السفاح لويس مادينا سيحكم مباراة نصف النهائي بين الهلال والاتحاد غدا !!

[Humam]

لول والله دوبي أنتبه للخبر, من أول أسمع شباب يقولوا الحكم راح يخبص مباراة الهلال والاتحاد الجاية, دوبي جيت أشيك من هو و كانت المفاجئة الصاعقة..

لويس مادينا, الحكم الإسباني السفاااااااااااح هو الي راح يقود مباراة نصف النهائي في الدوري السعودي بين الهلال والاتحاد غدا الأحد ..

للي ناسيه, فهذا هو الحكم الي حكم مباراة الكلاسيكو الأخيرة .. بلنتي غش + طرد روبرتو كارلوس غش + كروت على قفا من يشيل للاعبي الريال ..

وللي يتذكر هو الي حكم مباراة السعودية والبحرين الي طرد فيها محمد نور وأعطى ياسر كرت أصفر, ياسر القحطاني الا الله ويصفقه كفين على بلاهته...

هذي صورته مع بشكته يوم وصلوا مطار الملك خالد في الرياض:

الله يستر تفاريس ما يخربها بكرة ويروح علينا النهائي.. ومع الأسف كماتشو جاته إصابة مثل ما اتوقت بالضبط واحتمال إنه ما يلعب, اللاعب يفر من بداية الموسم ما استراح أبدا ..

بإذن الله نشوف نهاية جميلة للدوري السعودي هذا العام بحكم إنها راح تكون آخر مباراة قوية, لأن سواء اتأهل الهلال او الاتحاد لملاقاة الشباب ماراح تكون مباراة بنفس القوة لأن الشباب فريق ممل جدا جدا ..

وبإذن الله الفوز هلالي .. عن طريق ياسر القحطاني أو مستر لوب ( لول لقب جيوفاني الجديد ) 😉

 

[Nintendo]

لول على قولة واحد من الشباب امس .. الحكم الاجنبي يوم يجي عندنا يسال على الفريقين والاجابه دائما ( الاتحاد فريق خشن مسموح تطرد كل لاعبيه والهلال لا ) لول ...

وعلى فكره ذا الحكم طرد محمد نور مرتين بكاس الخليج !! ودي اشوف محمد بعد المباره يصكه لكمه خطافيه ( منشت ) يخليه يحرم يسوي الخرابيط ذي .. تفاريس اعتقد انه مطلع بطاقة عدم تعرض من فتره طويلة 😉

عموما اتمنى مباره حلوه ان شاء الله الفوز اتحادي ( وحشنا الدوري ) وودي اشوف ( الاسطوره ) نور وش بيسوي بكره 🙂

 

[Humam]

منشت

لول عمر أنا من يوم ما اتابع ممدوح فرج وأنا أحاول أفهم ايش معنى " منشت " .. هو في شي اسمه منشت أصلا !! لول .. بس كويس إنك وضحتها 😛

 

[Zeyad]

صحيح اني ما اتابع الكوره ياهمام ، بس دائماً اسمع عن محمد نور ومشاكله واكثر شي اسمع عنه هو الطرد خخخ

 

[persona]

لو مو كاتب انهم حكام جان حكمت عليهم انهم فرقة الGibsy kings على غفله 🙂..
يحليلهم الطقم موحد حتى باللبس العادي لووول..

ماقول الا الله يستر ..

 

[Nintendo]

لول همام المانشت هاذي كل ضربة باليد يسميها منشت ( حتى اتذكر مره واحد رمح واحد وقال هاذي منشت بس بالرجل !! ) ..

ايه زياد للاسف الاعلام عندنا مايظهر في محمد نور غير عيوبه . والله ذا اللاعب اذا كان بنادي غير الاتحاد كان الحين محترف بالخارج بس وش نقول دنيا حظوظ ...

 

[persona]

منشت = closeline

بعدين ماتلاحظون اللي يدقون عليه كل اسبوع يتكررون الاسبوع اللي بعده ، واضح انهم من جماعته ^^

 

[Khalid-S]

باذن الله بكره بروح الملعب... المباراة بتكون ناااااااااااار

 

[Humam]

خالد انتبه لا يكسروا سيارتكم, المباراة الماضية عشرات الجماهير خرجت من الملعب وسياراتهم محطمة تحطييييييم .. ما تدري هم حرامية والا فعل مدبر علشان الجماهير ما تحضر !!

