hits counter

اللي يلعبوا اكثر من 60 ساعة بالاسبوع اعطوني هذه القوة!

abdullah-kh

abdullah-kh

~KH ♥FFXIV~
اللهم لا حسد لكن يمر علي بعض المواضيع لبعض الألعاب اللي ما لها اسبوع إلا أشوف الشباب اللي طاق خمسين ساعة ولا قرب من السبعين واللي اكتسح المئة! الشئ افتقده لان يا دوب اكمل ساعة بيوم ولا بشكل متقطع يعني إذا كملت ساعة فبتكون مقسمة وكذا وأقصى شئ أوصله 3 ساعات بالويكند وذا اعتبره كثير أصلا

مدري هل العمر له تاثير؟ لان ماش ما صرت أستسيغ بعض الشغل بالعاب الحين ويالله اكمل الجد تلك الجلسات الطويلة المستدامة تحتاج حاجة غير عادية علشانها (لعبة لابو الكجم ممكن؟) لكن بالمجمل العام المتوسط ساعة باليوم وعلى مدار يومين يعني ساعة اليوم بكرة اوف وكذا
 
اللي عنده روتين ثابت وفراغ يمديه، غير جذي بالزور بتلحق تحصل وقت تلعب وانت مزاجك رايق.

وصحيح بعض الالعاب صار فيها تعقيد كأن قاعد تؤدي وظيفه بشكل منفر.
 
abdullah-kh قال:
مدري هل العمر له تاثير؟
أنقر للتوسيع...
مش العمر كثر ما هي الالتزامات. قبل الزواج والوظيفة عادي في أسبوع واحد نلعب +100 ساعة لكن بعدهم ما تقدر تعمل لك جدول ثابت يسمح لك تلعب بشكل مستدام مع كيف الحياة ممكن تطلع لك بمليون فعالية جانبية ما كنت محسب لها حساب. وحتى لو صارت لك فرصة رح تكون منهك في حالة يرثى لها ما تجيك ربع نفس تلعب ,_,
 
ماعتقد العمر له دور انا مثلا حدي ساعتين ثلاث ساعات في اليوم حتى في الويكند لو حتى العب لعبة سولز ولا عالم مفتوح.

انا حاط لي جدول مع لعبي هو اني بعد ماجي من الدوام العب الى اذان المغرب بعدها اقضي وقتي الاجتماعي مع اهلي او الشخصي كان رياضة او طلعات برا مع الأصحاب.
 
abdullah-kh قال:
اللهم لا حسد لكن يمر علي بعض المواضيع لبعض الألعاب اللي ما لها اسبوع إلا أشوف الشباب اللي طاق خمسين ساعة ولا قرب من السبعين واللي اكتسح المئة! الشئ افتقده لان يا دوب اكمل ساعة بيوم ولا بشكل متقطع يعني إذا كملت ساعة فبتكون مقسمة وكذا وأقصى شئ أوصله 3 ساعات بالويكند وذا اعتبره كثير أصلا

مدري هل العمر له تاثير؟ لان ماش ما صرت أستسيغ بعض الشغل بالعاب الحين ويالله اكمل الجد تلك الجلسات الطويلة المستدامة تحتاج حاجة غير عادية علشانها (لعبة لابو الكجم ممكن؟) لكن بالمجمل العام المتوسط ساعة باليوم وعلى مدار يومين يعني ساعة اليوم بكرة اوف وكذا
أنقر للتوسيع...

لانشيل هم سينسي هي واجد ظروف تلعب دور
هل انت فاضي لو لا
واذا انت فاضي هل لك مزاج لو لا
هل اللعبة كويسة كفاية اصلا ؟
هذي كلها عوامل تلعب دور
يعني في العاب هي كويسة لكن تجيك في وقت غلط او في العاب اصلا ماهي بالمستوى وزين انك تلعبها يعني عندك جاو ٢٠١٨ وهي مجانية اخذت اكثر من ثلاث اسابيع حتى اختمها من الملل حتى مرات حذفتها بس بعدين رجعتها قلت خلني اختمها واعطيها فرصة وبعدين حذفتها نهائي

وعندك العاب يعني متوسطة زي سايبربانك بس جتني وقت غلط واخذت عليها شهور حتى اختمها

المهم سينسي الساعات مو مرة مهمة وفي النهاية هي العاب
العاب واستانس وناظر اللعبة مو الساعة
وبس والله
 
نقدر نسويها ولكن بما ان الوضع فيه زواج ودوام
فيفضل ان اقضي وقتي مع الاولاد وخصوصا لما يكون قبل المراهقة افضل
من ما اتركه واروح بس العب بالساعات, بعدها تتحسف لما يكبرون مايعطونك ويه
لانك اساسا ماعطيتهم من وقتك, كما تدين تدان

عن نفسي اكثر الوقت العب الصبح اذا اجازة او leave والعيال بالمدرسة لمدة 3 ساعات والخ
او نص الليل بعد ماينامون وآخذ راحتي اذا مثلا اليوم اللي بعده اجازة او Leave او عندي مثلا شفت اول ليل

بس اذا تفكر فيها حتى لو ماكنت متزوج, فتخيل طول يومك بس لعب ويش الفايدة؟ مع الوقت
راح تصير stiff وبعيد الشر تتراكم عليك الكسل والامراض والخ, فالافضل الترتيب لكل شي
رياضة, لعب, برنامج, دوام, والخ

استغرب من اللي يلعب لعبة فوق ال 100 او 200 ساعة وبالنهاية كلها grinding اونلاين
يعني حتى مابتحصل شي اساسا بالواقع خخخخ, الوقت يضيع على ولاشي

KKjr9b.gif
 
بالنسبة لي المشكلة ليست في الوقت لكن في الأولويات. في كل مرة ألعب فيها لعبة فيديو أشعر بتأنيب الضمير بسبب أنني أشعر أنها إضاعة للوقت.
 
abdullah-kh قال:
مدري هل العمر له تاثير؟ لان ماش ما صرت أستسيغ بعض الشغل بالعاب الحين
أنقر للتوسيع...

انا اصغر منك ولا ماله دخل
مجرد ان بعض الالعاب تبغى تكون طويلة عشان تبرر قيمتها وتتفنن بتضيع وقتك على كم حاجة سخيفة

عاد اكثر شيء طيحني في تيكن اني دائما العب بشكل مستمر (او اتعلم)
ومابضيع وقتي بفيتش كويست وجزئية وكي توكي ماصخة
 
أنا ما أقدر أكمل ساعة من رزدنت ايفل ٤ ريميك، وهي جزئي المفضل في السلسلة وأكثر ريميك كنت متحمسة أشتريه.
في اللحظة اللي ابدأ فيها اللعب أفكر متى راح أوصل للتخزينة عشان أوقف.
هل هو فقدان شغف؟ فترة ركود؟ جيم بلوك؟

شيء مزعج الصراحة ويرفع الضغط
 
@Kain

بما انك فقدت شغفك لفترة بعدين رجع لك الشغف ياريت تقول لنا تجربتك الشخصية
 
  • أعجبني
التفاعلات: Eye
abdullah-kh قال:
مدري هل العمر له تاثير؟ لان ماش ما صرت أستسيغ بعض الشغل بالعاب الحين ويالله اكمل الجد تلك الجلسات الطويلة المستدامة تحتاج حاجة غير عادية علشانها (لعبة لابو الكجم ممكن؟) لكن بالمجمل العام المتوسط ساعة باليوم وعلى مدار يومين يعني ساعة اليوم بكرة اوف وكذا
أنقر للتوسيع...

اعتقد فترة وتعدي من عمر الانسان، تحتاج الى اجازة طويلة وعزم قوي ولعبة كويسة وترجع ايامك الذهبية. طبعا الكلام موجه لي في المقام الاول ساعات لعبي قلت بشكل رهيب اخر سنة ونص.
 
فترة لعبي مؤخرا بمعدل 3 إلى 4 ساعات لعب يوميا.

لكن Sea of Thieves قدرت تخليني ألعب بشكل ادماني مدد أطول بالفترات الأخيرة قد تقترب من المعدل المذكور ببعض الأسابيع.
اللعبة زي ألعاب الاونلاين عموما فيها جرايند لكن انا ما ألعبها عشان الجرايند بل عشان قد أيش الفورملا حقتها ممتعة ومتجددة من سشن للثاني وفيها شعور انغماسي قوي تنسيني أي شي من حولي... أحب دائما أرجع لعالمها ولا أمل من هالشي.
تجاوزت ال750 ساعة فيها منذ فبراير الماضي!

أعتقد العاب بريث اوف ذا وايلد و تيرز اوف ذا كينجدوم مريت برضوا بهذا الستويشن واللي يساعد أكثر هناك انها تجارب محمولة.


انت تحتاج فقط تلك اللعبة اللي عندها القدرة انها تنتشلك من عالمك لعالمها الافتراضي وتكون تجربة غنية وطويلة.
اللعبة اللي من قد أيش انت منغمس فيها ممكن تقصر في أشياء ثانية عشانها.
 
التعديل الأخير:
نصيحة ابتعد عن قوالب و العاب الضخمة او العاب الجديدة بصفة عامة
ورجع للالعاب قديمة
 
من واقع تجربتي تعتمد على الألعاب نفسها… إبحث عن الألعاب الي تشدك لعالمها و تسحبك من عالمك.

فيه ألعاب تصدر قصيره 10 ساعات و تظل معي أسبوع أخلصها… و فيه ألعاب طويلة لما تصدر يوميا ألعبها بشكل لا يقل عن 5 ساعات و حوالينها.
 
abdullah-kh قال:
اللهم لا حسد لكن يمر علي بعض المواضيع لبعض الألعاب اللي ما لها اسبوع إلا أشوف الشباب اللي طاق خمسين ساعة ولا قرب من السبعين واللي اكتسح المئة! الشئ افتقده لان يا دوب اكمل ساعة بيوم ولا بشكل متقطع يعني إذا كملت ساعة فبتكون مقسمة وكذا وأقصى شئ أوصله 3 ساعات بالويكند وذا اعتبره كثير أصلا

مدري هل العمر له تاثير؟ لان ماش ما صرت أستسيغ بعض الشغل بالعاب الحين ويالله اكمل الجد تلك الجلسات الطويلة المستدامة تحتاج حاجة غير عادية علشانها (لعبة لابو الكجم ممكن؟) لكن بالمجمل العام المتوسط ساعة باليوم وعلى مدار يومين يعني ساعة اليوم بكرة اوف وكذا
أنقر للتوسيع...

مابي اعطيك هذي القوة ، لان

With great power comes great responsibility

هي السالفة زي ما قال @بدر مزااااااااج

عندي خوارزمية بس عارف محد بيقرا فبخليها لنفسي
 
كل ما يتقدم الزمن كل ما عوامل التشتيت تزداد، المسؤوليات تكبر، الاختيارات للالعاب المناسبة تصير ادق ونطاقها اضيق، يوشيدا ينعطى مناصب اعلى بسكوير انكس.
فطبيعي تقل فترات لعبك.
اهم شي ابتعد عن روكت ليج عشان ما تحذف موضوعك اليوم الثاني @@
 
٦٠ ساعة بالاسبوع = ٨-٩ ساعات باليوم، هذي مستحيلة لي بأي ظرف مهما كان، كانت مستحيلة لي ايام المراهقة والاجازات والحين درجة اعلى من المستحيلة، حتى لما كنت احاول اخطط حولينها وافضي كل شي لكن مستحيلة فيزيائيا لي

ساعتين ثلاث معقولة، مش دائما تتوفر لكن ذا الطبيعي ولا تتحسس انك ما تقدر تجيب اكثر من كذا
 
The Praiseworthy قال:
من واقع تجربتي تعتمد على الألعاب نفسها… إبحث عن الألعاب الي تشدك لعالمها و تسحبك من عالمك.

فيه ألعاب تصدر قصيره 10 ساعات و تظل معي أسبوع أخلصها… و فيه ألعاب طويلة لما تصدر يوميا ألعبها بشكل لا يقل عن 5 ساعات و حوالينها.
أنقر للتوسيع...

هذا هو الكلام بالضبط.

تجيني فترات ما ألعب بالاسابيع .. وتجي أيام ألعب باليوم عادي ٣ الى ٥ ساعات اذا نزلت لعبة تستحق ( لعبة سولز / ريزدنت ايفل / سايلنت هيل )
 
MH MD قال:
٦٠ ساعة بالاسبوع = ٨-٩ ساعات باليوم، هذي مستحيلة لي بأي ظرف مهما كان، كانت مستحيلة لي ايام المراهقة والاجازات والحين درجة اعلى من المستحيلة، حتى لما كنت احاول اخطط حولينها وافضي كل شي لكن مستحيلة فيزيائيا لي

ساعتين ثلاث معقولة، مش دائما تتوفر لكن ذا الطبيعي ولا تتحسس انك ما تقدر تجيب اكثر من كذا
أنقر للتوسيع...

لو تترك الاشراف وتقلل نقاشات يمكن تلعب اكثر &@
 
انا من ٦ سنين قل لعبي كثير وحالة سايلنت هيل وريبرث حالات خاصة واستثنائية ماتصير الا كل كم سنة

يعني في 2022 كلها لعبت بس ثلاث العاب ولا حتى لعبتهم كثير
يعني بالعربي سنة كذا وسنة كذا الوضع عشوائي ومافي شي محدد او مخطط له بالضبط
الظروف هي الي تحكم وتخلق
 
انا اللي زاد لعبي مؤخرا هو كثرة ازالة الالعاب من البلاس اكسترا، كله احاتي يشيلونهم ::laugh::

الكريه في الموضوع ان السالفه تنقلب سبيد رن فما امخمخ عاللعبه وانا مرتاح
 
الصدق اشوف ناس مخلصين العاب ما تقل عن ٣٠-٤٠ ساعة في اسبوع واقول في نفسي لو انه ايش…

في نفس اللحظة، قاعد اتسائل كيف خلصت سبايدي ٢ بلاتينيوم في اسبوع ٥ ايام (اكثر من ٢٠ ساعة)
 
يجب تسجيل الدخول أو التسجيل كي تتمكن من الرد هنا.
عودة
أعلى