الله أكبر!! حجب مواقع عادية*TG محجوب* عشان مانفضحهم ومواقع الذعارة والفجور مايحجبوها

[Death match]

اخوي NSider كل شئ جايز بس مستحيل يكون الحجب عن طريق الشركة
عموما حتى لو كان الموقع محجوب شكو السيرفر يعطي رقم الخطأ و مكتوب The server is unreachable وهذي الرسالة طلعت لي مرة وانا بالكويت وتأكدت ذيك المرة ان المنتدى نفسه سوى على الاي بي بلوك وكل مستخدمين الاشتراك بالكويت طلع لهم نفس الشئ وتعدلة المشكلة من شالوا البلوك عن الاي بي

جايز يكون افتراضي خطأ ولكن ما اعتقد شركة بتلكو حاجبة الموقع

 

[ASWD]

اخوي NSider كل شئ جايز بس مستحيل يكون الحجب عن طريق الشركة
عموما حتى لو كان الموقع محجوب شكو السيرفر يعطي رقم الخطأ و مكتوب The server is unreachable وهذي الرسالة طلعت لي مرة وانا بالكويت وتأكدت ذيك المرة ان المنتدى نفسه سوى على الاي بي بلوك وكل مستخدمين الاشتراك بالكويت طلع لهم نفس الشئ وتعدلة المشكلة من شالوا البلوك عن الاي بي

جايز يكون افتراضي خطأ ولكن ما اعتقد شركة بتلكو حاجبة الموقع

بسام عشان احطك بالصورة..

اللهم اني مافعلت هذ اللا لغرض التأكد وليس لغرض المشاهدة او التمتع بمالايرضي الله..والله شاهد على ما اقول

فيه موقع وصخ محجوب ويمكن يكون هو الموقع الوصخ الوحيد اللي حاجبينه كونه عربي وكان منتشر بكثرة.بالمنتديات بأسم مزور او مخالف لمحتواه..وتم التبليغ عنه من اهل الخير وانحجب

اليوم المغرب حاولت افتحه يطلع لي نفس المسج هذ
504 Gateway Timeout
The following error occurred:

 A gateway timeout occurred. The server is unreachable. Retry the request.
Could not open error file 

انا عارف ومتأكد انه محجوب وسبق ان تطرقو اله بعدة منتديات محلية خصوصا انه كان يحمل اسم يوحي لمضمون اسلامي..لكن محتواه شي ثاني

عموما لما استخدمت موقع لبروكسي اللي ادخل بواسطته تروجيمينج فتح وبدون لبروكسي يطلع الك المسج الموضح اعلاه

فما ادري هي محض مصادفة ولا شنو.

عموما انا للحين انتظر ردهم على رسالتي اللي ارسلتها لهم اليوم الصبح..والى هذي اللحظة ماوصلني اي رد وما اظن راح يوصل..

كلمة احد قرايبي اللي يشتغلو هناك..للأسف وظيفته ما تساعده انه يطلع على مثل هالامور كون عمله محصور في قسم البدالة..قالي انه راح يحاول يعرف من اصحابه اللي يشتغلو بقسم خدمة السيرفيس نت وبيرد علي..ونشوف بعدها السالفة

شي ثاني حبيت اضيفه..احنا هني ماعندنا آي بي موحد*ان ماكنت غلطان*ويقدر محمد يتأكد من هذ الشي..من رقم الآي بي الخاص فيني ورقم الآي بي الخاص في ابو علي..ورقم الآي بي الخاص بدانتي..

