الرجاء الاجابه بكل صراحه....

[Super Mario]

السلام عليكم ورحمة الله وبركاته..

عندي سؤالين وأتمنى تجاوبون عليها بكل صراحه..

س1: ليش اللي يحبون الفيديو جيمز غالباً مستواهم الدراسي متدني ؟

س2: في أحد من محبي الجيمز (أعضاء المنتدى) يدرس بالجامعه ؟

أرجو أن يؤخذ الموضوع بجدية..

وجزاكم الله خيراً وبارك الله فيكم..

 

[Guns N Roses]

بالعكس مو اغلب.. انا لاحظت العكس .. بس بالنسبه لي السبب هو كثره (الهواجيس) او التفكير داخل المحاضره في القيمز خصوصا ال MMO الي تكون دمار شامل لل real life., عشان كذا درجاتي شوي متدنيه.

 

[King Wario]

من صجك ؟

كم واحد في المنتدى يدرس طب ؟ كم واحد يدرس هندسة ؟ كم واحد يدرس في الخارج ؟

منو قال ان مستواهم متدني ؟

 

[Xeno]

أنا أشوف العكس تماما أخوي, غالب الهاردكور جيمرز مثقفين ومطلعين وبالتالي متفوقين دراسيا.

"اللي يحبون الفيديو جيمز" شريحة كبيرة جدا وفيها كل الأنواع من البشر, كأنك تقول ليش "سكان العالم" مستواهم الدراسي متدني.

 

[Super Mario]

أنا أشوف العكس تماما أخوي, غالب الهاردكور جيمرز مثقفين ومطلعين وبالتالي متفوقين دراسيا.

"اللي يحبون الفيديو جيمز" شريحة كبيرة جدا وفيها كل الأنواع من البشر, كأنك تقول ليش "سكان العالم" مستواهم الدراسي متدني.

بس انا 90% من اللي أعرفهم متدنين دراسيا ما أدري ليش !!
شي غريب انكم تشوفون عكس كلامي ؟؟

 

[BioMario]

مادري ليش الناس ماخذة فكرة كالتالي :-

لاعبي او محبي الجيمز = متدنيين دراسياً و طلاب كسالى
خاصتاً في العالم العربي

------------------
س1: ليش اللي يحبون الفيديو جيمز غالباً مستواهم الدراسي متدني ؟ لاعبي الجيمز مثل اي بشر في الشاطر في الكسلان في المتوسط

س2: في أحد من محبي الجيمز (أعضاء المنتدى) يدرس بالجامعه ؟ انا ادرس و إن شاء الله داخل هندسة

ممكن اسألك سؤال اخوي ^^
ليش هذي الأسأله ..؟

على فكرة في ناس عندنا يدرسون طب في هذا المنتدى و موب واحد او اثنين مجموعة ما شاء الله
وفي هندسة بعد و لكثير من التخصصات الصعبة

 

[Khalid-S]

هممم .. اعتقد 70% من الاعضاء الي هنا طلاب جامعه. وايضاَ البعض تخرجوا ويشتغلون. قليل الي لسه في المدرسه.

عموما مثل ما قالوا الشباب ... بعيدا عن الي بالمنتدى. لمن كنت بالمدرسه .. اتذكر الي يلعبون فيديو جيمز = دوافير (شطار) اما الباقي رايحين فيها تقريباَ.

 

[Super Mario]

مادري ليش الناس ماخذة فكرة كالتالي :-

لاعبي او محبي الجيمز = متدنيين دراسياً و طلاب كسالى
خاصتاً في العالم العربي

------------------
س1: ليش اللي يحبون الفيديو جيمز غالباً مستواهم الدراسي متدني ؟ لاعبي الجيمز مثل اي بشر في الشاطر في الكسلان في المتوسط

س2: في أحد من محبي الجيمز (أعضاء المنتدى) يدرس بالجامعه ؟ انا ادرس و إن شاء الله داخل هندسة

ممكن اسألك سؤال اخوي ^^
ليش هذي الأسأله ..؟

على فكرة في ناس عندنا يدرسون طب في هذا المنتدى و موب واحد او اثنين مجموعة ما شاء الله
وفي هندسة بعد و لكثير من التخصصات الصعبة

لأن أغلب اللي شفتهم وعرفتهم متدنين
فحبيت أعرف الأسباب , وأصحح نظرتي اذا كانت خاطئه

 

[iCon]

بالعكس .. اغلب القيمرز اللي اعرفهم متخرجين من الجامعة و متزوجين بعد ( لان البعض ماخذ فكرة ان القيمرز دائما يكونون صغار ) ..
. و حتى الي في الجامعة مستواهم الدراسي متفوق ... المصيبه انهم وسط المحاظرة و عقلهم عن القيمز و اخر الالعاب ( و لا ها بس انا اللي جيه )

 

[Agent47]

الفيديو جيمز كأي هواية او عمل ثاني, المتدني بدراسته اللي يضيع وقته كله على الجيمز ويهمل دراسته, وهذي نتيجه نفس نتيجة اللي يحب السيارات ولا اي هواية ثانية يضيع وقته كله عليها أكيد بتتأثر حياته بالكامل.

