hits counter

المنتخب يواجه إيطاليا في مبارة وديه رسمية

Old School

Old School

True Gamer
أعطى الاتحاد الاطالي لكرة القدم موافقته المبدئية لمبارة وديه يخوضها منتخبنا الاول مع منتخب ايطاليا بكامل نجومه في شهر مارس...

بصراحه امر ممتاز ورائع وخاصة ان ايطاليا تمتلك اقوى حائط دفاعي وهو اختبار صعب جدا لمهاجمينا التعبانين واولهم ياسر القحطاني الي ما عنده ما عند جدتي ......
اهم شي بس نشوف ابرز مهاجمينا ونشوف من الي يقدر يعدي من نستا عشان يوصل لبفون ... وان شاء الله خط الوسط والدفاع ما راح يكونون بمستوى اقل بمواجهة وسطهم وهجومهم ..
 
Old School قال:
أعطى الاتحاد الاطالي لكرة القدم موافقته المبدئية لمبارة وديه يخوضها منتخبنا الاول مع منتخب ايطاليا بكامل نجومه في شهر مارس...

بصراحه امر ممتاز ورائع وخاصة ان ايطاليا تمتلك اقوى حائط دفاعي وهو اختبار صعب جدا لمهاجمينا التعبانين واولهم ياسر القحطاني الي ما عنده ما عند جدتي ......
اهم شي بس نشوف ابرز مهاجمينا ونشوف من الي يقدر يعدي من نستا عشان يوصل لبفون ... وان شاء الله خط الوسط والدفاع ما راح يكونون بمستوى اقل بمواجهة وسطهم وهجومهم ..
أنقر للتوسيع...
لو بوفون لوحده من دون خط دفاع ذا مشكلة بكبره .. مدري عن مستواه بعد الإصابه كيف
لو إيطاليا لعبت معانا كأن منتخبنا ند لهم .. أتوقع لو دخلنا هدف واحد راح يكون إنجاز..
بس أهم شي ما يجردون فيهم يقولون كامل النجوم ولا بعدين ينزلون لك الفريق الرديف 😛
 
لا لول ما يصير والسبب ان الامر جدي حتى بالنسبة للمنتخب الايطالي يعني هم محتاجين كل مبارة مهما اختلفة قوة المنتخب المنافس والمنتخي الذكي الي يحرص بعرف اساليب خصومه على ارض الواقع قبل لا تحل المبارة الرسمة ونفس الشي مع فرنسا بنلعب معهم بعد مابراة وديه وهنري ان شاء الله بيكون خير اختبار لخط دفاعنا ولمبروك زايد وكذلك بعد في تنسيق مع البرازيل لمبارة وديه وهنا يكون لول اختبار لكامل الفريق ^^
 
هممممممم... والله مباراة بتكون مفيدة فعلا للهجوم.. خصوصا اننا بنلعب ضد اسبانيا ( بيول + سيرجيو راموس = نو واي ) ..

عموما لحد يشجع منتخبنا الفاشل.. ماراح نتأهل للدور الثاني و لو باض الديك بيضتين.. أنا راح أشجعه قدام تونس بس.
 
GSenius لول وراه المعنويات تبعك متحطمة تحطيم وفاقد الثقه بالمره ... صحيح لك الحق بعد النتائج الرائعه في مونديال 98 و 2002 لكن المره هذي نأمل ان يتغير الوضوع ويتحسن وخصوصا اننا بنلعب بجيل جديد بدل الشياب الي كانوا في 2002 واولهم وعلى رأس الفاشلين محمد الدعيع والحمدالله وجدنا بديل عن عشرة منه وهو مبروك زايد وخط دفاعنا لا بأس به مع حمد المنتشري الذي برز فعلا في المباريات الاخيره وخصوصا مع الاهلي المصري كذلك عندك فطومة ( الدوخي ) صحيح مستبعد وكنت ما اتمنى رجوعه لكن في الاونه الاخيره مستواه فعلا انقلب 180 درجه والعائد من الاصابه نواف التمياط ومستواه في تحسن مستمر من حيث مشاهدة بعض مبارياته وقائدنا الذئب اظن تعلم دروسه كويس وخاصه بعد تعليق سأرقص الالمان في الملعب ( وربي صدق رقصهم من الفرحه بالنتيجه التاريخيه ) .... وبعد هذرتي هذي كلها والكلامم الي ماله داعي لو يبيض الديك درزنين بيض ولا بعد الاب دجاجه محنا شامين الدور الثاني لكن ودك بس نظهر بصورة مشرفه وان قدر الله بالحظ والطق نتأهل للدور الثاني .
 
