hits counter

المدير العام لـ Ubisoft : هناك كونسول ألعاب قادم من أبل !!

  • بادئ الموضوع بادئ الموضوع Photon
  • تاريخ البدء تاريخ البدء
Photon

Photon

True Gamer
The signs are so clear that Apple wants a bigger slice of the gaming pie, you probably don't need us offering our own cockamamie theories (iPhun!). But maybe Yves Guillemot will be enough to convince you. During an earnings call yesterday, the Ubisoft boss said "There's also a new entrant in the business. [That entrant is] Apple, with the iPhone. And we don't think they will stop there."
أنقر للتوسيع...

استناداً للإشاعات اللي من فترة حول استحواذ أبل لـ EA أشوف مسألة دخول أبل للسوق مسألة وقت مو أكثر ( توقع شخصي )
الباقي هنا !

ياليت لوتسويها آبل :inlove:
*رايح يحلم بلعبة من ستوديو داخلي لأبل* :inlove:

حماااااااااااااااس !!
 
هذا يعتبر توقع فقط .. ولو انه يدل على أكثر من كذا بما انه جاء من شخصية كبيرة ..

على فكرة أخو الرئيس يدير شركة تسوي ألعاب للآيفون .. فممكن عنده معلومات عن جهازهم المفترض :spy: ..
 
آبل لازم تدخل السوق ، أتحرق و أعرف ايش الثورية اللي راح يحدثوها :rockon:
أخبار استحواذ أبل لـ EA هنا و هنا

فين ثامر بعده مادخل الموضوع :w00t:
 
انها تسوي أجهزة حلوة مو معناته أنها تسوي ألعاب أو أجهزة ألعاب ممتعة. ما راح يكون عندي مانع لو استبدلت واحد من الثلاثة، بس انه يصير فيه أربعة أجهزة... إزعاج.
 
*رايح يحلم بلعبة من ستوديو داخلي لأبل* :inlove:
أنقر للتوسيع...
common-sense.jpg
 
^
ايش الازعاج في كده؟؟؟
بالعكس الكثرة تعود بك الى زمن التنافس الجميل والابداع اللي في النهاية تخليك انت كسبان
زمان كانت سيجا وننتيندو وسوني واخيرا دخلت مايكروسفت وطلعت سيجا والكل في الاول توقع خسارة مايكرو لعدم الخبرة
لكن الخبرة تقدر تشتريها بالفلوس والافكار كمان
دخول ابل ممتاز بس المشكلة توفره بسوقنا في البداية زي ماحصل مع الاكس بوكس الاول والذل لايجاد العابه
 
وااو لو تدخل ابل .. لازم تشتد المنافسه بين مايكروسوفت وننتيدو وسوني ... وبالنهاية حنا الفايزين ..

لأننا راح نستفيد من منافستهم .. تخفيض اسعار الكنسولز .. العاب جديده .. حصريات جديده .. الخ ..

اكبر مثال سوني وميكرسوفت .. اتمنى من كل قلبي انها تدخل
 
الصراحة ما أتمنى ..
وإذا حقيقة لازم Apple تبذل جهد جبار جداً جداً ..
يعني لازم كم لعبة حصرية + تطوير الجهاز نفسة أصعب مرحلة و و و و طبعاً الشيء مب هين ابداً خصوصاً أن Apple ما عندها خبرة في الألعاب ..
ورح تضيع بين 3 وحوش بينهم تنافس شرس

ننتظر و نشوف بس ما أتوقع انها حقيقة
 
أبل هي الشركة الوحيدة بالعالم من وجهة نظري ما بتدخل السوق الا وهي ظامنه الإكتساح والهيمنه بمشاريعها.

أبل بتاريخها الجديد أثبت إنها شركة قادرة على التخطيط الصحيح وهي شركة لا تنافس أحد أبد وهو سر نجاحها. على سبيل المثال لو إنها قررت تدخل سوق الألعاب ثقوا ثقه تامه إنها ما بتدخل تنافس أي من الوحوش الثلاث بأي شي هم مبدعين فيه. بل بتأسس طريق جديد تاخذ راحتها فيه وتهيمن عليه ولربما يكون نفس طريقة App Store للايفون.
 
أبضمن جهاز له افضل قائمة رئيسيه.
 
ما ظنيت أبل تسويها لإنها مجازفة كبيرة
 
انا بس ابي اشوف شكله .. لاني متاكد انه يصير قطعه ديكور انيقه 😀 ..
ترى مو قصدي اني مقلل من حقهم او شي .. لكن 3 اجهزه تكفي .. وانا متاكد ان شكل الجهاز لو يطلع صدق بيصير خورافي
 
Id قال:
وبدون أخطاء تقنية ولمبات ديسكو 🙂
أنقر للتوسيع...
لول ألحين بتقلب السالفة Mac ضد PC

ما أتمنى الشركة تدخل سوق الألعاب. السوق مب ناقص أجهزة.
 
اذا أبل دخلت سوق الكونسول, أتوقع بالبداية طبعا تدخل سوق ال Mainstream ويكون في الجيل القادم من الأجهزة. اذا انتجت جهاز ممتاز و صار عليه العاب قوية يكون شي جيد. المنافسة ممتازة لأنها أولا بيكون فيه منافسة بأسعار الكونسولز, وثانيا الشركات بتصير تفكر بأبداع, يعني ممكن نشوف تطور قوي في الجيل القادم من الأجهزة بسبب دخول ابل للسوق, ومايكروسوفت تطور جهاز يتحمل الحرارة والساعات الطويلة من استخدام الجهاز.
 
^

بدري يا شيخ .. الـ"بدري"
 
يمكن عشان يكونوا جاهزين للإصدار بعد سنتين P:

أبل و سوق الكونسولز ؟ اذا حابة تفلس أهلا و سهلا

اذا مايكروسوفت بكل فلوسها و حصرياتها و كل سنة ( تقريبا ) خسائر

خلوا السوق لأهله
​
 
أكره شي تصريحات للأجهزة القدامة ..
مثلاً تطوير ألعاب للـ PS4 او 5 او 6 أحس بالأحباط مادري ليش ..
خلونا بالموجود يوم الشركة المصنعة رسمياً تكشف عن الجهاز هذيك الساعة الكلام يكون حلو
 
hussien-11 قال:
يمكن عشان يكونوا جاهزين للإصدار بعد سنتين P:

أبل و سوق الكونسولز ؟ اذا حابة تفلس أهلا و سهلا

اذا مايكروسوفت بكل فلوسها و حصرياتها و كل سنة ( تقريبا ) خسائر

خلوا السوق لأهله
​
أنقر للتوسيع...

آبل ماتدخل أي سوق جديد إلا و هي عارفة كيف تتمتلكه ؟ الآن أنا بتكلم عن آبل بعد عودة ستيف جوبز ، لما أعلنت أبل عن الآيفون كل الناس قالوا ايش الجديد اللي راح تقدمه و شكك فيها كثيرين ، الأن مع النواقص الكبيرة في الجهاز و استطاعوا يغيروا سوق الهواتف الذكية للأبد ، و الوضع ماتوقف هنا ، الشركات الأخرى راحت تنافس و تقلد الآيفون بصورة أو بأخرى ، المهم أنا شطحت كثير ، بس حبيت أعطيك مثال ، بالتخطيط السليم و ابتكار مسار ثاني في التعامل مع السوق راح يخليها تنجح ،خلينا نشوف جهازهم بالأول لأن الكلام ذا لازال إشاعة :confuse:
 
سؤال طرأ على بالي

هل ابل سوت لعبه على الكونسول قبل لا تفكر انها تدخل عالم هاردوير الفيديو جيمز ؟ (لو فعلا ستدخل)
 
آبل ماتدخل أي سوق جديد إلا و هي عارفة كيف تتمتلكه ؟
أنقر للتوسيع...

في فرق بين النجاح و "الامتلاك" P:

أبل نجحت في عدة أسواق بس ما امتلكت
و دائما هناك مرة أولى :w00t:
سوق الموبايلات الي فيه ألف مليون جهاز حاجة
و سوق الكونسول حاجة ثانية
باختصار مخاطرة غير مضمونة أبدا و ما أتوقع انها رح تصير بصراحة
​
 
كونسول من آبل ......مااعتقد صعبة شوي بس. بس لو كان محمول كان قلت ممكن.
 
هل ابل سوت لعبه على الكونسول قبل لا تفكر انها تدخل عالم هاردوير الفيديو جيمز ؟
أنقر للتوسيع...
نزلو كونسول حقق فشل ساحق

Pippinfront.jpg
 
هوه نجاحهم في الاي فون خلاهم اكيد يفكرون في كونسل

ممكن يكون دخلولها السوق شي حلو او شي مش حلو على حسب الالعاب الي بيقدمونها

اما حاليا انا مش مهتم
 
ممكن ينجحوون

مايكروسوفت جلست فتره مش هينه لين ما يستوي لها اسم في عالم الكونسول .. وانا برايي نجحت ونجاح قوي بغض النظر عن لمبات الديسكوو << جهاز لمبات الديسكو لازال يبيع في امريكا بشكل جيد رغم بعد المسافه مع الويي وافضل من منافسه البلاي 3 .. قدرت تجمع اسماء يخصها ومربحه بدرجه كبيره مثل هالو وجيرز اوف وور ... السوفت وير يربح على جهازها وهذا اللي خلاها تكسب ثقة شركات الطرف الثالث اللي اغلب تصميم العابهم كان الاكس بوكس 360 القائد في عملية البرمجه وهذي من اقوى الاسباب ... دخل محترم جدا من الاكس بوكس لايف .. كل هاي مايكروسوفت قدرت تحققه رغم انها في خسائر بس تنتظر الارباح في المستقبل ...

آبل لازم تحسب حساب انه عالم الالعاب يباله دخله وتضحيات وميزانيه مش هينه .. وممكن لا تنتظر دخل الا بعد فتره طويله بالسنوات لين ما تجني الارباااح ولازم اتكون لها اسماء قويه على شان تنهض بقوه
 
التعديل الأخير:
Old School قال:
أبل هي الشركة الوحيدة بالعالم من وجهة نظري ما بتدخل السوق الا وهي ظامنه الإكتساح والهيمنه بمشاريعها.

أبل بتاريخها الجديد أثبت إنها شركة قادرة على التخطيط الصحيح وهي شركة لا تنافس أحد أبد وهو سر نجاحها. على سبيل المثال لو إنها قررت تدخل سوق الألعاب ثقوا ثقه تامه إنها ما بتدخل تنافس أي من الوحوش الثلاث بأي شي هم مبدعين فيه. بل بتأسس طريق جديد تاخذ راحتها فيه وتهيمن عليه ولربما يكون نفس طريقة App Store للايفون.
أنقر للتوسيع...

على فكرة أبل كان عدها جهاز كونسل وفشل من زمان

لكن أتوقع أذا دخلت المنافسة بتستفيد من أخطائها وبتنافس
 
يجب تسجيل الدخول أو التسجيل كي تتمكن من الرد هنا.
عودة
أعلى