[القوانين] السبويلرز+الردود المخالفة+التبليغ عن مخالفات+القرصنة+عادات وكلمات شاذة

[Khalid-S]

السلام عليكم ..

في الفترة الاخيرة مع صدور العاب جيدة كثرت المواضيع الرسمية طبعاَ.. الحماس فيها ممتاز وبصراحة افرح لمن اشوف موضوع رسمي مرتب منظم ويوصل صفحات كثيرة. مما يعني افرح لمن اشوف المنتدى نشيط جداَ.

الالعاب المهمة الجميع يلعبها على الاغلب .. البعض يلعبها مباشرة والبعض يكون مشغول بأمور ثانية مثل الدراسة او يمر الانسان في حالات معينة. يشتري اللعبة متأخر .. فرحان يدخل الموضوع الرسمي عشان يبلغهم انه اشترى اللعبة الا ويحصل سبويلر كبير قدام وجهه. بصراحه احساس جداَ بايخ. الجميع يعرف كيف اساسا السبويلرز غير مرغوب فيها من الاساس وكلنا نعرف ان في طرق تخبي فيه كلامك. لكن للاسف الجميع ما يطبقه .. مو عناد او شي لكن للاسباب التالية :-​

• الكسل في كتابة الكود عند الرد السريع. اعتقد اغلبكم يرد عن طريق "الرد السريع" عشان يوفر الوقت ويساعده في الاستمرار على الكسل. الآن تم حل هذي المشكلة تماماَ وتم وضع كود السبويلر الي هو هذا
  
  اضغط عليه واكتب الي تبيه.

• * الكاتب واعتقاده ان الكتابة الي يكتبها مافيها نوع من التخريب. يمكنك كلامه صحيح لكن في اشخاص يعتبرون اشياء بسيطة تخرب عليه اللعبة وهذا من حقهم انهم يطالبون باخفاء امور معينة تخص اللعبة الي يهتم لها. المشكلة الاكبر لمن عضو يكتب سبويلر وهو فعلا كبير لكن يعاند ويقول انه عادي ويبرر كلامه .. من الاساس ليش ما حطيت كود السبويلر وريحت نفسك والباقين؟ اعتقد السبب يرجع للي فوق ^. الكسل.

الحين مافي اعذار .. حتى لو كانت ايش .. لو نسبة بسيطة ولو 20% تعتقد انه يمكن يخرب .. يمكن .. حطه داخل سبويلر لتتجنب الانفراكشن المتكرر الي يمكن يسبب طرد ابدي لو وصل للحد الاعلى. ما اعتقد احد يبي يوصل لهذا الشي ولا انا والمشرفين شخصياَ ودهم يطردون احد بسبب ارتفاع الانفراكشن.. والحمدلله الى الآن محد انطرد من الانفراكشن.

الموضوع ما بيكون مقفول .. اي امور غير واضحه .. استفسارات .. اي شي .. يكتب هنا ونجاوب عليه.

في شغلة ثانية ودي اتكلم عنها . يمكن مالها دخل بشكل كبير بالموضوع بس من زمان ودي اتكلم عن هذي الشغله ..


احنا المشرفين (انا ومحمد وعمر) ناس مثلنا مثلكم .. عندنا مشاغل في الدنيا كثيرة. الي عنده دوام في شركة والي عنده جامعه يلحق عليها والي عنده اهل يخدمهم ويساعدهم. نحاول قد ما نقدر اننا نعطي وقت للمنتدى ونساعد في تنظيمه لكن مافي انسان كامل. الوقت مو بيدنا اننا نشاهد كل رد مفصل نشوف هل هو يستحق انفراكشن او لا .. احنا نحاول .. لكن نغلط والانسان يغلط دائما ويسنى. في الفترة الاخيرة نشوف كثير من الاعتراضات عن انفراكشن يجيهم .. او في موضوع يعلقون على شخص يستاهل انفراكشن.. صحيح من حقهم بما انهم اخذوا انفراكشن وغيرهم ما اخذ .. لكن صدقوني مافي احد فوق القانون هنا. اذا شفتوا احد ما اخذ وهو فعلا كان يستاهل اعرفوا انه ما اخذ بالخطئ. لكن ...
منتدى ترو جيمنج مو مثل اي منتدى آخر .. الجميع مشرفين .. الجميع يهمه مصلحة المنتدى بالنهاية. اذا حابين المنتدى يمشي تحت نظام لاستمراره بالشكل المطلوب ((يجب)) على الجميع المساعدة والمساندة في هذا الامر .. تقدر تبلغ عن رد مخالف بالضغط على هذا الزر

تحصله عند كل رد .. ما يحتاج تقعد تشتكي وتبكي في المواضيع وتقول هذا ياخذ وهذا ما ياخذ وليش انا آخذ وهو لا وغيره من هذا الكلام .. اذا انت فعلا حاب تساعد المنتدى بلغ عن الرد والمشرفين باذن الله بينفذون الي عليهم .. لان البكاء في المواضيع صدقني ما بيفيد ابداَ.

الحمدلله ترو جيمنج كمل عامه الثالث ومتجه للرابع .. مو هدفنا التوسع من ناحية عدد الاعضاء .. مع ذالك استمرينا بشكل افضل من المنتديات الي تتفشخر بعدد الاعضاء .. والسبب هو توفيق من الله ثم النظام الي ساري عليه المنتدى ... بدون نظام صدقوني ما كان كمل سنة. والامثلة كثيرة في ساحة الانترنت العربية. بالاخص المنتديات وتتفرع منها منتديات الفيديو جيمز.​

طولت كثير .. اتمنى من الجميع يطبق الي قلته اذا كنت حاب تساعد استمرار هذا المنتدى الجميل.


مشرفين ترو جيمنج

 

[NSider]

مهم: بخصوص الشكاوى في المواضيع (على الجميع الدخول)

السلام عليكم،

في الفترة الأخيرة، كثرت الردود اللي فيها تشكي من ردود أعضاء آخرين، أو محاولة "تهدئة الوضع" في أي نقاش. أمثلة:

خلاص شباب هدوا اللعب كلنا أخوان

إيش الطقاق اللي قاعد يصير هنا -_-

من الحين الردود هذي، والأشياء المشابهة لها، راح تتسبب بإنفراكشن للي يكتبها، مع حذف لرده. وهذا لسببين:

1. عندنا قانون خاص بالشكاوى: "أي شكوى ضد عضو من الأعضاء أو مراقب أو شكوى عامة يجب أن يتم التعامل معها عن طريق الرسائل الخاصة فقط لا غير أو عن طريق مراسلة إدارة الموقع من الوصلة الخاصة في الصفحة الرئيسية. أي موضوع يكتب للشكوى في المنتدى سيتم حذفه". طبعاً الكلام هذا أيضاً ينطبق على الردود.
   
2. اللي يرد ردود من نوع مشابه للأمثلة اللي فوق يتسبب بزيادة الحساسية بين طرفي النقاش، ويتسبب بالخروج عن الموضوع بشكل أكبر وأكبر.

طبعاً ما نمنعكم من الشكوى أبداً. بالعكس، نشجعكم عليها! لكن طبعاً نبغاكم تشتكون بالطريقة الصحيحة، وهي ضغط الزر هذا:

. ممكن طبعاً مراسلة أي أحد من مراقبي المنتدى بالرسائل الخاصة. للأسف ما في أحد يستخدم هذي الميزة ما عدا أعضاء ما يتجاوزون 3 أو 4 فقط، ونشكرهم على الشي هذا، لكن طبعاً نتمنى الكل يستخدمها.

شكراً.

 

[king zell]

المصطلحات و العادات الشاذة (تنبيه مهم)

في الفترة الماضية لاحظت وجود الكثير من المصطلحات و العادات الشاذة

مثال:

In Before The Lock

Bring the popcorn

جيب البوب كورن



أي نوع من هذي الردود سواء بالعربي أو بالإنجليزي أو بالإختصار تعتبر ممنوعة.. و أيضا ما يقاربها بالمعنى و يسبب تخريب الموضوع قبل ما يبدأ و يعطيه منحنى آخر..


و طبعا اللي يقوم بهالمخالفة بيحاسب عليها فورا..

 

[Khalid-S]

[تحديث في القوانين] كتابة انطباعات او مناقشة العاب مسربة او مقرصنة

السلام عليكم ،،

جميعكم يعلم بقوانيننا الصارمة تجاه القرصنة. منع مناقشة طرق جلبها وتحميلها وكيفية عملها. ولا نقاش او جدال في ذلك.

بعد اتفاق من المشرفين. من الآن تم منع ايضاَ كتابة انطباعات عن لعبة تم تسريبها وتحميلها على الانترنت. او حتى كتابة "اللعبة وصلت لدي" وغيرها من المصطلحات المشابهه.

اذا حصلت على لعبة قبل اصدارها لسبب ما وتريد مناقشتها مع اعضاء المنتدى. يجب عليك اثبات دليل انك حصلت عليها بطرقه واحده وهي تصوير غلاف اللعبة لديك مع ديسك اللعبة. مثل ما حصل مع لعبة Halo 3. مايكروسوفت شحنت اللعبة للعالم قبل اصدارها بفتره وعند وصول اللعبة للمحلات مع ملاحظة عدم بيعها قبل يوم اصدارها العالمي تم بيعها قبل اليوم المحدد. مثل هذه الحالات لا دخل لها بهذا القانون لانك قمت بشرائها قانونياَ.

من جديد: اذا حصلت على لعبة مسربة او مقرصنة قبل اصدارها في اليوم الرسمي. تحدث عنها داخل المنتدى بعد اصدارها في اليوم الرسمي.

اي مخالفات بعد هذا اليوم سيتسبب في طردك من المنتدى. وربما لشهور عديده وطويلة.


-- مشرفي True Gaming