 

[Khalid-S]

>_< والله خوفتني همام ....... شكلي بوقف امها بعيييييييييد.

 

[Humam]

لول لا خالد ما عليك أهم شي حمتشي يلبس تي شيرت عليه صورة باوزر + ينزل معاه قطلة ويقعد جمب السيارة والي فيه خير يقرب 😉

في خبر مثبت في منتدى الزعيم يؤكد أن مبروك زايد وافق على ارتداء شعار الهلال ابتداء من الموسم القادم + توقيع نواف التمياط لمدة 4 سنوات اضافية + محمد أمين الي اقترب من الانضمام للهلال لكن المفاوضات تعثرت بسبب مبالغات محمد أمين :

http://alzaeem.net/showthread.php?t=294842

 

[Xavi]

ياااااهلال حبك من حبناااا ياهلال 😀

هلا شباب

محمد نور كبير خاصة قدام مباراة الأهلي الأخيرة والتصريح الناري اللي قاله 😛

بالنسبة للهلال اعتقد الكبير كبير والزعيم زعيم .. الهلال في أحسن حالاته صعب ينهزم ، وفي ارضه وبين جمهوره كمان ؟ خخخ حُلم

ودي اشوف حمد الصنيع بكرا خخخ ، ومقدما هاردلك جمهور الإتي 😉

 

[Nintendo]

فهد تحس اننا هزمناكم في اخر مباره في الرياض فلايكثر ترى دائما اللي يشوف نفسه من بدري ياكلها 🙂

لول وانت همام تصدق كل شئ .. بمنتدى الاتحاد نواف وقع للاتحاد ومبروك زايد ومحمد امين مستحيل يتركوا الاتحاد .. يعني الشغله حرب اعلاميه قبل المباره فقط 😉

 

[Humam]

مدري فهد أحسك ماخذ الاتحاد على إنه سدوس والا الجبلين والا نادي فرسان مكة حتى !! الظاهر إنك ناسي إنه أفضل نادي سعودي عناصريا في الوقت الراهن, وناسي إنه هزم الهلال قبل يومين في الرياض و بين جمهوره و لا تنسى إنه مستعد صح لمباراة اليوم..صاك الأهلي ثلاثة ومسوي معسكر في الشرقية, هذا وهو السنة ما اخذ ولا بطولة فوده يعوض.. يعني عزيمته أعتقد أكبر من الهلال..

ثم حتى لو الهلال كان في أفضل حالاته عناصريا ولياقيا و روحيا, كل هذا صفر على الشمال إذا ربنا ما أراد التوفيق, في ثانية واحدة بإرادة ربك ممكن الحكم يحسب فاول او بلنتي في وقت قاتل وطق هدف وانتهت المباراة وبعدها نقعد نبكي جمب التلفزيون على غرورنا واستهزاءنا.. المفروض يكون جمهور الهلال أكبر من هذا الكلام.. يا رب وفق الهلال وأبعد لعيبته وجمهوره عن الغرور 🙂

عمر, بالنسبة لخبر مبروك زايد فحسب ما يشاع إن اللاعب عنده ظروف عائلية وهو من سكان الرياض أصلا فبيواجه صعوبات في البقاء في جدة.. محمد أمين هذي الي صعب تتصدق..

 

[Nintendo]

محمد امين قسم بالله اذا فريق اخذه من الاتحاد هذا يسوي خير فينا .. والله لاعب محسوب علينا وله 6 سنوات مع نادي الاتحاد ماشفنا منه خير فمن جد بالتوفيق ..

بس ابو زايد هذا كلام ثاني 😉

 

[Humam]

لول في خبر أشبه بالفشيلة " ما نبغى نقول فضيحة علشان لا يكون وقعها قوي " طلع امس خبر ان " عضو شرف نصراوي " اتبرع ب 20 ألف تذكرة مجانية حتى تحضر الجماهير النصراوية الملعب لمؤازرة الاتحاد ..الخبر من يوم ما تقرأه أو تسمعه تستغرب لأن النصراويين يا الله يدفعوا رواتب لعيبتهم ومدربينهم فيجي واحد منهم ويقط قطة كبيرة مثل هذي علشان الجمهور يجي يشجع فريق ثاني !!

