الكشف عن Unreal Engine 4 في E3 هذي السنه + كم صورة مبهرة

[BioMario]

السلام عليكم

- Epic تقول أنهم متواصلين مع الشركات المصنعة للكونسولز (طبعاً Sony و Microsoft و Nintendo) بخصوص مواصفات أجهزتهم القادم
- التطوير للجيل القادم مسؤولية كبيرة على مطورينهم
- الصور هذي مأخوذة من الـ PC و بكرت GTX 680
- كشف المحرك بيكون في E3 بدية الشهر القادم

هممم ما رح أحمس عمري ومتأكد 100% ان مستحيل المحرك يطلع نفس جودة الصور هذي على الكونسول لأن GTX 680 جداً قوي و ما أتوقع أي جهاز من الجيل القادم يمتلك هذا الكرت

http://www.eurogamer.net/articles/2...unreal-engine-4-with-stunning-in-game-screens

 

[Punished Noctis]

هذا الجيل القادم ؟ احباط :/

 

[hussien-11]

بالفعل التكستشرز في أول 3 صور عادي جدا بالنسبة لما يفترض أن يكون جيل جديد

شوف تكستشر الجبل الثلجي في الصورة الأولى ؟ الريزوليوشن فيه منخفض بوضوح

 

[BioMario]

بالفعل التكستشرز في أول 3 صور عادي جدا بالنسبة لما يفترض أن يكون جيل جديد

شوف تكستشر الجبل الثلجي في الصورة الأولى ؟ الريزوليوشن فيه منخفض بوضوح

صحيح إلي في الخلفية شكلة بشع, لكن الإضائة أشوفها ممتازة + anti analysing ممتاز
هممم صح شكله الجيل القادم بيستخدم الـ anti analysing

 

[Naserano]

هذي صور الأنريل إنجن3 في أول كشف عنه سنة 2004:

جميع الصور related للجزء الأول من جيرز بشكل أو بآخر. وهذا الشكل اللي طلعت فيه اللعبة بعد ثلاث سنوات (نسخة الـPC):

همممم شيئين اقدر اتوقعهم:

- الأجيال قاعدة تقرب من بعض أكثر وأكثر رسومياً.
- المشروع اللي عُرض في تقديم المحرك قد يكون لعبة في يوم من الأيام.

 

[Rookie]

ميه، بالنسبة لي يكون أفضل إذا كان التطور التقني في الجيل القادم صغير، يكفي الميزانيات الضخمة للألعاب في الجيل هذا بسبب تكلفة التطوير

 

[Sky Walker]

ولازالت انتشارتد3 تثبت لي ان مايحتاج جيل جديد "غير نينتيندو" >.>

 

[Dark Master]

الجيل القادم بيكون زي الفرق بين الوي عن الجيم كيوب
مجرد تصليح أخطاء الجيل اللي فات وتحسين رام وهذه الأمور
وهذا شايفه كافي

 

[nbnt]

حجم اكبر

لول، ما ادري ايش قاعد يصير، ديمو سمارتيان كان مبهر اكثر بكثير من الصور هذي وهو كان شغال على UE3 ويعطي نظره للجيل القادم (او يمكن اللي بعده، لول).

يمكن الهدف من الديمو هذا كان استعراض اشياء اخرى مش واضحه لنا من الصور، اضاءه او بارتكلز او تيسليشن او غيره.. في انتظار فيديو له.

 

[hussien-11]

بصراحة أنا مش شايف شيء مميز في الصور و لا إضاءة و لا غيره

غير انه Epic تعبانين في الآرت ! الآرت جدا سيء و الصور رمادية و مملة بشكل قبيح

يعني ايش الفرق بين صورهم و بين هذا :

لاست اوف أس على البلاي ستيشن3 ؟

لاست اوف أس أحلى لول

 

[ALONE]

ماراح احكم من الصور

الفيديو راح يبين كل شئ

اذا اخر تطوير للنسخة الثالثة كانت مذهلة والكونسول الحالي مايقدر يشغلها

شئ اكيد الرابع بيكون مذهل . وايبك ذكرت انه وقت الكشف الرسمي عن النسخة الرابعة راح يتفاجئ الكل !!

 

[ryo hazuki]

بأختصار اعتقد راح يبهرونا اكثر في E3 هذي الاشياء كلها مش بقوة الي بنشوفة في المعرض لان شي طبيعي يخلون الشي الكبير لبعدين

 

[The Doctor]

ميه، بالنسبة لي يكون أفضل إذا كان التطور التقني في الجيل القادم صغير، يكفي الميزانيات الضخمة للألعاب في الجيل هذا بسبب تكلفة التطوير

تعبت و أنا أشرح هالنقطة -.-"

معدل زيادة التكلفة بيكون أقل بكثير من الآن، بغض النظر عن المستوى التقني للاجهزة الجيل الجاي...

القفزة اللي قدمها ال360 و الPS3 كانت تحتاج تغيير في طريقة التطوير، لهذا زادت التكلفة...
الموديلز اللي تلعب بها خلال اللعبة مش النسخة اللي الفنان صنعها، كلهم يتم تصميمهم بدقة أعلى بمراحل.. قارن مثلاً بين غلاف Gears أو الصور الاعلانية و داخل اللعبة نفسها.. يعني الريدي الشركات تسوي موديلز تنفع للجيل القادم و اللي بعد بعده

أيضاً تكنلوجيا الموشن كابتشر و محركات الفيزكس بتزيد لوجود السوق و إذا ما بتبدأ تكلف أقل فقيمتها بتظل شبه ثابتة.

نقطتي هنا إن تكلفة صناعة الألعاب ما بتزيد مرة ثانية زي هالجيل في أي وقت قريب.

 

[Five]

بغض النظر عن التيكستشرز الي كأنهم مكبرينها وهي بالجودة المُنخفضة، لكن الحواف ناعمة بأفضل شكل، والإضاءة جداً جداً مذهلة والظلال الداينامكّية.
دقيقة! أتذكر عرض رهيب أول عن الأنريل إنجن حق النكست-جنريشن كونسولز..يظهر فيه رجال سايبورق، هذاك ايش كان!؟

تفاصيل وجهه شبه ممسوحة.

 

[Assassin'o]

هذي الصورة الوحيدة إلي عجبتني أما البقية لا تعليق، الألوان و الإضائة جداً جميلة و لكن هذا مثال على قدرات الجيل القادم ؟! شي محبط صراحة.

عموماً الأهم من نقلة الجرافيكس و إلي الظاهر ماراح تكون بعيدة عن هذا الجيل مقارنة بالأجيال إلي طافت (مع دخول الـ 3D و الـ HD) نشوف نقلة فعلية بعنصر أخر مثل الفيزكس و الذكاء الإصطناعي مثلاً.

 

[Raziel]

لول، ما ادري ايش قاعد يصير، ديمو سمارتيان كان مبهر اكثر بكثير من الصور هذي وهو كان شغال على UE3 ويعطي نظره للجيل القادم (او يمكن اللي بعده، لول).

نفس رأيي بالضبط، شايف ديمو سمارتيان كان أفضل وأعطى تصور واضح للأجيال الجاية إن ما كان الجيل الجاي.

 

[Assassin'o]

دقيقة! أتذكر عرض رهيب أول عن الأنريل إنجن حق النكست-جنريشن كونسولز..يظهر فيه رجال سايبورق، هذاك ايش كان!؟

ما أدري عنكم و لكن كان واضح إنه عرض CG مش in game (&)

 

[nbnt]

صوره اكبر للوجه http://www.abload.de/img/ue415eudb.jpg واضح ان ايبك تبغى ترجعنا لأيام دووم 3 الحلوه

لول بس جديا، نزلت صوره جديده توضح فعلا ان تركيز الديمو كان استعراض للبارتكلز:

صراحه غباء منهم انهم ينشرون صور لديمو المفروض انك تشوفه يتحرك عشان يقنعك بقوته.. خصوصا اننا نتكلم عن نسخة جديدة من محركهم.

 

[قناص]

الكشف عن Unreal Engine 4 في E3 هذي السنه + كم صورة مبهرة

للأسف الصور غير ميهرة بتاتاً !

أنريل أنجن وصل للـ بيك حقه الظاهر و كل الصور تظهر مجرد تحسينات بسيطة هنا و هناك .. ما زال محرك "معدني" و كل اللي أشوفه صخور و حديد كعادة
إيبك .. هذا غير إيفكت "ورق الألمونيوم" المزعج و اللمعة البايخة الغير واقعية في الأجسام ..

 

[sabah]

الشئ الوحيد اللي عجبني هو انه محتوى الصور يمكن يكون لعبه للجيل القادم 🙂

 

[SnakeEater]

عموماً الأهم من نقلة الجرافيكس و إلي الظاهر ماراح تكون بعيدة عن هذا الجيل مقارنة بالأجيال إلي طافت (مع دخول الـ 3D و الـ HD) نشوف نقلة فعلية بعنصر أخر مثل الفيزكس و الذكاء الإصطناعي مثلاً.

كلام سليم.

 

[Raziel]

واضح ان ايبك تبغى ترجعنا لأيام دووم 3 الحلوه

ما فهمت وش تقصد؟

 

[MaxPro]

ذكاء اصطناعي اقوي وفيزكس اقوي وانيميشن اقوي ومعدل اطارات ماينزل عن 60 ابدا وريزلوشن حد ادني 1080P وبأكون راضي 100% عن الجيل القادم .

 

[nbnt]

ما فهمت وش تقصد؟

انريل انجن4™

 

[Raziel]

^
ههههههههههههههه تصدق قعدت أناظر الفك المفتوح بتفاصيله التعيسه بس ما توقعت أحد بيلاحظه.

 

[hussien-11]

هههههههه يا الهي القبح و الشناعة .. و على فكرة من أكثر ما أحبطني في الكثير من الألعاب الجديدة، كثرة استعمال الفلاتر الرمادية و الغامقة أو القاتمة !
ايش فيها ألعاب نوتي دوج مثلا !! غاية في الجمال و بنفس الوقت ألعاب واقعية و الكل يحبها ! ألعاب ملونة بشكل جميل، أحب الألعاب الي منظرها منعش و يفتح النفس
مع احترامي لإيبك، أنتظر مظهر ألعاب الجيل القادم على محرك كرايتك القادم + محرك كوجيما و محرك سكوير ، مليت بشدة من مظهر ألعابهم المتشابه.

 

[BioMario]

فعلاً Epic فنانينها معدومين الفن و الإبداع

 

[Raulioo]

عاجبتني جدا الاضاءة الخلابة بالصور..بس مثل البقية مهتم ان التطوير بالجيل القادم يكون متركز على الذكاء الاصطناعي والفزكس أكثر ، بالنهاية المطورين ممكن يصنعوا الفرق ويظهروا قوة المحرك بشكل أكبر مع التعود والاستمرار باستخدامه

ولازالت انتشارتد3 تثبت لي ان مايحتاج جيل جديد "غير نينتيندو" >.>

لكن نوتي دوج عشان تظهر اللعبة بهذا الشكل الخرافي اضطرت تضحي ببعض خصائص اللعبة المميزة مثل نظام الـ Rewards !
===
تحرير : هذه بعض الصور السابقة هاي ريزوليوشن
http://www.abload.de/image.php?img=screenshot_283087ifjbl.jpg
http://www.abload.de/image.php?img=screenshot_2830884duyt.jpg

 

[Unknown]

بشطح!

THE WALL

 

[Sunset]

حسين ما لعبت جيرز3 ؟ اللعبه كلورفل وطالعه بشكل جميل جداً