ياخي السالفة ترجع للشخص نفسه هل هو منظم وقته صح؟ هل هو جاد في عمله اول لا.

 

[Lunar Poet]

لول نفس الشباب، ملاحظ ان اللي يلعبون فيديو جيمز عادةً تكون مستوياتهم الدراسية عالية، لكن أيضاً يوجد فئة مستوياتهم نازلة (ما أظن فيه علاقة بين الفيديو جيمز و المستوى الدراسي) اللي يلعب جيمز و يقدمه على دراسته بحيث يقضي معظم وقته في الفيديو جيمز و ما يهتم بدراسته فالمشكلة منه، مب من الفيديو جيمز نفسه (طبعاً هالكلام ينطبق على أي ممارس لأي هواية ثانية).

 

[Lunar Poet]

^ لول سبحان الله، نفس الكلام و في وقت متقارب جداً

!

 

[Reaper Poet]

- بس انا 90% من اللي أعرفهم متدنين دراسيا ما أدري ليش !!
- شي غريب انكم تشوفون عكس كلامي ؟؟

- اللي تعرفهم مو كل لاعبي الفيديو عشان تحكم بسرعة " يلمح لأول رد بالموضوع " :slant:
- كل واحد يعيش مع مجتمع مختلف ::

 

[Justice]

لول نفس الشباب، ملاحظ ان اللي يلعبون فيديو جيمز عادةً تكون مستوياتهم الدراسية عالية، لكن أيضاً يوجد فئة مستوياتهم نازلة (ما أظن فيه علاقة بين الفيديو جيمز و المستوى الدراسي) اللي يلعب جيمز و يقدمه على دراسته بحيث يقضي معظم وقته في الفيديو جيمز و ما يهتم بدراسته فالمشكلة منه، مب من الفيديو جيمز نفسه (طبعاً هالكلام ينطبق على أي ممارس لأي هواية ثانية).

صح كلامك اتفق معاك المشكلة منه 100% مش من الجيمز

 

[Golden_Sun]

"اللي يحبون الفيديو جيمز" شريحة كبيرة جدا وفيها كل الأنواع من البشر, كأنك تقول ليش "سكان العالم" مستواهم الدراسي متدني.

so true...
وانا ادرس بالجامعه، للحين ما تخصصت لكن بكلية العلوم الادارية (College of Business Administration)

 

[MR1]

س1: ليش اللي يحبون الفيديو جيمز غالباً مستواهم الدراسي متدني ؟

س2: في أحد من محبي الجيمز (أعضاء المنتدى) يدرس بالجامعه ؟

جـ1 : أنا والحمد لله مستواي ممتاز دراسياً و أحب الفيديوقيمز ...
و أيام يوم كنت بالمدرسه كنت أنا و اصدقاي نتجمع ونتكلم عن Metal Gear و 2D fighting games بالفسحه و يجون لمنا الكسلانين يضحكون علينا و يتطنزون ...

جـ2: أنا درست بالجامعة Computer Science و تخرجت و توظفت بالجامعة ^^ (ان شاء الله >.>)

 

[Reaper Poet]

صح كلامك اتفق معاك المشكلة منه 100% مش من الجيمز

صراحة " المتدنين دراسياً " أشوف الكاجوال فقط .. أما الهاردكورز مستواه ما شاء الله متوفقين جداً

 

[Gon freeces]

صراحة " المتدنين دراسياً " أشوف الكاجوال فقط .. أما الهاردكورز مستواه ما شاء الله متوفقين جداً

الدراسة ة الفيديو جيمز مالهم علاقة ببعض , في متفوقين جيمرز و في متفوقين ما يلعبوا جيمز :\

 

[Snake-87]

. المصيبه انهم وسط المحاظرة و عقلهم عن القيمز و اخر الالعاب

س1: ليش اللي يحبون الفيديو جيمز غالباً مستواهم الدراسي متدني ؟

الحماس الزائد وإعطاء الجيمز أكثر من حقه ... 24 ساعة هيلو ..ليش ؟؟؟ وجيم يسحب جيم لين يصير الفجر ينام له كم ساعة ويروح المحاضرة نعسااان أو ما يروح اساسا .
وطبعا مو الكل .

