المصخره اللي صارت بالخبر بالعيد الوطني

[Monster]

اقسم بالله هذولي مو بشر ,, يلعن ام التخلف اللي عايشين فيه والحقاره والدنائه
باليوم الطني يتم تخريب وتكسير محلات وضرب العاملين فيها لدرجه انهم دخلو على قسم العائلات وصارت تحرشات وقلة ادب ,,, الصور تتكلم

غير صور وااجد جاتني على الايميل ,,, يعني هذا تصرف مسلمين ؟
كيف تتوقعون شعبنا ينهض وفي بشر مثل كذا ,,, هذولي يبيلهم مسح من المملكه ,,
ما ادري من وين جو ولا من وين طلعوا ,, لكن ما اقول الا حسبي الله ونعم الوكيل من بشر ​

 

[s3rorh]

:laugh::laugh::

.............. .

 

[Yaz3D]

والله من جد يا رجل

عقليّات المفروض تنمحي من الوجود, مو من المملكة بس

 

[Ace]

انا اليوم رحت الواجهه والله حرام اللي صار المحلات ايش ذنبها تقعد تكسر فيها يعني اغلب المحلات المتضرره غطت الزجاج المكسور بفلين يمشي حالهم الين مايجيبون زجاج جديد وفيه عندك ستار بكس المسكين قفل نهائيا لانه شكله مرة متضرر من الهمجيه اللي صار امس

 

[Saadawii]

هذي الأشكال هي اللي تشوه هذا اليوم وفكرة الاهتمام فيه.

ما أدري بس أتوقع بيكون فيه رادع لهم إن شاء الله.

أنا ما كان لي مشوار ولا طلعت، لكن أتذكر العام وش صار و وش سووا المراهقين. إذا ما كانوا يقدرون يسوون هذا، ما فيه مانع أنه أسباب ثانية غير اليوم الوطني ممكن تخليهم يتجرأون إذا ما تم التشهير والتأديب.

 

[Nintendo]

تصدقوا شباب عندنا بجدة كنت طالع اجيب عشاء لاهلي وانا بالطريق لشارع التحلية حصلت الزحمه لدرجة انه الاربع خطوط بالشارع (اثنين رايح واثنين جاي) كلها صارت رايح لاكتشف بعدها انهم مقفلين شارع التحلية بالكامل.

عموما اليوم سويت جولة وماكان فيه اي ضرار عندنا ولله الحمد.

 

[Monsteropolis]

واو. تحسهم حيوانات. حتى الحيوانات ما تسوي كذا.

طيب مين اللي كسروا المطاعم, عصابات مراهقين ولا ايش, اخوي كان يقول لي كان في ناس مسوين حالهم مطاوعة ونبي نسكر المطاعم الامريكية ومقاطعة وهذي الهرجة.

بس انا مستغرب هم متى كسروا؟ وما كان فيه أمن ولا شرطة؟ يعني عصابات الشغب هذي موجودة في كل مكان في العالم مو بس السعودية. بس دائما او غالبا في الخارج يصيدوا اللي يكسروا أو حتى يقدروا يوقفوهم, هنا ما صادوهم؟

لول توي منتبه انه اليوم الوطني, يعني كل دول العالم تحتلف باليوم الوطني حقها وهنا ناس تكسر وتخرب :confuse:

 

[T i d u s]

صورة إفتتاح أحدث جامعة للعلوم والتقنية في العالم ..
صورة مجموعة شباب غير واعي يحتفل بالعيد الوطني

تناقض !

 

[Justice]

شباب لويعرفون شنو الوطن كان ماسوو الي سووه -ــ-!
بس اشك انهم مو من اهل الشرقية

 

[Lonely Heart]

صورة إفتتاح أحدث جامعة للعلوم والتقنية في العالم ..
صورة مجموعة شباب غير واعي يحتفل بالعيد الوطني

تناقض !

احييك على هذا الرد :

 

[Jonas]

هذولي هم الاشكال الي خلونا نوصل للوضع الي واصلين له الحين , هذولي هم الناس الي انا ما افتخر اني انتمي لهم مع كل أسف , الشي الي يقهرك ان هذا يوم وطني يعني المفروض يكون فيه فرحه و الناس مبسوطين و هذول جالسين يكسرون و يخربون و يسرقون..

