" الـ 360 ينفد من البخار وننتندو تصنع ادوات لمجالسة الاطفال " - Jack Tretton

[Ghost of sparta K]

بعد قراءة المقاله كامله اقدر اقول

اخالف Jack Tretton عن رائيه حول ان Game Boy اداة لمجالسة الاطفال اعتبر wii هو جهاز اطفال
بالنسبه لفكرة التحكم الاستشعاري اشوف الموضوع كله هايب من ننتندو مجرد ريموت تحرك فيه الاشياء ما هو الشيء الثوري في ذلك, لكن كينكت للفوز
بخصوص كلام عند عدم وجود هاردسك في الاكس كل الحق معاه يعلن الاركاد جهاز ما يسوى فلس بدون هارد

 

[P0werX7]

شايفة فانبويز بالموضوع
الله يادنيا، قبل لاينزل الوي والناس منهبلة ومتحمسة تشوف الترايلرز :laugh:: الحين صارت غير مبتكرة !
وسوني :w00t: صارت تسرق أفكار ؟ لول, لو بنقول اللي ياخذ الفكرة ويطورها "يسرق"، خلاص كل العالم اللي تبيع الآن بتطلع "حراميه".
بالعكس انا ما اشوفها عيب انه شركة تقتبس فكرة وتطورها بمنظورها الخاص .. بالنهاية المستهلك هو اللي يستفيد، الوي - الموشن كنترولر - الكنكت .. كل واحد عطاني تجربة بـ طعم غير، بسبب هالتنافس بين الشركات أستفدت :laugh::

جاك ترولينق .. انت اللي تحتاج جليس أطفال

إضافة: ابي افهم آبل وش علاقتها بننيتندو وسوني؟ طلعوها من الموضوع

 

[squall leonhart]

مثال آخر .. التتش كونترول مع الـngp

ننتندو مثلا استخدمت اللمس في جهازها بشكل مبكر ، و أيضا الموبايلات مثل الايفون الي استعمل الملتي تتش في الألعاب

سوني ما خلت جهازها يقدم تحكم مثل هذا إلا بعد ما شافت نجاح الآخرين بهالشي و كيف صار "ستاندارد" بالسوق .. هذا هو الشيء الي نتكلم عنه .

اتهام سوني بسرقة التتش رح يكون اهون من حماقتهم بعدم تضمين شي ( ستاندرد) في جهازهم القادم .. بعدين هذا اول جهاز لهم بعد ال PSP و ما كان منطقي ابدا انهم ينزلون نسخة مطورة منه فيها تتش تقسم يوزر بيس الجهاز .. فكان لازم ينتظرون الجهاز القادم عشان يضمنون في هذي الخاصية و ذا يبرر ليش ما استخدموا التتش الا بعد ننتندو ب 5 سنوات او اكثر ..


نقطة ثانية نفسي اعرف ابل ايش ابتكرت عشان تحطونها مع ننتندو بنفس دائرة الابداع .. مشغلات ال mp3 موجودة من قبل الاي-بود .. جولات التتش موجودة قبل الايفون ( انا من 2002 كنت استخدم جوال اي-ميت ) .. الفضل لهم بانتشار هذي الاشياء و ليس ابتكارها .. الا المساكين المبتلين بحب ( عبودية ) ابل فهذول مممكن نسمع منهم ذا الكلام .. اتوقع لما ابل تترك لك الحرية بوضع بطاقات ذاكره في الايباد حيقولون عنه ابتكار القرن لوول

 

[hemo memo]

وش يحس فيه؟؟

 

[Nintendo]

لول فيصل انت تفتح باب شنيع قاعد, انا بطلع من بدري والله يعينك على الرسايل الخاصه وتهديدات القتل

 

[squall leonhart]

بعد الي شفته من تهديدات شكلي رح اهاجر من البلد لوجهه غير معلن عنها .. مع السلامة TG

لووول

 

[SilentxS3ud]

الـ*ـلاب تنبح والقافلة تسير

عار على سوني هالرجل

فرحان إن جهازه متصدر.

