العاب الفديو مؤامرت غزو فكري!؟

[SAUD~F-16]

بسم الله الرحمن الرحيم

حبيت اتناقش في موضوع مهم واشوف ارئكم فيه

في يوم الجمعة الفائت خلال الخطبة تحدث الشيخ عن الغزو الفكري موضوع كبير وسبق انا سمعناه كثير واشهر وحوش الغزوا الفكري التلفاز و الأنترنت وامريكا الخ...

لاكن الي اول مرة اسمعه انا العاب الفديو تندرج تحت مسمى وحوش الغزوا الفكري جميعا دون اسثناء:what:

طبعا الوالد لما رجع فكر انه يلقي نظرة على العابي والحمد لله عدت على خير <تو ما شريت بوانيتا :razz::

المهم لما فكرت وقلبت الموضوع بكل حياد دارت شكوك وتساؤلات كثيرة في رائسي

لاكن انا ضد ان كل شي مؤمرة ضدنا سلماات

انا قصدي ان محتويات بعض الألعاب غير مناسبة لكل شخص سواء كان كمحتوى فكري او محتوى اباحي اولا خلاقي

- فكريا- لا احد يفكر ان كل الناس الي اعمارهم قوق 17 ناضجين او يعرف الصح من الغلط اومثقف كفاية لكي يواجه بعض الأشياء فيه ناس عقولهم خفيفه واعتقادته وافكاره تتغير بسهوله ,, قبل فترة شفت برنامج محلي وكان موضوعة العاب الفديو وتكلم عن لعبة تمس عظمة الله(جل جلاله) وقالوا اللعبة هاذي في متناول ابنائنا انا قلت وش العبة هاذي طلعت God of war

وقالو ان القصه عن رجل يصبح اله؟! وقالوا ان اللعبة يجب ان تمنع حالا :what:

انا قلت الأطفال خطيرة عليهم اما الكبار لا وش رايكم :

وغير العاب الحروب الي عرضوها فيها تدمير مساجد وقتل مسلمين

اباحيا- جميعنا نعلم ان كثير من الألعاب الي في متناولنا وكذالك الأطفال تحتوي على الفاظ ومشاهد اباحية
لا اخلاقيا- حرامي السيارات معشوقة الجمهور طبعا بجميع الأصدارت(طرزان باتمان الخ...
من اسمه لل ناس نونجيمرز لما ابنك المصون يشتري لعبة اسمه حرامي وش يبي يسوي فيها
يسرق سيارات يفحط ...<<<ما اتكلم عنكم
لاكن للأٍسف وصلت عند واحد عمره فوق 45ما يعرف شي بالألعاب انه يقول الألعاب هي الي دشرت شبابنا انا قلتله على وقتكم ما كان فيه دشير ردة فعلة كانت>>> فيه لاكن على خفيف
الي يشوف ان الموضوع تافه يحط مكانه مكان الأب الغافل:annoyed: هه

سئوال لكم هل ترى انه يجب فرض راقابة صارمة على الألعاب؟؟
طبعا انا طولت السالفة بس هناك الكثير لم يطرح


ملاحظه لا احد يجي يقولي PEGI​

 

[Jonas]

يا ليت المره الجايه قبل ما نتفلسف نلعب اللعبه

لعبتها و صرت داشر 🙁

 

[cranshy]

انا قلت الأطفال خطيرة عليهم اما الكبار لا وش رايكم :

​

أشوف وجهة النظر هذه خاطئة

أرى ان الألعاب زيها زي الافلام زي غيرهم من وسائل التغريب(الغزو الفكري)
لكن هل قصد صانعوها مهاجمتنا بها لا ما أظن

 

[SAUD~F-16]

أشوف وجهة النظر هذه خاطئة

أرى ان الألعاب زيها زي الافلام زي غيرهم من وسائل التغريب
لكن هل قصد صانعوها مهاجمتنا بها لا ما أظن

اتفق معك انه ما قصدوا مهاجمتنا لاكن تغريب؟؟ ما فهمت وش تقصد؟؟

 

[SAUD~F-16]

يا ليت المره الجايه قبل ما نتفلسف نلعب اللعبه

لعبتها و صرت داشر 🙁

نتفلسف؟؟:confuse: وضح لو سمحت

 

[DOOM1800]

اولا بصراحة اذا جينا نتكلم بمنطق و عقلانية فيه بعض الالعاب مخالفة بقوة لشريعتنا الحين الي بيقرى ردي بيقول هذا شخص مو قيمر ولا شيء

بس انا حللت الوضع بمنطق يعني تخيل مافي عندنا مؤسسة او منظمة تقوم بتقييم الألعاب على حسب شريعتنا و قوانيننا هذا اولا

مافي وعي بالمجتمع من الالعاب بشكل عام فعندك ابو هنود يبيع اللعبة على بزر صغير و ابوه ولا يفكر يشوف وش هي اللعبة بس عطه 10 او 15 ريال؛(اشرطة تجارية)

و احياناً يعطيه 300 و توصل لـ500 ريال حتى!

صدقوني فيه بعض الاباء كذا و انا مجربهم و محتك معهم و نقول الشكوى لله


على العموم انا عارف لو خلينا كل شيء بيد الدين كانت اغلب الالعاب ممنوعة عندنا بس عاد هذا هو ديننا يعني اولا الأغاني حرام فهذا شيء بينقص من تجربة اللعبة

ناهيك عن قصص الالعاب الخيالية مره و بعضها تمس الالهات فلو وعى المجتمع منها لكانت ممنوعة من زمان


فعلشان كذا مدري وش اخلي و وش ما اخلي



الموضوع كبير و النقاش هنا ما بيفيد اذا كان مافي احد بيقراه او بيغير هذا الشيء





شكراً على موضوعك اخي الكريم







.

 

[SAUD~F-16]

^
يسلام عليك انا اتفق معك


بس فية اشياء نقدر نخليها تعدي مثل الموسيقى وبعض الكلام لاكن في اشياء صعبه تعدي مثل الأساءه للأسلام او موضوع الألوهيه

شكرا

 

[mohamed]

اولا بصراحة اذا جينا نتكلم بمنطق و عقلانية فيه بعض الالعاب مخالفة بقوة لشريعتنا الحين الي بيقرى ردي بيقول هذا شخص مو قيمر ولا شيء

بس انا حللت الوضع بمنطق يعني تخيل مافي عندنا مؤسسة او منظمة تقوم بتقييم الألعاب على حسب شريعتنا و قوانيننا هذا اولا

مافي وعي بالمجتمع من الالعاب بشكل عام فعندك ابو هنود يبيع اللعبة على بزر صغير و ابوه ولا يفكر يشوف وش هي اللعبة بس عطه 10 او 15 ريال؛(اشرطة تجارية)

و احياناً يعطيه 300 و توصل لـ500 ريال حتى!

صدقوني فيه بعض الاباء كذا و انا مجربهم و محتك معهم و نقول الشكوى لله


على العموم انا عارف لو خلينا كل شيء بيد الدين كانت اغلب الالعاب ممنوعة عندنا بس عاد هذا هو ديننا يعني اولا الأغاني حرام فهذا شيء بينقص من تجربة اللعبة

ناهيك عن قصص الالعاب الخيالية مره و بعضها تمس الالهات فلو وعى المجتمع منها لكانت ممنوعة من زمان


فعلشان كذا مدري وش اخلي و وش ما اخلي



الموضوع كبير و النقاش هنا ما بيفيد اذا كان مافي احد بيقراه او بيغير هذا الشيء





شكراً على موضوعك اخي الكريم







.

الموسيقى أمره بسيط , أغلب الألعاب تعطيك الخيار إنك تمنع الموسيقى مع الإبقاء على أي صوت ثاني .