 

[NSider]

Death match -- رقم الخطأ والرسالة من سيرفر باتيلكو، مو من سيرفر الموقع. أتوقع سببها هو أن المفروض أن البروكسي حق باتيلكو يحوله على صفحة الحجب، لكنهم ما سووا صفحة حجب جاهزة. فلما يبحث عنها ما يلاقيها، ويعطي الرسالة هذي.
على فكرة ASWD، الصورة الثانية اللي حطيتها تطلع بسبب الـcache المخزن في جهازك. لو تسوي ريفرش بدون cache (Shift+F5)، مستحيل تطلع لك، وراح ترجع لرسالة الخطأ (الحجب).
أنصحك تقوم وتروح أقرب فرع كبير لهم وتدخل على أكبر شنب هناك وتطلب منه تفسير. وإذا ما نفع، عندي لك حركة حلوة (جربتها على شركات ثانية).
شوف من هو المسؤول عن الانترنت في باتيلكو، واعرف أسم الشخص اللي تحته مباشرة. واتصل على رقم المقر الرئيسي للشركة، واطلب الشخص هذا مباشرة بالاسم (إذا طلبت رئيس الشركة أو رئيس قسم الانترنت على طول، احتمال كبير يفصلون الخط أو يصرفونك). وتكلم كأنك شخص مهم. وإذا وصلوك له، عرّف عن نفسك بهدوء شديد واشرح له المشكلة باقتضاب ووضح وجهة نظرك بطريقة غير هجومية وعطه المواقع اللي تبغاها تنفتح. واشرح له كيف تجاهلوك. صدقني بيسمعون كلامك وممكن على الأقل يفتحون TG.
بالتوفيق في حل المشكلة.
وعلى طاري الانترنت، اشتغل عندي الساتالايت أخيراً وبسرعات ممتازة!

 

[Humam]

وعلى طاري الانترنت، اشتغل عندي الساتالايت أخيراً وبسرعات ممتازة!

اهب !! ايييييييييي يووو ! صاروخ ! خلاص اقرا الفاتحة على الستلايت تلاقيه أصلا انفجر وانت تقرأ الرد !

لول.. الله يعطيك خيره و يكفيك شره, اذا انخرب عليك مو تقول هذي عيون همام ترى أمزح مالي صلاح !!

 

[Futrus]

لول الله ياخذ بتلكو أخيراً قدرت أدخل الموقع عن طريق وصله أكتب بعدها إسم الموقع وأدخله هذي الطريقه اللي نستخدمها علشان ندخل المواقع اللي تحجبها بتلكو امس ما نفعت لكن اليوم نفعت
أنا دريت عن هالموضوع عن طريق الأخ سترايف هو من البحرين قدر يدش تروجيمنج بالموبايل لأنه إشتراكه mtc مو حراميكو ،، لكن الغريب في الأمر شلون يحجبون تي جي ومايحجبون المواقع اللي فاضحه بتلكو عدل مثل batelco.info والثاني نسيت إسمه !!!!

 

[BioMario]

الصراحة ما شفت اوقح من شركات الأنترنت العربية .. هذا إلى عندي ..
لن الحمد لله شركة الأتصالات الأماراتية قوية جداً ما شاء الله ..
لكن متشدده ..

 

[Futrus]

لول حتى الوصله صارت ماتنفع ألحين أنا أدخل المنتدى من موقع البروكسي اللي حطاه أسود
للأسف خاصية الرد السريع ماتنفع مع هذه الطريقه 🙁 الله ياخذ الحراميه

 

[NSider]

وين راحوا الشباب؟ لا يكون سكروا البروكسي بعد !!

 

[Futrus]

وين راحوا الشباب؟ لا يكون سكروا البروكسي بعد !!

لا لكن البروكسي جداً بطيء 🙁

 

[NSider]

الحمدلله .. شفتكم مختفين اليوم.

الله يعينكم. وخذوا نصحيتي اللي عطيتكم إياها في ردي السابق.

 

[ASWD]

من بكرا شباب ماراح اكون متواجد خلاص بنهي تعاملي مع هالنصابين يعني هذي اخر ليلة اكون متواجد..وادعو ان الله يفرجها قريب

عموما رد علي قريبي بخصوص سؤالي او استفساري عن مسألة الحجب..وجوابه*استنادا على اللي قام بسؤاله*هو

مسألة الحجب بالشركة يعتبر شي شخصي مملوك لها ومايحق الى اي واحد يسأل او يطلع على المواقع اللي تم حجبها..اللا المسؤلين والمخولين بعمل هذ الأمر