 

[JOE]

زمان عن المواضيع دي الي تذكرنا بعصر عشقنا مشاكسته و الاكشن الي فيه ..... ما علينا

الإبتكار في منتج معين مش انك تجلب شئ جديد و تضيفه لمنتجك و خلاص ... هذه اسميها "محاولة" و اي احد يقدر عليها و لكن من يجلب الفكرة و يطبقها صح بالشكل الي يفيد النتيجة هذا اسميه "إبتكار" و لذلك تعود لننتندو افضال كثيرة في تحريك عجلة الجيمنج زيما تعود لسوني و مايكروسوفت كذلك و لكن بنسبة اقل بالتأكيد ... كما تعتبر ابل من اكبر الشركات إبتكاراً في مجالها عبر التاريخ (ابل و ننتندو وجهين لعملة واحدة في صعد كثيرة)

و بالتالي من حقي امتدح جهد ننتندو على حساب سوني في الـAR مثلاً اذا طبقتها صح و شفنا استخدامات افضل لها في المستقبل و نجحت و انتشرت تحت ظل ننتندو و نفس الكلام للموشن جيمنج و الثري دي ، ننتندو مدركة تماماً لحقيقة انها تحتاج "جرأة" لكي تدفع المطورين لاستغلال افكارها الاساسية و ذلك ما فعلته في الـDS و الوي و الآن مع الـ3D .... و كل ما ذكر موجود من سنة جدي في السوق بما اسميه "محاولات" لم تصاغ جيداً كحجر اساس او لم يجبر المطورين على استغلالها فبالتالي لم يلاحظ المستخدمين فكرتها .

 

[The Heartless]

عندي تعقيب إضافي أبي اضيفه.

من الي قريته من بعض الردود شايف إنه في تناقض كبير, مثلاً حسين ذكرت إن إضافة الأنلوج في ال3DS يعتبر شي عادي لإنه صار ستاندارد بالسوق والأنالوج موجود من زمان, طيب ليش تتهم سوني بالإقتباس لما تحط شاشة لمس بالNGP دام شاشات اللمس موجودة من زمان وصارت ستاندارد في الوقت الحالي ؟

ووين نضع الخط بإن الشركة هني أقتبست وسرقت أو ان الشركة أبتكرت وجابت شي جديد؟
يعني ال3DS ليش أعتبرتوه "ثورة" على الرغم إن قبلها كان في جوالات 3D من دون نظارات وقبلها كان موجود في الPS3 بنظارت وقبلها في الفيرتشوال بوي؟ هل لإن التكنولوجيا الي في ال3DS مختلفة مثل مايقول حسين ؟ طيب التكنولوجيا المستخدمه في الموف تختلف إختلاف كبير عن الي في الويموت بس مع جذي أعتبرتوه سرقه!

شايف إن الننتندو فانز عندهم مشكله في هالأمر وهم يحددون أمر الإقتباس أو الإبتكار على حسب أهوائهم, الأنالوج مثلاً الي من بداية الموضوع وهم يذكرون إن ننتندو من أبتكرته في عالم الفيديوجيمز مع ان الأنالوج كان موجود في الفيديوجيمز من أجهزة وطرفيات سابقة, ننتندو خذت الأنالوج وحطته في الكنترولر الأساسي وصار من بعدها ستاندارد ومن هني قالوا ننتندو "أبتكرت" الأنالوج, ولما تجي سوني وتاخذ أنالوج واحد وتخليه اثنين ويصير ستاندارد يمشي عليه السوق لأجيال تصير العملية هذي مجرد "تطوير" مو إبتكار !

علشان جذي أنا فتحت باب للنقاش بخصوص الإختراع والإبتكار وأعيد وأكرر أنا شايف تناقض كبير بردود الأعضاء من ناحية هالموضوع.

وشي إضافي يمكن يكون خارج الموضوع شويه, ترى مو كل شي مبتكر يعتبر "ثوري" لإنه علشان يكون الشي ثوري لازم الكل أو الأغلبية يتبعه في المستقبل ويصير هو الأساس, مثلاً الDS يعتبر جهاز ثوري لإن اللمس صار شي أساسي في الأجهزة المحمولة, الWii أنا ماأعتبره جهاز ثوري لإن الموشن جيمنج حتى الآن مو هو الأساس في أجهزة الكونسول, أي صح شفنا الموف وشفنا الكنكت لكنها تعتبر طرفيات مكمله ومو مبني عليها أجهزتها وأصلاً واضح للكل في الوقت الحالي إن ألعاب الموشن كأنها من الدرجة الثانية والألعاب الي عليها الهايب والي تبيع والي تاخذ أكبر إهتمام من اللاعبين والإعلام هي الألعاب الي تعتمد على الكنترولر العادي أو الماوس والكيبورد من ناحية الpc. الwii أطلق عليه جهاز مبتكر أي لكن جهاز ثوري لا إلا إذا شفنا الموشن جيمنج يصير أساسي في الجيل القادم. حتى ال3DS ينطبق عليه نفس الشي, مانقدر نطلق على ال3D الي فيه ثوري إلا إذا صار أساسي في أجهزة الألعاب المحمولة في المستقبل.

