العاب PlayStation 1 مظهرها قبيح... لول أيش!؟

[fatal framer]

بعدين كل اساس هالنقاش اني كنت اقول جيل الPS2 خدمه جماله واني افضل الPS1 القبيح

يعني كلونوا 1 افضل من كلونوا 2 بجمال التصميم والالوان عجيب نسخة قديمة الشخصية مبكسلة ومضغوطة ضغط افضل

اخوي اللي قاعد تقوله رايك الشخصي وماتقدر تطبقها قاعدة عالكل

جواب سؤالك هل هي العاب سيئة وغير قابلة للعب لا طبعا عادي تنلعب حالها حال الاتاري والسيجا وغيرها بس الحق ينقال اغلب العاب جيل ps1 حتى لو فيها نقاط جميلة مثل البيئة والالوان وتصميم المدن وغيرها بس ماعمرت بشكل قوي

انا عندي جيل ps2 معمر واجمل اكثر منها

 

[Aqua_]

السؤال الأهم هل حزتها لما كنت تلعب كنت تقول " يع شنو هالقبح ؟ "

لان لما كنا نلعب بوقتها كنا نقول " كأنه صج ! "

اتفق مع اول سطرين
بس..

حتى العاب البلاي3 لما تشوفها الحين تقول شنو هالقبح ..

لا عاد هذه قوية (&)
بعد جيلين بنقول يع العاب بلاي٥ شنو هالقبح !
القديم للحين اتقبله واشوف ممتع اكثر من الجديد.

 

[*RA!N*]

عادي ارجع العب اي فتره زمنيه حتى nes لكن ps1 لا. الالعاب قبيحه جدا طبعا هناك استثناءات لكن بشكل عام
حتى عنواني المفضل اللي اعشقه جدا ape escape 1 المحسن مع التروفيات على ps4 لعبته اول مرحله وقفلته ماكملته

 

[Raulioo]

اتفق مع اول سطرين
بس..

لا عاد هذه قوية (&)
بعد جيلين بنقول يع العاب بلاي٥ شنو هالقبح !
القديم للحين اتقبله واشوف ممتع اكثر من الجديد.

بصراحة اتفق مع @m7tram
اكثر من لعبة بس٣ جالس اشوف عروض لهم وانصدم من الجودة، مقارنة مع الوضع الحالي...اخرهم فف١٣ اللي كنت اعتبرها ملكة جمال بوقتها.. والحين تحسها مصنوعة بال paint @@
سبحان الله..لما تنتقل من جيل لبعده..دايما تتكلم عن ان النقلة بسيطة والفرق غير محسوس الخ الخ..بس لما ترجع لالعاب قبل من جديد..يتضح انه كان فيه فارق فعلي.

 

[m7tram]

اتفق مع اول سطرين
بس..

لا عاد هذه قوية (&)
بعد جيلين بنقول يع العاب بلاي٥ شنو هالقبح !
القديم للحين اتقبله واشوف ممتع اكثر من الجديد.

انا أتقبل كل شيء حتى العاب البلاي1 والعبهم الى يومنا هذا .. لكن البلاي3 من فتره لي فتره اشغله والعب عليه الالعاب .. حرفيا عيوني تعورني من القبح .. حواف متعرجه سيئة وضوح حتى مايصل الى 720p تكستشرز مفقعين ..ألخ

هذا القصد ان عامل الكنلوجيا يتطور فالاشياء الي كنت تنبهر منها مع الوقت تصير شيء أقل من العادي .. فالعاب البلاي1 جميله بحزتها مع طفره الانتقال الى الثري دي .. فاني اجي الحين واقول عنها قبيحه ! هي اكيد بتصير قبيحه لانها قبل مليون قرن مع طفره الثري دي .. تخيلوا لو العاب البلاي1 كلها تو دي ؟؟ شكان راح يكون الوضع ؟ راح تقولون ان السوبر نينتدو العابه اجمل؟

 

[hussien-11]

ما همني كثير، أقدر أستمتع بألعاب أي فترة زمنية وأرجع لها.

 

[خشبة]

السؤال الأهم هل حزتها لما كنت تلعب كنت تقول " يع شنو هالقبح ؟ "

لان لما كنا نلعب بوقتها كنا نقول " كأنه صج ! "

حتى العاب البلاي3 لما تشوفها الحين تقول شنو هالقبح .. الموضوع موضوع الطور التكنلوجي وعيونك تتعود عالجديد فلما تشوف القديم ما تتقبله.

