Erased نصف أول ممتاز ، نصف تانى من متوسط لضعيف ، أحسن حاجة فيه بالنسبة كانت شخصية الأم
Psycho pass الموسم الأول ممتاز و Iconic و من الأعمال اللى حبيتها فعلا و فضلت فى الذاكرة ، للأسف المواسم اللى بعدها خربت الدنيا و خالفت القواعد اللى اتحطت فى الموسم الأول و كانت استغلال ردئ لنجاحه ، النقطة الإيجابية هنا إن على عكس عمل زى The promised neverland الموسم الأول يصلح كعمل مستقل
Death Parade عمل بإنتاج متميز و بيطرح أفكار مثيرة للإهتمام ، مشكلته إن أفكاره كان Hit و Miss
One Punch man الموسم الأول غنى عن التعريف ، الثانى و الثالث كانوا أقل بمراحل من ناحية الإنتاج تحديدا بس بالنسبة لى العمل كان مصيره التدهور فى كل الحالات مهما كان مستوى الإقتباس ، العمل بيقتبس نسخة موراتا و اللى ابتدت تبعد القراء نتيجة كم التغيرات و التعديلات المستمرة اللى خربت القصة لدرجة إنى عملت دروب للعمل بالكامل بعد ما كان من أعمالى المفضلة
الإختيار هنا صعب ، عملين بموسم أول ممتاز و مواسم تانية ضيعت كل حاجة و عمل متميز و مكتمل بس بعض جزئياته أقل من الباقى
هادى صوتى هنا ل Death Parade لأنه على الأقل عمل جيد و مكتمل بنهاية حقيقية ، لو المواسم الثانية ل Psycho pass مش موجودة كنت أديت صوتى ليه
