hits counter

اللغة العربيزية

  • بادئ الموضوع بادئ الموضوع Humam
  • تاريخ البدء تاريخ البدء
الحالة
مغلق و غير مفتوح للمزيد من الردود.
Humam

Humam

True Gamer
أكيد مر عليكم فئة من الناس تتعمد إن هذي اللغة الجديدة تكون لغة الحديث أو الكتابة الخاصة بهم.. تلقى الواحد فيهم يتكلم عربي شوي يرمي انجليزي وبعده يغير الموجة ويرجع للعربي.. مثال:

سمير: اليوم رايحين نعمل Shopping ها حتيجي معانا ؟
صفوت : لا والله ما أقدر احنا tonight عاملين Party
سمير: oh sounds great.. طيب متى الParty ؟
صفوت: والله we have not decided yet
سمير: طيب انت كدة عملت لي confusion تقول حتعملوا Party و مش محدد الوقت وما تبغى تجي نعمل Shopping
صفوت: ايوة بس أنا خايف ما يكون عندي الluxury اني أعمل Shopping قبل ما أتجهز للParty

لول هذا مثال من تأليفي طبعا..لكن بصراحة هذا الأسلوب يخلي تعابير وجهي كدة
Indifferent2.gif


نفسي أفهم ليش طيب.. يعني هي كولنة ( الفعل الي يخليك كوول ) والا الوالد عربي والأم أجنبية وفيه تضارب والا ايش بالضبط..

عن نفسي ما عندي مانع إن الواحد يدخل كلمات أو مصطلحات انجليزية في سياق الحديث اذا كانت الكلمة مدرجة حديثا و مافي معنى عربي دقيق لها أو ممكن ما يفهم اذا ترجمته بالعربي ( مثال : التكستشرز في انشارتد مذهلة ), أو اذا كانت الكلمة انجليزية والدارج بين الناس استخدامها بنفس اسمها الأصلي ( مثال: الإنترنت شغال لكن المسنجر مو راضي يفتح معاي )..

وهذا الشيء غالبا يكون في مسميات الأشياء.. لكن ان السالفة تصير مسخرة ويجيك شخص يتكلم جملة الاسم فيها عربي و الفعل الانجليزي والمفعول به عربي واسم الفعل انجليزي هذا بصراحة كلام فاضي وحركة في منتهى الهبل :sarcastic:
 
بصراحة i agree همام.
 
والله I whole-heartedly agree مان.

مثل ماذكرت إكزاكتلي, في كلمات دارجة مقبولة, but تصير الشغلة استهبال من جد تخليك كذا
sickk.png


حاجة كونفيوزنج صراحة.
 
NSider قال:
بصراحة i agree همام.
أنقر للتوسيع...
Xeno قال:
والله I whole-heartedly agree مان.

مثل ماذكرت إكزاكتلي, في كلمات دارجة مقبولة, but تصير الشغلة استهبال من جد تخليك كذا
sickk.png


حاجة كونفيوزنج صراحة.
أنقر للتوسيع...
:laugh::
==
مو مشكلة لو أحد يسويها مرة أو مرتين خلال محادثة كاملة... بس تقهر إذا زادت

الصراحة كنت متوفع الموضوع عن اللي يكتب في المسنجر و المنتديات عربي بالانجليزي:
wallah ana zahgaaan
^أكره حاجة على الاطلاق -__-
 
اوكي المثال الي حطيته يا همام I think it's مرة مبالغ فيه !!

هو شف .. انا مرات للاسف تطلع معي (ولاحظوها ناس ! ) .. بس بصراحة عندي عذري (ولو انه مرة غريب -_-) ..
لما اتكلم واعطيك جمل .. "مرات" .. الكلمة العربية الي ابقولها تضيع من راسي في لحظتها XD . والغريب اني اكون متذكر الكلمة الانجليزي .. فبدال ما اقعد اقول " وش اسمه .. آآآآه .. وش اسمه ....." .. أقول الكلمة بالانجليزي والسلام عليكم .