المهم ماهي إلا ساعات ويجي برنامج كل الرياضة على القناة السعودية, الحلقة استضافوا فيها مدير ملعب استاد الملك فهد الأستاذ سلمان النمشان ووضح فيها طريقة تقسيم الملعب للجماهير والاستعدادات .. الخ..

يريد ربك و يتصل منصور البلوي على البرنامج و ينزل هجوم على سلمان النمشان و يتهمه بأنه يحابي لجمهور الهلال مع ان جمهور الاتحاد المفروض ياخذ نص الملعب !!!! لول, من حسن نية جا سلمان النمشان و قال يا أستاذ منصور انت طلبت شراء 15 ألف تذكرة واحنا قدرنا نوفر لك 24 ألف, لول, هنا البلوي ضربها أخماس في أسداس واتلخبط, اتلعثم وقال أنا انكر إني طلبت شراء أي تذاكر !! أتاريه هو الي طلع شاري التذاكر للنصراويين يبغاهم يحضروا 😛 يا أخي مدري لهذه الدرجة جمهور الهلال مرعب في الملعب 😉

المشكلة البلوي منت داري ايش يبغى كأنه النمشان شغال عنده, هو مدير الملعب وهو أدرى بالتقسيم الصحيح, يعني الي يشوف المباريات السابقة يقول الله ياجمهور الاتحاد الي حيجي يكسر الملعب:

هذا كاس ولي العهد العام الماضي على النهائي, شوفوا الجمهور الاتحادي قد ايش, بسبب التقسيم كثير من جمهور الهلال رجعوا لبيوتهم وعلى الفاضي:

وهذا كاس الملك العام الماضي أيضا, نفس الهرجة جمهور الاتحاد ما كمل نص المساحة المخصصة له :

يعني بعد هذا كله والبلوي يبغى نص الملعب له, مدري بس أحس في ناس تحب تبربر كثيييير 🙄

 

[Nintendo]

سبحان الله فعلا يوم واحد ينقل موضوع من منتدى ( الزعيم ) تحس الشغله انقلبت 180% ..

همام منصور البلوي طالب بحقه الرسمي مل ماصار بمبارة الاهلي والاتحاد . القانون يقول انه الفرق صاحب الارض له 60% من الملعب ويوم مبارة الاتحاد و الاهلي الملعب خلوه 50% لكل فريق لانه الفريقين من الوطن .. سبحان الله في مبارة الهلال الهلال ياخذ ثلاثة ارباع الملعب !!! ليش هاذي ماهي مبارة في الوطن وسلمان النمشان يجي يقول لكل مبارة ظروفها هههههههههههه طيب اسلم المفروض يقول لكل مبارة شيكاتها ...

عموما رجال الاتحاد اكبر من هاذي المهازل والمفروض الرد بيكون في الملعب ومثل ماقال كبتنا الاسطوري ( اتمنى الملعب كله هلالي ) 😉

 

[Humam]

البلوي طالب بحقه يوم الجمهور يجي, بس عمر ممكن تقلي وين الجمهور الاتحادي الي راح يحضر ؟ واضحة حركة ال 30 ألف تذكرة من " عضو شرف نصراوي " ..

لول المهازل ما عرفت إلا بدخول البلوي على الساحة الرياضية السعودية .. ورجالات الهلال إلي أكبر من فقاعته 😉

 

[Xavi]

