق آسيوية :laugh:: .. لا يكون ودك تقول فريق من شرق آسيا ؟! ههههه

يارجل, انت تبي تجنني ولا كيف؟ :laugh:: طيب خلنا نحطها في معادله رياضيه عشان تكون اسهل (مع اني مااداني الرياضيات خير شر p: ) :

هناك اربعة عناصر هي:

استراليا: من خارج الديره تحديدا من قارة أوقيانوسيا لم تفز بالبطوله من قبل.
اليابان: من اسيا وفازت بالبطوله ثلاث مرات.
كوريا الجنوبيه: من اسيا وفازت بالبطوله مرتين.
ازبكستان: من اسيا لم تفز بالبطوله من قبل.

اي من هذه العناصر تنطبق عليه قاعدة "فريق اسيوي لم يفز بالبطوله من قبل" ؟

ان شاء الله وضحت الحين 😀 ؟

 

[Photon]

^
لول قول كذا من أول .. لو ترجع تقرأ ردك الأول بتمعن بتعرف ليش صارت الدراما هذه كلها خخخخ

عموما أشوف الشباب قلبوا يشجعوا اليابان بدل كوريا .. طيب طيب بتشوفون كيف كوريا تكسر راس اليابان المباراة الجاية 😡

 

[Al Pacino]

ماعليك هنا فيه كوري صميم .. بس لو أنهم ماغيرو حارسهم الرهيب حق الموسم الي راح ! تحطمت يوم شفت الحارس الجديد .

 

[Photon]

ماعليك هنا فيه كوري صميم .. بس لو أنهم ماغيرو حارسهم الرهيب حق الموسم الي راح ! تحطمت يوم شفت الحارس الجديد .

أوه كويس يعني مو لحالي يعني ^_^

لي وون جاي -الحارس القديم- خلاص انتهى و من أكثر من عشرة سنين و هو حارس المنتخب و شايف الحارس الجديد أداؤه ممتاز .. الحراسة و الدفاع و حتى الوسط ما ينخاف عليهم .. الهجوم اللي رايح وطي و الله يخلي الوسط الكوري الخارق هو اللي قاعد يغطي فضايح الهجوم .. لو استمر أداء الفريق بهذه الروح العالية فأتوقع فوزهم بالبطولة ليش لا .. على الأقل عشان خاطر بارك جي سونغ لأنها بتكون آخر بطولة دولية له 🙁

 

[True Sniper]

أنا راح أشجع اليابان .. أهم شيء أهم شيء ما أشوف بارك جي سونج حامل بيده البطولة :laugh:: ,, ويا ليت بعد أحد لاعبي المنتخب الياباني يكلف نفسه ويطلع هاللاعب مصاب بقية الموسم .. عشان نفتك من أهدافه المضحكة واللي آخرها كان بمرمى الآرسنال :sarcastic: لوول

المنتخب الكوري يقدم كرة سهلة وسلسة وممتعة ,, المشاهد المحايد راح يحب هالمنتخب ويشجعه بالبطولة بدون تفكير ,,

 

[Photon]

^
ههههههه أرسنالي مسكين :laugh:: .. الأرسنالاوية طبيعي يكرهوا بارك لأنه عمل فيهم بلاوي و يخلي أشكالهم قدام الناس بايخااااااااااا :laugh::

كلامك رائع عن المنتخب الكوري و هو فعلا يقدم كرة راقية حلوة هادئة بدون تعقيد و لا فلسفة حاله من حال اليابان ..

===
بحسب الخط الزمني لآخر أربعة مباريات بين كوريا و اليابان يتفوق المنتخب الكوري على الياباني بثلاث انتصارات و تعادل وحيد و هذا اللي يخليني متفائل قدام اليابان.

 

[إحساس]

^
من متى كانت أستراليا دولة أوروبية ؟!!!!



مممم هنا أعارضك تماما .. بس أحب أول أعرف وش تعريفك للخبرة عشان أكون فاهم قصدك؟

الخبره هي اللاعب اللي تكون له تجارب سابقه بالمباريات الحاسمه والبطولات الكبيره .. دايما نسمع المعلقين والمحللين لما يجيك اللاعب الصغير واللاعب النشئ يقولون له قليل الخبره .. ليش .. لان هذا اللاعب ماعنده اي تجارب وخبره في المباريات الكبيره والحاسمه ..

ينتج عن هذي الخبره اشياء كثيره .. اولها واهمها ان اللاعب لما تكون عنده هذي الخبره يعرف يتعامل مع المباريات الكبيره بالشكل الممتاز .. اللاعبين الصغار قليلي الخبره راح يرتبكون ويسوون اخطاء بدائيه مع الضغط الاعلامي والضغط الحاصل من الجمهور وما الى ذلك .. وكل هذي تنتج عن قلة الخبره .. هذا اولا .. ثانيا .. الخبره تعطي اللاعب [ فكر ] انه يأدي اي مهمه مطلوبه من عند المدرب .. مع التجارب ومع خوض المباريات اللاعب يكون فاهم لـ جميع التكتيكات وجميع الاشياء اللي يطلبونها المدربين .. ثالثا .. مع الخبره اللاعب راح تكون عنده فكره وفهم لـ جميع اساليب المنتخبات الاسيويه [ قياسا على مبارياته اللي لعبها ] .. وراح يعرف نقاط ضعفهم ويعرف اساليبهم الدفاعيه .. وكل هذي الاشياء راح تعطي للاعب خبره وراح تعطيه مهاره افضل كل مامارس واحتك مع لاعبين اساليبهم جديده ومختلفه ..