س2: في أحد من محبي الجيمز (أعضاء المنتدى) يدرس بالجامعه ؟

الأغلبية

 

[Colorization]

صراحة " المتدنين دراسياً " أشوف الكاجوال فقط .. أما الهاردكورز مستواه ما شاء الله متوفقين جداً

؟ لأ طبعا.


مالها شغل. اخوي تخصصه طب ويلعب أكثر مني بكثير (كل ما أدخل الغرفة عليه اشوفه يلعب) ومعدله أكثر من ممتاز. العيب فالشخص نفسه، الهواية مالها دخل.

 

[Reaper Poet]

الدراسة و الفيديو جيمز مالهم علاقة ببعض , في متفوقين جيمرز و في متفوقين ما يلعبوا جيمز :\

أنا قلت عكس كلامك ؟ :sealed:

 

[Bounty]

so true...
وانا ادرس بالجامعه، للحين ما تخصصت لكن بكلية العلوم الادارية (College of Business Administration)

وانا ادرس بالجامعه .. تخصصي قانون ..

====================


مادري من وين يت لك هالفكره اخوي :slant:

 

[Colorization]

^ إنت تقول المتدنيين دراسيا هم الكاجوال والناجحين هم الهاردكورز، غلط وما اعرف من وين جبت هالكلام.

 

[Ammar_R]

المصيبه انهم وسط المحاظرة و عقلهم عن القيمز و اخر الالعاب

QFT
فكر أصور صورة لدفتر محاضراتي .. اليوم في محاضرة الهيستولوجي شغال كتابة في سكربت ميتل يجر 4 اللي من التريلرات - كالعادة - @_@

وفي النهاية تعتمد على الشخص نفسو وكيف يمديه يوفق بين الإتين @_@

 

[Zeyad]

اختلف معك , التفوق وتدني يرجع لشخص نفسه اذا يذاكر ولا لا ,,, ومهما انشغلت في الجيمز ولا في امور ثانيه صدقني الشاطر شاطر والكسلان كسلان

 

[ZiZ]

أنا من طلعت على الدنيا والفيديو جيمز هي هوايتي الرئيسية...

ومع ذلك طول عمري الأول على الصف وفي الجامعة تخرجت من كلية الحاسب بجامعة الملك سعود والـ GPA حقي "ممتاز"...

واللي أنا أشوفه أن عكس كلامك صحيح "أغلب" اللي اكتشفت أنهم يتابعون الفيديو جيمز مستوياتهم الدراسية متوسطة أو ممتازة...

 

[Magical Dreamer]

السلام عليكم ورحمة الله وبركاته


س1: ليش اللي يحبون الفيديو جيمز غالباً مستواهم الدراسي متدني ؟

كون الشخص متفوق أو لا هذا ماله علاقة أبدا بالجيمز والعكس صحيح

كل هواية إن تعدت عن حدها راح تأثر على دراسة الشخص

وبالعكس أحيانا فيه ناس لما تمارس هوايتها دائما تحس إنه مستواهم الدراسي زين لانه فيه راحة نفسية

عكس اللي يكون مدمن لعبة اونلاين مثلا ورايح جامعة وما يقدر يلعب إلا أيام معينة فيقعد يحاتي اللعبة شو صار شو ماصار

ممكن ربعك مب مهتمين بالدراسة أصلا كل شي يحتاج تنظيم وأول شي تنظيم الوقت

في أحد من محبي الجيمز (أعضاء المنتدى) يدرس بالجامعه ؟

\\\\\ محبة للجيمز من سنين ^^

 

[Super Shadow]

بصراحة أنا ما لاحظت أن معظم الي يلعبون الفيديو جيمز مستواهم الدراسي متدني

ألاحظهم كوكتيل XD

بالنسبة لي

أنا تخرجت من الكلية بمعدل جيد جدا

و حاليا أشتغل

 

[Justice]

اممم طيب فيه عشاق للكرة لدرجة انه يصفط المذاكرة ويتجة للمباراة
نفس الكلام مع اي هاوي, دايما الناس تقدم هواياتهم على اي شيئ اخر ممكن حتى عن
طاعة الوالدين ولكن كل هذا يرجع السبب منه نفسه ^_^

 

[Da S.O.S]

الموضوع كله تنظيم وقت لا أكثر .. اي هواية تمارسها بعشوائيه حتى لو كانت تجميع جرابيع مستواك الدراسي راح يطيح ..
مالها دخل سالفه جامعه او مدرسة..
هنا بالمنتدى شخصيا اعرف اوكس سنة ثانية طب بشري و Dr Mad سنة اولى طب اسنان .. وختامهم انا سنه اولى P: طب بشري .. ماله دخل ابدا وكثير شباب اعرفهم ما شاء الله عليهم بتخصصات محترمه جدا ومستواهم اكثر من ممتاز .. ماله اي رابط حب الفيديو قيمز مع انحطاط المستوى الدراسي