المبيعات اليابانيه ( فاميتسو - ميديا كريت ) لهذا الاسبوع 12 - 18 نوفمبر

[king zell]

شباب لا تنسون ان المرات الماضية اللعبة كانت تنزل نسخة وحيدة فقط للبلاي ستيشن2

هالمرة ثلاث نسخ...

يعني لو نقول في النهاية:


PS2 - 300,000
PS3 - 200,000
xbox - 30,000

مجموع - 530,000*
يطلع رقم معقول نسبيا

 

[NSider]

في انطباعات عن النسخة اليابانية من ويننج إلفن على الـPS3؟ أبغى أعرف إذا صلحوا شي من المشاكل التقنية.

 

[Sky Walker]

Mario & Sonic at the Olympic Games - 15,000

جيد جداً

DQ4 - 360,000

ما اقول الا " اليابانيين مجانين DQ و FF " :normal:

وين الملايين الي تكلمت عنها سيجا ؟

مثل مايقول استاذ الدين يوم كنت بمتوسط : طاح خشمها " انفها " :yuck:

 

[Super Shadow]

وين الملايين الي تكلمت عنها سيجا ؟

لووول اللعبة ما بتبيع ملايين من أول يوم

عموما

أتمنى أنها تبيع بشكل جيد في أنحاء العالم

المشكلة ماريو جالكسي بتخرب عليها

و موعد اصدارها كان غلط

 

[Nintendo]

بحسب بلوق سينوبي

- طلبات الوي فيت من المتاجر اليابانيه مابين ال 150-300 الف نسخه
- طلبات لعبة بروفسور لايتون2 وصلت الى 600 الف نسخه من المتاجر اليابانيه

احس بروفسور لايتون بتحقق رقم اكبر من الجزا الاول ويمكن تصير سلسلة مليون باليابان .. الوي فت متحمس اشوف بيكون الاداء وهل راح يكون على المدى الطويل او اول اسبوعين وخلاص ..

عموما المبيعات القوية باليابان تبدا من الاسبوع الثاني-الثالث من شهر ديسمبر ..

 

[Khalid-S]

قليل جدا رقم طلبات الوي فت .. خوفي نينتيندو ما تقدر توفر بالانس بورد بكمية كبيرة.

 

[Mario2]

رقم صغير بالنسبه للي توقعته انا من وي فت .. خوفي بس تصير ازمه بعد اول كم يوم من صدوره ويكون سولد اوت ..

لايتون اظن وصلت لذا الرقم بعد فتره والثاني بيحصلها باول اسبوعين .. الحين متى تاريخ صدور الجزء الاول في امريكا ؟

 

[Ammar_R]

الويي فت تلقاه بعد ماينزل بفترة الناس تشوفه وتعجب بيه .. ومنها سولد أوت على طول ...

 

[ryo hazuki]

انا مااعرف الكثير عن الويي فت اللهم من المؤتمر الاخير

مااعرف ليش احس انه شي لازم اشتريه !!
لذالك اتوقعله نجاح ساحق

 

[Super Shadow]

لا تقولوا أن مصيرها بيكون نفس مصير ماريو جالكسي :evil:

اليابانيين هذيل يبالهم تبكيس محترم :evil:

 

[Suzuki Yu]

ههههههههههههههههه على الردود الرهيبة عن ماريو اند سونك


دحين انتوا من جدكم ؟؟؟؟

ايش دخل سيجا في الموضوع ؟؟؟

سيجا لما تكلمت عن اللعبة والمبيعات , تكلمت عن الشي اللي يخصها وهو السوق الاوروبية والامريكية
سيجا مش الناشر للعبة دي باليابان , نينتندو هي الناشر


سيجا ماتوقعت الارقام الكبيرة بناءا على السوق اليابانية لانها خارجة من حسبتها


انا اللي متأكد منه ان السوق الاوروبية هي السوق رقم واحد اللي حتعمل ارقام خرافية مع اللعبة دي

 

[Tomb raider]

ههههههههههههههههه على الردود الرهيبة عن ماريو اند سونك


دحين انتوا من جدكم ؟؟؟؟

ايش دخل سيجا في الموضوع ؟؟؟

سيجا لما تكلمت عن اللعبة والمبيعات , تكلمت عن الشي اللي يخصها وهو السوق الاوروبية والامريكية
سيجا مش الناشر للعبة دي باليابان , نينتندو هي الناشر


سيجا ماتوقعت الارقام الكبيرة بناءا على السوق اليابانية لانها خارجة من حسبتها


انا اللي متأكد منه ان السوق الاوروبية هي السوق رقم واحد اللي حتعمل ارقام خرافية مع اللعبة دي

بس 4 ملايين ؟ قويه ...