ليس على اطلاقه، من ايام مورتال كومبات ٤ وكان عندي صديق يستقبح القرافيكس حقها.

انا شخصياً كنت وقتها انفر من تصاميم لعبة جاكي شان ويدهم المربعه ووجيههم الممسوحه.

بالمقابل شف عندك سايلنت هيل ١ منظرها كيف لازال حلو وتقدر تتقبله.

 

[W.W.W]

هل انا الوحيد الي يشوف جيل الps1 له طابع اتموسفيري خاص ؟ فيه لمسه حلوه بعيده عن الواقعيه الي تعودنا عليها ، مشكلة مع هالجيل فقط حاجتين وبسهوله تتصلح مع هالجيل هو رفع الفريمات والرزلوشن

 

[Invader Zim]

اقدر العب اي جيل بعيدا عن المظهر

 

[dro]

كمية قبح مو طبيعيه ببعض الصور .. الزمن عمل عمايله فيهم
وكفاية هالصورة

مصدر النكتة هالأشكال :

https://youtube.com/shorts/syTiRpDUOxs?feature=share

أي واحد لعبها على CRT على وقتها مستحيل سخر من الموديل او الوجه بالعكس كنا نشوفه صار يميل للواقعية نفس Parasite Eve.. الوجه المبكسل ذا يطلع لما يلعبها على شاشة HD

بالعكس أغلب الصور اللي موجودة في الموضوع أكدت أن ألعاب البص 1 قبيحة & يعني مش عشان الخلفية hand drawn أتجاهل قباحة الموديلز للشخصيات وكيف انه الشخصيات منفصلة تماماً عن البيئة... والعكس صحيح لما تكون الشخصيات سبرايتس والبيئة 3d أو hand drawn...

هاه؟ طيب جرانديا؟ بريث اوف فاير 4؟

هات مثال للعبة 16 بت تقدم مستوى مشابه (&)

العنوان ناقصه عبارة (تحذير 56KB) علشان يتناسب مع محتوى النوستالجيا

هههه ناوي احدث الموضوع و احط صور لالعاب اكثر بعد

من باب التذوق الفني .. الموضوع نسبي ويختلف من شخص لثاني .. حتى الواحد لما يشوف الخمام (الله يكرمكم) باختياره يقدر يطلع منه منظور جميل وايجابي .. نادرا تحصل شيء خالي تماما من الجماليات والألعاب خصوصا الجيل الخامس بعيدة كل البعد عن هالوضع

اها العاب جيم بوي و جيم بوي كولر غيري يشوفها جمال فني وهي بعيوني خمام (&)

و نصيحة اخوية لا تجيب اسم الله جنب كلمات زي خمام لأن مالها اصل حتى لو كان مقصدك هو احترام القراء :

السؤال الأهم هل حزتها لما كنت تلعب كنت تقول " يع شنو هالقبح ؟ "

لان لما كنا نلعب بوقتها كنا نقول " كأنه صج ! "

حتى العاب البلاي3 لما تشوفها الحين تقول شنو هالقبح .. الموضوع موضوع الطور التكنلوجي وعيونك تتعود عالجديد فلما تشوف القديم ما تتقبله.

على حسب فيه العاب قديمة تخليك تنبهر و تقول كيف عملوها؟ مثلا هذا الأوست لجولدين سن لليوم مدري كيف طلع على GBA :

اذا برسم كارتون او انمي مب بكون خايس ويعمر كويس
اذا برسم واقعي على ps1 بكون قبيح وخايس وما يعمر كويس

Vagrent Story تسلم عليك (&) :

بعدين كل اساس هالنقاش اني كنت اقول جيل الPS2 خدمه جماله واني افضل الPS1 القبيح، نركز شوي شباب يمكن ينفتح موضوع اتفاق معي (&)

تصدق ما انتبهت ههه

تكفى غير لول وات إلى لول إيش

تامر امر (&)

خذوا هالتصريح برضه، ال N64 برضه قدم العاب اجمل بكثير من اللي تشوفها على الPS1

تعامل نينتندو مع ال3D كان افضل بكثير وشيء للحين معمر افضل

وش هي الألعاب الأجمل بكثير على نينتندو 64؟

اما 3DS مستواه كأنه PSP مع ذلك ما شفنا عليه ربع العاب RPG على PS1.. اتوقع نينتندو DS هو الي تحسه قريب من PS1

صحيح، في لعبة اسمها rapid reload عالبص 1

إذا ما خاب ظني هذه لعبة مطورين Wild Arms على بدايات PS1

لامثلة اللي جبتها اغلبها تحاكي فترات سابقة للجيل هذا

غير صحيح اغلبها متفردة للجيل الخامس.. مثلا كلونوا لعبة 2.5 دي تحاكي من بالضبط؟

جسد لارا كروفت على البس ١ كافي يوريك قد ايش هذي الفترة قبيحة.

