العين الإماراتي × الإتحاد السعودي

[gray fox]

الزعيم الإمارتي في مواجهة العميد السعودي ..الساعة 10:05 بتوقيت الإمارات (ذهاب)

كنت أفكر اروح للمباراة بس المشكلة وايد زحمة .... 🙄

-----------------------------


( مباشرة من العين مع المقدم فوكس ) ^__^

وبعد خروج بوسان على يد الإتحاد في الإياب 5-1 .. وتغلب العين على خصمة الصيني 6-0 في الإياب أيضا ..حسم الفريقين تأهلهما للمباراة النهائيه

..انشاء الله يقدم الفريقين مباراة تليق وتشرف الكرة الخليجية ...
إن فاز العين العين بالكأس سنفرح له ...ونحتفل..
وان فاز الإتحاد.. سنبارك لهم..ولن نخفي فرحنا بأن فريق خليجي حصل على لقب بطل آسيا

(بس انشاء الله يفوز العين ...اشان يبقى الكأس ونحصل اللقب مرتين على التوالي 🙂 )<<< متعصب :razz:





مباراة الأبطال...مباراة الأخوين ..مباراة القمة ...

تابعونا على تروجيمنج .. أقصد النتيجه مو المباراة :razz:

 

[King Wario]

عمر VS حميد

الكاس عيناوي انشالله

 

[Khalid-S]

المباراة بتبدأ بعد شوي ,, مافي فرق بين النادين , بس بأذن الله الاتحاد ياخذها 😉

 

[Pichi]

1-0 للعين .. (دقيقة 67)
اشوف العين ضاغط و مدرب الاتحاد شوي وبتجيه جلطه لوووول ..

 

[Khalid-S]

1 - 1
تعادل الاتحاد بضربة جزاء

المباراة انتهت ,, بانتظار 5 نوفيمبر مباراة الإياب 🙂

 

[Mario2]

ان شالله تكون مباراة الاياب على قد المستوى بعد ..

المباراه كانت حماسيه وحلوه ..وبالفعل الفريقين كبار وقويين ..

 

[gray fox]

ملخص...

الإتحاد لعب مباراة قوية ..أضاع فيها الكثير من الفرص !!

العين كان متوسط في الشوط الأول...بداية قوية جدا في الشوط الثاني !! أحرز منها هدف وأضاع العديد من الفرص المؤكدة..ي تبعها تبديلات (غبية جدا) من مدرب العين وهي اللي ذبحت العين ذبح اسلامي ..

الإتحاد مسيطر على أوضاع اللعهب بعد التبديلات ..! يحرز هدفه من ضربة جزاء في الدقيقة 41 من الشوط الثاني ... يتبعها فرص عديدة !!


مبروك للإتحاد .. كان أداءه قوي ..على مرور الشوطين
العين تفاوت اداءة في الشوط الأول...دمرها بشرف في الشوط الثاني !!



1-1 نتيجة ترضي الإتحاد على ملعب العين ....

بانتظار 5 نوفيمبر مباراة الإياب

🙂

 

[Humam]

تكفى الي يقلك مافي فرق بين الناديين والناديين أخوان ومن هذا الكلام القديم الي شبعنا منه, لا ياحبيبي مع احترامي الشديييييييييد, الكورة كورة والي يبغى يفوز ويكسب برمي هذه العبارات الطفولية ورى ظهره, نادي العين نادي مغرور جدا جدا وفي السنوات الأخيرة قام يطلق تصريحات وكأنه فريق العالم تقول الميلان والا اليوفي وأنا أقسم بالله ما أدري ليش, نادي آسيا وبطل آسيا وفريق آسيا والزعيم.. يعني الي يشوق تقارير قناة ابو ظبي " الرخيصة " يتمنى هزيمة ساحقة للفريق حتى يعرفوا ان الله حق, وأن " العين " مستحيل تعلى على الحاجب.. يعني من جد غرور ماقد شفته في حياتي أعوذ بالله.. لا وجايبين 4 مصريين على قول عمر قاطين لهم كم قرش يمدحوا في العين ويقولوا الاتحاد فيه ومايخطيه !! ههههههههههه تكفى مرة زعلنا خلاص ماراح نعرف نلعب 😛

مع احترامي لعشاقه احنا اليوم كنا ننتظر هزيمة مدوية له تكسر غرور لاعبيه ومسؤووليه..

وزي ماشفنا, نمور الاتحاد البطال أرعبوهم, زلزلوهم, هههههههههههههه,, والله أبطال, لولا الحظ وسوء الطالع كان خرج اليوم الاتحاد والفوز في جيبه, العين كان مرتبك جدا جدا جدا, طبيعي وهو يلعب أمام النمور الشرسة.

