E3 اللعب أون لاين يتطلب اشتراك في البلاي ستيشن 4.

[FARES_]

..

لحظه لحظه... اشتراك شهري؟؟؟

انا ما عندي مانع ادفع لأني اساسا من اصحاب الأكس متعود ادفع للأون لاين لكن شهري شسالفه !
ابي دفع سنوي يا رجل وخلاص... اتمنى فيه دفع سنوي

 

[MaxPro]

لحظه لحظه... اشتراك شهري؟؟؟؟!

انا ما عندي مانع ادفع لأني اساسا من اصحاب الأكس متعود ادفع للأون لاين لكن شهري شسالفه !!
اي دفع سنيو وخلاص...... اتمنى فيه دفع سنوي !

نعم الاشتراك سنوي لكنه يعادل 5 دولار في الشهر.

 

[bXNmbQ==]

أكيد للأكاونت .............. مثل البلاي ستيشن 3 الحين !!ايش قصدك بالظبط......... والله مني فاهمك ؟؟

بالفيتا لك اكاونت واحد

 

[MaxPro]

سؤال غريب شوي
لنفرض اني اشتريت لعبة دستني وانا غير مشترك في البلس فكيف راح العبها ؟!
الا اذا العاب الاون لاين يجي معاها اشتراك بلس.

اعتقد انها لعبة اونلاين فقط؟ اذا صحيح فماتقدر تلعبها الا اونلاين واللعب اونلاين يحتاج اشتراك بالبلس، معناه نعم بتضطر تشترك لو تبيها.

 

[Wild Fox]

اونلاين + بلس = Sold
اي واحد جرب البلس يقدر يعرف قد ايش هو مفيد و محافظ للجيب

 

[JOKER MASK]

سؤال جانبي اشتركات أوربية تنفع لكونت السعودي إذا لا بحول لأمريكي " الحمد الله ناوي أحاطه أساسي "

 

[ASWD]

بلا ايجابي بلا بطيخ سحقا لهم هذي اسوئ خبرية بالنسبة لي احنا شاردين من نصب مايكرو تجينا نصبة جديدة من سوني ياعاااااااالم الاونلاين من يومه مجاااااان على اي اساس يحولونه بفلوس تعسا لهم الحرامية.انا ما ابغى لبلس باي وجه حق تجبرني اشترك بشي انا ما افكر فيه حاليا عشان احصل على شي من حقوقي.طزززز فيهم عني مالعبت اونلاين ولاد ال#٪^*٪#^٪٪

من جد انا محبط حتى النخاع بسبب هالنصبة وكل اللوم على مايكرو السارقة لولا سياستها بجعل اللعب اون لاين ممكن ما شفنا هذ التوجه من النصابة الثانية سوني حريقة تحرقهم 🙁 🙁

 

[Sir Guts]

عن نفسي ما عندي مشكلة. دام سوني بتقدم لي خدمة ممتازة، ادفع ليش ما ادفع؟

 

[14/08]

شكرًا لمايكروسوفت وفانز الإكس بوكس لايف على تطبيلهم المستمر 🙁
ياشباب سالفة ادفع علشان تلعب في حاجة أنت بالأساس دافع فلوسها صراحة مافيها أي منطق !
فلما تشتري اللعبة ان تدفع فلوسك لكامل مميزات اللعبة فلما تجي سوني وتقولك لا ماراح تلعب بهذي الأشياء إلا إذا دفعت لنا تحس بحجم النصبة !!
الحين كيف لو تشتري لعبة أونلاين أونلي مثل ديستني و فاينل فانتسي 14 ؟!

 

[Rain]

^
بس انت مارح تأخذ أونلاين وبس .. في ألعاب بالهبل كل شهر و في خصائص جميلة تضاف للخدمة .

 

[14/08]

^^
عارف هالشيء لكن يظل اجبار المستخدم على شيء ما افتنع فيه خطأ فكيف لو كان الإجبار بدفع فلوس !
صراحة كنت مبسوط لسوني بوقت البلاي ستيشن 3 وهذا لما كانت سوني تجذب اللاعبين للبلس بالخدمات و الحصريات و الألعاب المجانية فهذا كان التوجه الصحيح ومثل ما تشوف سوني مبسوطة من عدد المشتركين ونجاح البلس فليش الطمع ؟!

