العلماء عثروا على حشرة تأكل المخلفات وتغوط بترول

[Khalid-S]

هههه اغرب خبر سمعته من مدة. اضغط على اللينك. http://www.timesonline.co.uk/tol/news/environment/article4133668.ece

Scientists find bugs that eat waste and excrete petrol
Silicon Valley is experimenting with bacteria that have been genetically altered to provide 'renewable petroleum'

بترولنا في خطر :razz::

 

[The Shadow]

نظرية الـOileX تحققت !! OMG

 

[NSider]

بصراحة أتمنى يكون الخبر صحيح، لأن البترول اللي عندنا في الطريق لأنه ينتهي خلال سنوات قليلة.

 

[Isaac]

بصراحة أتمنى يكون الخبر صحيح، لأن البترول اللي عندنا في الطريق لأنه ينتهي خلال سنوات قليلة.

الله لا يقولها ...

لو صار هالشيء معدل الدخل القومي لدول الخليج بينخفض بشكل بيأثر على مستوى معيشتنا بشكل ماتتصوره.



أتمنى تكون إنتاجية هالنوع من الحشرات insufficient وإنهم يضطرون يعتمدون على بترولنا في المقام الأول.


إلين ربكم يفرجها ونطور وننوع مصادر دخلنا بحيث يقل اعتمادنا على البترول عن الشكل المهول حاليا.

 

[The_One]

رحنا فيها :surprised:

 

[BioMario]

فعلاً غريبة ..

بس على فكرة شباب أنقى و أفضل نفط من ناحية الجودة نفط الخليج العربي ..
والحمد لله ان هذا الكنز عندنا لو كان عند دول أجنبية مارح نكون بهذا التطور ..
بعدين إذا انتهى البترول من العالم أمريكا رح تاكل العالم أكل .. ثاني أكبر مخزون نفط عندها ..

أتخيلو شباب إذا البترول و النفط بشكل عام وقف لمدة يوم واحد شو بيصر في الدنيا :w00t:

 

[Simplicity]

وش فيكم هدووووو وه دوده عاد تطلع بترول ,,,,صلو على النبي بس سبحان الله والله عجب لله في خلقه شؤون ,,دوده ,,بترول سبحان الله,,ليش لا ربنا واحد وكبير وقادر على كل شي,,

 

[Revolver]

:w00t:

كيف حشره تطلع بترول .. يعني هل تطلع بكميات كثيره ولا كميات قليله ؟

 

[Humam]

أنصح هيديو كوجيما انه يصنع سلسلة جديدة مبنية على هذا الخبر :laugh::

صراحة المستقبل بالنسبة لنا مظلم, البترول 40 سنة ماكسمم و بيخلص.. الله لا يغير علينا.. مالنا إلا نشكر حتى تدوم النعم. احنا بلد صحراوي خالي تماما من الموارد.. أملنا الوحيد ان المناخ العالمي يتغير بما فيه شبه الجزيرة العربية وتصير عندنا موارد مائية وزراعية.. والا منطقيا بنرجع لعصر الفوانيس و ركوب الخيل.

 

[Solay]

لول ردود بعض الشباب هنا تخوف...

 

[MoShaKiS]

أنصح هيديو كوجيما انه يصنع سلسلة جديدة مبنية على هذا الخبر :laugh::

صراحة المستقبل بالنسبة لنا مظلم, البترول 40 سنة ماكسمم و بيخلص.. الله لا يغير علينا.. مالنا إلا نشكر حتى تدوم النعم. احنا بلد صحراوي خالي تماما من الموارد.. أملنا الوحيد ان المناخ العالمي يتغير بما فيه شبه الجزيرة العربية وتصير عندنا موارد مائية وزراعية.. والا منطقيا بنرجع لعصر الفوانيس و ركوب الخيل.

من ناحية رجوعنا لعصر الفوانيس والخيل فإحنا راجعين وهالشي ذكره الرسول عليه الصلاة والسلام ,

الحديث مايحضرني نصا لكن في معناه " أن روما تفتح على يد المسلمين على ظهور الخيل "

البترول منتهي منتهي لامحاله , لكن الوقت الله أعلم . .