يلا يا أبطال برافو عليكم, الوعد في جدة ان شاء الله, وأنا أقولها هنا ومن هذا المنبر الكاس بإذن الله بإذن الله بإذن الله صار في فم النمر الاتحادي والي يبغى يخطفه من فمه لازم يدفع ثمن غالي جدا جدا جدا جدا, وما أعتقد العين قادر على دفع هذا الثمن في ارض وملعب الاتحاد في جدة.. الوعد هناك بإذن الله.. ان شاء الله راح أطلع المباراة لأول مرة في حياتي وأشجع الاتحاد بكل قوة وعنفوان لأن فوز الاتحاد بالكأس يعني فوز الوطن 😉

شكاشكاشكاشكا شكا شكا شك شك ... شك شك.

 

[Solid Snake]

مباراة حلوة .. الاتحاد قدم فيها أداء رائع .. كان مسيطر على زمام الأمور وقدم مستوى مبهر بصراحة ..

بانتظار الإياب في جدة .. وإن شاء الله الكأس للاتحاد لأنه يمثل الوطن .. ^^

 

[Xavi]

خلاص الاتحاد ممثل اسيا في اليابان 🙂

مبروووك

 

[Mario2]

لوول ..همام تراه ما صار شي مجرد تعادل ..
وبعدين اكيد تلفزيون ابوظبي يفتخر بالعين ولا بعد نقول ان الاتحاد متكبر عشان شفنا مثلا تصريحات القنوات الرياضيه لهم ..

اقول خلها تنتهي وبعدين اتكلم ..

 

[gray fox]

نادي العين نادي مغرور جدا جدا

همام ..مقبولة 😎

يعني الي يشوق تقارير قناة ابو ظبي

لا وجايبين 4 مصريين على قول عمر قاطين لهم كم قرش يمدحوا في العين

يعني من جد غرور ماقد شفته في حياتي أعوذ بالله

يعني روحك قلتها .... التصاريح من القناة .. مو من النادي 🙄 ..كيف كان الغرور

ويقولوا الاتحاد فيه ومايخطيه

دور إعلامي 😛

تكسر غرور لاعبيه ومسؤووليه

لاعبين العين قبل المباراة ماقالوا إلا انهم يتمنوا الفوز ... وانشاء الله يفوزون..وانه الخصم قوي ونحنا نحترمه ........ما يقوله أي لاعب 🙄

لولا الحظ وسوء الطالع كان خرج اليوم الاتحاد والفوز في جيبه

كنت اقدر اقولها للعين لولا أداءه في الشوط الثاني بعد أول عشر دقائق... طالعوا المباراة بعينين من جهتين .
بس حقيقه العين ما قدم ولا شي ...

همام ..الله يسامحك .. نشوف الإياب 🙂

خلاص الاتحاد ممثل اسيا في اليابان

مشاء الله fortune teller :bigSmile:

 

[Nintendo]

تصريحات للاتحاد بالتلفزيون السعودي !! حميد شكلك ماتدري عن وضع الاتحاد عندنا 🙁

المهم نرجع للمباره :

الاتحاد قدم مبارة ممتازة على ارض العين واغلب المبارة سيطر تماما على منطقة وسط الملعب وفعلا اللاعبين نفذوا خطة عدم اعطاء المساحات والمراقبة اللصيقة بشكل ممتاز ..

للاسف فرص كثيره ضاعت على الاتحاد خلال الشوطين ودخول الفريق ببرود مع بداية الشوط الثاني تسبب في احراز الهدف العيناوي . تبديلات يوردنيسكو منطقية جدا واعادت الثقة للفريق بدخول نجم النجوم محمد نور و الخبير حمزه .. من جهة العين ماتشالا خربها يوم طلع نواه النيجيري في محاولة منه لمنع تقدمات الدوخي عبر اشراك لاعب الوسط الايسر لفريق العين ( نسيت اسمه ) ولكنه قتل الناحية الهجوميه للفريق وخصوصا انه كان يلعب على المرتدات ...

نتيجة جيده للاتحاد وان شاء الله نحقق الكاس بجده 🙂

 

[king zell]

همام ما يحتاج هالأسلوب في الكلام أتوقع..

و بعدين أكيد الإتحاد و العين أخوان.. و ما في شي اسمه ارمي هذي العبارة سواء في كورة أو في غيره..