 

[MaxPro]

موضوع شائك والنقاش فيه لاينتهي لانه يعتمد علي عدة محاور

نعرف ان الكثير من الالعاب مخالفة للشريعة لما تحتويه من اباحية او قصص يمنع الخوض فيها مثل الالهة
وأيضا يجابه هذا الامر عدم الفهم والتفريق عند الناس بين لعبة مشبوهة ولعبة عادية
فمثلا العاب الرياضات بجميع انواعها الميكانيكية والبشرية الفردية والجماعية
وايضا الالعاب العائلية مثل Super mario ,rayman , Crash, jak, sonic, R&C وغيرها هذه العاب عادية ولاشبهات فيها
لكن بعض الناس يعتبر ان كل شي من الغرب هو غزو فكري وهذا تفكير خاطئ يحدث بسببه سوء تفاهم كبير

في وجهة نظري المتواضعة يوجد العاب لاشبهة في تحريمها وانها حرام حتي لو صنعها عربي وايضا يوجد العاب مشبوهة ويوجد الغير مشبوهة

ايضا ثقافة الناس وخاصة من الاجيال القديمة لاتتقبل هذا الامر وتعتبر الافلام والالعاب غزو فكري سلاح هدام للعقل وغيرها من دون معرفة اختلافاتها وانواعها

فهل يمكنك ان تعتبر لعبة سيارات او كرة قدم او لعبة من العاب الذكاء هدامة للعقل ؟ لاطبعا
هل يمكنك ان تعتبر لعبة حرب ودماء او لعبة رعب او GTA هدامة للعقل ؟ ربما فهذا يعتمد علي نظرة الشخص للعبة وطريقة استخدامها
هل يمكنك ان تعتبر لعبة اباحية او لعبة مشبوهة تخوض في الدين بشكل سافر هدامة للعقل ؟ أكيد وأولهم Dante's inferno

يعتمد هذا الامر علي ماهية اللعبة وثقافة المجتمع ووعيه حتي تحدد ان كانت غزو فكري او لا .

 

[yazeed14]

كل شي صار غزو فكري
يقولون التلفزيون حرام مشيناها والرسيفر والانترنت ولبس الجنز حرام
وش يبونا نسوي
فيه واحد بالمنتدى يقولي جاهم استاذ حصه وحده بدل استاذهم مطوع يقول قبل قرن اجتمعو الدول الغربيه يقولون لازم نلهي الشباب الاسلامي عن ديانتهم وقالو خل نسوي لعبه اسمها كرة القدم الحين صار الي يلعب كوره يلتهي من اعماله الدنيويه
وكل شي حرام مفروض يشيلون فكره حرام دامهم يقولون عن الاشياء الي نسويها حرام ليه ما يقولون لمشايخهم مره جاي واحد يقول الاغاني حلال وبعدين يقول لا مب حلال ويجي واحد يقول المرأه ترضع السواق عشان يصير محرم لها حلال بعدين يقول لا مب حلال هذا الغزو الفكري انهم يحللون ويحرمون على كيفهم
كذا الواحد ما يقدر يحدد وش الي يسويه والي ما يسويه

وبس :

 

[DOOM1800]

الموسيقى أمره بسيط , أغلب الألعاب تعطيك الخيار إنك تمنع الموسيقى مع الإبقاء على أي صوت ثاني .

طيب انا ما تكلمت بس بالموسيقى لنقل البسة الشخصيات كمثال؟

عندك FF X-2 شوف البسة الشخصيات فيها !

فلو جينا نحط كل شيء بيد الدين بتطلع وسائل الترفية العالمية اغلبها ممنوعة عندنا او يتم اعادة تعريفها

فعلشان كذا الالعاب جزء كبير من وسائل الترفية بس لو جينا بنخليها وسيلة ترفيه اتفق الشرع الاسلامي على تجربتها بتكون 180 مختلفة عن الحالية





.

 

[mohamed]

طيب انا ما تكلمت بس بالموسيقى لنقل البسة الشخصيات كمثال؟

عندك FF X-2 شوف البسة الشخصيات فيها !