فيه واحد كاتب في اليوتيوب ان هذولي ما لهم ذنب لأن ما عندهم شي يسوونه !!!! عذر اقبح من ذنب بالفعل ! مع كل أسف لو ان هذي الاحداث كانت في يوم حدث رياضي كبير كان تنبلع و نمشيها ! رغم انه غلط في الحالتين اما تصير في يوم وطني هذا شي غير مقبول ابداً...

ما اقول الا انسوا ان شعبنا يتقدم للأمام مع هذولي الاشكال

 

[Monsteropolis]

فيه واحد كاتب في اليوتيوب ان هذولي ما لهم ذنب لأن ما عندهم شي يسوونه

ما أبرر لهم لأن الفعلة اللي فعلوها ما تتبرر.

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

 

[Jonas]

ما أبرر لهم لأن الفعلة اللي فعلوها ما تتبرر.

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

شوف , كون ان ما عندنا اماكن كثيره متوفره نقضي فيها وقتنا هذا ما يبرر اننا نسوي اعمال شغب همجيه , على الاقل نعالج الخطأ , مو نعالج الخطأ بخطأ و نروح نأذي خلق الله.

 

[Gon freeces]

بس اشك انهم مو من اهل الشرقية

حتى أنا >__>.

 

[Monsteropolis]

لووول أنا على بالي عصابة ناطة على المطاعم في وقت قريب الفجر والدنيا فاضية وكسروا!! توي شايف فيديوهات يوتيوب .. يعني كانوا جالسين يكسروا ويخربوا والبلد ما شاء الله مافيها نظام ولا شرطة ولا امن ولا احد يقدر يمنعهم

 

[snake eyes]

القبض على 225 شابا تورطوا في أعمال شغب بالخبر والرياض
​

الخبر، الرياض: حامد الشهري، ماجد الوايلي، طارق النوفل
تحولت فرحة العيد واليوم الوطني في الخبر والرياض، مساء أول من أمس، إلى أعمال شغب وتخريب طالت محلات ومطاعم ومقاهي، ولم يقمعها إلا تدخل الجهات الأمنية و قوات الطوارئ الخاصة. و تمكنت الجهات الأمنية في المدينتين من القبض على أكثر من 225 شاباً تورطوا في أعمال الشغب و التخريب.
ففي الخبر تمكنت الجهات الأمنية من القبض على ما يزيد عن 100 شاب وحدث متهمين بممارسة أعمال شغب وتكسير وسرقة ونهب الممتلكات العامة والمحال التجارية من أصل مئات منهم انتشروا بشكل مجموعات كبيرة جداً في منطقة وسط كورنيش الخبر ومقابل مجمع التميمي التجاري ومجمع المطاعم في الواجهة البحرية بالخبر، حيث تمكن عدد كبير منهم من الهروب من موقع الجريمة عن طريق الدخول في الأحياء الخلفية المجاورة لكورنيش الخبر.
وشهد أكثر من 13 متجراً ومطعماً ومقهى تعود ملكية معظمها إلى شركات عالمية عمليات تكسير وسرقة محتوياتها ومبالغ نقدية موجودة في خزائنها بشكل عشوائي، كلها موجودة على امتداد الكورنيش والواجهة البحرية بالخبر.
وتواجدت الدوريات الأمنية ومرور المنطقة الشرقية وقوات الطوارئ "مكافحة الشغب" وحرس الحدود في منطقة الكورنيش حيث تمت محاصرتها وإغلاق الطرق المؤدية إلي الكورنيش وتنظيم حركة السير إلا أن تهور كثير من الشباب والعائلات الذين يخرجون أبناءهم عبر نوافذ المركبات تسبب في ربكة مرورية في منطقة الكورنيش.