 

[Sir Guts]

ودي اعرف ليش شايفين موضوع الأونلاين ببلاش؟ طيّب لو تشوفونها من منظور آخر، ترى انت مو خسران اي شي

راح تدفع اشتراك صح؟ طيّب كم لعبة مجانية بتحصّل؟ غير خدمات البلس الرهيبة و التخفضيات...الخ

دام الخدمة تستاهل، ليش الواحد يستكثر يدفع كم؟ 200 ريال سنويا؟ ماشوفها مشكلة نهائيا و بالعكس خطوة ايضا ممتازة

 

[Dark Master]

سوني أكيد تبيع الجهاز بخسارة فكذا ممكن يعوضو الخساير

 

[AKUMA]

اهم شي يوفرون ستور كويتي من البدايه مع اللنش ويبيعون بطاقات النتورك بمحلاتهم ومعارضهم الرسميه بنفس سعر البطاقه لاني مستحيل اشتري بطاقه ال 10 دولار ب 7 دنانير لوول

 

[Sir Guts]

اهم شي اللي يقول شكرا لفانز الـXBL على التطبيل المستمر

اي تطبيل؟ خدمة ممتازة الجيل هذا ادفع لها و انا مقتنع. وين التطبيل؟

مدح الشي الممتاز مو اسمه تطبيل يا اخ 14/08 .. كفاية دراما زايدة و مسلسلات مكسيكية

 

[ASWD]

معليش رين ومشاري الكلام اللي انقال على سياسة الاجبار اللي اتبعتها مايكرو مؤخرا مثل اتصال الكنكت بالجهاز على طول حتى لو تقدر تطفيها.السؤال ليش تجبرني على شي انا ممكن ما ابغاه وخصوصا انه مجاني وانا دافع قيمته مسبقا يوم شريت اللعبة ليش تربط هذ بهذ مع انهم منفصلين هنا السؤال

 

[Sir Guts]

لأن سوني تبي تعوّض عن خساير بيع الجهاز بـ400$ بالأونلاين + ياخي انا ماشوف الإشتراك بذاك المبلغ التعجيزي

اوكي فكرة اني اجبرك على شي غلط. لكن لما اجبرك على شي لكن فالنهاية انت الربحان وين المشكلة ياخوي؟

 

[Tiger]

سؤال الحين أنا مشترك في البلس الاشتراك بيكون موجود معي في ps4 ولا لازم اشتراك جديد

 

[Rain]

معليش رين ومشاري الكلام اللي انقال على سياسة الاجبار اللي اتبعتها مايكرو مؤخرا مثل اتصال الكنكت بالجهاز على طول حتى لو تقدر تطفيها.السؤال ليش تجبرني على شي انا ممكن ما ابغاه وخصوصا انه مجاني وانا دافع قيمته مسبقا يوم شريت اللعبة ليش تربط هذ بهذ مع انهم منفصلين هنا السؤال

شوف انا ضد فكرة الاونلاين المدفوع .. لكن بما أنهم استخدموا البلس عشان يقدمونها فالسالفة أهون..بالنسبة لي الاشتراك بالبلس هو الأساس و الاونلاين اضافة ..لكن، اقدر أتفهم وضع الي مو عاجبته السالفة.. هي حركة غبية من سوني .

 

[Sir Guts]

سؤال الحين أنا مشترك في البلس الاشتراك بيكون موجود معي في ps4 ولا لازم اشتراك جديد

بيكون معك

 

[ASWD]

مشاري الخساير تتعوض حتى من عدد الاجهزة المباعة ففترة زمنية محددة او تطلعها من خدمة لبلس اللي هي فالاساس ناجحة جدا وبتكمل النجاح والانتشار اكثر مع او بدون اللعب اونلاين.اللي بيتضرر هم الناس اللي تدور الملتيبلاير فقط وراح تجبر انها تدفع فلوس على شي ماتحتاجه او ماتفكر فيه او الخ.حقيقة مو شايف سبب مقنع لهذي الخطوة الطماعة

 

[The Doctor]

إذا أحد سألكم ليش مهتمين، أو كيف الDRM و الalways-online يأثروا عليكم... راووهم هالموضوع.

مايكروسوفت أثبتت إنها تقدر تتطلب إشتراك عشان الأونلاين، الXBL Gold مرة ناجح... و لما الأشياء و "الخدمات" تنزل و تنجح، تصير industry standard.

 

[Dark Side]

تشترك اشتراك واحد لجميع اليوزرات يوشيدا وضحها مو اشتراك واحد يوزر واحد

 

[T i d u s]

بسيطة إذا هذا أسوأ شي صار في المؤتمر .. جهاز يشغل المستعمل، فري ريجن، ما يحتاج نت عشان تلعب، أرخص من غيره بفارق كبير، جهاز موجّه للهاردكور، خدمة بلس ممتازة (ألعاب مجانية وخصومات تغطي إلي دفعته وأكثر)، ألعاب طرف أول ما يحتاج،، بالله وش أبي أكثر من كذا ؟!

 

[DaRcK]

هو النت هنا مجاني... يعني تقدر تتصفح و تتفرج على برامجك من الابليكيشن يالي موجود عندك بدون اي اشتراك.

لكن عشان تلعب الالعاب اونلاين لازم تشترك في خدمة بلس . و اعتقد سبب دفهم الى هذا هو انه نسبة كبيره من اصحاب ps3 بيشتركوا في هذه الخدمة فعشان كذا خلوها ميزه لهذه الخدمة.
طبعا الخبر سيء..... لكن ليش ما نحاول نطلب منهم ايضا ارجاع الخدمة ببلاش؟

انا قريت خبر بس مش عارف ايش كان يقصد لكن حسابك يالي تشترك فيه الخدمة راح تقدر تستخدمه في كل الاجهزة الاخرى. و ايضا اشتراكك في البلس راح ينتقل من ps3 الى ps4

 

[COOL&DANGER]

مشترك سنتين ومستعد اجدد 6 سنوات قدام الخدمة ذي تقدم اكثر مما تاخذ واسأل مجرب .

 

[CODE-X]

أكيد للأكاونت .............. مثل البلاي ستيشن 3 الحين !!

ايش قصدك بالظبط......... والله مني فاهمك ؟؟

قصدي علشان الملتي، هل بيكون لازم تحط بلس فس اكاونت واحد بس مثل اللايف ولا لازم لكل اكاونت اشتراك مثل حال الجولد اللحين في ال360 ؟

 

[Emirates]

^

انيس بلس واحد يشغل كل الاكاونتس اللي عندك في الجهاز على كلام يوشيدا

نقطة ايجابية

 

[Sir Guts]

مشاري الخساير تتعوض حتى من عدد الاجهزة المباعة ففترة زمنية محددة او تطلعها من خدمة لبلس اللي هي فالاساس ناجحة جدا وبتكمل النجاح والانتشار اكثر مع او بدون اللعب اونلاين.اللي بيتضرر هم الناس اللي تدور الملتيبلاير فقط وراح تجبر انها تدفع فلوس على شي ماتحتاجه او ماتفكر فيه او الخ.حقيقة مو شايف سبب مقنع لهذي الخطوة الطماعة

فاهم عليك عزيزي لكن ليش سوني بتهتم في الناس اللي تدوّر الملتي فقط؟

في نظري ما اعتبرهم جيمرز، يعني سوني مو مجبورة في هالعدد القليل بالمقارنة بالـfan base حقهم

 

[Nasser]

ولو اني مشترك بأكاونتين أوروبي وأمريكي بالبلس و ولا واحد منهم اكاونتي الأساسي ومجرد مخليهم للمشتريات.

وطبعاً اجدد باستمرار ومستحيل أفكر أقطع من اللي يقدمه البلس.

لكن باستثناء كل هذا " القرار " نفسه للأسف سيء. كان من الأفضل لو سوني بقت متميزة بالـ " اونلاين ببلاش ".

لكن أتفهم قرار سوني مليون% ، مو فقط عشان المكسب. لا !

حالياً لو نحط اللايف مقارنةً بالبلايستيشن نتورك ؟ ايش صار يفرق ؟ البلايستيشن نتورك صارت هي الشبكة الأفضل بما انه صار عندها كروس فويس شات " بارتي " !

فإيش يمنعهم ما يخلون إشتراك البلس " اللي هو بدون الملتي بلاي " يقدم ميزات إعجازية.

لكن كان من باب أولى سوني تلتفت للناس اللي ما يهمها الا ملتي بلاير وما تبي العاب البلس المجانية. لعب اونلاين ببلاش ، او حتى بـ 20$ بالسنة.