hits counter

الموضوع الرسمي : الاختبارات .

يوووه والله الكيمياء صعبة بشكل !! .. هذا وهي مذكرة ومختصر لنا المنهج بـ30 صفحة .. والله جد ماني قادر استوعب الاسماء متشابهه وكل شي صعب ..اول مره تصير لي بالعادة الكيمياء تكون صويعبة بس تمشي الامور .. بس هنا مدري وش صاير لي .. والله خايف من اختبار بكرا احووس وتضيع النسبة !
 
حمدلله نجحت في مادة كنت متوقع 90% اني بأرسب فيها

جبت فيها د يعني على الحفه
dog.gif
 
Jonas قال:
حمدلله نجحت في مادة كنت متوقع 90% اني بأرسب فيها

جبت فيها د يعني على الحفه
dog.gif
أنقر للتوسيع...

احلى شعور
صارت لي مره مع ماده جبت فيها العيد بكل قوه
 
اليوم آخـر يـوم ومن الحماس توي قايـم وما فتحت الكتاب , يالله سترك -__-
 
عطلنااااااااااااااا

اليوم اسهل اختبار ( طبعا مو اسهل من الرياضيات ) و اونس و كل شئ !ّ!

النتائج الاربعاء .. الله يعين لوول
 
اللعنة , شكل الـF وحش جدا في النتيجة -__-"

اول F في حياتي و ان شاء الله يكون اخر F , ان شاء الله تكون خيرة لي و درس اتعظ منه

المواد الثانية الحمد لله عديت بدراجات ممتازة جدا , و الحمد لله المعدل طلع 5 نقاط , كان مفروض 14 نقطة تقريبا يطلع لكن الحمد لله على كل حال
 
ياااااآوك !! والله ياكنت شايل هم هالكيمياء شيل امس !! لو تشوفون حالتي البارح والله تشفقون علي ! .. قايم الساعه 3 ورايح صلاة الفجر مفتح عين ومسكر عين من الدوخة .. ويوم رجعت ابي اذاكر اوقت الساعه 7 دقايق قدام واحط راسي ويدق واقوم اذاكر 5 دقايق واوقت الساعه نفس الكلام واحط راسي كم دقيقه الى الساعه 6 ! .. ساعتين على هالحالة ا! .. انا توقعت بجيب 23 وتحت .. بس الحمد لله الاختبار كان زين بس المذكرة كانت طويلة وهي الي خلتني احوس بآخر الاختبار .. يعني ان شاء الله 27 << 27 بالنسبة للهم الي كنت شايلها امس تساوي 30 وزيادة!


خلاااص الحمد لله الحين مواد طقطقه حاسب وتوحيد وحديث .. آآهــ وخلصنا من الثانوية العامة رسميـــــــــــــــــــــــــــــاً
 
بس باقي لي ادب بكرة ..

الحمد لله تقريبا ً خلصت .. الادب سهل ولا يبيله .
 
عطلنااااااااااااااا

اليوم اسهل اختبار ( طبعا مو اسهل من الرياضيات ) و اونس و كل شئ !ّ!

النتائج الاربعاء .. الله يعين لوول
أنقر للتوسيع...
عطلنـا
أنقر للتوسيع...
عطلتوا؟ بأي صف انتوا؟ عيال ثالث ثانوي لا تحسبون انكم بتتهنون بالصيفيه هذي :laugh:: الله يعين ويوفق الجميع
ياااااآوك !! والله ياكنت شايل هم هالكيمياء شيل امس !! لو تشوفون حالتي البارح والله تشفقون علي ! .. قايم الساعه 3 ورايح صلاة الفجر مفتح عين ومسكر عين من الدوخة .. ويوم رجعت ابي اذاكر اوقت الساعه 7 دقايق قدام واحط راسي ويدق واقوم اذاكر 5 دقايق واوقت الساعه نفس الكلام واحط راسي كم دقيقه الى الساعه 6 ! .. ساعتين على هالحالة ا! .. انا توقعت بجيب 23 وتحت .. بس الحمد لله الاختبار كان زين بس المذكرة كانت طويلة وهي الي خلتني احوس بآخر الاختبار .. يعني ان شاء الله 27 << 27 بالنسبة للهم الي كنت شايلها امس تساوي 30 وزيادة!