وميدانياً تواجدت قيادات أمنية في مقدمتها مدير شرطة المنطقة الشرقية اللواء سعد الثبيتي ومدير الدوريات الأمنية بالشرقية العقيد عبدالعزيز الحوشان وكافة ضباط وأفراد شرطة ودوريات المنطقة الشرقية حتى فجر أمس.
و أكد المتحدث الرسمي لشرطة المنطقة الشرقية العميد يوسف القحطاني لـ "الوطن" حدوث أعمال الشغب على كورنيش الخبر وقامت بتكسير عدد من السيارات والمطاعم وسرقة بعض المحتويات منها.
وأكد أن الجهات الأمنية باشرت موقع الحدث وحافظت على مسرح الجريمة إلى حين وصول الأدلة الجنائية والتي بدورها رفعت البصمات من مسرح الجريمة.
ورفض القحطاني في حديثه لـ"الوطن" الإفصاح عن عدد المقبوض عليهم مشيراً إلى أن مؤشر الجناة الرئيسيين حالياً غير واضح وسيتضح لاحقا، في حين أن مصادر أمنية رفيعة لـ "الوطن" أكدت بأن المقبوض عليهم يتجاوز 100 شاب وحدث حتى صباح يوم أمس.
وقال مدير مرور المنطقة الشرقية العميد علي السويلم إن أعمال الشغب التي طالت عدداً من المحال التجارية ليست من اختصاص إدارة المرور مؤكداً أنه تم حجز بعض المركبات المخالفة للنظام وتحرير بعض المخالفات.
وقال مدير دار الملاحظة في الدمام عبدالرحمن المقبل إنه استقبل حتى يوم أمس 13 حدثاً متهمين في تنفيذ بعض الأعمال المخالفة للنظام على كورنيش الخبر.
وفى الرياض ألقت وحدة البحث والتحري بمرور الرياض القبض على 125 شخصا أحدثوا شغباً محدودا في اليوم الوطني في العاصمة الرياض.
وكانت الإدارة العامة لمرور الرياض قد تلقت بلاغا من عدد من المواطنين بحي العليا عن قيام مجموعة من الشباب في المناطق المحيطة بمركز الفيصيلية التجاري وشارع التحلية بحي العليا, بإغلاق الطرقات و تشغيل الموسيقى الصاخبة والتراقص على أنغامها ومضايقة باقي المركبات التي خرجت للاستمتاع بالاحتفالات باليوم الوطني بالعاصمة.
وعلمت "الوطن" أن الإدارة العامة لمرور الرياض قامت بتسليم المخالفين إلى الدوريات الأمنية وإلى وحدات البحث والتحري لاستكمال باقي الإجراءات النظامية بحق من يحاول تشويه الصورة الجمالية لليوم الوطني. كما علم من مصدر مروري ميداني أن أغلب من قبض عليهم من صغار السن ممن لم يتجاوزوا الـ18 عاماً.
وبين رئيس شعبة السير بمرور منطقة الرياض المقدم علي بن عبدالله الدبيخي أن الإدارة العامة لمرور الرياض جهزت أكثر من 1700 فرد وآلية لإنجاح الخطة التي رسمتها لتنظيم حركة سير مركبات العاصمة الرياض في اليوم الوطني.
وأوضح قائد الطرق الدائرية والمرور السري بمرور الرياض الرائد علي بن مهذل القحطاني أن الحملات المرورية المستمرة طيلة أيام السنة تفوقت في الحد من تسجيل معدلات متنامية للمخالفات والسرعة, مشيراً إلى أن معدل المخالفات و الحوادث المرورية في الطرق الدائرية خلال فترة العيد واليوم الوطني أقل من المعدل المتوسط عما كانت عليه السنة الماضية.

الخبر
ايش الكلام الفاضي دى
يعني الواحد وقت مايجي يفرح يقوم يكسر وينهب ويسرق
ايش الصوره الي ننقلها للعالم لما واحد يقراء ولايشوف الي يصير في احتفال اليوم الوطني او فوز المنتخب او فوز نادي او او او....
الله المستعان

 

[Jonas]

^
^
احسن خبر , ان شاء الله ينسجنون و يعاقبون اشد عقاب

 

[Bakloyd]

ما أبرر لهم لأن الفعلة اللي فعلوها ما تتبرر.

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

معليش لكن من متى المولات صارت تسليه عند الشباب؟ في اشياء كثيره يقدروا الشباب يسووها, الرياضات اولها, وماله داعي ملاهي للي فوق ال17 من وجهة نظري:sadwalk:

 

[The Doctor]

رهيبين قادة المستقبل

 

[Zero]

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

وويش تبغى تسوي إن شاء الله؟

 

[BioHazard]

معروف من وين هالهمج يطلعون.

 

[The Legend]

إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

فيه وسائل ترفيه في العالم اكثر من هذي؟
وش تبغى اكثر من كذا !

الحمد لله على كل حال ..

 

[snake eyes]

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

ليش دائماً الترفيه هو الشي الي نبحث عنه دائما في كل وقت حتى في اليوم الوطني!
ليش ما يكون اليوم الوطني فرصه لنا ان نقدم شئ ولو كان بسيط للوطن؟
ليش ما يكون اليوم الوطني يوم نزور فيه دار الايتام تقدم للاطفال هديه بمناسبه اليوم الوطني؟
ليش ما نحصي عدد الفقراء الموجودين في الحي ونقدم لهم حاجه هم محتاجينها بمناسبه اليوم الوطني؟
ليش مايكون يوم تتبرع فيه للمساكين سواء بمبلغ مالي او بغرض موجود عندك؟
ليش مايكون يوم تنظف فيه مسجد الحي او الشارع ؟
فيه ميه شي وشي ممكن تسويه بمناسبه اليوم الوطني !
الكلام دا مش لك خصوصا انما ليه وليك ولكل السعوديين.

 

[Zulfiqar]

أمس رحت للموقع وشفت الشرطة مغطية كل المكان, بدري ماشاءالله.
هذا يبرهن إن دولتنا دولة "طوارئ", إذا صارت المشكلة يبدون يأخذون الإجرائات الأمنية. المكان هذا في الخبر معروف بزحمته وخاصة في أيام الأعياد والأفراح, فوز المنتخب .. الخ. المفروض الشرطة ماخذين احتياطاتهم.

 

[Jonas]

^
^
بالفعل كلامك صح , انا دايماً اشوف اذا فاز المنتخب او كانت مباراة كبيره تشوف كل الطرق فيها تفتيش احتياطاً للي ممكن يصير , عندنا بالرياض كنت اشوف دوريات كثير في الايام الوطنيه السابقه لكن هالمره ما خرجت في اليوم الوطني

 

[Still Alive]

لكن الحق يقال, إيش الشيء اللي نقدر نسويه كسعوديين غير نجلس في البيت قدام التلفزيون والألعاب والأفلام والمقاهي؟ ملاهي وسينما ومولات.. وكل شيء ثاني ممنوع.

ليش انت ايش ناوي تسوي بالضبط؟ هذي حالة كل الدول .. والى ذكرته هو كل شي مافي اشياء غيرهم حتى تنمنع !

 

[Noah`s Ark]

ان لله و ان اليه راجعون .
الي يسوي كذا لا ياخاف من الشرطه - الحكومة احسن له ..
خل يترقب الله شنو بيسوي فيه احسن له .
اخذوها قاعده هذي شباب , الي يبوق منك او يضرك :
"انه يسعى في مضرة نفسه و في منفعتك "
خله يأذيك يحسب انه ما فيه رقيب وعتيد فوقه ...
ان لله و ان اليه راجعون
ان الله و ان اليه راجعون
ان لله و ان اليه راجعون ... :angry::

 

[Akilla]

اصلا حنا دايما نشوف قلة الشباب السعودي في كل يوم وطني .. بس هذي المره تمادو كثير

اذكر اخوي راح الدخل المحدود امس .. قالي مريت من القريه الشعبيه ولقيت شباب كثييرين فالينها هناك .. يقولي راقصين ولاعبين بالدنيا

[YOUTUBE]ameEgYcJ6-k&feature[/YOUTUBE]

[YOUTUBE]z0eBeyWZOa4&feature[/YOUTUBE]

مطعم تشيليز يتم تكسير زجاج محله بالكامل !!

محلات البشاوري ايضاً تم تكسيرها وسرقة منها مايعادل الـ20 الف دولار !!

مقهى ستاربوكس لم يعد له مكان بعد ما تم تخريبه بالكامل من الداخل والخارج !!!!

واما باقي المحلات على شارع الكورنيش فقد لاقت اضرار لايستهان بها ولكن ماذكرناه لكم من مطاعم اخذت نصيب الاسد من التخريبات

:w00t:

 

[Monsteropolis]

للتوضيح: أنا ملاهي كنت أقصد بها:
http://en.wikipedia.org/wiki/Disney_Land
http://en.wikipedia.org/wiki/Wild_Wadi_Water_Park

ليش انت ايش ناوي تسوي بالضبط؟ هذي حالة كل الدول .. والى ذكرته هو كل شي مافي اشياء غيرهم حتى تنمنع !

أما كل الدول حالتها أن مافيها Parks ولا مولات للشباب ولا سينما :laugh:

 

[Flames]

احنا الحمد لله ما وصلوا للدرجة هذي لكن اتمصخروا , كنت طالع اجيب عشا وقتها و اشوف خط الملك ما يمشي , 10 دقايق و انا في نفس المكان ما اتحركت , على بالي امير بيمر او شيء , طلع بالنهاية شويت ناس حقيرة معرضين السيارات و نازلين كل واحد يهز عرضه :sarcastic: