لأن البلايستيشن مثبت فيزيائيا كبلاتفورم بحقيقة انك اشتريت الجهاز هذا هو تسجيل دخولك الأساسي والباقي اضافات. أما على الحاسب فما راح يكون هذا الشيء لك الا اذا سويت تسجيل دخول. نفس وضع ستيم هل تقدر تلعب فيه بدون تسجيل دخول؟ طبعا لا لأن في الحاسب البلاتفورم هي Virtual ما لها وجود فيزيائي فتحتاج لها تسجيل دخول. لو ستيم سوى منصة فزيائية فممكن يقدر يخليك تلعب بدون تسجيل دخول. ومع ذلك لا أعتقد ان فالف تسويها مع ستيم دك وتشترط الدخول فبحسب كلامك ومعايرك وطريقة حكمك سوني أحسن من فالف باحترام المستهلك!
فكرة سوني مع ال PSN عبقرية بحيث انها تصير لها منصة على الحاسب بفقط جهد جلب ألعابها له وليس بجهد بناء متجر كامل يعني تتسلق على فالف. تماما مثل ما فالف تسلقت على مايكروسوفت عن طريق جعل منصتها برنامج في نظام تشغيل ويندوز من غير تحمل تكلفة بناء نظام تشغيل. ويتبعه تماما تسلق مايكروسوفت على صناع الحواسيب عن طريق جعل منصتها نظام تشغيل من غير ان تتحمل صناعة العتاد وتطويره وصناعة المعالجات. وكما تسلق من قبلهم صناع العتاد والمعالجات بان جعلوا مناصتهم مطابقة لحواسيب IBM او ما يعرف ب IBM Compatible دون أن يتحملوا عناء وضع الأساسات من الصفر للمنصة بل IBM من فعلت ذلك هو من وضعت معالجات X86 و منافذ التوسيع ما قبل ال PCI وغيره. حلال لكل هؤلاء وحرام لسوني؟ طبعا لا ولكن المشكله ان التنفذ غبي وان كانت الفكرة ذكية ويجب أن تهاجم سوني وتحاسب على غباء التفيذ والثوارة ذي لا على الفكرة. مايكروسوفت عندها طريقة انها تتنافس مع فالف عن طريق متجر اكسبوكس ولا استبعد انها تنتهج نهج سوني لو ما نفع. وعدم تطوير سوني لانتشار ال PSN خطأ استراتيجي في نظري يخليها مكشوفة لباقي المنصات!
فيه بعض بعض الناس من أنصار الحاسب متعصبين أكثر من حقين الكونسول. تحت شعار حماية اللاعب يهاجمون سوني دفاعا عن فالف. ولو كانوا صادقين كان هاجموا أصل المشكلة وهو عدم سماح سوني للاعبين في أماكن كثيرة حول العالم بانشاء حسابات لا اشتراط وجود الحسابات. المفروض ان سوني تتيح القدرة ذي في كل مكان شغال فيه ستيم بما انها نزلت ألعابها في ستيم.