إذا على كذا فبطلات Fear Effect 2 كافي يوريك قد أيش هذي الفترة ما كانت قبيحة (&)

 

[OSMIUM]

بالعكس أغلب الصور اللي موجودة في الموضوع أكدت أن ألعاب البص 1 قبيحة & يعني مش عشان الخلفية hand drawn أتجاهل قباحة الموديلز للشخصيات وكيف انه الشخصيات منفصلة تماماً عن البيئة... والعكس صحيح لما تكون الشخصيات سبرايتس والبيئة 3d أو hand drawn...

عرف "منفصلة عن البيئة"

لأن من الامثلة اللي جابها dro مافيه إلا FF9 اللي فعلا شخصياتها منفصلين عن البيئة

 

[OSMIUM]

اللي يميز الجيل الخامس انه كان فيه نوعين من الـ3D
العاب الـPS1 والـN64 كان لهم توجه فني مختلف

وعموماً العاب الـPS1 أجمل وعمرت أفضل...

 

[Veeto]

أي واحد لعبها على CRT على وقتها مستحيل سخر من الموديل او الوجه بالعكس كنا نشوفه صار يميل للواقعية نفس Parasite Eve.. الوجه المبكسل ذا يطلع لما يلعبها على شاشة HD

بس بشوف سنة كتابة الموضوع 2023 .. صح ؟
حاليا قبيحين وكونك تصف سبعين gif ما بيغير من الحقيقة !

 

[Dark_N11]

جرافيكس جميل

 

[شفيق حبار]

اتفهم اللي ينتقد الالعاب القديمة وتقول سيئة او مظهرها سيء لانه الكثير منها لم ينجوا للوقت الحالي خاصة العاب ال3D.

انصح لعب العاب PS1 و PS2 على شاشات CRT او مع فلتر CRT على محاكي او شي بتشوفوها جميلة.
كثير العاب لما تحاول تلعبها الان على الشاشات الحديثة بتطلع بشكل غريب او تخون ذاكرتك وتجلس تشك..."يا اخي اتذكر مظهرها جميل ليه طالعة كذا؟"

هذا ثريد يشرح اللي اقصده بشكل مفصل:

 

[حساب ملغي]

لكن البلاي3 من فتره لي فتره اشغله والعب عليه الالعاب .. حرفيا عيوني تعورني من القبح .. حواف متعرجه سيئة وضوح حتى مايصل الى 720p تكستشرز مفقعين ..ألخ

هذي المشكلة تنحل في انك تلعب نسخة البي سي على 1440p او 4K

كمثال باتمان وبايوشوك لا زالوا مبهرين

 

[abdullah-kh]

اتفهم اللي ينتقد الالعاب القديمة وتقول سيئة او مظهرها سيء لانه الكثير منها لم ينجوا للوقت الحالي خاصة العاب ال3D.

انصح لعب العاب PS1 و PS2 على شاشات CRT او مع فلتر CRT على محاكي او شي بتشوفوها جميلة.
كثير العاب لما تحاول تلعبها الان على الشاشات الحديثة بتطلع بشكل غريب او تخون ذاكرتك وتجلس تشك..."يا اخي اتذكر مظهرها جميل ليه طالعة كذا؟"

هذا ثريد يشرح اللي اقصده بشكل مفصل:

كلام كليم انا كذا جوي واشوف استحالة العبها بدون فلتر استخدم RetroArch اللي فيه قائمة ضخمة من crt فلترز، وتبغى الصدق حتى هنا مش التجربة المثالية لو تلعبها بتلفزيون crt بيطلع الفرق صدق. والشئ ترى يشمل 16 بت كذلك ومش بس ps 1 لو تلعبها من دون فلتر بتطلع قبيحة على شاشة HD

هذي المشكلة تنحل في انك تلعب نسخة البي سي على 1440p او 4K

كمثال باتمان وبايوشوك لا زالوا مبهرين

فيه سبب ليه لان مظهر الانريل انجن 3 ممل وبيض ومخلي اغلب العاب الجيل ذاك رمادية وصفراء كانك بفلم مكسيكي

 

[venom_snake]

مظهرها قبيح على شاشات ال LCD وتطلعها اقبح من حقيقتها 10x.
كل ألعاب هذا جيل صممت لتلفزيونات ال CRT وهي مختلفة بطريقة عرضها وتخفي قبحها وغير ان ال input lag تقريبا صفر.