وهني أرجع لنقطة ذكرها عمر وهي إن ولا جهاز من سوني قدم ثورة وهو غلطان من هالناحية لإن الكل يجمع إن الPS1 كان ثورة في عالم الفيديوجيمز من نواحي عديدة المفروض ماأحتاج أذكرها. والPS2 جهاز بذاته ماكان ثورة لكن شفنا منه الآي توي وهو إبتكار من سوني ومو شغل كوبي وبيست مثل مايقول الأخوان. والPSP جاب مفهوم جديد في عالم البورتبل جيمنج (جهاز محمول بألعاب بالغة وشبه كونسوليه مع تركيز على الملتي ميديا) يعني من وين بنيتوا مثلاً ان سياسة سوني في الPSP كوبي وبيست من غيرها؟

أصلاً في كل جهاز جديد من سوني تشوف فكر ومفهوم جديد يدخل عالم الفيديوجيمز ولو كان في تدرج في هالأفكار من ثورية إلى مجرد مفاهيم بسيطة, وعمرها ماكانت بسياساتها تمشي وراء الآخرين بل واضح إن سوني لها فكرها الخاص وسياستها الخاصة بها.

 

[Nintendo]

لإن الكل يجمع إن الPS1 كان ثورة في عالم الفيديوجيمز من نواحي عديدة المفروض ماأحتاج أذكرها.

ياريت تذكرها جاسم عشان الكل يستفيد

 

[Rare Games]

ياريت تذكرها جاسم عشان الكل يستفيد

العاب الادولت والالعاب الواقعيه لم يكن من الممكن ان تظهر لولا البلاي شتيشن

 

[Nintendo]

العاب الادولت والالعاب الواقعيه لم يكن من الممكن ان تظهر لولا البلاي شتيشن

معليش بس ايش دخل ذا بموضوع الثورة؟ العاب البالغين اشتهرت مع نجاح مورتال كومبات على الاركيد وترى فيه اجهزة فيها العاب واقعية مثل ال3DO قبل صدور البلايستيشن ولاننسى العاب البي سي.

 

[The Heartless]

ياريت تذكرها جاسم عشان الكل يستفيد

استخدام الCD ROM في الجهاز والي من تبعاته سعة التخزين الكبيرة ألعاب بميزانية أكبر وتركيز على الألعاب البالغة والStory Telling في الفيديوجيمز وال3D جيمز, والأهم إن كل هالأشياء انتقلت للمين ستريم وماعاد يُنظر لأجهزة الألعاب نفس النظرة من قبل والي هي إنها للصغار فقط.

معليش بس ايش دخل ذا بموضوع الثورة؟ العاب البالغين اشتهرت مع نجاح مورتال كومبات على الاركيد وترى فيه اجهزة فيها العاب واقعية مثل ال3DO قبل صدور البلايستيشن ولاننسى العاب البي سي.

والله ياعمر ماأدري ليش مو مقتنع ان الPS1 كان ثورة, روح أي منتدى أجنبي وأطرح عليهم هالسؤال وشوف شنو بتكون ردتهم. موديل الPS1 وأتجاهها في الألعاب صارت تمشي عليه كل الأجهزة الي بعده (PS2,XBOX,GAMECUBE,X360,PS3) طبعاً مع إختلافات وإضافات للمفهوم. الوحيد الي كسر القاعدة هو الWii.

 

[Rare Games]

معليش بس ايش دخل ذا بموضوع الثورة؟ العاب البالغين اشتهرت مع نجاح مورتال كومبات على الاركيد وترى فيه اجهزة فيها العاب واقعية مثل ال3DO قبل صدور البلايستيشن ولاننسى العاب البي سي.

مادري عمر من اليوم تتكلمون عن مين الي قدر يوصل الفكرة والتطبيق للناس والا اللمس والانالوج وغيره موجودات من سنة جدي لكن نينتدو لعبتها صح ووصلتها للجمينق بشكل ممتاز وصار ستاندر

وسوني هي لها الفضل الاول فيه انتشار وشعبيه وبناء العاب الادولت والواقعيه مع البلاي شتيشن لولا البلاش شتيشن كان ضلت العاب في العاب الاركيد وما اكستبت شعبيه

3 دي اوه مش جهاز ناجح حتى يكون له الفضل او السبب في انتشار هالنوعيه من الالعاب

لو راح نمشي على هالمنطق وننكر دور سوني في انتشار وشعبيه العاب الادولت

بتكون لا نينتدو ساهمت باللمس ولا ولا بالانالوج ...........الخ

 

[hussien-11]

أخ جاسم أنا أحترم وجهة نظرك و لكن بكل أمانة .. الاختلاف في وجهة النظر بيننا كبير "جدا" و صعب نتفق .. بالنسبة لي أنا شرحت كل شي من وجهة نظري و أكثر من ذلك رح نصير ندور في حلقة مفرغة و نكرر نفس الكلام .

