القراصنة ينجحوا في تهكير الPS3

[Humam]

بكل بساطة مجموعة قدرت تستخرج أول .iso لألعاب الPS3 من أقراص البلو راي وتخزينها على الHDD.. اللعبة هي Madden 07.. وهذا عن طريق الLinux بعد تنصيبه إلي قدر يستغفل الجهاز..

حاليا غير ممكن تشغيل الisos, لا عن طريق الLinux أو حتى نظام تشغيل الألعاب الXMB, بس الأمر مو بذي الصعوبة وماراح يستغرق وقت طويل بما إنهم وصلوا لهذه المرحلة بسرعة رهيبة..

واو.. فعلا ما في أحد يقدر يوقف قدام القراصنة..

أنا بس ودي أعرف.. سوني ايش مشكلتها بالضبط ؟ مو معقول نظام الحماية يكون هش بهذي الطريقة.. مو معقول ترخص للينكس بدون وضع احتياطات, وهي أصلا عارفة إنه راح يكون بمثابة " الجنة " للقراصنة..

يبدو إنه حان الوقت لfirmware جديد.. أسرع مما كانت تتوقع سوني.

 

[m7tram]

الجهاز ما صار له اسبوع ونص نازل على طول هكروا , على العموم مادري اذا في ناس للحين تفكر تشتري كوبي حق الاجهزه الحاليه مثل بلاي3 والاكس 360 لان الاون لاين صاير اهم شي ومع كل فتره ينزل ابديت , فليش يتعبون نفسهم من البدايه .

 

[Bounty]

الجهاز ما صار له اسبوع ونص نازل على طول هكروا , على العموم مادري اذا في ناس للحين تفكر تشتري كوبي حق الاجهزه الحاليه مثل بلاي3 والاكس 360 لان الاون لاين صاير اهم شي ومع كل فتره ينزل ابديت , فليش يتعبون نفسهم من البدايه .

اي والله .. صراحه من الغباء تهكير الجهاز عشان الكوبي ..

 

[Ryu-Bounty Hunter]

😵
ما امدى
توه نازل الجهاز . ماعلينا

الجهاز ما صار له اسبوع ونص نازل على طول هكروا , على العموم مادري اذا في ناس للحين تفكر تشتري كوبي حق الاجهزه الحاليه مثل بلاي3 والاكس 360 لان الاون لاين صاير اهم شي ومع كل فتره ينزل ابديت , فليش يتعبون نفسهم من البدايه .

100%
الكوبي الحين صار ماله داعي ابدا بمنا ان اغلب الألعاب صارت اونلاين و ابديت و عفسة ما ينفع الكوبي ابدا

 

[ASWD]

اهب عليهم بس

وانا اقول وش سالفة الصينيين اللي متجمعين في لنش الجهاز باليابان

اجل اول ماينزل البلو راي كمنتج تجاري راح نشوف الكوبي على الكيف😛

جهزو نفسكم الى ابديت كل 3 ايام اجل لوووول

 

[Final Fantasy]

بس خلاص ... مع الـ PS3 راح أنسى شي اسمه كوبي نهائيا .

أصلا أنا الحين قاعد أشتري أهم ألعاب الـ PS2 أصلية علشان تكون موجودة معاي حتى على الـ PS3 .

 

[SALAH]

بصراحة الخبر أحسه ممتاز ...لأنه رح يخفف علينا شوية تكاليف 🙂

لأنه مش كل الالعاب فيها أونلاين هذا أولا , وثانيا رح تيجي علينا أيام نحتار اذا هاللعبة نشتريها او لا , و اظن من الافضل شرائها كوبي بدلا من هدر المال على سعرها أصلية , فلو عجبتك وفيها اونلاين ساعتها اشتريها أصلية وانت مرتاح ..ولو ما عجبتك فمارح تندم كلها 15 ريال او 10 ..

 

[Humam]

بصراحة الخبر أحسه ممتاز ...لأنه رح يخفف علينا شوية تكاليف 🙂

لأنه مش كل الالعاب فيها أونلاين هذا أولا , وثانيا رح تيجي علينا أيام نحتار اذا هاللعبة نشتريها او لا , و اظن من الافضل شرائها كوبي بدلا من هدر المال على سعرها أصلية , فلو عجبتك وفيها اونلاين ساعتها اشتريها أصلية وانت مرتاح ..ولو ما عجبتك فمارح تندم كلها 15 ريال او 10 ..