وكمان استفسرت منه عن سالفة عدم ظهور رسالة توضح لي ان الموقع محجوب كعبارة*عذرا هذ الموقع محجوب* او غير متاح..قالي ان بتلكو ماتنتهج مبدئ التوضيح او التدليل على اسباب عدم قدرتك على فتح المواقع والوسيلة الوحيدة المتبعة هي*المسج الموضح اعلاه*لا غير

الله ينتقم منهم بالدنيا قبل الآخرة يارب تنكسر ميزانية الشركة وتفلس اليوم قبل بكرا..ويارب نشوف المسؤلين فيها بداية بالمدير الاجني ومرورا بجلاوزته المناصرين لخططه..مرميين بالمستشفى يتعذبو من المرض ويكون هذ عذابهم بالدنيا قبل الآخرة

 

[king zell]

هدي أعصابك أخوي ASWD ما تسوا السالفة

صراحة هو شي يقهر لا شك ردهم.. لكن ما نقول الا حسبي الله و نعم الوكيل


الله يسهل لك أمرك ان شاء الله في أقرب وقت

 

[NSider]

شدعوه يوسف لا تحرمنا وجودك !! استعمل دايل-أب وبروكسي !

 

[ASWD]

شدعوه يوسف لا تحرمنا وجودك !! استعمل دايل-أب وبروكسي !

الدايل آب عندهم مازال متخلف كمان..للحين نظامهم بالساعات في مايخص احتساب الاجرة

يعني راح يطلع علي اضعاف خط الدي اس ال

وفوق هذ انا صراحا خلااااااااااص ماعندي قدرة اواصل معاهم اكثر..كنت مخطط على ابقاء الخدمة الين ما يخلصو اخواني اختباراتهم نهاية شهر6 تقريبا..لكن ردهم على الاستفسارات خلاني انسى شي اسمه ابقاء خدمة

قول بس ان شاء الله تكون خدمات اوربت عندنا محترمة واسعارها مقبولة وبعون الله اكون خلال الكم يوم من ضمن مشتركيها

 

[persona]

يمكن عبالهم من المسمى موقع قمار ..

ترا بعض اللي يحجبون يحجبون من المسميات بس مايدشون ويشوفون الموقع ..

 

[ASWD]

شباب .دانتي وابوعلي.وستاريف..واي واحد من البحرين..ياريت تنضمون للبقية وتقطعو الخدمة.تصبرو شوي او اشتركو مع البديل اهون من ان تكونو مع هالنصابين

اليوم الساعة4 العصر رحت فرع بتلكو بدينة حمد..وقدمت طلب قطع الخدمة ودفعت كل المستحقات اللي علي الخاصة بالكم يوم اللي استخدمت فيها النت.*وماشاء الله* هناك قرابة 9 او10 رايحين لنفس الغرض.الله يزيدهم😛

مليت الفورمة وعطيتها الموظف..قالي عليك كذا مبلغ اجرة الكم يوم قلت له ابشر تفضل هذ هو المبلغ وسألته اذاكان فيه شي ثاني لازم اسويه.. قالي لا خلاص..طلبك راح يكون ساري المفعول بعد مرور 24 ساعة على تقديم الطلب.*يعني الى بكرا الساعة 4العصر*..سألته ليش..انتو ماكان نظامكم كذا قبل؟

رد علي وقال..هالقرار تم استحداثه مع نظام الخدمة الجديد..والغرض منه اعطاء فرصة للزبون لمراجعة قراره..يمكن يغير رأيه ويرجع الخدمة في هذي الحالة ماعليه اللا ان يتصل على رقم خدمة آي نت ويطلب منهم الغاء الطلب وفي الفاتورة القادمة راح يتم احتسام مبلغ اضافي قدره 5دنانير/50ريال..كتسعيرة ارجاع الخدمة ..قلت في نفسي يابوو قابلني اجل اذا واحد فكر يتصل..لغرض الغاء الطلب..قلت له مشكور ورجعت البيت