 

[Nintendo]

السي دي بدأ مع السيجا سي دي وبعده ال3DO من باناسونيك وجولد ستار والفليبس CDi وغيرها من الأجهزة ونفس الشئ بخصوص الالعاب للبالغين بدات على اجهزة الاركيد شهرتها وصدورها بعد كذا على السوبر ننتندو والسيجا جنسز والعاب الStory Telling هاذي بكل العاب الار بي جي السابقه والثري دي موجود على السوبر ننتندو مع شريحة الfx وشفنا نجاح ضخم لستار فوكس وقتها.

جاسم ولا شئ من اللي قلته ثوره للجهاز وماعتقد بكلامك اثبت اي شئ بصراحة, مازالت اجهزة سوني ماقدمت اي شئ ثوري كأجهزة وكانت مجرد مواكية للتكنولوجيا الحديثه لا اكثر ولا اقل.

لمن تتكلم عن تقنية تتكلم عن شئ غير سوق الالعاب, كيف ننتندو ابتعدت عن الجويستك اللي كان بكل الاجهزة واستخدمت الديباد وصارت ثورة الالعاب وانقذت سوق الالعاب من الضياع واعتقد تعرف قصة الاتاري ودمار سوق الالعاب, لمن تتكلم عن ثورة تتكلم عن الانالوج والعاب ال3D الحقيقيه, تتكلم عن الموشن, تتكلم عن شاشة اللمس, تتكلم عن الرمبل باك, تتكلم عن اضافة شريحة وبطارية للكارترج لحفظ الملفات, تتكلم عن اول لعبة ثنائية الابعاد وثلاثية الالبعاد بالكامل تتكلم عن اشياء غيرت عالما لفيديو جيمز بالكامل.

تتكلم عن اجهزة نزلت بثورة ووضعت معايير واسس للبقيه, ماتجي تقلي والله الجهاز يشغل سي دي؟؟ ترى السي دي هذا مساحة تخزين لااكثر ولا اقل واجهزة غير البلايستيشن الاول وفر ذا الشئ, تجي تقلي الجهاز والالعاب صارت للمين ستريم؟؟ وش دخل ذا بثورة جهاز؟؟ هذا نجاح اعلامي من سوني ماله دخل بثورة ولا خلافه.

معليش جاسم بس توقعت عندك شئ افضل تضيفه للنقاش ولكن بعد الاشياء اللي ذكرتها كثوره صار واضح جدا انه النقاش انتهى تماما والشغله صارت فانبويز فقط.

 

[Nintendo]

محد هنا ينكر انه البلايستشن الاول حقق نجاح, محد قال ذا الشئ, ولكن ايش هي الثوره اللي قدمها؟؟ ثورة يعني شئ جديد بسوق الالعاب ماشفناه من قبل, الجهاز ماقدم اي شئ جديد (كجهاز) انا اتكلم عن الجهاز كجهاز لحد يجي يقلي سوفتوير والعاب وبطيخ.

 

[X-SRI-X]

راح شوية اقكار بسيطة
=======
بنظري ... ان سوني شي طبيعي تقلد نينتندو في بداية طريقها ( الانالوغ مثلا ) لأنها ما كانت تمتلك الخبرة الي كانت تمتلكها نينتندو
=======
الشي الثاني التقليد مش كل مرة مذموم ! .. لما اجي اطور الانالوغ واوسع فكرته فهذا شيء ايجابي لصالح السوق مش ذم لسوني بل نشكر سوني الي غيرت وضع السوق بشكل عام وطبعا نينتندو تاثيرها على السوق اقوى لكن هناك تاثير سوني ايضا الى اقدر اقول انها مع بداية البلاي 1 بدأ عصر 3d بقوة وفعالية
=======
شي اخر مين ينسى العاب الاي توي مثل ( اي توي بلاي ) ... نحن شفنا شي شبيه على الوي باسم ( وي بلاي ) فهل هو تقليد ؟
=======
الاي توي ابتكار ودليل واضح ان سوني قادرة على الابتكار مهما كان مستوى نجاحها
========
بخصوص كلام جاك تريتون ... فهذا الشخص يريد اثارة ضجة لا اكثر حتى يبدأ الناس بالاهتمام اكثر فاكثر باجهزة سوني مثل ngp
=======

طيب التكنولوجيا المستخدمه في الموف تختلف إختلاف كبير عن الي في الويموت بس مع جذي أعتبرتوه سرقه!

اعتقد الاختلاف يقع في فكرة التاشير واحد باشعة والثاني باستخدام الضوء لتتبع الكاميرا
بس السالفة عن الفكرة نفسها ,جاك انتقد الفكرة وقال ان الويموت مصاصة وبعدها بسنيتين شفنا موف الي شبيهة جدا باسلوب تحكم الوي! فلا تلوم احد اذا قال تقليد

عمرها ماكانت بسياساتها تمشي وراء الآخرين بل واضح إن سوني لها فكرها الخاص وسياستها الخاصة بها.

اخالفك في هذه النقطة ... سوني كانت فكرتها بداية ظهور البلاي 3 هو ان البلاي 3 فقط للكبار وليس للاطفال ( لأنها انتقدت سياسة الوي ) وبعدها ب3 سنوات يا طويل العمر شفنا موف واهتمام بالنوعية الي كانت تنتقدها
وكل شركة تحاول تستفيد من اخطاء الاخرين وايجابيتهم فنينتندو هذه المرة نلاحظ انها اهتمت للهاردكور بشكل اكبر وهنا نلاحظ ان نينتندو حاولت تستفيد من سياسة الشركات الاخرى

 

[X-SRI-X]

محد هنا ينكر انه البلايستشن الاول حقق نجاح, محد قال ذا الشئ, ولكن ايش هي الثوره اللي قدمها؟؟ ثورة يعني شئ جديد بسوق الالعاب ماشفناه من قبل, الجهاز ماقدم اي شئ جديد (كجهاز) انا اتكلم عن الجهاز كجهاز لحد يجي يقلي سوفتوير والعاب وبطيخ.

والله يا عمر لو تفكر فيها الجهاز غير وضع السوق بشكل عام .... الثورة برايي ما تقتصر على الابتكارات فقط بل ممكن نشمل السوفتوير والاشياء هذه اما لو تقصد ابتكار او اختراع فهي تقدر تقول انها البداية الفعلية لتقنية السيدي والثري دي في الاجهزة ولو ان سوني ما اخترعت هذا الشي او اول من اضافها

 

[hussien-11]

محد هنا ينكر انه البلايستشن الاول حقق نجاح, محد قال ذا الشئ, ولكن ايش هي الثوره اللي قدمها؟؟ ثورة يعني شئ جديد بسوق الالعاب ماشفناه من قبل, الجهاز ماقدم اي شئ جديد (كجهاز) انا اتكلم عن الجهاز كجهاز لحد يجي يقلي سوفتوير والعاب وبطيخ.

الميموري كارد XD

بالمناسبة و بخصوص نقطة انه سوني تستخدم التقنية المتواجدة أو تطورها و لا تبتكر شيء جديد بالكامل ، أنا اراهن انه الثري دي بدون نظارات هو الثورة القادمة في عالم الأجهزة المحمولة ككل ، و قريبا بيصير منتشر في أغلب الموبايلات مثل الملتي تتش تماما ، و بعدها بنشوفه بجهاز سوني المحمول ما بعد القادم اذا أحيانا الله

مثل ما قال عمر بجملة سابقة ، ما حد يقول انه سوني تنسخ كل شي أو ننتندو تبتكر كل شي لكنها سياسة موجودة

تحس ننتندو أكثر جرأة بطرح منتج مع فكرة جديدة كليا مع انه هالشي ممكن يكون خطير بالسوق من الناحية التجارية و ليه مخاطر كثيرة مثلا اذا السوق ما تقبل الفكرة
بتكون الخسائر وخيمة ، لكن سوني تلعب على المضمون أكثر و تستعمل الستاندارد الموجود و تطور عليه بعض الأشياء بما يناسبها

لا زلت أشوفها واضحة كسياسة شركة ، و أول رد كتبته كان للتعبير عن "الضيق" بخصوص تكرار أفكار الآخرين و قلة الابتكارات الجديدة .. وجهة نظري .

 

[The Heartless]

واضح أنك ياعمر عندك مفهومك الخاص حول الثورية, أنت تبي الشي الثوري الظاهر يكون شي "ملموس" شي تمسكه بأيدك وتحس فيه مثل الويموت. يعني لما نقولك سوني بنت جهازها على "فكر" إنه يكون موجه للكبار وإنه الفيديوجيمنج بيصير بعدها "كوول" ومينستريم, هذا الفكر ليش ماننتندو أو أي شركة ثانية سبقت سوني بهالشي ومنها يوصل جهازها لمبيعات فوق 100 مليون ويكون أول جهاز يسويه؟

قاعد تذكر لي محاولات لألعاب بالغة وألعاب 3D على الأركيد والPC, طيب أغلب الأشياء الثورية إذا ماكانت كلها الي ذكرتها عن ننتندو في ردك السابق كانت لها محاولات عالأركيد والPC والكونسولز حتى, مو أنتم تستخدمون الحجة إن ننتندو على الرغم أشياءها مو مبتكرة مية بالمية بس لإنها هي الي نشرتها وخلتها تنجح فصارت ثورية ؟ طيب ليش ماتستخدم نفس المنطق مع الي سواها الPS1 ؟

 

[hussien-11]

هناك تاثير سوني ايضا الى اقدر اقول انها مع بداية البلاي 1 بدأ عصر 3d بقوة وفعالية

أنا أختلف مع هذا الكلام حقيقة خيو

صحيح البلايستيشن الأول كان أكثر كونسول ناجح بعصره ، لكن التأثير الأكبر على عالم الألعاب ثلاثية الأبعاد

كان من لعبتين بالتحديد ، ماريو 64 و اوكارينا اوف تايم ، هاللعبتين حلوا مشاكل تاريخية للمطورين في كيفية تصميم المراحل ثلاثية الأبعاد في الألعاب ، و في كيفية "إتقان حركة الكاميرا" و ضبط زواياها و تخيل المراحل و كل شيء ..

أشوف أثرهم على الثري دي جيمنج أكبر بكثير من أثر أي شي ظهر على البلايستيشن الأول ، الي أشهر و أقوى ألعابه كانت بخلفيات ثابتة ثنائية الأبعاد و لم تخدم مستقبل الفيديو جيمز كطريقة لعب و حلول لدى المطورين ( ريزدنت ايفل - فاينل فانتسي ) او محدودة و تسير في اتجاه واحد فقط إلى الأمام ( كراش بانديكوت ) أو كاميرا علوية ثابتة ( متل جير سوليد )

على العكس من ماريو 64 و أوكارينا اوف تايم الي قدموا تحكم ثري دي بالأنالوج و كاميرا ديناميكية و lock-on و عوالم ثلوج صحراء غابات قرى مدن و ألغاز و زعماء و كل شي يخطر أو لا يخطر ببالك .. و غيرهم حتى الكاميرا ما كان عارف يضبطها .. مشاكل الكاميرا و التحكم لبعض المطورين ظلت مستمرة إلى جيل البلاي ستيشن2 حتى .

لكن طبعا ما أنكر انه البلايستيشن الأول وسع السوق و كان له الفضل بأشياء كثيرة في عالم الفيديو جيمز .

 

[X-SRI-X]

واضح أنك ياعمر عندك مفهومك الخاص حول الثورية, أنت تبي الشي الثوري الظاهر يكون شي "ملموس" شي تمسكه بأيدك وتحس فيه مثل الويموت. يعني لما نقولك سوني بنت جهازها على "فكر" إنه يكون موجه للكبار وإنه الفيديوجيمنج بيصير بعدها "كوول" ومينستريم, هذا الفكر ليش ماننتندو أو أي شركة ثانية سبقت سوني بهالشي ومنها يوصل جهازها لمبيعات فوق 100 مليون ويكون أول جهاز يسويه؟
؟

ياخوي انت الحين بنظرك ان النينتندو 64 مش موجهة للكبار ايضا ؟ وهل تتوقع ان هذا الفكر ناجح دائما ؟( ps3 )


النقطة الثانية الي ذكرتها .... نينتندو من ناحية الاضافات والافكار قدمت اكثر من سوني بس هذا لا يعني ان سوني ما قدمت اي شي بل قدمت وابهرت ولها تاثير بس تاثير نينتندو اكبر بشكل عام ( تذكر هنا نتحدث عن الابتكار والاضافات مثل الموشن والاشياء هذه وليس سياسة الشركة )

 

[The Heartless]

اخالفك في هذه النقطة ... سوني كانت فكرتها بداية ظهور البلاي 3 هو ان البلاي 3 فقط للكبار وليس للاطفال ( لأنها انتقدت سياسة الوي ) وبعدها ب3 سنوات يا طويل العمر شفنا موف واهتمام بالنوعية الي كانت تنتقدها

هذي سياسة قديمة لسوني وتتبعها من زمان, تصدر جهاز في البداية بسعر مرتفع وموجه للكبار والهاردكوز وبعدين تتجه للفئات الثانيه مثل الأطفال والكاجوالز بعد ماتخفض السعر, وكل ماخفضت السعر أكثر كل ماأتجهت أكثر لهالفئات. شفنا هالشي مع الPS2 وقاعدين نشوفه مع الPS3 وحتى الأجهزة الثانية (مثل الX360) تتبع هالأسلوب. الWii سوى عكس المعتاد وأتجه للكاجوالز والنون جيمرز أولاً (ومحبي ننتندو الهاردكورز طبعاً) وبعدين كانت تحاول تكسب باقي الهاردكوز كلهم وتاخذهم من سوق البلاي ستيشن والإكس بوكس, هذي كانت سياستها. فمو لإن سوني الحين تحاول تكسب الكاجوالز تعتبرونها قاعده تقلد, هذي سياسة معروفه من سوني ولا يهمك كلام الPR في بداية عمر الجهاز.

 

[X-SRI-X]

صحيح البلايستيشن الأول كان أكثر كونسول ناجح بعصره ، لكن التأثير الأكبر على عالم الألعاب ثلاثية الأبعاد

ياخوي .. انا اتكلم عن تاثير كلا الشركتين وليس من هو الاكبر في التاثير على السوق

 

[Nintendo]

واضح أنك ياعمر عندك مفهومك الخاص حول الثورية, أنت تبي الشي الثوري الظاهر يكون شي "ملموس" شي تمسكه بأيدك وتحس فيه مثل الويموت. يعني لما نقولك سوني بنت جهازها على "فكر" إنه يكون موجه للكبار وإنه الفيديوجيمنج بيصير بعدها "كوول" ومينستريم, هذا الفكر ليش ماننتندو أو أي شركة ثانية سبقت سوني بهالشي ومنها يوصل جهازها لمبيعات فوق 100 مليون ويكون أول جهاز يسويه؟

قاعد تذكر لي محاولات لألعاب بالغة وألعاب 3D على الأركيد والPC, طيب أغلب الأشياء الثورية إذا ماكانت كلها الي ذكرتها عن ننتندو في ردك السابق كانت لها محاولات عالأركيد والPC والكونسولز حتى, مو أنتم تستخدمون الحجة إن ننتندو على الرغم أشياءها مو مبتكرة مية بالمية بس لإنها هي الي نشرتها وخلتها تنجح فصارت ثورية ؟ طيب ليش ماتستخدم نفس المنطق مع الي سواها الPS1 ؟

جاسم, للمره المليون, مشكلتك تربط الثورة مش بجهاز البلايستيشن الاول, تربطه بالسوفتوير, ياخي انا اتكلم عن جهاز, اعطيك اياها بسؤال سهل جدا:

ايش الشئ اللي موجود بالبلايستيشن الاول وصار شئ ثابت بكل الاجهزة بعده؟

لاتقعد تقلي فتح سوق العاب الكبار والخ الخ من الكلام الفاضي ذا, انا قاعد اتكلم عن جهااااااااااااااااااااز, لاتقعد تجبلي سالفة سوفتوير وفتح سوق والخ الخ, سهلة اقلك طيب حتى باقي الاجهزة قبله كان فيها العاب لبالغين والخ الخ وسوني سرقة فكرة توجه سوق البالغين وذي الخرابيط, للمره الميون انا اتكلم عن جهاز. وبعدين تجي تقلي ليش مافي شركات قبله سوني فكرت بذا السوق؟؟ اجل مورتال كومبات الظاهره ايش تسميها.. انت المشكلة تبغى الثورة تمشي على مزاجك وفقط.

قاعد تذكر لي محاولات لألعاب بالغة وألعاب 3D على الأركيد والPC, طيب أغلب الأشياء الثورية إذا ماكانت كلها الي ذكرتها عن ننتندو في ردك السابق كانت لها محاولات عالأركيد والPC والكونسولز حتى

تمزح؟ البي سي ماشم ريحة الانالوج الا بعد الننتندو64, المشكلة انت منت فاهم ايش قاعد تقول اصلا بالنقاش

و أنتم تستخدمون الحجة إن ننتندو على الرغم أشياءها مو مبتكرة مية بالمية بس لإنها هي الي نشرتها وخلتها تنجح فصارت ثورية ؟ طيب ليش ماتستخدم نفس المنطق مع الي سواها الPS1 ؟

للمره المليون نتكلم عن سوق الالعاااااااااااااااااااااااااااب, اعطيني شركة اصدرت جهاز بجهاز تحكم انالوج قبل ننتندو, شركة اصدرت جهاز العاب بجهاز تحكم بديباد, شركة اصدرن جهاز تحكم هزاز, شركة اصدرت جهاز مع جهاز تحكم بالموشن, شركة اصدرت جهاز العاب باللمس, شركة اصدرت جهاز العاب بشاشاة ثلاثية الابعاد؟

جاسم, للامانه انا حاس اني قاعد اضيع وقتي مع شخص مهما كلمته بالمنطق الواضح ماراح يقتنع لانه متعصب بزياده, اذا كان ذا الوضع فوفر علينا النقاش السقيم.