اله يحسن الخاتمه بس . .​

 

[MALDINI]

مافي مشكله نجيب الحشره هذي ونسوي مزراع لها .
تفريخ .... وتفقيس

 

[Isaac]

أنصح هيديو كوجيما انه يصنع سلسلة جديدة مبنية على هذا الخبر :laugh::

صراحة المستقبل بالنسبة لنا مظلم, البترول 40 سنة ماكسمم و بيخلص.. الله لا يغير علينا.. مالنا إلا نشكر حتى تدوم النعم. احنا بلد صحراوي خالي تماما من الموارد.. أملنا الوحيد ان المناخ العالمي يتغير بما فيه شبه الجزيرة العربية وتصير عندنا موارد مائية وزراعية.. والا منطقيا بنرجع لعصر الفوانيس و ركوب الخيل.

همممم ترى الطاقة الشمسية ما أكثر منها في الجزيرة العربية !! :w00t:


لول يخترعون Cells تقدر تخزن فيها الطاقة ... ونصير بدل ما نصدر 10 ملايين برميل باليوم ... نصير نصدر 10 ملايين Cell باليوم !! :whistle:


لو ما فيه إمكانية لاختراع Disposable cells بسعر رخيص ... نسوي Cell زي قارورة الـPepsi

:happy:

 

[Golden_Sun]

كم حشره يحتاجون حتى يطلعون برميل؟ وشكثر تستغرق وقت حتى تنتج بترول؟؟ واصلاً بترول الخليج من افضل البترول في العالم يعني لو مهما سوو ماردهم حق بترولنا!!

بس الله يستر لي خلص :\ او اذا هم "المستوردين" طلعوا بدائل للنفط لأن سعره الحين 140$ ويتوقعون يوصل للـ200$!!

 

[ZiZ]

مستحيل يكون حل عملي. لو يجيبون ملعب كورة ويعبونه ببلايين الحشرات ما أتوقع يقدرون يغطون احتياج سيارة واحدة.

بس يمكن يستنتجون منها طريقة جديدة لتكوين البترول

 

[king zell]

لول شباب ما في خوف عالبترول


اذا العالم تحول للطاقة الشمسية .. ما أتوقع في أحد عنده أكثر مننا بمخزونها :laugh::

 

[NSider]

مستحيل يكون حل عملي. لو يجيبون ملعب كورة ويعبونه ببلايين الحشرات ما أتوقع يقدرون يغطون احتياج سيارة واحدة.

بس يمكن يستنتجون منها طريقة جديدة لتكوين البترول

يقولون أنهم حالياً قدروا يصنعون جهاز كبير يقدر نظرياً أنه ينتج برميل واحد في الأسبوع باستخدام تقنيتهم الحالية. ولو يبون يغطون حاجة أمريكا كلها (143 مليون برميل أسبوعيا) بالتقنية الحالية، يحتاجون مصنع بمساحة شيكاجو!

طبعا حسب كلامهم التقنية هذي راح تتطور من كل النواحي (الحشرات معدلة جينيا، وممكن يقدرون يعدلونها بحيث تنتج أكثر). راح تكلفهم بمعدل 50 دولار للبرميل لما يفتحون أول مصنع يوفر كميات تجارية في 2011.

لكن ممكن يعني نتوقع أن التقنية هذي ما راح تستبدل الطريقة المعتادة إلا بعد مدة طويلة جداً..

 

[sabre]

يا جماعة لا تخافو البترول ما راح يخلص على الأقل حتغطينا وتغطي عيالنا
بس أحفادنا يدبروا عمرهم

ولكن السؤال هل البترول هو اللي يرفع من اقتصاد البلد ولا العقول
على سيبل المثال اليابان يستوردوا الخامات من برة ويعيدوا تصنيعها لبلايستشن 3 ويبيعوها علينا بالغالي
وما عندهم أي مصادر طبيعية أو خامات يصدروها للخارج...... الخلاصة المخ يسوي اللي ما يتسوى

 

[Isaac]

ودك مع هالتعديل الجيني ...


تخرج الأمور عن السيطرة ... وتتحول الحشرات إلى حشرات مصاصة للدماء وتنتشر في أنحاء الولايات المتحدة ... وتصبح قارة الموت ... والناس كلهم يهاجرون منها أو يلقون مصيرهم المحتوم!!!