الحين انا مثل مايقولو العب بالوقت الضايع..جالس استخدم النت الين مايقطعوه بكرا..اقسم بالله ماخليت شي اقدر انزله واللا نزلته عاد احتاجه ولا ما احتاجه بس عشان استهلك اكبر قدر ممكن من المساحة قبل مايصير طلبي ساري المفعول..حتى المؤتمرات حق E3 الماضي جالس انزلهم تورنت..هاي كواليتي..مع اني منزلهم من موقع جيم سبوت وشايفهم..لكن بعد بنزلهم من جديد حتى لو ماكملو قبل ااقطع..برامج ما الي اي مصلحة فيها قاعد انزلها..مثل ادوبي فوتو شوب انا من عمري ما فكرت استخدم برامج تصميم بس بنزله بعد..نيرو اكس برس الاصدارة الاخيرة..عروض العاب نزلتهم قبل وشفتهم وشبعت منهم وحذفتهم..الحين رجعت وجلست انزل فيهم من جديد وفوقهم كمان عروض مومهتم لهم اصلا ولا ابغا اشوفهم بس كذا فضاوة

حتى الكمبيوتر يكح..من الضغط اللي عليه ويادوب افتح النت..قاعد انزل ملفات تورنت تقريبا 7 أو 8 بنفس الوقت ومقسمهم على 3 برامج تورنت وفوق هذ وصلات تحميل العروض من جيم سبوت وجيم تريلر.بايعنها على الآخر يعني هههههههههههههههههههههههههههههههه

 

[Pichi]

لول .. اي بايعها الا قاعد تحللها ..رهيب يوسف..

 

[Futrus]

لول يوسف 10 على 10

أنا إن شاء الله بقطعها في تاريخ 15\7 لأن الإنترنت ضروري جداً هالفتره علشان تسجيل الجامعه 🙂
أول خطوه بسويها في العطله إن بشترك في mtc بدال بتلكو للموبايل وقاعد أحاول أقنع أبوي والبقيه إن يسوون نفس الشي لكن للأسف محد راضي 🙂

 

[ASWD]

لول .. اي بايعها الا قاعد تحللها ..رهيب يوسف..

لووووووول احمد ولاتزعل😛

بايعها..كوني خلاص انا محسوب على اني من غير المشتركي بالخدمة ولاراح ادفع شي بسبب استخدامي النت حاليا

ومحللها..لاني ابغااطلع حرتي شوي ولو انه ماراح تكفي هالعفسة اللي قاعد اسويها الحين

راح اشتاق لكم بعد مايقطعوه بكرا

لوول دانتي ماعندك بدائل..مثلا مقهى نت..او واحد من اهلك ولا ربعك عنده لاب توب .تقدر تستخدمه؟..لأن كثير من مقاهي الشيشة حاطين واي فاي بالمقهى والزبون يقدر يستخدمه لما يروح يشيش او حتى يشرب شاي ولا ياكل سندويش..والاستخدام ببلاش بعد

عندي مقاهي شيشة ثنتين فيهم واي فاي اذا كان تقدر تدبر لاب توب راح ادلك عليهم..روح اجلس ويا ربعك وشيشو ان كنتو تدخنون او اجلسو اشربو شاي او عصير ولا تعشو هناك وقزروها على النت هناك😛

 

[Ahmed]

لول هذي الشركة غبية 😕 تاركة مواقع مثل batelco.info و منتديات مملكة البحرين (عدد رزوارهم البحرينيين ضخم!!) ورايحة تحجب موقع عدد الاعضاء البحرينيين فيه يمكن مايتجاوز العشرة...؟😕

حالياً اتصفح الموقع بالبروكسي 🙁

 

[Strife]

الموقع ينفتح عادي :bigSmile: الظاهر انه الشركة كان عندها خلل في الخدمة..😀اً

 

[Futrus]

الظاهر شباب ظلمنا الشركه لأن هي مثل ماهو واضح ماحجبت الموقع لأن المواقع اللي تحجبها تكتب فيها
403 Forbidden
The following error occurred: Access denied by access control list.
Could not open error file

الظاهر مقدم الخدمه السيرفر لتروجيمنج كان مسوي بلوك آي بي بحريني وشاله ألحين 🙂


سترايف*ادخل أونلاين أبيك ضروري *