فلو جينا نحط كل شيء بيد الدين بتطلع وسائل الترفية العالمية اغلبها ممنوعة عندنا او يتم اعادة تعريفها

فعلشان كذا الالعاب جزء كبير من وسائل الترفية بس لو جينا بنخليها وسيلة ترفيه اتفق الشرع الاسلامي على تجربتها بتكون 180 مختلفة عن الحالية





.

أنا بس ألعب شوترز وأحياناً بلاتفورم ( كل النوعين أغلب ألعابهم ما فيها لباس سيء ) .

 

[Khalid]

لووول عليكم

 

[Sov]

غزو فكري؟ لا

العاب الفيديو وسيلة ترفيه لا اكثر ولا اقل ، ومن سابع المستحيلات ان يتأثر شخص بالغ بمثل هذه الأشياء.
اما بالنسبة لصغار السن فممكن يكون عليهم خوف شوية لكن الحل هو رقابة الاهل فقط ، اي لعبة تحس انها بتأثر على عيالك او اخونك الصغار بشكل سلبي ارميها بالزباله.. بسيطه.

 

[AS-HI]

هذي الامور مامنها فايدة مادامك تقدر تلعب العب براحتك لان نظرة ابائنا ماراح تتغير اصلا

اما برنامج 99 حط مصدر كلامه منتدى نوب جيمر و مجموعه بزران ونشر على الهواء مباشرة افتراء وكلام كذب على الله

اصلا تصانيف مايحتاج تنحط على الغلاف لانه يبين من صورته اذا الوان وشخصيات ضريفة فهو للاطفال واذا دم للكبار

عجبني رجال كان يتابع ولده بمحل رجع الشريط اللي شراه قال مابي اعاب عنف لولدي وخذ له سلاحف الننجا بدلها بحكم انها مضاربات تصلح للصغار

 

[Mute City]

مع إحترامي الكامل للموضوع وجميع الاعضاء الان شركة كابكوم أو EA أو سيجا ..........إلخ
سوت الالعاب علشان تلهينا إحنا المسلمين وتخرب عقولنا روحو شوفو مبيعات الالعاب في امريكا واليابان وبعدها تعالو تفلسفو أغلب من يشتري الالعاب هم انفسهم
وابنائهم فما اعتقد انه في ناس تبغى تخرب علينا احنا المسلمين تروح تنشره بين ابناها شوية عقل وبعدين المفروض الاباء يكون عندهم خلفيه عن هذي الامور
يعني يفهم في الالعاب بالقدر الي يخليه يفرق بين الالعاب ( احد الاقرباء عندنا يهتم بنوعية الالعاب الي يشتريها لاولاده وينبهني اذا جو عندي ينبهني لا تشغل لهم شي قتل ومقتول )
في النهايه الامور هذي تعتمد على الشخص نفسه ومدى تفكيره وانا من الناس الي كنت صغير ولعبت فاينل 10 X-2 وما اثرت علي ولعبت GTA VC وكنت في اول متوسطه وخلصتها
وما علمتني اسرق سيارات ولا ( احد البرامج جابو مقابل مع ناس في الاحداث يقولك تعلم اللواط من حرامي سيارات (GTA ) لواط من جدهم يتكلمون اذكر اللعبه كان تركب وحده والسياره تهز متى تتعلم اللواط ؟ )

 

[AS-HI]

^
حركتهم رخيصة السعودية الرياضية مع احترامي
يجيبون ناس يدفعون لهم فلوس ويقلون كذبوا عشان تقنعون الناس
بعقلية لعبة سرقة ومخدرات وقتل احد يتعلم منها هالااشياء?
وبعقل اكبر ترا الي بصف سادس وخامس ورابع عقليتهم اكبر من كذا بكثير
انا لعبت درايفر يوم اني بأول ابتدائي ولا تعلمت اسرق ولا اغتصب

مجرد كلاا رخيص عشان الشهرة بس

 

[Madainee]

