هي معادلة بسيطة و سريعة و كيفما أقلبها بعقلي بتطلع النتيجة كالآتي:
أوتبريك 2 لعبة أفضل من 0
أوتبريك 2 لعبة رعب أفضل من 0
أوتبريك 2 لعبة ريزدنت إيفل أفضل من 0
حيلك حيلك! ليش لعبة أفضل؟
ببساطة لأن كل شيء "حرفيا" أفضل: الجيمبلاي، التنوع، القيمة الإنتاجية، القيمة الفنية و في الأعداء و الزعماء على حد سواء
الجيمبلاي و تنوعه اللي في أوتبريك 2 ما يخفى على أحد البتة، كمية الأسلحة النارية و البيضاء اللي بإمكانك استخدامها كبيرة بشكل لا يوصف، أوتبريك 2 هي اللعبة الوحيدة في السلسلة الكلاسيكية اللي قدمت ميكانيكية التحرك و التصويب في ذات الوقت عندك 8 شخصيات و قدراتهم المختلفة تعطيك تجربة مختلفة عن كل مرة تنهي اللعبة فيها، و على ذكر هذا هل عندكم فكرة إن جميع سيناريوهات أوتبريك 2 عندها أكثر من طريقة لإنهائها؟ و تنوع البيئات في اللعبة ما ينعلى عليه:
و جميع ما في الأعلى من سيناريو واحد فقط!
الزعماء في اللعبة:
0 لعبة safe بشكل مزعج، كل عناصرها الجيدة أخذتها من ألعاب ريزدنت إيفل أفضل منها (التوجه الفني من ريميك 1 مثالا) و حتى ما قدرت تقدمها بذات المستوى و الإتقان. و العناصر الجديدة اللي أضافتها (ترك الأغراض على الأرض و التبديل بين الشخصيتين) يا كان تصميمهم بمنتهى السوء أو ما تم استغلاله بطريقة مرضية، و الزعماء؟ حريشة عملاقة، عقرب عملاق، خفاش عملاق،تايرنت! واو على الأفكار الخلاقة! الزعيم الأخير هو الوحيد اللي انحط فيه شغل حقيقي لكنه في نهاية المطاف الزعيم الأخير عيب ما ينحط فيه شوية شغل. و الأعداء؟ نبعد شوية عن الأعداء التقليديين و نشوف الأعداء الجدد اللي قدمتهم اللعبة: وحش العلق و القردة. أحد يذكر هذول الإثنين بالخير؟ الأول تعريف للرخص و الثاني أرخص من الرخص نفسه! و المناطق بعيدا عن توجهها الفني هل فيه أحد هون يذكرلي منطقة حلوة باستثناء القطار اللي كان حرفيا قمة اللعبة من جميع النواحي؟ أي أحد؟
خلاص يا أنس، خلنا نقول جزافا إنها لعبة أفضل بس شو قصة كونها لعبة رعب أفضل؟ بدك تقنعني إن لعبة معك فيها ما بين 3 أو 4 شخصيات المرحلة بالمقارنة 0 فيها رفيق واحد فقط!
جواب بسيط يا صديقي: إيش يصير لك إذا مات رفيقك في 0؟ Game Over مباشرة يعني فيها لمحة من كونها مهمة Escort نوعا ما (و لو إن رفيقك يقاتل بصفك) و هذا المهام مرعب لكن مش نوع الرعب اللي نبحث عنه في المسابقة بل في نوع أسوأ المهام في الألعاب، لكن بصرف النظر إيش يصير إذا مات رفيقك داخل أوتبريك؟ بتكمل اللعبة عادي بس رفيقك هذا رح يرجع كزومبي و يهاجمك، و ما ننسى إن أوتبريك في كثير من المواقف أعضاء الفريق لازم يتفرقوا سواء كان باختيارهم عشان يتقدموا بشكل أسرع أو اللعبة تفصلهم عن بعضهم بالإكاره، و لما تلعب اللعبة أونلاين فالموضوع بصير مرعب أكثر و أكثر! لما تنفصل عن أصحابك ما في إلك مجال تعرف إذا كانوا أحياء أو موتى الAI إذا انفصلت عنهم و هم بحالة صحية جيدة فرح بكونوا بأمان و رح يجتمعوا فيك في وقت لاحق، لكن رفاقك بالأونلاين البشر ما رح تعرف شو بصادفهم و ممكن لقوا حتفهم في الطريق و انت ما عندك علم بالموضوع و رح تكون بموقف حرج و لا تحسد عليه في بقية السيناريو بهاي الحالة، و لا ننسى إن Axe man أحد المطارين في اللعبة اللي بلاحقك في مستشفى آركلي المهجور أرعب من أي شي موجود في 0.
طيب شو موضوع إنها ريزيدنت إيفل أفضل؟
بسيطة شوف أي لعبة متمسكة بكونها لعبة ريزدنت إيفل في اللور:
هذا أشطح شي شفته بسلسلة ريزدنت إيفل بحياتي! الرجال تحلل و تعفن و دخلت جواته علقة و رجعته للحياة من جديد و بكامل قواه العقلية؟ كمية الهراء الموجودة في اللعبة لا تصدق! ليش جابوا سيرة ابنه أساسا إذا طلع ماله دخل بكل القصة؟ عشان يطلعوا بتويست إنه لا طلع هو نفسه بالأخير بس رجع للحياة! و إبنه؟ انساه و لا كأنه موجود، و إيش علاقة الأوبرا بكل الموضوع؟ كيف ريبيكا خايفة من هنتر بالجزء الأول و هي هزمت تايرنت كامل بهذا الجزء؟ منطقي إنها تكون خايفة و غير مؤهلة لهاي المواجهة كون رتبتها في الأصل مسعفة و ما عندها خبرة قتالية كافية لكن نحتاجها تكون بطلة فلازم تهزم الوحش العملاق اللي دايما بنقاتله كزعيم و لو إن هذا يناقض كل شي عن شخصيتها تماما.
في المقابل نقارنها بلور سيناريو Flashback في أوتبريك 2 و المقارنة عيب الصراحة لكن لكن الفكرة لازم توصل :
قصة غريبة و مثيرة للاهتمام لكنها في ذات الوقت قابلة للتصديق في عالم ريزدنت إيفل. مو عودة للحياة و دار أوبرا و كل هذا الهباب.
لكن و إحقاقا للحق أنا أشكر مطور هذا الجزء على أمانته الشعربة إنه ماسمى اللعبة Origins أو The Day Before لا، كان أمين و أعطاها الاسم اللي تستحقه: 0 لأنها ما أضافت شي يذكر للسلسلة لا من ناحية قيمة أو لور من أي ناحية أخرى هذا الجزء عبارة عن فان فكشن و لو ينمحى من الوجود ما بأصر على السلسلة بشي.
عموما Outbreak هو عنوان عالق في Limbo لا مهرب منه، سألت أشخاص مقربين عن سبب كرههم للعبة فكان الجواب باختصار: "صعبة و مختلفة" يعني فانز السلسلة ما عجبهم إن اللعبة كانت مختلفة عن الخلطة الأصلية لكن المثير لما كنت أبحث في مواضيع عن اللعبة و مراجعاتها لما كنت أجهز مقالي عنها لفت نظري كلام أحد المراجعات السلبية اللي كان مفادها: "ريزدنت إيفل أوتبريك تثبت إن السلسلة تحتاج إلى التغبير" عظيم! إذا اللعبة كانت مكروهة لأنها كانت مختلفة و لأنها ما كانت مختلفة بشكل كافي، و كانت رسالة إلى كابكوم إنه يا تغيروا كل شي أو تخلوا كل شي زي ما هو و من الواضح إنها اختارت الخيار الأول و أمورها مشت بالسليم. للأسف محاولة التغيير مع التمسك الجذور ما تنجح دوما و Outbreak قصة حزينة لهذا الموقف
بديهيا صوتي للعبة الأفضل، و لعبة الرعب الأفضل، و لعبة ريزدنت إيفل الأفضل: Resident Evil Outbreak File 2