شباب ما اعتقد ان المنتخب الكامل بيلعب , ان شاء الله يكون الخبر صحيح ونشوف مستوى المنتخب قدام منتخب كبير.
 
خالد المباريات الوديه التي ستقام كلها سيشارك بها كامل النجوم لنفس السبب الي ذكرته بالسابق الموضوع جدي لهم ولنا الكل يبغا يتفادى اي مفاجئه من اي منتخب مهما كان اسمه وسمعته بالإظافة المدرب لا يمتلك الا هذي المباريات لكي يجرب فريقه بكامل قوتة والخطط التي وضعها
 
حتى لو شاركوا كل اللاعبين ماهم مقدمين نفس الاداء الي يقدمونه بكاس العالم المباراة ودية في النهاية
 
اتمنى المنتخب السعودي مايحرق نفسه بالمباريات السعودية فيكون فريسة سهله بالتصفيات النهائيه مثل ماحصل في 02'
 
سعوديه vs ايطاليا همممممممم
لو لعب منتخب ايطاليا بإحتياطه راح يفوز على السعوديه 🙂
و بعدين فعلا انا ابي اشوف الي يقدر يطوف نيستا او الي يقدر يشوت على جي جي بوفون و يحط جوول !!
يعني فوز المنتخب السعودي على الأيطالي مثل ما قالت عنه جوليا بطرس
لا بأحلامك 🙂
 
trueclue والله انواع التحطيم قل بالتوفيق قل الله يعينكم كل بالاحلام لول ( صحيح انك صادق لكن جامل )
 
خبر اخر يمكن يكون له علاقه

فالمنتخب الاسباني طلب اجراء مبارة ودية مع المنتخب الكويتي استعداد لكأس العالم ( او استعدادا لمبارته مع السعودية في كاس العالم)

و يمكن اسبانية تبي تتعلم شوي من الكرة الخليجية فمشاء الله منتخباتنا الخليجية صار مستواها ايطالية و اسبانية و البرازيل و فوق :razz: بغض النظر عن النتايج التى لا تقل عن الخمسه \ صفر في افضل الاحوال

...
 
هههههههههههه هو ليه النتخب الاسباني محتاج يجرب اصلا لو انا منه ادخل وبكل ثقه للمباره
وبصراحه حاليا المنتخب الازرق مهو على مستواه المعهود سابقا يعني من صالحنا لول يمكن يستخفون فينا يوم يطيح الفاس بالراس وندقهم ( أحلام كثيره )
 
أتمنى لو تتم مباريات ودية مع نيجيريا أو الكاميرون..أو ساحل العاج..
 
شباب هدفنا في المباراة مو الفوز ,, لول اعتقد المدرب ما يفكر كثير في هذا الموضوع , هدفه انه يشوف مستوى الفريق قدام منتخب عالمي قوي جداَ.
 
ل وووو ل اولد سكول ! اذا تبيني اجامل حاظر
منتخب السعوديه اقوى منتخب بالخليج !! <<<<<<< واقع مو مجامله !!!!

و كلام خالد اس صحيح اعتقد انه المباراة مو الهدف منها الفوز !! اعتقد انه المدرب يبي يعرف المستى مو اكثر !!

سوري اولد سكول على التحطيم !! 🙂
 
هو توتي ولا فيري ولا انزاغي بتتعب وانك تذكر الاسماء لول
 
لول

والله اكره المنتخب الايطالي واحب اليوفي..وودي المنتخب السعودي يترقع عشان يتأدب ويتعلم درس محترم (خصوصا الاعلام)..

هممممم..والله مشكله المباراة صعب ارضي فيها كل رغباتي 😛
 
الحارس : بوفون ...

الدفاع : نيستا

الوسط : توتي

الهجوم : جيلاردينو

اظن لو ليبي يلعب بالاربعة اللي فوق بس بيضمن الفوز
 
King Wario قال:
الحارس : بوفون ...

الدفاع : نيستا

الوسط : توتي

الهجوم : جيلاردينو

اظن لو ليبي يلعب بالاربعة اللي فوق بس بيضمن الفوز
أنقر للتوسيع...

:suspiciou ليش منتخب المدرسة هو ؟!

ناس بس تتكلم ومش عارفه ان التوفيق بيد الله وناس مش فاضية غير للسخرية من المنتخب السعودي ماادري حقد ولا شي ثاني ..

و يعيدوا ويزيدوا على سالفة ال8 اهداف متناسين ان منتخب بلادهم تعرض لنفس النتيجة سواء من البرتغال و لا البرازيل

في النهاية ياشباب ذي كورة محد يقدر يتكهن بنتيجة أو غيرها حتى اخر دقيقة من المباراة

ويااااتاريـــخ اشهـــد
 
حتى ما يروح تفكيرك بعيد اخوي تشافي انا سعودي الحمد لله والشكر..واتوقع تمني الخساره لنا قلت اسبابها في ردي السابق واعتقد محد يقدر ينكر وجودها في الوسط الرياضي عندنا..

حنا في المنتخب السعودي ما نبي مدرب او لاعبين..نبي نظام..يضبط اللاعبين ويوقفهم عند وحدهم..يعني لا تلعبون على انفسكم وتقولون منتخبنا ومنتخبنا..صحيح التوفيق بيد الله لكن العمل بالاسباب بعد..

حنا نملك لاعبين ذوي اجسام "هالكه"..هذا واحد..يعني تقدر تشوف الفرق بين صحة اللاعب الاوروبي واللاعب السعودي..لوول ..تشوف جسم متناسق كأنه مصارع والسعودي ميت شوي ويتفتت..

وبعدين شوف اللياقات..قسم بالله شوط واحد الا وهم هالكين..وهم اساسا ما يتحركون ولا ربع الحركه الطبيعيه للاعب كره القدم الحقيقي (مفروض 90دقيقه في حركه متواصله تقريبا)..المفروض اي لاعب يزود الكلرسترول عنده ولو حبه على طول طرد!..شوف ايش صار للاعب الانجليزي قبل اعوام (ناسي اسمه لكنه مشهور..اتوقع جاسكوينج) يوم اكل شيش كباب..

وكمان سالفة الدخان والشيشه..لو بحلف ان 99% من منتخبنا الرهيب يدخن او يشيش..يعني الصحه رايحه بلوشي..المفروض لو يعرفون ان لاعب يدخن على طول طرد..لو يطردون كل اللاعبين عادي اهم شيء بعد 10 سنوات نضمن منتخب مستعد صحيا ولياقته ممتازه..

خلنا نواجه الحقيقه..المنتخب السعودي او اي منتخب خليجي..لا يستطيع ان يواجه عضام اوروبا بالشكل هذا..لازم نعيد تنظيم الكوره عندنا بشكل جديد..على اساس لاعبين ذوي صحه واجسام تليق فيهم كلاعبين كرة قدم..
 
لول عبدالله كيف منتخب كوريا مؤخرا ؟!

لو تعتبره ممتاز .. فاعرف ان السعودية هزمته بالرديف وفي ارضهم هذا شي مايخلينا نقول عنه "رهيب" ؟

معظم اجسام لاعبينا صحيح انها هالكة على قولتك لكن مو كلهم في اندية اهتمامها الاول بالياقة اللاعب فتشوف انهم مخصصين معسكرات خاصة للشي ذا وبالنسبة للتدخين اتمنى انك ماتحلف ان 99% من المنتخب مدخنين .. يمكن في مدخنين لكن نسبة ضئيلة جدا يمكن مايتعدون اصابع اليد الوحدة ولو انهم افضل الموجود لكان ماطالعوا في وجيههم ، على فكرة المدخن يقدر يجري اكثر من 30 دقيقة في الملعب اصلا ؟؟
 
من المستحيل نفوز على إيطاليا
أحد يقدر ينافس :

جيلاردينو
توني
توتي
بيرلو
انزاغي
ديل بيرو
نيستا
كانفارو
مالديني
كاموريسي
بوفون
زامبروتا


أصلاً إيطاليا لو لعبت مع البرازيل ... البرازيل أكيييييد بتخسر مع هالاعبين
إيطاليا أقوى فريق أوربي
يعني ذي المبارة مثل مباراة الإمارات مع البرازيل


(( إيطاليا وبببببس ))
 
التعديل الأخير:
انا بصراحة اقف في صف The Wind و Xavi الاثنين كلامهم منطقي ومحد جاب شي من عنده وبكل صراحه مالها حل يعني الفرق الاوربية فعلا يتعتبرونها مهنة حياة او موت للاعب يعني مستحيل ينقص او يزيد وزنه والا ياكل تبن من قبل ادارة الفريق غير التمارين الرياضة القاسيه خذ مثال ادريانو شوفوا رجله كيف عضلة الساق مشدودة من كثر التدريب ربتواكالرولس حشى مهي بفخوذ

وعلى كذا خذ الامثله


D.K
اسمح لي اقولك راجع نفسك في كل كلمة قلتها ايطاليا اقوى دفاع معقول مهو بس اوربيا عالميا بعد وهذا شي واقعي لكن مع الاسف ليس بالفريق الكامل في انجلترا خط الوسط اقوى بكثير وفي البرازيل خط الهجوم اقوى كذلك والبرازيل منتخب يحسب له الف حساب مهو معقوله يخسر بكل سهوله
 
اخوي اولد سكول ممكن المصدر لو سمحت ؟
 
فهد انا معك..حنا في المنتخب ما تنقصنا الخبره او المهاره...كلهم نملكهم وبشكل ممتاز..لكن مثل ما قلت لك اهم شيء اللياقه والصحه..وهذا الي ينقصنا..

ومنتخب كوريا ترى الله بالخير..انت تعرف كيف يوصل لدور الارعبه مع المانيا..تذكر مباراتهم مع ايطاليا وبتعرف كيف..

يعني تراهم مو ذاك الزود..وتصنيف الفيفا انا وانت عارفين انه مو مقياس..

سالفة التدخين..فحتى لو نسبه قليله..يضل..الفمروض 0% من اللاعبين يدخنون او يشيشون..تراها تهد الحيل..صحيح يمكن يلعب اكثر من 30 دقيقه..لكن وش صار على ال60 دقيقه الباقيه..وانت تعرف ان اهم دقايق الربع الاخير..والسعوديه في الربع الاخير والله ضياااع..
 
حنا مشكلتنا بالنسبة للكورة إن مافي أحد معطي الإحتراف حجمة الحقيقي ..
يعني برا يوم تقول لواحد محترف .. ترا مو معناتها يعرف يلعب و يلعب بدوام كامل بس ..
بالنسبة له لعب الكور " حرفة " مصدر رزق .. و فعلا بالنسبة لهم هي حياة أو موت لأنه عارف من دون الكورة ما يسوا شي
عشان كذا تلاقي عندهم إنظباط شديد بالنسبة للتدريبات ..
مو زي عندنا و الله متى ما طنت براس اللاعب و شاف إنه جمع قروش راح قال خلاص أنا بفتح لي محلات ولا أبني لي عمارة و يسحب على التدريبات ما يصير ينتظم فيها .. ما يلعب بنفس ..
و بالنسبة للأجسام هذي عاد التركيبة الجسامنية العامة للشعب عندنا .. لكن هذا مو عذر .. النادي يقدر يخلي لاعبينه كل يوم يجلسون بصالة الحديد تدريبات مكثفة حتى تصير عندهم أجسام شوي يقدرون يداخشون فيها مع الاعبين من باقي العالم .. تلاقي اللاعب الأوروبي طول بعرض .. و إذا جا عند لاعب من منتخبنا بس عطاه كتف و أخذ الكورة منه ..
يعني أمس يوم شفت مباراة الإتحاد .. و الله فريق ساو باولو مهوب ذاك الفريق الي ما ينهزم ..
بالعكس المباراة كان فيها إحتمال كبير إن الإتحاد يفوز .. لكن الي عدمهم هو عدم دقة التمريريات بين اللاعبين غالبا ..
يعني من جد فيه كم كورة ياخي مره مالها داعي تقطع قبل لا توصل اللاعب الثاني .. خصوصا الرفعات ..
يعني ساو باولو أي غالبا الكورة المرفوعه عند منطقة الجزاء الإتحادية تجيبك بالزبط عند اللاعب ..
فريق الإتحاد يا أما تروح لمدافع أو بيد الحارس ..

ليش الإختلاف ذا .. هل يعني فيه قدرات خاصة عند اللاعبين البرازيلين تخليهم يتحكمون بالكورة و هي في الهوا مثلا ؟
لا الفرق إنهم يتدربون على الأشياء ذي كل يوم .. التدريب مو بس قسم الفريق و يلا العبو مع بعض ولا يعطيهم كور و كل 2 مع بعض و هدود ( رأسيات)

الفرق الي بينا و بينهم زي ما قلت هو إن الإحتراف عندهم غير الإحتراف عندنا


* طبعا إستخدمت الإتحاد كمثال و يعم على باقي فرق المملكة
 
وناس مش فاضية غير للسخرية من المنتخب السعودي ماادري حقد ولا شي ثاني ..
أنقر للتوسيع...

ما أدري ليش اخوي Xavi انت تفسر الامور بهذه الطريقة

المنتخب السعودي بكأس العالم لا يمثل نفسه فقط بل يمثل الخليجين كافه او حتى العرب
و اغلب الخليجين راح يراقبون مستوى المنتخب االسعودي و مستواه و لاعبينه و نتايجه من باب الاخاء و الحرص على مستواه بكاس بالعالم

و انا شخصيا قاعد افكر بشكل جدي حضور احد مباريات كأس العالم بالمانية (اذا ما تعارضت مع امتحانات الفاينل ) و افكر احضر احدى مباريات المنتخب السعودي و راح ارفع العلم السعودي و انا مو سعودي و ما راح تفرق معي

و لنعد للواقعيه قليلا

المنتخب الايطالي اقوى و افضل و اكثر خبرة و تاريخ و نتائج و مستوى و كل شيء فيه تقريبا افضل من المنتخب السعودي و محد يقدر ينكر هذا و مو بس المنتخب السعودي فقط بل من منتخبات قارة اسيا كامله و يمكن افريقيا بعد
فهل هذا استهزاء او اهانه للمنتخب السعودي برايك 🙄 ؟
...
 
اذكرو الله يا اخوان

المنتخب السعودي قوي فقط بالخليج اما برى اي كلام مع احترامي للشباب

هذي رابع مرة يتأهل على التوالي قدر يسوي شئ ؟؟
المنتخب السعودي يكون اول منتخب يخرج من كأس العالم ويحكم على العرب كافة للأسف اضن لو تجي الفرصة لغيرهم يمكن يحققون شئ كمثال دولة عربية (المغرب) عندما تأهلت كأس العالم 98 اضن كانت على وشك التأهل لولا مبارات البرازيل والنرويج ثانياً عندكم منتخب الجزائر والعراق الحين طلع والبحرين كنت متوقع يسوي شئ

ولكن منتخب السعودي مشكلته مو متجهز نفسياً لهذي البطولات !ّ
 
يجب تسجيل الدخول أو التسجيل كي تتمكن من الرد هنا.
عودة
أعلى