مادام الجهل موجود راح تظل السخافه منتشره لول

 

[SAUD~F-16]

فيه واحد بالمنتدى يقولي جاهم استاذ حصه وحده بدل استاذهم مطوع يقول قبل قرن اجتمعو الدول الغربيه يقولون لازم نلهي الشباب الاسلامي عن ديانتهم وقالو خل نسوي لعبه اسمها كرة القدم
^
تخيلو صدق!!!بس ليش احنا دايمنا ضد المطوع ترى في ناس عادين ويقلون نفس الكلام

ويجي واحد يقول المرأه ترضع السواق عشان يصير محرم لها:what: لووووووووووووول

أنا بس ألعب شوترز <<بعض الشوترز فيها اساءه للأسلام

 

[SAUD~F-16]

يا شباب كيف تقولون ان مافي احد يتأثر

والله انا معايش ناس اثرت فيهم بعض الألعاب وقلت بعد انا ما اتحدث عنكم>>>>>>>

البزر يدخل المحل يدور لعبة فيها سرقة وتفحيط وتفصخ<<<<لأن ماعنده سياره يفحط ولا يقدر يسوي شي

الي يبغى يقتنع يروح لأحد محلات الكوبي ويشوف وش مكتوب على الأغلفة (تفحيط حرامي وخرابيط زي كذا....)ليش لأنهم يدرون وش يبحث عنه المشتري <<<<اذكياء

 

[Mute City]

^
هنا يجي دور الاب الفاهم

 

[السليل الأخير]

الموضوع هذا ذكرني بموجة افلام الكارتون زمان يوم كان البوكيمون مصيبة المصايب
اللي ممكن يأثر على بعض الأطفال هو العنف المبالغ فيه .. أما التلميحات الجنسية البسيطة فما تضر
كلنا تفرجنا افلام ديزني و غيرها و احنا صغار , كنا نصنف اي تلميحات من هذا النوع على انها " قلة ادب " و نتجاهلها .. ما أثرت علينا و بالتأكيد ما طلعتنا دشير , هذي الأشياء ما يركز عليها الا المراهق
يمكن مشكلتنا اننا نظن ان الغرب ما عنده شغلة الا احنا , يقوم الصبح و يحاول يفسدنا لين يجي الليل بعدها يرجع يتعشى و ينام .. الحقيقة ان العالم ما درى عنا

 

[Madainee]

الموضوع هذا ذكرني بموجة افلام الكارتون زمان يوم كان البوكيمون مصيبة المصايب

يارجل ياريتها كانت كذا الي صار في ايام بكويمون شي فضيع جداً لدرجة ان المجتمع ادعى ان بوكيمون اسرائيلي الله لايعيد هذيك الايام كانت قمة التخلف

 

[mohamed]

أنا بس ألعب شوترز <<بعض الشوترز فيها اساءه للأسلام

قليل جداً + أشهر الشوترز ما فيها إساءة لا للإسلام ولا للمسيحية ولا لأي ديانة أخرى ( كود , باتلفيلد , هيلو وغيرها )

 

[Burdegation]

مافي شي اسمه غزو فكري بل هناك تخلّف تربوي

تركوا عنكم هالخرابيط فاللي بيتأثر من هالشغلات فهذه مشكلته تكون مع اللي ماعرف يربيه تربيه صالحه

 

[Mute City]

المشكله في ناس تحبك الهرجه وتطبخها على نار وتقدمها لمشايخنا الي بدوهم يستلمو الطبخه من ناس تعتبر ثقه لكنها للاسف
من الناس الي مو عارفه شي وتحب تتفلسف

 

[AHMAD PLUS]

اذكر فيه موضوع في جيمسبوت مشابه , معظم الاعضاء كان يردوا ان اهلهم مانعيهم من شراء اللعبة الفلانية و كذا , لاسباب دينية و اخلاقية .