اشياء كثيره غير اللي ذكرتها تنتج عن الخبره .. هذي هي خبرة اللاعب اللي انا اقصدها .. اذا انت تقصد مصطلح الخبره بـ معنى اخر فـ انا يمكن فهمتك غلط ..

 

[النسر الأسود]

إن شاء الله أوزبكستان هي البطلة

أنا راح أشجع اليابان .. أهم شيء أهم شيء ما أشوف بارك جي سونج حامل بيده البطولة :laugh:: ,, ويا ليت بعد أحد لاعبي المنتخب الياباني يكلف نفسه ويطلع هاللاعب مصاب بقية الموسم .. عشان نفتك من أهدافه المضحكة واللي آخرها كان بمرمى الآرسنال :sarcastic: لوول

يعني معقول حتى بموضوع كأس آسيا بترد رد تلمح في إنو المان كان محظوظ ضد الأرسنال وبلا بلا بلا ؟ والله أمرك عجيب

 

[True Sniper]

خخخخخخخ , الحين أنا ما قلتـ قبل أن مانشستر يونايتد كان الأحق بالفوز ...! أنا ما أدري هل الدعوة تصيُّد وخلاص 🙂

ويعدين أنا ردي كان ساركازم وما قصدت فيه لا تلميح ولا هم يحزنون .. لكن يبدو لي أن مشاعرك الفياضة تجاه مانشستر خلتك تتخيل هذا الشيء رغم عدم وجودهـ .

 

[Unknown]

الحارس القديم حق كوريا "دعيع كوريا لول" .. مسلم !

 

[Al Pacino]

خليل جلال حكم مباراة اليابان وكوريا .. والله شي كبير حكم سعودي يقود مباراة بين هالفريقين الكبار .

الحارس القديم حق كوريا "دعيع كوريا لول" .. مسلم !

أوما !

 

[Photon]

خخخخخخخ , الحين أنا ما قلتـ قبل أن مانشستر يونايتد كان الأحق بالفوز ...! أنا ما أدري هل الدعوة تصيُّد وخلاص 🙂

ويعدين أنا ردي كان ساركازم وما قصدت فيه لا تلميح ولا هم يحزنون .. لكن يبدو لي أن مشاعرك الفياضة تجاه مانشستر خلتك تتخيل هذا الشيء رغم عدم وجودهـ .

لول وش قاعد تقول انت؟ .. ردي كان ساركازم كمان خخخخخ

 

[X-SRI-X]

انا مشجع استرالي
ولتذهب بقية الفرق الى الــ.......😡

 

[slifer dragon]

أجل بكرة آخر يوم بنشوفك فيه طاب الموضوع :laugh::

 

[True Sniper]

لوول عبدالرحمن يا مضيَّع ما قصدتك انت .. هههههههههه
ردي كان موجه للنسر الأسود .

 

[X-SRI-X]

رغم تشجيعي لليابان الا ان مستوى كوريا الجنوبية افضل من اليابان وبمراحل الان
نتمنى ان نرى عودة يابانية
>>>>>>>> اتخيل السعودية مع كوريا الجنوبية :confuse:

 

[fall out boy]

افضل مباراه في كأس اسيا

لول هدف التعادل لكوريا في الدقيقه 120

 

[True Sniper]

تبا للمنتخب الكوري :sarcastic: .. ما حصلوا يتعادلوا الا في الدقيقة 120

تعديل : زيهاهاهاهاها .. وتأهلت اليابان :laugh::

 

[JIN KAZAMA]

وتفوز اليابان .... ولا عزاء للكوريين لول

 

[BioHazard]

احس بيقومون على الحكم :laugh::

 

[Nintendo]

المنتخب الياباني الحالي المفروض مايلعب بكاس اسيا, اول مره اشوف منتخب اسيوي يلعب كوره بهذا الشكل

 

[X-SRI-X]

افضل مباراة برأيي
وتفوز اليابان
للامانة توقعت فوز كوريا الجنوبية بنسبة كبيرة جدا بس توقعاتي خابت كالعادة

 

[X-SRI-X]

المنتخب الياباني الحالي المفروض مايلعب بكاس اسيا, اول مره اشوف منتخب اسيوي يلعب كوره بهذا الشكل

لا تنسى انها بتلعب بكوبا امريكا مع المنتخبات اللاتينية

 

[Guns N Roses]

حرام ماتكون المباراة هذي .. هي النهائي ..

 

[Averroes]

مبروك لليابان وهارد لك كوريا 🙁

للأمانة المنتخب الكوري أنظلم وحرام مايتأهل , طول المباراة كان الأفضل و في النهاية بلنتي غير صحيح لليابان 🙁