hits counter

الموضوع الرسمي : الاختبارات .

اليوم خلصت آخر إختبار لي بالجامعة 😀

بالتوفيق لشباب الثانوي وخاصة ثالث الله يسهل أموركم.
 
الحمد لله ، اليوم كان علي نحو وحديث وسويت زين ،

النحو ان شاء الله 30

الحديث 29 ممكن او 30 .
 
الحمد لله خلصت من النحو وكان اختبار طيب .. بس فيه كم زله بسيطة .. والتفسير بيرفكت .. بكرا انجلشش .. الله يعين على حفظ التعبير اما الباقي ماعليه خوف
 
لول يحليلكم .. اختبارات رجعتوني 4 سنوات للخلف

بس انا اقولكم على شيء..

تدرون شنو الفرق بين الطالب والموظف ؟؟

الطالب: دائما مشغول البال في الدراسه.. الموضوع ليس مجرد ساعات ويروح البيت وانتهى ... بل يضل يدرس/واجبات/وتحضير/وهم الامتحانات .. يعني طول حياته هم وتفكير في الاختبارات وحتى اوهو راجع البيت يفكر ان وراه واجبات وبلاوي ... والاهم انه يفكر شنو الجاي في المستقبل واي تخصص يختار ووين يدرس :yuck::

الموظف: مجرد ان تنتهي ساعات العمل.. يصير فاضي جدا.. بس يفكر انه يروح البيت ويلعب ويشوف افلام او يطلع من اصدقائه.. واخر الشهر يجيه مبلغ وقدره وتصير المتعه دبل.. ومايفكر في اي هم لان الدوام مافيه تحضير او دراسه او حتى واجبات :smug:

الموظف المدرس: الله يعينه لانه راح يعيش باقي حياته كأنه طالب لول :nerd:
 
بين كيلر كلامك صحيح، لهذا أنا أبغى أخلص بسرعة علشان أصير مرتاح البال وأتفرغ لأشياء أخرى بدل مما كل يوم ترجع من الدوام وتفكر ويش عندك بكرا وويش عندك بعده وويش عندك بعد أسبوع... إلخ >_< حتى الناس يقولوا ليي ويش فيك مختفي وأنت شاغل بالك بزيادة وغيره من الكلام بس الواحد ما يقدر يتحكم بهذا كله ولازم يمشي مع التيار، لكن لما تتوظف وقت الشغل شغل ووقت غيره لا، على العموم هانت ما باقي واجد وأخلص هذا أنا دخلت الجامعة غمض وفتح وأنا في السنة الرابعة وغيرها تطبيق وكم حاجة بسيطة.

بكرا عندي آخر اختبارين واحد الصبح وواحد الليل، الاختبار الأول للحين مو عارف كيف أبدي أذاكر له لول .. الاختبار الثاني ما منه خوف.
 
Majeed قال:
الله لا يردها لا بخيرها ولا بشرها 🙁 ماصدقنا طلعنا من تخلف تعليم ماقبل الجامعة >__> أول سنتين لي في الجامعة عن الثنعش سنة الي قبلها :/
أنقر للتوسيع...

+1

ايام المدرسة و الثانوي خصوصاً كانت مرحلة بغيضة جداً و لين الحين احمد ربي انها عدت على خير
 
اليوم اختبرنا نحو و توحيد
النحو تمام و التوحيد عندي غلط يمكن:confuse: و أكثر شي يقهرني ان المواد الصعبة تجيب فيهم كااامل و السهلة تجيب العييد ليييييش؟؟؟:sadwalk:
او انك تحل كل الإختبار و بعدين توقف في فقرة سخييييييفة و اكثر من سخيفة و في الأخيرتغلط فييها
يلا الله يعدي ذي الإختبارات على خير
بالتوفيق للجميع
 
Jonas قال:
+1

ايام المدرسة و الثانوي خصوصاً كانت مرحلة بغيضة جداً و لين الحين احمد ربي انها عدت على خير
أنقر للتوسيع...
يعتمد على كيف كان الوضع من حولك في تلك الفترة، أنا بصراحة كنت كاره أيام الثانوية (وقتها) بس الحين أحسها رهيبة وأتمنى لو ترجع لكن المتوسطة ما كانت ذاك الزود.
 