لول اول شي ، معروف ان التوفيق بيد الله وان شاء الله موفقين في المباراة 😉
بالنسبة للهلال فالهلال في أحسن حالاته عناصرياً ولياقياً وادارياً اخر مباراة ماكان المدرب الموجود هو نفسه كليبر ولا كان مدرب الاتحاد هو نفسه ميتسو 🙂 الهلال آخر مباراة صك ماشال بخماسية وبالرديف تقريبا ! بالنسبة للجماهير فالتاريخ يشهد ، للاسف الجماهير الهلالية صاحبة اكثر جمهور في الخليج تنحشر في نص المدرجات والنص الثاني يجلس فاضي !!!!! القرار سليم ومافيه أي تحيز صراحة .. بالنسبة لكلامي اللي فوق مش غرور ، تقدروا تسموه تفائل واحساس ..
على العموم بإذن الله نحقق البطولة السابعة على التوالي والاسبوع ذا ماانتهى 🙂

 

[Nintendo]

لول رجالات الهلال هاذي اكيد ماتشمل الرئيس الحالي 🙂

تتكلمون عن المهازل والخ الخ .. سبحان الله كيف الزمن تغير .. زمااان كنتو تعملوا اللي تبغوه لانكم فريق الحكومه ولااحد يقدر يتكلم واعتقد اي سعودي متابع للكوره السعوديه يعرف البير وغطاه فبلاش فضايح ويوم جاء واحد رد عليكم قلتوا الفضايح طلعت وذا الكلام ولكن ايام الحارس الشهير النزهان والافلام الرهيبه من الحكام ماكان فيه فضايح !! فعلا كلا يرى الناس بعين طبعه 🙂

وعن سالفة عضو شرف النصراوي والخ الخ يعني الحين الفتوا قصة من عندكم وصدقتوها !! بس سبحان الله دائما نقول انه فعلا فريق الهلال محظوظ بفئة جماهيره 🙂

 

[Old School]

ان شاء الله بس النصر اتحادي على فريق البنات والدلع والغش والبطولات المغشوشه وزعيم الفشل وكسرة الوجه وش قالوا قالوا زعيم نصف الارض اقول الخلاااااااا

 

[Old School]

ان شاء الله بس النصر اتحادي على فريق البنات والدلع والغش والبطولات المغشوشه وزعيم الفشل وكسرة الوجه وش قالوا قالوا زعيم نصف الارض اقول الخلاااااااا

مع العلم انا مني لا باتحادي ولا نصراوي ولا

 

[Old School]

ان شاء الله بس النصر اتحادي على فريق البنات والدلع والغش والبطولات المغشوشه وزعيم الفشل وكسرة الوجه وش قالوا قالوا زعيم نصف الارض اقول الخلاااااااا

مع العلم انا مني لا باتحادي ولا نصراوي ولا اشجع نادي سعودي معين لكن اقدر اللعب الجميل والحلو واللهم انصر الاتحاد

 

[Pichi]

ممكن اولد سكول تحترم نفسك 🙂؟!

 

[Xavi]

ان شاء الله بس النصر اتحادي على فريق البنات والدلع والغش والبطولات المغشوشه وزعيم الفشل وكسرة الوجه وش قالوا قالوا زعيم نصف الارض اقول الخلاااااااا

ماتشجع احد وش مدخلك الموضوع من اصله ؟!! رجاء احترم نفسك

 

[Pichi]

ان شاء الله بس النصر اتحادي على فريق البنات والدلع والغش والبطولات المغشوشه وزعيم الفشل وكسرة الوجه وش قالوا قالوا زعيم نصف الارض اقول الخلاااااااا

مع العلم انا مني لا باتحادي ولا نصراوي ولا اشجع نادي سعودي معين لكن اقدر اللعب الجميل والحلو واللهم انصر الاتحاد

تذكر ردك هذا 😉
http://www.true-gaming.net/boards/showpost.php?p=48775&postcount=20

 

[King Wario]

لول ... اصلا هو كل يوم يغير فريقه 😛 ( من متابعتي لمواضيع الشامبيونز ليج )

 

[Khalid-S]

بعد شوي بطلع من البيت رايح للملعب ,, انا وواحد اتفاقي 😉

 

[Xavi]

لول ... اصلا هو كل يوم يغير فريقه 😛 ( من متابعتي لمواضيع الشامبيونز ليج )

خخخ سلطان حتى انا ملاحظ لووول

 

[Pichi]

:S بالله هذا مدرب !
سامي و نواف احتياط و جيوفاني يلعب ..
النتيجة لحد الان 0-0 الشوط الثاني الدقيقة 71