صحيح عندي مشكلة مع الإنحراف في الأنمي بشكل عام لكن ذي مش نقطتي الرئيسية هنا. البطل بيدوفيلي بشكل صريح وما تتسلك مهما حاولوا محبي العمل. حتى الأنمي مع إنه زي ما قلت يحاول يصبغ صورة أحسن للبطل وشايل كثير جزئيات مريضة بزيادة من عنده, لسه تقدر تلتمس أساس العمل القذر. يعني صححني لو غلطان لكن هو ما كان يفكر بإيريس بشكل قذر قبل ما توصل عمر ال 15 سنة وينام معاها؟ أذكر يوم كان عمرها 12 سنة كان يتحرش فيها في الحلقة الثامنة وشوي ويسويها لو ما وقفته... طيب هو ما كان أربعيني يوم سواها؟ لا وأتذكر عشان جسمه الجديد اصغر من عندها في الحجم والسن خلاها تحس بالذنب يوم بعدين سووها ونامت معه... بس يا أخي كمية القرف ذي لو لقيتها في جتا6 تكفا بندها من المنتدى. لو في كذا بيدوفيليا صريحة وتشوف جوني ولا لوسيا يدخلوا في علاقات مع قواصر بشكل مباشر قدامنا في الشاشة ولأكثر من مرة وصار تركيز القصة جزء من عندها على ذيك العلاقات؟ بندها هي وكل الأعضاء الي يدافعوا عنها.....
كون الفانتاسي والعالم والمغامرة ممتازين الصراحة ما يعذر ذا الشيء. كاتب موشوكو نفسه يقول لك ترا أنا متأثر بذيك الرواية المرئية (أظن إنك عارفها يا مهمد ما يحتاج اذكرها) والي بالمناسبة ممكن تكون من دون مبالغة صاحبة أحسن بناء للعالم وما في ولا عمل ثاني فانتاسي ممكن يقرب لها من ذاك المجهود الي انحط فيه بس كل هذا على ايش؟ حتى اقتباس أنمي ينظفه ما قدرت تحصل عشان البطل نفسه غير قابل للتنظيف. يوم روديوس صار يحسسني إنه كأنه ذاك البطل عشان الكاتب نفسه فعلا متقصد ذا الشيء؟ هنا تعرف العمل هذا المفروض مكانه مش هنا.
بالعكس أنا سعيد إن ذاك الفان جالس يعرضها بشكل علني, كل ما كان الشخص فان أكبر للعمل كل ما تحول للرواية وكل ما حبه وعشقه لذي الرحلة خلوه يتقبل الفكر البيدوفيلي المكتوب هناك وصار يصنع لك اعذار ويحاول يشرح لك كيف ذي الرحلة هي رحلة معالجة روحانية للبيدوفيليين وتعلمك يعني إنهم حتى هم ممكن يلاقوا الصلاح وترا يمروا بمصاعب كثيرة وحياتهم جدا صعبة بس في نهاية اليوم البيدوفيلي بطريقة ما لسه تقبلوه الأطفال الي تحرش فيهم وقدر يحصل حياة سعيدة معاهم أو شيء زي كذا؟ مدري ايش العبرة هنا الصراحة لكن صعب اتقبل أي شيء من البداية وأنا عارف طينة روديوس وقد مر علي أبطال زيه ثانيين وخلصت أعمالهم وعشت قمة القرف معاهم فمستغرب ليه الآن الأنمي هذا سلك وضعه مع إني بالرغم من كون ذيك الأعمال فيها عوامل قوية جدا لسه تقييمها عندي نازل ولا تشوفني أسولف عنهم عشان البطل الي مصمم لإشباع غرائز الأوتاكو أوسخ بشر في الكون مستحيل اقدر اتقبله.