خلاااص الحمد لله الحين مواد طقطقه حاسب وتوحيد وحديث .. آآهــ وخلصنا من الثانوية العامة رسميـــــــــــــــــــــــــــــاً
أنقر للتوسيع...
نفس الشي هنا. كنت شايل همها بشكل, لكن الحمدلله بدعت فيها
المشكلة راح ترجعلك بالتحصيلي -_-
 
^
اول ثانوي اول ثانوي <tgman><tgman><tgman><tgman><tgman>
 
فرحه تجينا ونحزن عليها , شباب قعدت معهم 8 شهور والحين مابشوفهم 3 شهور ونص :surprised:
 
التعديل الأخير:
التحصيلي الحمد لله دخلت دورة وبتبدا الاربعاء ذا .. كنت حاس اني بحوس شوي بالهفصل فقلت اضمن نفسي وادخل دورة احسنلي
 
هممم الي دخل دورة القياس بيعرف انها مو مضيعة وقت : ) + لو جلست بدون دورة وعلى الكتب ماراح اضبط نفسي وحتى لو ضبطت نفسي واستفدت زي فايدة الدورة ولا اكثر .. ماتسوى علي اذا مانقبلت بالجامعات اقول بنفسي ليتني داخل وليتني داخل .. خاصة وان الدورة رفعت نسبتي بالقياس فـ بلوم نفسي اكثر .
 
^
عن نفسي دخلت دورة وبالاخير ما استفدت شيء منها .
الحمد لله نجحت بالمادة الي كنت خايف منها 🙂 .. يله باقي بكرة ان شاء الله وأعطل !
الله يوفقنا جميعاً .
 
^

بس اذا كنت تقصد دورة بالتحصيلي فـ هي مره وحده .. مادري شلون قيمت نفسك انك ماستفدت .. اما اذا كنت تقصد القياس فأنا دخلتها بعد 3 اختبارات يعني طلعت كل الي اقدر عليه .. والرابع بعد الدورة ونقزت 6 درجات ..
 
مجنون بلي ستيشن قال:
هممم الي دخل دورة القياس بيعرف انها مو مضيعة وقت : ) + لو جلست بدون دورة وعلى الكتب ماراح اضبط نفسي وحتى لو ضبطت نفسي واستفدت زي فايدة الدورة ولا اكثر .. ماتسوى علي اذا مانقبلت بالجامعات اقول بنفسي ليتني داخل وليتني داخل .. خاصة وان الدورة رفعت نسبتي بالقياس فـ بلوم نفسي اكثر .
أنقر للتوسيع...

خشيت حقت التحصيلي, أكبر مضيعة وقت , بس أحسن شي إنك كأنك بالمدرسة مع أخوياك بس بدون ستريس الدراسة لول.

حتخش و تشوف كيف ذا كله لول كبير, التحصيلي شي مرة عادي و ماتسوى ربع خرعتكم.

بس خشه عشان تكون متطمن إنك فعلت الأسباب.
 
بس خشه عشان تكون متطمن إنك فعلت الأسباب.
أنقر للتوسيع...

هذا السبب بالنسبة لي اهم من اني استفيد منها < مبالغة : )
 
الحمد لله اليوم حاسب وتوحيد كلها تمام .. بكرا حديث يعني تقريبا عطلت : )
 
مجنون بلي ستيشن قال:
هممم الي دخل دورة القياس بيعرف انها مو مضيعة وقت : )
أنقر للتوسيع...
عن نفسي اشوفها مضيعة وقت .. وايوا دخلت دورة من قبل
بس ارتفعت درجة 1 :sarcastic:
واخر اختبار الحمدلله ارتفعت 11 درجة بدون دورة ولا يحزنون
 
^
انا دخلتها .. كانت ثلاث ايام وتبدأ من ٧ الى ١١ . ممكن ما استفدت منها لأني ما كنت مقتنع بها اساساً .
والحمد لله .. عطلت ! <tgman>
 
خلصّنا من الثانوية بشكل عام (حديث بكره هل تحتاج مذاكره؟)
لوول عموماً دورات التحصيلي أنا أبي أسجل بس كل اللي أقولهم يقولوا مضيّعه للوقت ؟ أو ما راح تستفيد .
مادري بصراحة ، و إذا فيه دورات غير دوارت ياليت تذكّرون أسماءها لّي .
شكراً
 
و أخيرا افتكينا من الإختبارات و النتايج يوم الأحد
العطلة للفوز:rockon::sweat:
 
شباب بالنسبة لتحصيلي فـ مادري الي يقول عنها مضيعة وقت شلون عرف انها مضيعة وقت وهو اختبار واحد بس ! .. اذا كان قصدهم انهم ماستفادو من الدورة بالاختبار فـ انا كنت زيهم اول ماطلعت من الاختبار الاخير حق القياس قاعد اسب بالدورة واقول ماستفدت وشكلي بأزفت وشكلها اردى درجة لي .. الخ .. بالاخير نقزت 6 درجات فوق ! .. فـ عرفت اني حتى لو طلعت من الاختبار وانا اقول اني مزفت ولا اقول ان الدورة مافادتني بالاختبار فهذا مو مقياس .. المقياس الحقيقي انك تشوف درجاتك قبل الدورة وبعد الدورة وتشوف الفرق .. اذا فيه فرق اوكي دليل انك كنت مستوعب الدورة وفهمت منها اما اذا مازادت فـ المشكله ممكن ترجع لك انك مافهمت الدورة او ماكنت مركز .. بالاخير فيه ناس ماستفادت من الدورة, وفيه ناس استفادت وانا منهم وهذا الي شجعني ادخل دورة التحصيلي + السبب الي فوق .
 