من ناحية التكاليف فالكوبي يخفف من المصاريف بشكل كبير, لكن تحس إن القرصنة أصلا اعتداء وسرقة.. فبغض النظر عن كونه عمل حرام وغير مشروع, الشركات نفسها تخسر بقوة, طالما الشركات بتخسر يعني أحتمالية فشل ألعابها أكثر, ايش الفائدة إذا لعبة ممتازة جدا لكن مبيعاتها سيئة بسبب القرصنة, تخيل كم من الأموال الطائلة الي ممكن تكسبها كونامي لو كل فرد في هذا العالم عنده ويننج إليفن أصلية.. راح نشوف أموال طائلة وراح نشوف صرف أكثر على تطوير الألعاب وبالتالي مستوى أفضل.. يعني احنا المستفيدين على المدى البعيد 🙂

إذا شخص مو متأكد من مستوى لعبة وما وده يضيع فلوسه وهو مو متأكد, عنده المراجعات ( مجلات - مواقع - انطباعات ناس قبله جربوها edit: وحاليا صارت تتوفر ديموز للألعاب بشكل أفضل على اللايف او البلاي ستيشن ستور) + عروض الفيديو على الانترنت.. وقتها بسهولة راح يقرر إذا ممكن يشتري اللعبة والا ..

القرصنة شي سيء جدا, تخيل انت رئيس شركة أو فريق تطوير, تشوف الشي الي انت صنعته يتسنخ و ناس غيرك يكسبوا من وراه .. شي يقهر 🙁

 

[Nintendo]

للامانه ودي اشوف سوق الفيديو جيمز بدون الكوبي كيف راح يكون ( عندنا ) بمنطقة الخليج والعالم العربي ..

حاسس انه راح يكون انهيار كامل والمحلات اللي تتعامل فقط بالاصلي وعندها زباين من زمان هي الرابح الاكبر .

 

[Humam]

حاسس انه راح يكون انهيار كامل والمحلات اللي تتعامل فقط بالاصلي وعندها زباين من زمان هي الرابح الاكبر .

لول نفس الشي.. و صدقني أحسن.. مو لأني أحب الخراب للناس و أبغى رزقهم ينقطع, بس ما بني على باطل فهو باطل, وأحسن أيضا حتى نقول وداعا لويننج إليفن 22 الي عليه صورة رونالدينيو ومطبوع عليه NO RADAR .. لول.

الواحد وده يسترجع أيام زمان, كل شي كان أصلي, يوم كنا صغار الواحد اذا اشترى شريط جديد واو شي رهيب احتفالات وفلة وما نترك اللعبة لين نخلصها عن بكرة أبيها..

 

[Ginko]

للامانه ودي اشوف سوق الفيديو جيمز بدون الكوبي كيف راح يكون ( عندنا ) بمنطقة الخليج والعالم العربي ..

حاسس انه راح يكون انهيار كامل والمحلات اللي تتعامل فقط بالاصلي وعندها زباين من زمان هي الرابح الاكبر .

اول شيء راح توشفه هو middle east weekly sales يتم مناقشتها في كل المنتديات....

 

[Humam]

اول شيء راح توشفه هو middle east weekly sales يتم مناقشتها في كل المنتديات....

هههههههههه من جد !! والله بيكون حماس ..

 

[ZiZ]

كنت متوقع أن الألعاب تتخزن على الهارد دسك واللا شي...

عموماً الجهاز اللي أتوقع أنه بيقرصن بسرعة هو الـWii...

 

[Salman]

لأنه مش كل الالعاب فيها أونلاين هذا أولا , وثانيا رح تيجي علينا أيام نحتار اذا هاللعبة نشتريها او لا

تماما ..
لو يكون عند المستهلك خيار أنه يشتري الألعاب الأونلاين و الألعاب القوية أصلية, و بقية الألعاب كوبي نوفر على نفسنا كثير ..

القرصنة شي سيء جدا, تخيل انت رئيس شركة أو فريق تطوير, تشوف الشي الي انت صنعته يتسنخ و ناس غيرك يكسبوا من وراه

بالنسبة لشركات الألعاب, من الأساس الوطن العربي و شرق آسيا ليست إلا أسواق استنزافية
المشكلة يا أخ همام في محلات الألعاب في بعض الدول العربية و الخليجية اللي ما تراعي خلق الله بأسعار الألعاب الأصلية ..
عندك البحرين كمثال كبير, 35 دينار ( 350 ريال ) للعبة !! جشع رهيب و نصب
أستحلفك بالله كيف تبغي كل ألعابنا تكون أصلية !؟
هذا و رقابة السلع في سبات عميق, نظام التسعير منتهك تماما في الدول العربية

 

[Final Fantasy]

عندك البحرين كمثال كبير, 35 دينار ( 350 ريال ) للعبة !! جشع رهيب و نصب
أستحلفك بالله كيف تبغي كل ألعابنا تكون أصلية !؟

صدقني لو الكوبي اختفت من أسواقنا .. أسعار الألعاب الأصلية راح تبدأ تطيح .

 

[Futrus]

عندك البحرين كمثال كبير, 35 دينار ( 350 ريال ) للعبة !! جشع رهيب و نصب
أستحلفك بالله كيف تبغي كل ألعابنا تكون أصلية !؟

هذا بالنسبه للألعاب الأمريكيه فقط لأنها تعتبر مستودره من سوق غير مخصص لها وإحنا نتبع السوق الأوروبي لهالسبب نشوف الألعاب الأوروبيه سعرها معقول لكن قليله المحلات اللي تبيعها و قليلين اللي يشترونها

 

[SALAH]

من ناحية التكاليف فالكوبي يخفف من المصاريف بشكل كبير, لكن تحس إن القرصنة أصلا اعتداء وسرقة.. فبغض النظر عن كونه عمل حرام وغير مشروع, الشركات نفسها تخسر بقوة, طالما الشركات بتخسر يعني أحتمالية فشل ألعابها أكثر, ايش الفائدة إذا لعبة ممتازة جدا لكن مبيعاتها سيئة بسبب القرصنة, تخيل كم من الأموال الطائلة الي ممكن تكسبها كونامي لو كل فرد في هذا العالم عنده ويننج إليفن أصلية.. راح نشوف أموال طائلة وراح نشوف صرف أكثر على تطوير الألعاب وبالتالي مستوى أفضل.. يعني احنا المستفيدين على المدى البعيد 🙂

إذا شخص مو متأكد من مستوى لعبة وما وده يضيع فلوسه وهو مو متأكد, عنده المراجعات ( مجلات - مواقع - انطباعات ناس قبله جربوها edit: وحاليا صارت تتوفر ديموز للألعاب بشكل أفضل على اللايف او البلاي ستيشن ستور) + عروض الفيديو على الانترنت.. وقتها بسهولة راح يقرر إذا ممكن يشتري اللعبة والا ..

القرصنة شي سيء جدا, تخيل انت رئيس شركة أو فريق تطوير, تشوف الشي الي انت صنعته يتسنخ و ناس غيرك يكسبوا من وراه .. شي يقهر 🙁

لا تنسى انه نحن ماشيين على نظام الكوبي من اكثر من 7 سنين تقريبا , وحتى الان صناعة الالعاب في نجاح مستمر ..صحيح انهم راحت عليهم عشرات الملايين بسبب الكوبي لكن بالمقابل لم نلحظ تراجعا في أداء صناعة الالعاب بس العكس هو الصحيح ..

عموما , وجود كوبي على البلاي ستيشن 3 جيد لمحدودي الدخل الغير قادرين على شراء ألعاب أصلية كل فترة ( وما أكثرهم ) , أنا شخصيا رح أركز على الالعاب الاصلية هالمرة ..نفسي أحس حالي ( شريف ) :yuck: ولو لمرة ..

ولاتنسى انه في العاب الواحد رح يشتريها أصلية غصبن عنه , مثل ويننج اليفين او جي تي 4..لكن في ألعاب قد تكون جديدة على الساحة وطالعة من شركة ماعندها ( هالزود ) وبيمدحوها بالمراجعات ..انا بصراحة مو مستعد أخاطر واشتريها أصلية فورا ..بجرب الكوبي فلو عجبتني بجيبها أصلية ..::

وبيني وبينك ..المراجعات صار الواحد يشك فيها , وجود الـ( بهارات والملح ) ومسح الجوخ أمر غير مستبعد ومصداقيتها أصبحت مشكوك بأمرها ..أحسن شي الواحد يتأكد بنفسه و خلاص , وتقييم سوينك على الwii خير برهان , الكل مو مصدقين تقييمها ورح يشتروها بالسراء و الضراء :slant:

 

[Nintendo]

مثل ماقالوا الاخوان .. لو الكوبي اختفى من السوق الناس وقتها ماراح تشتري العاب غالية الثمن وراح يخفضوا سعر الالعاب الاصليه لاكبر قدر ممكن ..

شباب منطقة الخليج تنمتي لمنطقة البال . يعني المفروض نحنا مانشوف غير اسعار شركة سوني اللي عندها وكيل عندنا واسعارهم منطقيه جدا ( الالعاب ) . اما النسخ الامريكيه والخ الخ هاذي كلها اشياء غير رسميه .. يمكن اذا الكوبي عندنا تمت السيطره عليه وقتها نشوف مايكروسوفت ويمكن ننتندو بشكل رسمي عندنا 🙂

 

[ASWD]

هو لولا النظام المتخلف اللي احنا تابعين اله والله كان الكوبي مختفي من زماااااان

 

[mario0o]

للامانه ودي اشوف سوق الفيديو جيمز بدون الكوبي كيف راح يكون ( عندنا ) بمنطقة الخليج والعالم العربي ..

حاسس انه راح يكون انهيار كامل والمحلات اللي تتعامل فقط بالاصلي وعندها زباين من زمان هي الرابح الاكبر .

...................

 

[Salman]

صدقني لو الكوبي اختفت من أسواقنا .. أسعار الألعاب الأصلية راح تبدأ تطيح .

في بعض الدول الخليجية أسعار الألعاب الأصلية معقول أصلا
مع ذلك في دول أخرى تبقى الأسعار نارية لفترة طويلة قبل أن تنخفض
لكن كلامك فيه شي من الصحة, لما ينلغي الكوبي بيزيد العرض و الطلب و السعر ممكن ينخفض

هذا بالنسبه للألعاب الأمريكيه فقط لأنها تعتبر مستودره من سوق غير مخصص

أعطيك مثال, رزدنت إيفيل أول ما صدرت في البحرين سعرها 30 دينار, و في نفس الفترة تقريبا شريتها أمريكية من المملكة بـ 220 ريال
صدقني يا أخ دانتي المشكلة تفوق الإستيراد من region ثاني, هناك تلاعب واضح

لهالسبب نشوف الألعاب الأوروبيه سعرها معقول لكن قليله المحلات اللي تبيعها و قليلين اللي يشترونها

أضف إلى ذلك الإصدار المتأخر, على ما يوصل الإصدار الأوروبي المراجعات و السبويلرز تكون ملت الدنيا

 

[Bounty]

و انشوف اللنش للmiddle east


T___________T

 

[Humam]

لا تنسى انه نحن ماشيين على نظام الكوبي من اكثر من 7 سنين تقريبا , وحتى الان صناعة الالعاب في نجاح مستمر ..صحيح انهم راحت عليهم عشرات الملايين بسبب الكوبي لكن بالمقابل لم نلحظ تراجعا في أداء صناعة الالعاب بس العكس هو الصحيح ..

بالعكس.. الأداء في انخفاض, لو نراجع مثلا أداء جيل الSNES ونقارنه بجيل البلاي ستيشن 2 راح نشوف قد ايش مستوى مبيعات السوفت وير صارت طايحة بشكل مهول .. خصوصا مع ظهور التورنت وهذي الأشياء الي تسهل القرصنة.

 

[Death match]

ما يقصروا الشباب والله فكونا من الأصلي الي كان الاغلبية شايلين همه منو المبذر الي يبي يشتري كل لعبة اصلي يمكن بس الالعاب المهمه

 

[DeViL MiNd]

انتم ماقدرتو الوضع زين انتم تتكلمون للناس الي عندهم دي إس إل .. عند كلامكم انتبهو للنقاط :

• بعــض الناس بالقرى ماتصـل لهم خدمة الدي إس إل
  
• بعـض الأطفـال يشتـرون الجهاز لكي يستمتعـو لكن الأشرطه غاليه فما لهم الا كوبي
  
• بعـض الناس لايريدون لعـب الايف وغيره يريدون فقط السنجــل بلير ..

 

[m7tram]

انتم ماقدرتو الوضع زين انتم تتكلمون للناس الي عندهم دي إس إل .. عند كلامكم انتبهو للنقاط :

• بعــض الناس بالقرى ماتصـل لهم خدمة الدي إس إل
• بعـض الأطفـال يشتـرون الجهاز لكي يستمتعـو لكن الأشرطه غاليه فما لهم الا كوبي
• بعـض الناس لايريدون لعـب الايف وغيره يريدون فقط السنجــل بلير ..

اوكي حتى الي ماعندهم دي اس ال انا اشوف ان الاصلي لما تشتريه تكون مستانس اكثر من لا تشتري الكوبي + الكوبي لو تشتريه ما تكمل اللعبه الي تشتريها يعني تلعب بو جم دقيقه وخلاص ودايما تصير لي .

بس اذا شريت اصلي تحس ان فلوسك ما تروح على الفاضي وتقعد وتلعب وتحلل اللعبه على كيف كيفك .

 

[Tomb raider]

يمكن اذا الكوبي عندنا تمت السيطره عليه وقتها نشوف مايكروسوفت ويمكن ننتندو بشكل رسمي عندنا 🙂

حملات ضد الكوبي عندنا وايد في دبي...من كم يوم زخوا محل ..والغرامه تكون وايد غاليه ..

 

[Leon]

أمنية نفسي تتحقق إنه مايكون عندنا شي إسمه كوبي.,صراحة الخبر زعلني كثير, كنت متأمل إن الكوبي بيختفي مع الأجهزة الجديدة..(-_-)

و انشوف اللنش للmiddle east

أخ بس..(-_-)

 

[Ash Storm]

بصراحة انا ابغض شي اسمه كوبي ._. و احس بالفرحة اكثر لما اشتري لعبة اصلية , لكن البلد اللي انا مقيم فيها للأسف متأخرة جداً في الفيديو جيمز فأطر اني انزل الألعاب من التورنت >_< و حتى لما انزلها من التورنت ما استمتع فيها كثير و العب فيها شوي و ارميها !
على شان الناس تشتري اصلي في دولنا العربية لازم اولاً يوفروها و ثانياً يوفروها بسعر معقول , و اتفق مع الشباب اللي يقولوا لو اتمنع الكوبي عندنا راح ينزل سعر الألعاب الأصلية ..

 

[JOE]

ما توقعت يتهكر بهذه السرعة !!!

مو لأني أحب الخراب للناس و أبغى رزقهم ينقطع, بس ما بني على باطل فهو باطل,

هناك الكثير من الناس (الجيمرز ) من إلي اعرفهم و اعتقد انه الكثير غيرهم يصفوا شراء Video Game بسعر 200 ريال فأكثر ... باااااطل و معنى من معاني الإسراف و الترف الذي سوف تحاسب عليه يوم القيامة إذا ما كان في الدنيا (و هذا الشئ راجع لعلم الغيب )

ففي كلا الحالتين لن تنجو من الذنب ...

1 - تشتري العاب لمجرد الترفيه بمبلغ و قدره و سوف تسأل عن كل شئ صرفته في دنياك ... و احسب كم صرفت في الفيديو جيمز و هي لمجرد المتعة فقط .... و في المقابل كم صرفت لنصرة دينك ؟؟!!
و خلي الشركة تفلس في ستين داهية ... إلي يهمني ما اعصي ربي عشان العاب ....
هذا غير انه الشرق الاوسط كله ما يأثر على مبيعات الالعاب و لو قيد انملة !!!

2 - توفر فلوسك و تكون حكيم اكثر في الصرف و تتقي ربك في مالك و تشتري الالعاب المقرصنة ... و ايضاً لن تسلم من ذنب السرقة الملتفة و الغش للشركة المصنعة و القانون .

انا عن نفسي اتفق اكثر مع الرد الاول ..مع شراء الالعاب التي تستحق فقط و ليس كل الالعاب .

فما الحل في نظرك ....