 

[Lunar Poet]

^ :laugh::

 

[G7Ga7]

الحل الوحيد للقضاء على هالحشرة :

 

[Double T]

ودك مع هالتعديل الجيني ...


تخرج الأمور عن السيطرة ... وتتحول الحشرات إلى حشرات مصاصة للدماء وتنتشر في أنحاء الولايات المتحدة ... وتصبح قارة الموت ... والناس كلهم يهاجرون منها أو يلقون مصيرهم المحتوم!!!

Resident Evil Vampire Ver. هههههههههههههههههههههههه :laugh::

هو البترول منتهى لا محاله بس المشكلة اذا قرب ينتهي معناته ما راح يبقى بترول الا عندنا .. و قتها الله يستر علينا من "حروب البترول " الي المحليلن يتوقعون انها تحصل في المستقبل

الله يحمنا من عنده ان شاء الله

 

[Mr.3B]

مناخ الأرض بيتغر كليًا بعد فترة قريبة من الزمن .. بيغر معاه كل شي على الأرض .. الـGlobal Warming يسلم عليكم

 

[Double T]

^ و هذا الشي مو غريب بل متوقع .. و الا كيف الجزيرة العربية في اخر الزمان تصير مروج و انهار .. احد الأسباب ان المناخ العالمي يتغير .. و الله اعلم

 

[mohamed]

ودك مع هالتعديل الجيني ...


تخرج الأمور عن السيطرة ... وتتحول الحشرات إلى حشرات مصاصة للدماء وتنتشر في أنحاء الولايات المتحدة ... وتصبح قارة الموت ... والناس كلهم يهاجرون منها أو يلقون مصيرهم المحتوم!!!

كل شيء جايز , أنا بنفسي رحت لمتحف بالنمسا , فيها عظام داينصورات وصور الحشرات في العصر الحجري , الذبابة حجمها مثل حجم الكلب الحين , والسبب (من اللي قريته في اللوحة) هو الوفرة الخرافية للأكسجين بذلك الوقت فتتسبب بكبر أحجام الكائنات الحية.....يعني ممكن يعملون حركة تكثيف للاكسجين في غرف معينة تعيش فيها الحشرات تحت هذه الظروف فتتضخم حجمها و بالتالي حشرتنا اللي في الموضوع تصير كبيرة وتنتج بكميات كبيرة جداً من البترول.

 

[mohamed]

مناخ الأرض بيتغر كليًا بعد فترة قريبة من الزمن .. بيغر معاه كل شي على الأرض .. الـGlobal Warming يسلم عليكم

من خلال ما نراه من الجفاف اللي متعدي حده عندنا , نقدر نقول أن التغير اللي أنت تقول عليه ماراح يحصل قبل 200 سنة..

 

[BioHazard]

أنصح هيديو كوجيما انه يصنع سلسلة جديدة مبنية على هذا الخبر :laugh::

صراحة المستقبل بالنسبة لنا مظلم, البترول 40 سنة ماكسمم و بيخلص.. الله لا يغير علينا.. مالنا إلا نشكر حتى تدوم النعم. احنا بلد صحراوي خالي تماما من الموارد.. أملنا الوحيد ان المناخ العالمي يتغير بما فيه شبه الجزيرة العربية وتصير عندنا موارد مائية وزراعية.. والا منطقيا بنرجع لعصر الفوانيس و ركوب الخيل.

كأني قرأت انه ارامكو مسويه دراسه وبترول السعوديه على هالمعدل بيكفي لـ2070ish, مني متأكد بس.

 

[Nintendo]

لول وناسه .. يصير لو واحد جت ذبانه على يده بدل مايذبحها ( سكح ) يقعد يدللها وياكلها وبعدين يحطها عند تنكي البنزين ..

 

[Mr.3B]

من خلال ما نراه من الجفاف اللي متعدي حده عندنا , نقدر نقول أن التغير اللي أنت تقول عليه ماراح يحصل قبل 200 سنة..

قريب ما يعني ميتين سنة

 

[mohamed]

قريب ما يعني ميتين سنة

اجل؟؟؟؟؟؟؟؟؟؟؟