ما قصروا الفريقين و ان شاء الله نشوف مباراة حلوة في جدة و المتأهل يشرفنا في كأس العالم 🙂

 

[gray fox]

همام ما يحتاج هالأسلوب في الكلام أتوقع..
بعدين أكيد الإتحاد و العين أخوان.. و ما في شي اسمه ارمي هذي العبارة سواء في كورة أو في غيره..
ما قصروا الفريقين و ان شاء الله نشوف مباراة حلوة في جدة و المتأهل يشرفنا في كأس العالم

عين العقل 🙂

 

[Khalid-S]

هههه همام ما ادري ليش معصب ,, لو انه الهلال الي قاعد يلعب

 

[Humam]

شباب.. الآن الي يقول الصراحة صار كلامه ماله داعي ؟ رجاء يعني شيلوا قناع المثالية من وجوهكم .. نضحك على بعض إحنا ؟؟!! الواحد المفروض مايجامل,الفريقين اخوان ومافي أحد خاسر ووو .. إلخ ومن كلام الجرايد هدا الي مايحطوه الا علشان يعبوا الصفحات..

ايوة طبعا اكون معصب, ليش الاتحاد مو فريق الوطن لا ومن الغربية من جدة اهل الرخا والشدة .. حبي الاتحاد.. الي ماله انتماء لوطنه ماله انتماء

بالنسبة للشباب الي يقولوا الاتحاد وتصريحاته !! لول, السعودية الثالثة الهلاالللللللللية.. الart ممكن تقول ورغم كدة ماشفنا شي..الأوريت الناطق الرسمي لنادي الهلال.. عندنا بس جريدة المدينة.. ورغم كدا كاتبين كلام كبير عن نادي العين ووصفوا لاعبيه بالنجوم عكس الحرب الإعلامية الرخيصة الي نشوفها في الطرف الثاني سواء على قناة أبو ظبي أو دبي أو الصحافة العيناوية الصفراء..

على العموم كل الي اطلبه ان كل واحد يترك المجاملات, اتكلم عن رايك بدون تجريح او استهزاء وقح, وما أعتقد ان كلامي فيه أي شي.

 

[king zell]

و الله همام انك مسكين اذا ماخذ الكورة كذا..

بالنسبة لي أنا ما عندي مانع اذا راح الإتحاد أو حتى العين لكأس العالم.. لأن قبل ما يكون عندي انتماء لوطني عند انتماء لشي ثاني أهم 🙂


و بالنسبة لي هذا وجهي الحقيقي مش أقنعة و لا شي أشيلها و أرجعها.. و بالنسبة لي كرة القدم "لعبة" فقط لا غير مثلها مثل ألعاب الفيديو خلقت للمتعة.. و ما لي أي علاقة بالإعلام و اللي يسوونه..

 

[Humam]

محمد سلم لي على سمير هلال " الأسطورة " 😛 يارجال الكورة كدة تعصب في تعصب وهدي حلاوتها.. كرة بدون تعصب مالها طعم ..كلنا صحيح اخوان ومستحيل تصير خلافات بيننا بسبب كرة قدم ولعب, احنا بنتكلم الآن داخل إطار التنافس, يوم نكون متنافسين على شي اعتقد من بالخداع انه نقول الفريقين فايزين وعادي محنا زعلانين, الي يفكر كدة مايعرف طعم كرة القدم, بعد مايخلص كل شي ويخلص التنافس كلنا نرجع احباب واعتقد هدا شي مايغاله شرح اكثر من كدة 🙂

 

[gray fox]

بدون تجريح او استهزاء

.......

نادي العين نادي مغرور جدا جدا

تكسر غرور لاعبيه ومسؤووليه

والله ما اعرف شو فيه أكثر من هذا ...
🙂



بس مقبولة منك يا همام 🙂

 

[squall leonhart]

هههههههههههه همام اطلع منها انت مو اتحادي .... المدرب كان يستهبل لما حط نور على الاحتياط و لا ايش ؟؟

 

[King Wario]

كلام همام صحيح ، ما يحتاي نجامل بعض ، اكيد كل واحد يتمنى فوز واحد من الفريقين ( اذا مب الكل الاغلبية ) ... وحلات الكرة في المنافسة ( مثل سماش :bigSmile: )

بالنسبة لقناة ابوظبي الرياضية ، شو تتوقع منهم يا همام يوم ان فريق يمثل البلد في مباراة نهائية في دوري ابطال آسيا ، هني بعد حتى التلفزيون يحط المجاملة على صوب ( مثلنا ) ويوقف مع نادي بلده ..

اما من ناحية التكبر ، ما اظن نادي الاتحاد اقل تكبرا من العين خاصة بعد ما ارتفع مستواه بشكل ملحوظ في السنوات السابقة

العين ما قدم المستوى المطلوب منه ، والاتحاد لعب بشكل جيد ... لكن ما فقدنا الامل ...

واكررها ... الكاس عيناوي انشالله