عارف انت تذكرني بمين؟
ببعض زملائي في البعثة الي ما قدروا يعدون متطلبات اللغة الانجليزية. كانوا دائما يشتكون ليش الملحقية الي تتبع السفارة السعودية ما تضغط على الجامعات انها تقبل الطلاب السعوديين حتى لو لسه لغتهم ضعيفة زي ما تسوي السفارة الصينية! طبعا على افتراض صحة زعمه ان السفارة الصينية تسوي كذا لأني ما أعرف عن شيء زي كذا او سمعت عنه. ولكن طريقة التفكير ذي ومثل هذا الرد الي رديت فيه يبين حجم المشكلة في طريقة التفكير الي عندنا. الطالب ما يبغى يعدي الاختبارات بمجهوده يطلب منظومة تلعب من خلفه وتمشي الي ما يمشي. والمنظومة الي يرغب بها هو يراها تشريف مو فساد وخلل مثلك لما تقول هنيئا له ولدولته!
هذا انت تتطبق نفس المبدأ. حبيبي لما يبغى مطور يقعص الله لا يهينه يقعص بلعبته طيب مو بالتهديد. مو فوزوني غصب مثل فكرة نجحوني غصب. اذا الدولة تبغى تكون قادحة تقدح بحس دعم مطورينها وحسن رعاية سوق الألعاب فيها الي سيؤدي في النهاية ان مطورين ينجحون وألعاب تنجح. الصين لا تفعل هذا تشريعاتها الداخلية كلها لا تخدم سوق الألعاب. أيهما أصح ان المطور يسوي لعبة تفوز بمستواها ولا انه يستخدم وسائل ضغط من دولته علشان يفوزها؟
كل واحد لعب لعبة القرد راح يعرف انها لعبة جيدة تستحق تقييم ما بين 7 الى 8. ليست أفضل ما كان في هذه السنة. وقطعا ليست أفضل من استروبوت. واذا علي سالفة الأجندات ترا أستروبوت ما تدعم الأجندات برضو. فهل عادي عندك انه يحصل دعم من الصين علشان تفوز لعبته؟ ماذا لو دعمت أمريكا لعبة ما وفضلتها على لعبة يابانية مثل ماريو او زيلدا عادي عندك؟
كان نفسي يوم انك رديت على كلامي انك ترد على الفكرة كاملة وتقول وش رأيك بالحجة مو جاي بس ترافع عن المطور وعن دولته.
أما بالنسبة للصناعة انها كلها كلونز فلا أعتقد ذلك أبداً. توجد اقتباسات نعم ولكن الكلون شيء ثاني. ان كان هذا رأيك فأنت حر فيه ما راح أجادلك.