الدورات حق التحصيلي مضيعه وقت أنا دخلت التحصيلي وعلى حادي بادي وعمي أبو كرش و حقره بقره وإنت ماشي

وجبت 78 فوق الحد الي أغلب الجامعات والبعثات تبغاه
 
اخيرااااااا اجزت *عطلت*
ليتس حفلة :rockon:
 
الحمد لله .. عطلللت ..

رحت لمكتب العمل . الله ياخذهم وكل القائمين عليه ..

طبعا ً قبل ما اروح اتصلت عليهم 3 مرات وسالتهم .. ابي وظيفه صيفيه .. متى اجيكم ؟؟ متى تفتحون ؟

قالي تعال اول ما تخلص اختبار .. احنا نبدا نستقبل السبت .

جيت اليوم .. وانتظر ساعه كامله يخلصون صلاة طويلين العمر .

ودخلت وخذت رقم وانتظر يمكن ربع ساعه الين ماجاء دوري ..

جيت عطيته اوراقي .. ولا حتى ناظر فيها .. قال لي الثانوي مو اليوم .. تعال يوم السبت !!!

انا قلت ايش ؟!! كيف .. انتوا قلتوا تعال .. قال لا لا غلطان .. اليوم ما فيه ..

انا ماني منقهر اني رحت وطقيت مشوار وانتظرت ساعتين .. عادي متعودين كذا في كل دائرة حكوميه .

انا منقهر انه قالي تعال .. وبعدين يجي واحد دب غبي ثور يقولي مافيه اليوم ..

عالاقل لما انتظر ساعتين في اي دائرة حكوميه ثانيه استفيد .. بس هنا بدون اي فائدة ابدا ً

الله ياخذهم ياشيخ نكدوا علي اجازتي وخربوا علي جوي .. الله لا يوفقهم
 
Not Responding قال:
الحمد لله .. عطلللت ..

رحت لمكتب العمل . الله ياخذهم وكل القائمين عليه ..

طبعا ً قبل ما اروح اتصلت عليهم 3 مرات وسالتهم .. ابي وظيفه صيفيه .. متى اجيكم ؟؟ متى تفتحون ؟

قالي تعال اول ما تخلص اختبار .. احنا نبدا نستقبل السبت .

جيت اليوم .. وانتظر ساعه كامله يخلصون صلاة طويلين العمر .

ودخلت وخذت رقم وانتظر يمكن ربع ساعه الين ماجاء دوري ..

جيت عطيته اوراقي .. ولا حتى ناظر فيها .. قال لي الثانوي مو اليوم .. تعال يوم السبت !!!

انا قلت ايش ؟!! كيف .. انتوا قلتوا تعال .. قال لا لا غلطان .. اليوم ما فيه ..

انا ماني منقهر اني رحت وطقيت مشوار وانتظرت ساعتين .. عادي متعودين كذا في كل دائرة حكوميه .

انا منقهر انه قالي تعال .. وبعدين يجي واحد دب غبي ثور يقولي مافيه اليوم ..

عالاقل لما انتظر ساعتين في اي دائرة حكوميه ثانيه استفيد .. بس هنا بدون اي فائدة ابدا ً

الله ياخذهم ياشيخ نكدوا علي اجازتي وخربوا علي جوي .. الله لا يوفقهم
أنقر للتوسيع...

هههههه هدي بالله اخويي يعني شي عااادي انك تقعد ساعتين و في الأخير يقوول لك مو اليوم ما قلت شي جديد:evil::
لكن اكثر جملة عجبتني واااحد دب ثور غبي ههههههه:laugh:: الله يعينك ترووح السبت بعد و تقعد 5 ساعاات زيااادة و في الأخير يقوول لك مو اليوم
have fun guys
 
واخيرا !!!!!!!!1 :lebb::lebb::lebb::lebb::lebb::lebb:
 
يجب تسجيل الدخول أو التسجيل كي تتمكن من الرد هنا.
عودة
أعلى