 

[YazeedVx]

وش هي الألعاب الأجمل بكثير على نينتندو 64؟

اما 3DS مستواه كأنه PSP مع ذلك ما شفنا عليه ربع العاب RPG على PS1.. اتوقع نينتندو DS هو الي تحسه قريب من PS1

تعبت ولا يمدي اجيب اكثر (&)

وبال 3D اتكلم عن المجسمات والرسوميات مش الجهاز

 

[G_kirby]

جزء مهم ومفقود بالنقاشات هذي دائما هو الشاشات المستخدمة بذلك الزمن CRT. جزء كبير من جمال المظهر ما يظهر بدون هذي الشاشات. والامثله كثيره بالانترنت تقارن لك بين CRT و LCD/LED/OLED.

فوق انه التطوير كان يتم على هذي الشاشات اصلا. والارت ينرسم عليها فطبيعي انك ما راح تشوف التوجه اللي رسمه الفريق بدونها.

نعم المظهر يعتبر قديم على وقتنا الحالي، لكن على الاقل اذا جينا نشوفه المفروض نحكم عليه بالطريقة اللي صورها المطور وبالطريقة اللي انحفرت بذاكرتنا اصلا. الالعاب هذي صممت على تلفزيونات CRT.

صور توضيحيه:

CRT:

LED:

 

[game for new]

رسومات قبيحة لكن العاب عظيمة صالحة لكل الأزمان .

 

[Morphine]

اها العاب جيم بوي و جيم بوي كولر غيري يشوفها جمال فني وهي بعيوني خمام (&)

بالضبط اخوي .. بعيونك خمام (الله يكرمك) بس بعيون غيرك جمال

 

[dro]

لا عاد هذه قوية (&)
بعد جيلين بنقول يع العاب بلاي٥ شنو هالقبح !
القديم للحين اتقبله واشوف ممتع اكثر من الجديد.

هو بصراحة جيل PS3 فيه فلتر و اضاءة صفراء فاقعة توجع العين من يومه.. على حسب اللعبة طبعا لكن قصدي بشكل عام.

ليس على اطلاقه، من ايام مورتال كومبات ٤ وكان عندي صديق يستقبح القرافيكس حقها.

انا شخصياً كنت وقتها انفر من تصاميم لعبة جاكي شان ويدهم المربعه ووجيههم الممسوحه.

بالمقابل شف عندك سايلنت هيل ١ منظرها كيف لازال حلو وتقدر تتقبله.

يا سلام عليك.. فيه العاب من اول يوم انت كارهها يعني اتذكر لعبة اسمها Rascal هذه حرفيا كرهتني بألعاب الثري دي و PS1 كله على بعض و رجعت العب ميجادرايف.

عادي ارجع العب اي فتره زمنيه حتى nes لكن ps1 لا. الالعاب قبيحه

هو عشان كذا عملت الموضوع.. يعني اتاري و nes و جيم بوي كولر يس لكن PS1 لا (&)؟

هل انا الوحيد الي يشوف جيل الps1 له طابع اتموسفيري خاص ؟

لست الوحيد لكن جد يبي لك تبحث اكثر و تكتشف العاب عمرك ما سمعت عنها أنا للحين جالس احاول اتذكر.. تدري؟ الموضوع ينفع مرجع لو سوني ناوية على PSone ميني تعوضنا على تعاسة الكلاسيك (&) فشكلي بحاول اتذكر العاب اكثر

اقدر العب اي جيل بعيدا عن المظهر

لأنك فضائي

بس بشوف سنة كتابة الموضوع 2023 .. صح ؟
حاليا قبيحين وكونك تصف سبعين gif ما بيغير من الحقيقة !

طيب فيتو خليك على سنة 2023 حاول تطلع من ليمبو FF16 (&)

جرافيكس جميل

جرافيكس اجمل.

اتفهم اللي ينتقد الالعاب القديمة وتقول سيئة او مظهرها سيء لانه الكثير منها لم ينجوا للوقت الحالي خاصة العاب ال3D.

انصح لعب العاب PS1 و PS2 على شاشات CRT او مع فلتر CRT على محاكي او شي بتشوفوها جميلة.
كثير العاب لما تحاول تلعبها الان على الشاشات الحديثة بتطلع بشكل غريب او تخون ذاكرتك وتجلس تشك..."يا اخي اتذكر مظهرها جميل ليه طالعة كذا؟"

هذا ثريد يشرح اللي اقصده بشكل مفصل:

ثريد اسطوري من حبيبنا Lazy Ninja و هذا قصدي على صورة Veeto شكرا على وضعه.

تعبت ولا يمدي اجيب اكثر (&)

وبال 3D اتكلم عن المجسمات والرسوميات مش الجهاز

عدا اخر صورة ما شفت شيء اجمل بكثير!

بالضبط اخوي .. بعيونك خمام (الله يكرمك) بس بعيون غيرك جمال

مع اني جايب لك فيديو يوضح أن هالعادة مالها اصل لكن بكيفك الله يهديك.

 

[Bounty]

بوقتها كنت انبهر بس من الCG .. وخلفيات رزدنت ايفل

الصدمة الي ماكنت اصدق وانا العبها كانت اونيموشا 1 .. كانت شي متطور جداً وفوق الخيال


الموضوع كله تحت عامل الزمن .. مافي فرق بين الجرافكس الحالي والقديم بعيون اللاعبين بوقتها، وصلهم نفس الاحساس والانبهار لأنه كان بوقته التوب

 

[Invader Zim]

تعبت ولا يمدي اجيب اكثر (&)

وبال 3D اتكلم عن المجسمات والرسوميات مش الجهاز

Rare مبدعين
Perfect Dark كانت اعجاز تقني

 

[Sky Walker]

لا عاد هذه قوية (&)

اللي فعلا اقدر اقول انها قبيحة هي العاب اول ٣ سنين من جيل الps360 ، العاب كثيرة كانت تحاول تحاكي هالقوالب او هالانماط او شي مشابه لهم على ان "واقعية" :

بس الوضع تحسن باواخر الجيل المذكور .

 

[AliAlwazzan]

حقيقه في العاب للحين ارجع العبهم حتى لو كانوا غير قابلين للعب بس استمتع فيهم
كان في ابداع اكثر من الوقت الحالي

 

[XORO]

أتذكر أول ما سمعت عن الـPS1 وكيف أن رسمه صدق
اول لعبة شفتها كانت تيكن 2 اتذكر وقتها كنت انتقد
الرسم القبيح

شوف الجسم بس ما شاء الله بطاطا مقشور

لست الوحيد لكن جد يبي لك تبحث اكثر و تكتشف العاب عمرك ما سمعت عنها أنا للحين جالس احاول اتذكر.. تدري؟ الموضوع ينفع مرجع لو سوني ناوية على PSone ميني تعوضنا على تعاسة الكلاسيك (&) فشكلي بحاول اتذكر العاب اكثر

انا نفس الأخ @W.W.W يوم اللعب العاب Ps1 احس
بشعور غريب تجيك ريحة اواخر التسعينات وبداية الألفية

أنسى سوني تنزل جهاز كلاسيك حتى لو نزلته توفير الألعاب المرخصة بكميات كبيرة صعب خاصة لشركات
انقرضت من السوق

أعمل نفسي عندي جهاز الكلاسيك معبنه فوق الف لعبة تقريبا

كل الألعاب ما عدى الفيجوال نوفل اليابانية

وكل مرة استكشف لعبة جديدة

 

[R E D]

اخرهم فف١٣ اللي كنت اعتبرها ملكة جمال بوقتها.. والحين تحسها مصنوعة بال paint @@

افا والله للحين جميلة شوف مع الMods شلون




تبي Paint هذا Paint (&)




وعندها سيكول روحي جديد بعد (&) (&)

 

[Morphine]

مع اني جايب لك فيديو يوضح أن هالعادة مالها اصل لكن بكيفك الله يهديك.

يهدينا ويهديكم أجمعين .. لا تفهمني غلط أحترم نيتك الحسنة .. أخوي انت فتحت هالموضوع عشان نتناقش عن المنظور الجمالي لألعاب الجيل القديم .. ونصيحتك خارج السياق فاحتفظ بنصيحتك والفيديو لنفسك .. اذا عندك نصيحة (أخوية) بالمستقبل أتشرف فيك عالخاص .. الله يوفقك ويعطيك على قد نياتك