طبعاً زي ما قلت ما تصير كثير ولله الحمد , ولكن تصير .. واذا صارت .. ياليت محد يكرهني 🙁
 
لول يوسف و زينو.. i agree كمان معاكم ومن ناحية confusing هي صراحة very confusing :laugh::

كيزوكو الموضوع ما خرج عن نفس السالفة.. كلهم في الهوا سوا وداخلين في اللغة العربيزية :wow:
 
ههههههههه حاجة ودي أتكلم عنها من زمان ، قسما بالله شيء يرفع الضغط بقوة ، اللغة العربية لغة فيها الكثير من الكلمات وواسعة النطاق وأجمل بكثير من غيرها ، اللغة العربية بحر .. وفيها من البلاغة والفصاحة والقواعد ما لا يمكن للمرء إدراكه ويكفي أنها لغة القرآن الكريم .

المشكلة زي ما تقول يا همام ، ما تدري ليش هالفئة من الناس تتكلم بهذا الشكل ، مادري كولنة وإلا ويش بالضبط ؟! ، أكثر الناس اللي من هذه الفئة أكرههم وأشكالهم ما تعجبني .

شخصيا لما أتكلم بيني وبين أصحابي .. يكون كلامي نصف عامية ونصف فصحى ، وأتخيل نفسي لو كنت مسافر لبلد أجنبي ووياي أحد مستحيل أتكلم عامية .. وقتها كلم أصحابك/أهلك بالفصحى وما عندك أحد XD ، ... آخ يا حزني على اللغة العربية .. اتمنى لو يرجعوا الناس يتكلموا فصحى : ( .
 
لول اجل ايش تقول على واحد اتعرفت عليه بالمعهد , قلت له السلام عليكم قال لي hey homey wazzaaaap ?? قلت لحالي اوبس شكله مو عربي , قعدت اتكلم معاه بالعنجليزي ..بالاخير اسأله من وين انت ؟ يجاوبني dude i'm palestinian and used to live in jordan !! انا صار وجهي هيك :yuck:::what::innocent:: !! صحت فيه طيب يا عربي يا ابن عربي اتكلم عربي شومالك ؟؟ ...قال هيك أحسن مافي داعي للعربي :yuck:::yuck::!

أنا بالحقيقة بحب ادخل المصطلحات الاجنبية لما يكون استعمالها مضحك او توضيحي أكثر من العربي ..مثل I'm down for it..slow minded...NoOooOBz...yeah whatever-_-...overloaded...الخ

لكن alkalam bihazih al6areqah majnon and ma a7iboh :sarcastic: ..
 
أعرف كثير ناس يستخدمونها مو بس علشان يطلعون " كول "
يستخدمونها لان لغتهم الأساسيه هي الإنجليزي
في بعض الاحيان لما يتكلمون عربي انا اجلس ضااايع ما افهم عليهم على سبيل المثال " انت ساكن في دمام ؟!!! " ...... وين " الـ " التعريف يا بو الشباب :what::what:
ولا يجي يقولي " هذاك اللعبه لقيته مره رهيب " ..... طيب خبري اللعبه مؤنث انا :what::what:
و ما احلف ان فيه واحد مره بيجمع لي " جمل " قال " جملات " ... انا خبري حتى " الناقة " ما تنجمع " ناقات " :surprised::surprised:
في هل اللحظه اسمح له و من اعماق قلبي انه يحذف كلمات انجليزيه على كيف كيفه اهم شيء افهم
 
 
لوول .. من جد هذي الحركة بدت تنتشر بشكل كبير في الفترة الاخيرة!! .. وفعلا اقرب تصور لهذا الموضوع ان الشباب يبغون يخلون انفسهم "كووول"

يستخدمونها لان لغتهم الأساسيه هي الإنجليزي
أنقر للتوسيع...

هذولي موضوع ثاني يا عزيزي .. اعتقد المقصد من الموضوع اللي لغتهم الاصلية عربية ومسوين نفسهم cool ! :xd:
 
واللي دراسته بالانجليزي، وكل شي يتمحور فيها بالانجليزي. شسوي؟
او اذا مرات خانك التعبير في العربي، وكان اقرب لك (اقرب على لسانك طبعاً) تقولها بالانجليزي. شسوي بعد؟

لكن طبعاً انا معاكم ان فيه فئه من الناس، تستخدم هالكلمات عمداً مرات لمجرد الـ"Show".

وارجع اقول "عموماً"، في الكتابة نادر ما تلقى هالفئة، تلقاها يا تتكلم انجليزي او عربي، اما في الحديث، ولأن اسرع من الكتابة، فدخول كم كلمة عرض بالانجليزي مافيها شي ترا!

والعولمة شغاله ترا مضبوط في المجتمع العربي، الخليجي بالتحديد. فهالظاهرة هذة عادية.. لا تنسى ان لغتنا الثانية بعد العربية هي الانجليزية.

والمهم ان الفكرة توصل ان شاء الله لو تتكلم هيروغريفي، دام فاهمك.. كويس! P:
 
اوكي المثال الي حطيته يا همام I think it's مرة مبالغ فيه !!

هو شف .. انا مرات للاسف تطلع معي (ولاحظوها ناس ! ) .. بس بصراحة عندي عذري (ولو انه مرة غريب -_-) ..
لما اتكلم واعطيك جمل .. "مرات" .. الكلمة العربية الي ابقولها تضيع من راسي في لحظتها XD . والغريب اني اكون متذكر الكلمة الانجليزي .. فبدال ما اقعد اقول " وش اسمه .. آآآآه .. وش اسمه ....." .. أقول الكلمة بالانجليزي والسلام عليكم .

طبعاً زي ما قلت ما تصير كثير ولله الحمد , ولكن تصير .. واذا صارت .. ياليت محد يكرهني
أنقر للتوسيع...

أنا أسوء شكل لهذي الحالة لول , خصوًا بالحياة لمن ما تقعد المفروض ما تقعد تفكر لمدة طويلة قبل لتقول أي شي -_-, بس قلت معي شوي شوي.
 
همممم عادي بالنسبة لي، خل الناس تتكلم بالطريقة اللي تعجبها.
 
شاف اول ردين بعد رد همام ... فهم السالفه
 
100%
Humam قال:
ما عندي مانع إن الواحد يدخل كلمات أو مصطلحات انجليزية في سياق الحديث اذا كانت الكلمة مدرجة حديثا و مافي معنى عربي دقيق لها أو ممكن ما يفهم اذا ترجمته بالعربي
أنقر للتوسيع...
هذي النقطة بس لو الكل يعيها نعيش بسلام ..
في ناس تسيء فهم الآخرين عند استعمال مصطلحات لا تجد لها مرادف بالعربية 100% _-_

أحيانا تضطر انك تستخدم كلمة انجليزية حتى توصل فكرتك .
 
فعلاً ..
للأسف أنا بعض المرات أسوية لكن قليل جداً جداً ..
أعرف ناس شخصياً يتكلمون عربي على أنجليزي الصراحة الطبع هذا مع أحترامي للكل في منتهى القرف وهذي حقيقة
يعني الواحد يايتكلم عربي كامل او أنجليزي كامل وعلى فكرة شباب في ناس كثيرة يسوون هذا الشي وبالعمد
شيء جداً يقهر
 
عمر اخاف السالفة الي فهمتها تخلي موضوعي يتسكر ( كالعادة )..مشكلة اذا كل موضوع انزله لازم يتفسر 600 مليون تفسير.الموضوع طرأ على بالي و انا في الجامعة رجعت البيت و نزلته فقط لا غير..

بالمناسبة.. يبغالي أسوي موضوع ثاني عن الأخطاء الشنيعة في الانجليزية.. اليوم المحاضر يدرسنا اقتصاد هندسي و ينطق كلمة commercial " كوميريكال " لول.. كاااارثة :sarcastic:
 
لول همام انت اسوء واحد يشوفه يقرا الفهم الداخلي للانسان ..
 
Humam قال:
بالمناسبة.. يبغالي أسوي موضوع ثاني عن الأخطاء الشنيعة في الانجليزية.. اليوم المحاضر يدرسنا اقتصاد هندسي و ينطق كلمة commercial " كوميريكال " لول.. كاااارثة :sarcastic:
أنقر للتوسيع...
هذي بلوة و للأسف موجودة بشكل خرافي بين دكاترة الجامعات !!

هممم , يلي ببالي الآن ..
دكتور ينطق ..
Bone = بووووون ((بضم الشفتين تماما كأنك قاعد تقول لووووول))
Lobule = لوبوووول ((نفس الحالة))
Artificial = آرتي-فيشياااااااال

و يومي يومي محاضرات , و لازم نفهم لغة كل دكتور حسب مكان تخرجة و كيف "هو" حفظ الكلمة >_>

و الله بدأت فعلا أحس انهم بدؤوا يخربوا اللغة الصحيحة يلي في مخي ×_×
 
المشكلة ان حياتنا كلها متأثرة بالانجليزية

يعني الفيديو جيمز + النت + التلفزيون وبرامجه كلها انجليزي

اكيد راح نتأثر فيها ونطبقها بحياتنا

واصلا الاعلام العربي بكبره ما يعرف يستخدم لغة عربية فصحى سليمه ..

وانا ما عندي مشكلة طالما كانت وسيلة للتعبير + عدم المبالغة والتصنع
 
لول تصير لي كثير (انو ناس يقولون لي ليش تكتب كذا) أنا بصراحه دايم أتكلم انجليزي بالماسنجر بس مع الناس الي ما يفهمون علي أتكلم Arabish وحتى يقلقوني فيها .. في النهاية أنا أتكلم بالطريقة الي ابغا أتكلم فيها .. يعني ما أدري ليش ترفع ضغط الناس ؟ .. بالذات للناس الي متعودين على الـEnglish Language من الألعاب والأفلام وغيرها .. بعدين في ناس يحسون انو هذا الشي مو وطني وما ادري ايش .. أنا (وكلنا أتوقع>.>) نتكلم عربي بالطبيعيه So what's the harm of talking in English online ?
 
Zero_IYAD قال:

أحيانا تضطر انك تستخدم كلمة انجليزية حتى توصل فكرتك .
أنقر للتوسيع...

Gon freeces قال:
أنا أسوء شكل لهذي الحالة لول , خصوًا بالحياة لمن ما تقعد المفروض ما تقعد تفكر لمدة طويلة قبل لتقول أي شي -_-, بس قلت معي شوي شوي.
أنقر للتوسيع...

Golden_Sun;402299 او اذا مرات خانك التعبير في العربي، وكان اقرب لك (اقرب على لسانك طبعاً) تقولها بالانجليزي. شسوي بعد؟[/quote قال:
شكراً لكم .. ريحتوني -_-
أنقر للتوسيع...
 
الأرابيش أسوأ من العربيزية في رأيي. مزعجة. إذا ما تقدر تكتب حروف عربية تدرب على الانجليزي شوي على الأقل..
 
*كتب رده قبل ما يشوف الردود* ما أدري ليش الناس يحسبون اذا الواحد تكلم English يصير كول ؟ .. بهذا العصر مفروض أي واحد يقدر يتكلم بالـEnglish مو لأنها كوول لأنها أكثر لغة مستخدمة بالعالم (وأكيد عارفين هذا الشي) عاد اذا جا واحد وقال طيب بس ليش ما تستخدمها بالأوقات الي تحتاج تستخدمها؟ زي ما قلت قبل بالنسبه لي هذا الشي راجع للشخص نفسه (u ppl like to judge ppl for anything) والي يتكلم English عشان يسوي نفسه "كوول" .. لول .
 
^ الكول ما يحس بنفسه وهو يحاول يصير كول , لأنه في نظره هو كول مسبقاً 🙂
 
هو شف .. انا مرات للاسف تطلع معي (ولاحظوها ناس ! ) .. بس بصراحة عندي عذري (ولو انه مرة غريب -_-) ..
لما اتكلم واعطيك جمل .. "مرات" .. الكلمة العربية الي ابقولها تضيع من راسي في لحظتها XD . والغريب اني اكون متذكر الكلمة الانجليزي .. فبدال ما اقعد اقول " وش اسمه .. آآآآه .. وش اسمه ....." .. أقول الكلمة بالانجليزي والسلام عليكم .
أنقر للتوسيع...
خخخ تصير معي، بس مو كثير.
 
ماتفرق معي اذا كانت قليله

مو يجي الواحد يقلب كل لهجته كذا...
 
الحالة
مغلق و غير مفتوح للمزيد من الردود.
عودة
أعلى