و في استراليا كانت فلاوت 3 ممنوعة لفترة طويلة , بسبب المخدرات و مدري ايش , يعني مش حنا المسلمين الي نعاني من هذي المشكلة بس , اي واحد عنده مبادئ و متمسك في ديانته اي كانت ما يفضل هذا الشيء .

 

[Ray]

يا جماعه خلكم حقانيين , بصراحه حتى لو نحنا نلعب و نعرف إنهم فعلا مسوويين غزو فكري نحنا نتغاضى عن هذي الامور يعني معظم الالعاب مليانه رموز و رسائل باطنيه .. بس تبون الصدق شو فيه لساتهم ما حطوا فيه رموز و رسائل تدمر التفكير ديزني و هي شركة أفلام الاطفال هي من أكبر شركات الداعمين لهذه الفئه و تخرب الاجيال .. مثل ما شاهدنا تاخذ الاطفال من مراهقتهم و تخليهم يصيروا نجوم في عيون الاطفال و ينقص عليهم و يخلونهم مثل رائد و بكره لما يخلص مسلسهم تروح تنقلب البنت و تصير وحده للأسف منحطه فيصير كل الي معجبينين فيها يقلدوها في كل شي تسويه حتى في هذي من ؟ عندنا برتني و مايلي و جاستن و وايد ناس لو لاحظتوا تاريخ مشاهير ديزني .. و أفلامهم المليئه بهذي النوعيه فمابالكم الالعاب الي مليانه بهالاشياء و أقصد هني القصص الي تنافي الاديان بشكل عام و العبارات و الاشكال و إلخ .. يعني هم بشكل عام يبون الانسان يضيع وقته وهذي حقيقه يا اخواني .. و غير كذا يبونه يتأثر وينحط طبعا ضعاف الايمان تأثروا , و الكفار من متى نجحت عليهم طريقة الرسائل الباطنيه و الظاهره .. أما نحنا الحمدلله عندنا وعي وعندنا دين يردعنا أننا نصير مثلهم .. على العموم ما أنكر إن هالشي غزو عقول .. بس أقول إن الواحد يقدر يسوي كنترول لنفسه و يحافظ على دينه و عقله و نفسه .. انا ما أقول هالكلام لأني جيمر .. بس فعلا الواحد ممكن يضبط نفسه لأن كل شي حوله صار بهذي الطريقه فلازم يأقلم نفسه مع الواقع ويصير يضبط نفسه عدل الأيام الي جايه بيكون الوضع أسوء من كذه ..
و السموحه على الإطاله *

 

[The Doctor]

بلا خرابيط الغزو الفكري بلا يبغونك تنحرف بلا مادري ايش

أولاً و أخيراً الشركات هدفها الربح المالي، و مو قاعدين يقدموا المنتج إلا لأن سوقه موجودة... و بعدين من حلاة و كبارة سوقنا عشان روكستار تصرف 100 مليون دولار على لعبة تلهينا عن ديننا و هو في الأخير أغلب اللي لعبها لعبها كوبي :laugh::

شغلوا مخكم و لا تعطوا لأنفسكم حجم أكبر مما انتوا عليه في الواقع..

 

[Ray]

بلا خرابيط الغزو الفكري بلا يبغونك تنحرف بلا مادري ايش

أولاً و أخيراً الشركات هدفها الربح المالي، و مو قاعدين يقدموا المنتج إلا لأن سوقه موجودة... و بعدين من حلاة و كبارة سوقنا عشان روكستار تصرف 100 مليون دولار على لعبة تلهينا عن ديننا و هو في الأخير أغلب اللي لعبها لعبها كوبي :laugh::

شغلوا مخكم و لا تعطوا لأنفسكم حجم أكبر مما انتوا عليه في الواقع..

:suspiciou
إحنا ما أختلفنا إن في الاول والاخير هدف الشركات الربح المالي .. بس هذا ما يعني إن ما عندهم هدف رئيسي .. هم مش حبا فينا و لا عشان سواد عيوننا يقدمون هالشياء .. إستغلال و تخريب
على العموم في النهايه كل واحد ووجهة نظره
😡