Zero قال:
يعتمد على كيف كان الوضع من حولك في تلك الفترة، أنا بصراحة كنت كاره أيام الثانوية (وقتها) بس الحين أحسها رهيبة وأتمنى لو ترجع لكن المتوسطة ما كانت ذاك الزود.
أنقر للتوسيع...

ايام الثانوي كانت حلوه لكن الي مخربها جو المدرسه , ثالث ثانوي بالذات كانت مرحلة لعينة بسبب الضغط الي كان علينا من مدرسين الله يسامحهم بس
 
الحمد لله اني اجزت من يوم الخميس الي فات :evil:: ....وبالتوفيق لكل مين عندو اختبارات
 
Painkiller Q8 قال:
لول يحليلكم .. اختبارات رجعتوني 4 سنوات للخلف

بس انا اقولكم على شيء..

تدرون شنو الفرق بين الطالب والموظف ؟؟

الطالب: دائما مشغول البال في الدراسه.. الموضوع ليس مجرد ساعات ويروح البيت وانتهى ... بل يضل يدرس/واجبات/وتحضير/وهم الامتحانات .. يعني طول حياته هم وتفكير في الاختبارات وحتى اوهو راجع البيت يفكر ان وراه واجبات وبلاوي ... والاهم انه يفكر شنو الجاي في المستقبل واي تخصص يختار ووين يدرس :yuck::

الموظف: مجرد ان تنتهي ساعات العمل.. يصير فاضي جدا.. بس يفكر انه يروح البيت ويلعب ويشوف افلام او يطلع من اصدقائه.. واخر الشهر يجيه مبلغ وقدره وتصير المتعه دبل.. ومايفكر في اي هم لان الدوام مافيه تحضير او دراسه او حتى واجبات :smug:

الموظف المدرس: الله يعينه لانه راح يعيش باقي حياته كأنه طالب لول :nerd:
أنقر للتوسيع...

اسمح لي ، بس انا اختلف معاك ،

ابن آدم كل حياتها يفكر فيها هم ونكد ..

وكل ماتكبر .. تكبر معاك همومك ..

انا اشوف اخف شي طالب الثانوي .. لان هموم الدراسه والتخصص وذي .. بسيطه مقارنه بالزواج والعيال والمسؤولية .. حياتك هنا تتغير 360 درجة ،

يعني الموظف حتى لو ما يذاكر ، تلقاه مهتم بزواج ولا سيارة ولا ولا اي شي ثاني ،

مافيه احد يعيش مرتاح البال وانا اخوك ، الا اللي قريب من ربه ، وياقلهم هذولي .
 
اليوم اختباري الاخير والظاهر مافي امل اذاكر، متحممممممس للإجازه :rockon: مع ان ماعندي اي خطط لها
hassulk.gif
 
مبروك لكل اللي بيأجزون قريب .

بس بتحط رد ياصديقي حللنا قبل :laugh::

،

اليوم كيمياء وتفسير ، الحمد لله كل المواد المتبقيه سهله .. الله يعدي الاحياء على خير بس .
 
اليوم انجليزي ..

راح اشوف انواع البراشيم والغش بالقاعة :laugh::
 
احمد plus + قال:
بالظبط , بس ما يذاكر :nerd:
أنقر للتوسيع...

مايذاكر .. بس يحتاج يراجع كل يوم لليوم القادم .. بس اذا كان مدرس مثل "اونزوكا" ماعليه خوف لول
1204582862-gto-anime01g.jpg
 
بكرة جغرافيا و تفسير

ملل كل اليوم ابي اذاكر
 
يا أخي، اليوم بغيت أطعن نفسي على غلطة غلطتها في الأمتحان ما هي غلطتي، الأستاذ الله يسامحه حل معاي فقرة في ورقة عمل غلط وطاحت علي أنا المسكين.
 