 

[NSider]

طلبات Wii Fit عادية. النون جيمز كلهم يبيعون على المدى الطويل جدا، وبداياتها ما تكون قوية لكنها تستمر تبيع مع زيادة الناس اللي يشوفونها عند بعض أو يسمعون عنها.

 

[Nintendo]

هي كذا العاب نون قيمرز .. المحلات تطلب شحنة صغيره وتشوف ردة فعل الجمهور بالبداية واذا تقبلوها بيطلبون اكثر وخصوصا انه الوي فيت كرتونه كبير وبياخذ مساحه بالمحلات ( لول يوفرونها لالعاب الدي اس اصرف ) ..

نشوف وش راح تسوي الوي فت بالنهاية .. ولاننسى سماش بيناير يعني المفروض القيمرز يستحون على نفسهم شوي ويشترون اللعبه ..

 

[Mario2]

على ما اظن سيجا كانت تتكلم عن المبيعات العالميه للعبه وما شالله اول فلوب وصل للمبيعات اليابانيه .. يصير خير للمبيعات "العالميه " ..

 

[Nintendo]

سيجا مالها اي دخل بارقام اليابان حميد .. لمن تفشل اللعبه بامريكا واوربا تقدر تحتفل ( اموت واعرف وش قصتك مع سيجا !!! ) ..

 

[Super Shadow]

لووووووووول ، لا سيجا كانت تقصد أمريكا و أوروبا ، نشرها للعبة هناك يبين الشي هذا

عموما نتوقع لها مبيعات قوية نظرا لشهرة الشخصيتين و اللعبة عادي تبيع ان شاء الله لأنها حلوة مثل ما يبيها الفانز

سيجا مالها اي دخل بارقام اليابان حميد .. لمن تفشل اللعبه بامريكا واوربا تقدر تحتفل ( اموت واعرف وش قصتك مع سيجا !!! ) ..

عمر أنت ناسي أنه سيجا هيتر :yuck: ؟؟

 

[Mario2]

لول عمر .. ما فيها شي بس انا اشوف الهايب ضارب هنا وهناك واللعبه ما تستاهل من الاساس .. يعني بسبب انه ننتندو الناشر سيجا مالها علاقه بالارقام هممم .. اوكي انا بس ودي تجي ارقام اللعبه من اوروبا وامريكا ..

 

[Super Shadow]

واللعبه ما تستاهل من الاساس

اذا قصدك باليابان يمكن

بس في أنحاء العالم سوري
you are totaly wrong

اللعبة تحمل اسم أشهر شخصيتين

اللعبة عجبتني لأني سوبر فان ، و في سوبر فانز كثيرين غيري و بيكونون سبب زيادة مبيعات اللعبة ان شاء الله و خاصة أن الفانز أكثر الهيترز ، ألعاب سونيك معروف أنها دايما تبيع رغم مستواها المتواضع

 

[Nintendo]

اللعبه موعد اصدارها جدا غلط ..

يعني بنفس شهر صدور ماريو جالكسي وقبل الاولمبياد بفتره طويلة فمافي اي هايب .. وايضا وجود الوي سبورت مع الجهاز ووجود اكثر من لعبة تضم العاب ميني جيمز للجهاز ..

مادري اتوقع لو سيجا اجلت اللعبه للعاما لقادم واضافوا لها الاونلاين كان الهاردكور قيمرز تحمسوا لها اكثر .. ولاننسى طبعا نسخة الدي اس يمكن تحقق رقم كبير بالمستقبل وتصير بايعه 4 مليون بمجموع الجهازيين عالميا ..

 

[hussien-11]

صراحة اللعبة على الأرجح بتسوي شغل جامد بأمريكا و أوروبا ( ماريو & سونيك ) اللعبة جماعية و تنفع وقت الجمعات + تشبه وي سبورت الي لاقت شعبية كبيرة جدا .. بس مستوى اللعبة بكل صراحة متواضع أو متوسط على أحسن تقدير للأسف ، ما عجبتني أبدا

وي فت أنتظرها بشوق صراحة ، أحسها بتكون شي رهيب ، أتمنى ننتندو تستمر بقوة في مجال الأدوات التفاعلية بأجهزتها .. من زمان و انا اتمنى ألعب جيمز في البيت بنفس الإمكانيات و الميزات الي كنت أشوفها في صالات الأركيد .. و غير هيك أعتقد بتكون مسلية لجميع العائلة .
​

 

[Super Shadow]

اللعبه موعد اصدارها جدا غلط ..

يعني بنفس شهر صدور ماريو جالكسي وقبل الاولمبياد بفتره طويلة فمافي اي هايب .. وايضا وجود الوي سبورت مع الجهاز ووجود اكثر من لعبة تضم العاب ميني جيمز للجهاز ..

مادري اتوقع لو سيجا اجلت اللعبه للعاما لقادم واضافوا لها الاونلاين كان الهاردكور قيمرز تحمسوا لها اكثر .. ولاننسى طبعا نسخة الدي اس يمكن تحقق رقم كبير بالمستقبل وتصير بايعه 4 مليون بمجموع الجهازيين عالميا ..

ترا هذا الي مخوفني عمر :embarrassed:

اذا اللعبة ما باعت فهذا بسبب ماريو جالكسي ، بس لو أجلوها في وقت ثاني و يكون مناسب اللعبة عادي تبيع في نظري

عموما ، لازم سيجا تتعلم من الأخطاء الي كانت في نسخة الويي و تصححها في نسخة الدي اس

 

[hussien-11]

اللعبة عجبتني لأني سوبر فان

طيب انا أحب ألعاب ماريو و سونيك بشكل كبير بس مع ذلك هاللعبة بكل صراحة سيئة .. يعني حتى لو فان مش معناها الواحد يكون فان اعمى و يصفق لأي شي تنتجه الشركة الي يحبها صح ؟ 🙂

يعني بنفس شهر صدور ماريو جالكسي وقبل الاولمبياد بفتره طويلة فمافي اي هايب

خخ عمر احسن انه ما صارلها هايب لأنها ما تستاهل P: ، يعني حتى الأونلاين ما كان بيضيفلها شي لعبة مملة ، بس ماعتقد ماريو جالاكسي بتأثر فيها جالاكسي للهاردكورز اما هذي لعبة ميني جيمز ..
​

 

[Super Shadow]

طيب انا أحب ألعاب ماريو و سونيك بشكل كبير بس مع ذلك هاللعبة بكل صراحة سيئة .. يعني حتى لو فان مش معناها الواحد يكون فان اعمى و يصفق لأي شي تنتجه الشركة الي يحبها صح ؟ 🙂​

حسين ، ترا أنا فان أعمى لو تدري و أقولها بكل صراحة :yuck:

بس طبعا ما أفرض رأيي على غيري غصب عشان أقنعهم ، بس الواحد يكون شوي منطقي طبعا

اذا اللعبة ما عجبتك هذا رأيك و على العين و الراس

 

[hussien-11]

مو بس ما عجبتني سالم .. اللعبة بكل صراحة ذات ميزانية انتاجية رخيصة جدا و شبه خالية من الجودة ، و ما انكر انه فيها لحظات ممتعة .. بس شي يقهرك .. تمنيت المشروع الأول الي يجمع بين سونيك و ماريو يكون أضخم و اقوى بكثير لكن للأسف ..
​

 

[Nintendo]

المشكلة حسين عندك مثلا ماريو بارتي للوي .. جزء جدا سئ وبايخ وممل ولكن مبيعاته بالملايين .. يعني الهايب ممكن يجي من وجود ماريو وسونيك فقط على الغلاف ومستوى اللعبه مايفرق كثير 🙂

 

[hussien-11]

لول بالضبط عشان هيك أتوقع مبيعات جيدة للعبة بأمريكا و أوروبا ..
​

 

[Super Shadow]

تمنيت المشروع الأول الي يجمع بين سونيك و ماريو يكون أضخم و اقوى بكثير لكن للأسف ..

هو المفروض فعلا يكون شغل عدل ، يمكن تكون هذي مجرد بداية أو تجربة و يشوفون اللعبة شكثر بتنجز و ردة فعل ناس بوجود شخصيتين مع بعض للأول مرة ، و بعدين احتمال نشوف ماريو مع سونيك في ألعاب ثانية بمستوى أفضل ان شاء الله <tgman>

 

[Mista Koo]

طيب انا أحب ألعاب ماريو و سونيك بشكل كبير بس مع ذلك هاللعبة بكل صراحة سيئة .. يعني حتى لو فان مش معناها الواحد يكون فان اعمى و يصفق لأي شي تنتجه الشركة الي يحبها صح ؟ 🙂
​

+

تمنيت المشروع الأول الي يجمع بين سونيك و ماريو يكون أضخم و اقوى بكثير لكن للأسف ..
​

وفرت علي اللي أبي أقوله <tgman>

 

[Suzuki Yu]

مافهمت رأيك حسين ! ساعة تقول سيئة وساعة تقول متوسطة ! في فرق بين الاثنين

انا شخصيا اقول انها متوسطة وما كنت متوقع اكثر من كذا , بالنسبة لي هي امتع لعبة سبورت ميني جيم لعبتها so far

لعبة ميني جيمز اولمبياد رياضية ما اتوقع منها اكثر من كده , يعني برأيي سيجا قامت بدورها على اكمل وجه , انا لي مراجعة بسيطة مع اللعبة بعد ما أحللها وافك كل الرياضات