 

[X-SRI-X]

هذي سياسة قديمة لسوني وتتبعها من زمان, تصدر جهاز في البداية بسعر مرتفع وموجه للكبار والهاردكوز وبعدين تتجه للفئات الثانيه مثل الأطفال والكاجوالز بعد ماتخفض السعر, وكل ماخفضت السعر أكثر كل ماأتجهت أكثر لهالفئات. شفنا هالشي مع الPS2 وقاعدين نشوفه مع الPS3 وحتى الأجهزة الثانية (مثل الX360) تتبع هالأسلوب. الWii سوى عكس المعتاد وأتجه للكاجوالز والنون جيمرز أولاً (ومحبي ننتندو الهاردكورز طبعاً) وبعدين كانت تحاول تكسب باقي الهاردكوز كلهم وتاخذهم من سوق البلاي ستيشن والإكس بوكس, هذي كانت سياستها. فمو لإن سوني الحين تحاول تكسب الكاجوالز تعتبرونها قاعده تقلد, هذي سياسة معروفه من سوني ولا يهمك كلام الPR في بداية عمر الجهاز.

ياخوي الشركة هي الي صرحت بالكلام مش انا يعني ... فهل انت تقول ان الشركة تناقض تصريحاتها من اجل اثارة ضجة والى اخره ؟

 

[Spartan-A34]

تم اطلاق الفانبويز :w00t:

 

[hussien-11]

شباب رجاء بلاش ردود مالها طعمة و لا قيمة ، الي ما عنده شي يضيفه يا ريت ما يحشر نفسه بالموضوع .

 

[Sora Diersly]

هذا نجاح اعلامي من سوني

بالضبط! هذا اللي كان في بالي وحبيت اشير إليه. رغم كون نينتيندو السبّاقة في صنع التقنيات "الثورية" الجديدة واللي ذكرها عمر كلها في ردّه وهو معصّب (لول 😀) سوني استغلّت شهرتها الإعلامية و "طوّرت" مفهوم بعض المعايير المتوفرة في عالم الفيديو جيمنج. بداية من "افضل يدّة تحكّم" مُتّفق عليها العالم أجمعه يملكها البلاي ستيشن 1 (الدوال شوك, مش الكنترول باد العفن) وبرضوا تقنية اهتزاز يدّة التحكم نفسها راح نعتبرها مُجرّد تطوير لمن بدء ثورة الدي باد كنترولرز نينتيندو. تقنية استخدام الـ DVD بعد نجاح الـ CD-ROM كان بحد ذاته تطوير رائع من سوني, تلاها بعد ذلك البلو ري في البلاي3 وكان إعجاز مُتوقّع, وحتى هذه اللحظة مافيه جهاز قدر يوصل لسعة تخزينية مثلها (ولا احد يقول مالها دخل السوفتوير...ألخ من اليوم انا اقول "تطوير") يكفي أن بدون سعة إضافية مستحيل تسوي شيء خورافي التصميم مثل ابداع FFXIII على ديسك واحد, لذا الوي كان دائما العابه ضعيفه رسوميا رغم أن افكار الألعاب الجهنمية غطت على نقطة الضعف هذي, لكن الآن بدأت تعود المشكلة من جديد بحكم ان فيه العاب آر بي جي كثيرة صارت تصدر على الوي, والناس صارت تشوف الفرق الرسومي اكثر. الـ Eye Toy من سوني طرحت فكرة جديدة في السوق ولو انها لم تُدعم من قبل المطوّر حتى صدور الموف لكن تُعتبر نقطة في صالح سوني.

قد تكون سوني مُجرّد "مُطوّر" للهاردوير اللي تطلقه نينتيندو في البداية, لكن اسم سوني العريق كفيل انه يُشهر اي تقنية ويُحسب في صالحهم ايضا! لاحظ جهاز سيجا الدريم كاست, كان ثورة رسومية تفوق الخيال (في ذلك الوقت) مُقارنة بالبلاي1 والجيم كيوب كان منافس قوي له, لكن للأسف لم يصمد لسوء حملته الإعلانية الموافقة للجهاز. والسبب في نجاح بلاي1 كان واضح جدا, الإعلام ساعده انه يبني اكبر مكتبة العاب اللي بفضل الله ثم بفضل مطوّرين الطرف الثالث اللي لجئو تحت مظلة نجاحه الضخم في هذيك الفترة.

ولا انسى, ملاحظين ان المسألة كلها تطوير؟؟ جهاز الجيم كيوب كان مستخدم فكرة البلاي1 في الدوال انالوج, فـ هل تُحسب هذه الفكرة لصالح سوني او نينتيندو؟؟ نفس الكلام مع الكلاسيك كنترول في الوي.
مااشوف فيه مشكلة ان نينتيندو تسوي الفكرة الأساسية والشركات الثانية تطوّر وتسوي شيء افضل من المنتج الأساسي. بالنهاية حنا المستفيدين P: