المبيعات اليابانيه ( فاميتسو - ميديا كريت ) لهذا الاسبوع 11-17 يونيو

[Final Fantasy]

الظاهر كان المفروض يسمونها Folks Soul Training علشان تبيع

الذوق الياباني -100000000

ما أقدر أتفق معاك أكثر ... فعلا الذوق الياباني وصل للقاع -_-"

 

[Mario2]

لا تلومون على ذوقهم دامه مستوى العاب الاربيجي نفسه في انحدار .. يعني نشوف القائمه اربيجي وعلى العاب ما تسوى يصير ذوقهم رهيب ..
+_+ ما فيه ارهب منكم ..

 

[Gon freeces]

تلومون على ذوقهم دامه مستوى العاب الاربيجي نفسه في انحدار

:\ , السنة الماضية تقول لا.

و جيم بلاي حق FS شكله عادي......

 

[hussien-11]

لا تلومون على ذوقهم دامه مستوى العاب الاربيجي نفسه في انحدار .. يعني نشوف القائمه اربيجي وعلى العاب ما تسوى يصير ذوقهم رهيب ..
+_+ ما فيه ارهب منكم ..

لول حميد انت مو عارف ، معليش بس شي ملاحظه بقوة هاليومين خخخخ

كل ما تفشل لعبة بالمبيعات يقولولك لازم عليها كلمة تريننج عشان تبيع ، خل الشركات تحسن مستوى ألعابها بعدين تكلموا :yuck: ( طبعا الكلام عام ) + البلاي ستيشن3 بكل حال قاعدته الجماهيرية للان ما تساعد انو العابه تبيع زي العالم و الناس .

 

[The Heartless]

فعلا عذر البليد مسح الصبورة

كل ما تفشل لعبة بالمبيعات يقولولك لازم عليها كلمة تريننج عشان تبيع ، خل الشركات تحسن مستوى ألعابها بعدين تكلموا

ممكن أعرف وين "البلادة" في فولكس سول ؟ وممكن أعرف وين السوء في مستواها ؟

اللعبة مو جابت 40/34 من فاميتسو ؟ ياترى هل المطلوب انها تجيب 40/40 علشان تبيع ؟

مااعتقد اني قلت شي غلط , السوق الياباني تغير عن السابق بكثير ولا مافي اي عذر ان لعبة مثل فولكس سول تبيع بالشكل المخزي هذا , اللعبة فيها كل المقومات الي "كانت من المفروض" انها تخليها تبيع , تقديرات وانطباعات جيدة . لعبة اكشن ار بي جي يعني مو FPS مثلاً علشان الجمهور الياباني يتركها , مانزلت بوقت متعارض مع ألعاب ثانية قوية على نفس الجهاز .

وماادري عن الي يقول ان قاعدة الPS3 صغيرة ! صغيرة اوكي لكنها مو 100 الف ولا 200 , بل مليون جهاز , ابي اعرف غير الي شروا ننجا جايدن سيجما ( 40 الف ويمكن تنتهي ب80 ) وغير الي شروا فولكس سول ( 7 الاف ويمكن تنتهي ب50 ) الباقي شقاعد يسوون بجهازهم ؟ 850 الف شاري الجهاز طماشة ؟

يصيحون من الصبح نبي ألعاب ونبي ألعاب ولما تنزل لهم الألعاب يخذلونها :slant:

 

[Mario2]

الجهاز ما يشغل العاب بس ولا انت نسيت ..

 

[Nintendo]

هارتلس فيه مليون سبب لنجاح لعبه وفشلها بغض النظر عن مستواها .. مافي هايب وحمله اعلانيه لها .. لعبه على جهاز سعره 600 دولار ..

عشرات او مئات الالعاب الممتااااااااازه ( طبعا فولكس سول لاتصنف ضمن الممتااااازه استنادا لتقييم فاميتسو ) ماباعت وذا الشئ عادي جدا .. اللي اشتروا الجهاز حاليا طبعا غالبيتهم هاردكور قيمرز وذول للاسف ماصاروا يشتروا غير سلاسل الالعاب المعروفه فقط الا من رحم ربي ..

 

[king zell]

أخ هارتلس.. لاحظ إن البلادة مش شرط بمطور اللعبة.. هذي تشمل أمور أخرى منها التسويق و الجهاز اللي نازله عليه مثل ما قال عمر


قارن مثلا بترستي بيل.. حملة إعلانية قوية.. بندل للعبة مع الجهاز.. تقييم قوي من فاميتسو


و في الأخير نجحت و حققت رقم قوي.. رغم إنها اسم جديد تماما و على جهاز غير محبوب في اليابان أبدا




هذا هو الفرق

 

[NSider]

المشكلة لو تنظر للمبيعات اليابانية لألعاب "الهاردكور" مباشرة قبل نزول الـDS وتقارنها بمبيعات نفس نوعية الألعاب في 2006 مثلاً، راح تشوف أنها ارتفعت!

الـDS وألعاب التريننج أنقذوا السوق الياباني، وأي واحد كان يتابع الوضع اللي كانت عليه مبيعات السوفتوير في 2004 وبداية 2005 يتفق معي.

 

[gray fox]

على فكرة ...حد شاف اعلان فولك سولز الياباني :

[YOUTUBE]http://youtube.com/watch?v=DuVlIr4SAKc[/YOUTUBE]


الوصلة للي ما يطلعله :http://youtube.com/watch?v=DuVlIr4SAKc

هههه ..أحلى شي آخر شي !

وعلى فكرة سعر اللعبة رخيص بالنسبة لباقي العاب الps3 في اليابان..5980 --> درهم 180
سيجما سعرها مثلا 7200 ين ( 220 درهم )

نشوف متى بيتعدل وضع الps3 في اليابان ... هالسنة أحس مستحيييل !!

 

[Khalid-S]

كأن الالعاب الي تبيع الحين بس البرين تريننق ... والباقي ما يبيع ابداَ.
المنتدى صار ممل جداَ. امر لا يطاق.