أخيراً 😀 😀 😀

كلها اسبوعين وارجع للتيرم الصيفي T_T
 
اليوم الانقلش اوكييي... بكرا ادب وفقة .. فقة مضمون .. الادب شبه مضمون .. آآخ متى تروح الكيمياء والفيزياء والله شايل همهم 🙁
 
اخيراً! خلصت الطامة الكبرى الكيميا! خلاص انا رسمياً بالي مرتاح!
بالقاعه فيه ناس "حرفياً" غشت الأختبار كامل
 
اليوم خلصت الكيمياء والتفسير ..

التفسير 30 ان شاء الله ..

الكيمياء يمكن 24 وحولها 🙁

بكرة حاسب وتوحيد .. مادتين سهله جدا ً وان شاء الله كلهم 30 .
 
G7Ga7 قال:
أخيراً 😀 😀 😀

كلها اسبوعين وارجع للتيرم الصيفي T_T
أنقر للتوسيع...
ليش راح تأخذ صيفي 🙁 ؟ .. انا لي سنتين وانا ادرسه والسنة هاذي ان شاء الله ما راح اخذ شيء .. ابي اجازة طويلة 🙁
عموماً .. اليوم الظهر ثالث اختبار لي . باقي يوم الاربعاء ويوم الثلاثاء .. مابقى شيء 😡
 
G7Ga7 قال:
هذي بتكون رابع سنة آخذ صيفي على التوالي ان شاء الله :laugh::.
خلاص تعوّدنا.
أنقر للتوسيع...

الحين الصيفي تدخله عشان تطيح مواد من الترم الجاي صح ؟ طيب كم يوم الدوام ؟
 
تطييح مواد وتريحك والراحة هي السبب الأول عند الغالبية .. واحتمال مادتين سخيفتين تاخذهم في صيف يبكروا تخرجك سمستر كامل (على حسب اللي كنت ماشي عليه، نعم تصير أحيانا)، غير أنها تخفف السمستر العادي (للي يبغى) أو تسرع التخرج للي ياخذ صيف وسمسترز ثقيلين (مثل وضعي)، عن نفسي كل سنة آخذ صيف.
 
iPeace قال:
الحين الصيفي تدخله عشان تطيح مواد من الترم الجاي صح ؟ طيب كم يوم الدوام ؟
أنقر للتوسيع...
هذا أحد الأسباب. سبب آخر يجبرني اخذ صيفي هو اني مرات أعيد بعض المواد, ومرات أكون متأخر عنها مهما كان السبب, فيُفضّل اخذها في الصيف عشان ما تسبب لي زحمة مع كورسات ثانية -في نظري- أكثر أهمية.

الصيف مدته شهرين, يعني ضعف مدّة التيرم العادي. وفي الغالب عدد ساعات الدوام تتدبّل في الاسبوع. مثلاً كنت تاخذ 3 كلاسات في الاسبوع, تصير 6 كلاسات في الصيف. إذا عندك لاب واحد في السمستر العادي, يصير عندك لابين كل اسبوع في الصيفي.

باختصار كل شيء x2 إلا عدد الكريديت الي بالترانزكربت راح يظل نفسه طبعاً.
 
G7Ga7 قال:
أخيراً 😀 😀 😀

كلها اسبوعين وارجع للتيرم الصيفي T_T
أنقر للتوسيع...

مدري شلون تاخذون اترام صيفيه :sadwalk: انا عندي الاجازة الصيفيه شي مقدس مستحيل افرط فيه , و الحمدلله ان ما عندي مواد اقدر انزلها صيفي :sweat:
 
Jonas قال:
مدري شلون تاخذون اترام صيفيه :sadwalk: انا عندي الاجازة الصيفيه شي مقدس مستحيل افرط فيه , و الحمدلله ان ما عندي مواد اقدر انزلها صيفي :sweat:
أنقر للتوسيع...
التخرج المبكر وبالتالي التبكير في الأمور اللي بعده أقدس من العطلة اللي راح تعيشها وأنت طالب مفلس :confident:
 
يجب تسجيل الدخول أو التسجيل كي تتمكن من الرد هنا.
عودة
أعلى