الدراسة ...

[Lone Wolf]

السلام عليكم

يا جماعة الخير محتاج مساعدة .. ماعرف شو اسوي آخر سنة لي

مابي اخربها .. مهمل الدراسة بشكل غير طبيعي .. يا قاعد على المنتدى

او قاعد بالساعات Gaming. انا توني واعي يوم شفت علاماتي نازلة

ساعات اسوي بروجكتس و اكثر شي ماسوي .. و لما ايي بسوي بروجكت

اسلمه متأخر عن الموعد مع انه بإمكاني اسلمه في وقته .. المدير يقولي يا مشاري

انتبه على دراستك هاي آخر سنة لك .. لا تخربط و تعفس حياتك .. و انا مب قادر كلش

ماعرف شو اسوي ماعرف شو ابا .. تعبت توني واعي و توني مستوعب من الي قاعد يصير

الله يخليكم شوفوا لي حل .. ساعدوني اي شي .. بس ما ابا اخرب حياتي مب مستعد على آخر سنة

لدرجة وصلت فيني آخذ الـDs وياي و اقعد آخر الصف .. المعلم او المعلمة تشرح و انا في وادي ثاني يالس العب!

مابي اخسر دراستي و لا حياتي .. ساعدوني 🙁

يعطيكم العافية ..
​

 

[Van]

نظم وقتك, و خل الأولوية للمذاكرة و المدرسة مو للمنتدى أو اللعب =/

 

[Uzumaki Naruto]

لول يا مشاري .. ما اعتقد انو في طريقه لحلها الا انك تنتبه للحصص وخلك من الـGaming & DS وشد حيلك .

صدقني أنا انسان أكره المدرسه بشكل (لول كلنا نكرها) بس في آخر سنه شديت حيلي والحمدلله مشيت, وترا الوقت يمر بسررررعه يعني مالها داعي تضيعه على ألعاب ومدري ايش وهي آخر سنه لك.

وبالتوفيق.

 

[ZiZ]

شد الهمة... وخل عنك اللعب والخمبقة وذاكر وشد حيلك...

 

[Colorization]

ادرس :\ مافي كلمة ثانية تنقال بصراحة.

 

[G7Ga7]

انصحك تحاول تطلع برى البيت عشان تذاكر اذا كنت تشوف ملهيات واجدة عندك !!
روح ذاكر في الـStudy Halls بالجامعة .. او بكوفي شوب .. او باي مكان بعيد عن غرفتك .

وموفق ان شاء الله .

فيه حل آخر .. تاخذ باند مؤقت p:

 

[black.heart]

و الله هذا حالي انا بعد 🙁
يكون علي كويز مثلا و سيفون ما اهتم او هومورك و اما احله الا قبل ما انام و احيانا اسلمه ناقص
المشكله اشوف علاماتي نازله بس ما اهتم بعكس ايام الثانوي و السبب ما ادري 🙁
طول وقتي على اللابتوب و المسن و المنتدى 🙁
احيانا اقول انا مو مهتم لاني جالس بالجامعه هنا تضيع وقت لين موعد دراستي بامريكا يعني ما يحتاج اشد حيلي على و لا شي
بس الوالد يقولي تراك مو ضامن السفره يمكن باي لحظه اغير رايي لو شفتك مو مهتم بدراستك هنا و درجاتك نازله يعني بامريكا بتسوي نفس الشي 🙁

شوفوا لي حل مع مشاري

 

[Still Alive]

انا في آخر سنة لي كنت مثلك بالبداية, ولما شفت علاماتي ومستواي متدني طلبت من الوالد ياخذ مني كل الاجهزة والكمبيوتر ويقطع منى النت لين ما تخلص السنة.. وما يعطيني أياهم مهما طلبت منه

وصدقني الشي هذا فادني كثير

الزبدة حاول تبعد عنك كل الأشياء الى انت مدمن عليها وتاخذ من وقتك كثير بطريقة بحيث حتى لو انت نفسك حاولت توصل لها ما تقدر


حاول تضغط على نفسك, كلها سنة واحدة وبعدها سو الى تبي. النت والجيمنج ما رح يطيروا

 

[Lone Wolf]

نظم وقتك, و خل الأولوية للمذاكرة و المدرسة مو للمنتدى أو اللعب =/

حاولت من قالك ماحاولت .. بس ماقدر اقولك لدرجة آخذ الـDs اداوم فيه !

لول يا مشاري .. ما اعتقد انو في طريقه لحلها الا انك تنتبه للحصص وخلك من الـGaming & DS وشد حيلك .

انا من النوع الي امل بسرعة .. و اتملل من الكلام الوايد

مثل اليوم في حصة الـEconomics المدرس .. يتكلم وايد

و يتكلم عن الفلوس و هالسوالف .. انا تمللت بطلا الـDs

و اندمجت مع اللعبة .. شافني مب منتبه منزل راسي

يقولي مشاري what are you doing mate اقوله

ولا شي منزل راسي اقرأ الكتاب .. و انا العب قاعد

يقولي زين شو فهمت من الي قلته اقوله كل شي Perfect!

يقولي تعال اكتب لي شرح .. طلعت و قاعد اكتب Nintendo و ارباحها

و sony و ارباحها و الخرابيط هاذي .. حتى فالأمثلة مدخل الجيمنج -_-"

انت شلون تعرف اسمي 😛

شد الهمة... وخل عنك اللعب والخمبقة وذاكر وشد حيلك...

ياريت والله اتمنى 🙁

انصحك تحاول تطلع برى البيت عشان تذاكر اذا كنت تشوف ملهيات واجدة عندك !!
روح ذاكر في الـStudy Halls بالجامعة .. او بكوفي شوب .. او باي مكان بعيد عن غرفتك .

وموفق ان شاء الله .

فيه حل آخر .. تاخذ باند مؤقت p:

بو داحم .. يات في بالي اني اروح Starbucks و اقعد و اذاكر

بس ماسويتها .. بس حتى لو حاس اني باخذ الـDs وياي -_-

و حتى لو عطوني باند مؤقت .. بتزيد ساعات الـGaming !

انا في آخر سنة لي كنت مثلك بالبداية, ولما شفت علاماتي ومستواي متدني طلبت من الوالد ياخذ مني كل الاجهزة والكمبيوتر ويقطع منى النت لين ما تخلص السنة.. وما يعطيني أياهم مهما طلبت منه

وصدقني الشي هذا فادني كثير

الزبدة حاول تبعد عنك كل الأشياء الى انت مدمن عليها وتاخذ من وقتك كثير بطريقة بحيث حتى لو انت نفسك حاولت توصل لها ما تقدر


حاول تضغط على نفسك, كلها سنة واحدة وبعدها سو الى تبي. النت والجيمنج ما رح يطيروا

سويت هالشي .. خليت ابوي يقفل على اجهزتي فالكبت ماله .. مانفع وياي

قعدت العب RTS و MMORPG على الـPc .. الـPc ماقدر اشيله لو شو

لأنه فالنهاية البروجكتس و الخرابيط هاذي ساعات نرسلها ايميلات و الخربطة هاذي

لا تقولي سو Un-install لأني بارد اثبتهم مرة ثانية !

 

[BioHazard]

شكلك ما تحب تخصصك.

 

[Zero]

مشاري ، أنت إنسان المفروض تكون راشد وداري عن مصلحتك ، المفروض تعرف أن الدراسة هي اللي راح تبني مستقلبك .. تعرف أن الدراسة مهمة ولها وقتها ، أما اللعب والوناسة ما راح تطير ولها أوقات ، تقدر تنظم وقتك بحيث أنك ما تتفرغ لللعب حتى تخلص من كل شيء عليك ( نصيحة .. جربها ! ) وبهذا تقدر تكون ماسك نفسك ، أنا مثلا .. أقول مستحيل أسوي الشيء الفلاني إلا لما أخلص الهوموورك .

عموما الله يهديك ، وما دام أنت بآخر سنة ثانوية .. أعرف أن معدلك هو اللي بيدخلك الجامعة .

على طاري الدراسة .. عندي اختبار بعد ساعة ونصف ، ما كنت خايف ولا كنت قلق .. بس لما اقترب صرت أحس بقلق : ( .. لا تنساني من دعائك .

تعديل: مو لازم تزيح الأجهزة الترفيهية من أمامك ، لازم العزيمة تكون بقلبك .. مثلا أنت عندك اختبار مهم وال360 والكمبيوتر جنبك وأنت جالس في غرفتك ، وقتها ويش تختار ؟ أكيد المفروض تختار الدراسة وتنتبه .. ترا السنة ما مضى منها شيء .. انتبه وإلا بتندم طول عمرك .

 

[Yaz3D]

انصحك تحاول تطلع برى البيت عشان تذاكر اذا كنت تشوف ملهيات واجدة عندك !!
روح ذاكر في الـStudy Halls بالجامعة .. او بكوفي شوب .. او باي مكان بعيد عن غرفتك .

الحل الوحيد اللي أشوفه أكثر فعالية!

 

[Magical Dreamer]

السلام عليكم ورحمة الله وبركاته ..

في هالموضوع محد يقدر يساعدك إلا نفسك .

إذا ما تبغي الدراسة فطبيعي درجاتك بتنزل وتاخذ الجيمينج وسيلة عشان تهرب من الدراسة

الألعاب والجيمز موجودة في كل جيل وما بتخلص لكن الدرجة اللي ممكن تجيبها الحين راح تأثر

عليك طول العمر .. لو أحد بينصحك بيقولك ادرس واترك الجيمز بس لو انه ما عندك عزيمة تسوي

هالشي فكل النصايح ما بتفيد ..

و يتكلم عن الفلوس و هالسوالف .. انا تمللت بطلا الـDs

و اندمجت مع اللعبة .. شافني مب منتبه منزل راسي

يقولي مشاري what are you doing mate اقوله

ولا شي منزل راسي اقرأ الكتاب ..

هداك الله يا أخي ما تسوى إنك تكذب عشان تغطي على لعبك

ولا أشوفها زينه بحق الأستاذ اللي يتعب ويدرس إنك تجيب لعبه او تلتهي(تنشغل) عن الدرس.

إذا انت في نفسك تبغي تدرس فالشي اللي اشوفه انك فاقده هو جو دراسي او بيئة دراسية حوليك تجبرك إنه تدرس

حاول تروح مكتبة او مكان هاديء يمكن لما تشوف الناس حوليك تدرس وتذاكر بتقوم تسوي نفس الشي

 

[itachi]

مشاري أنت مدمن جيم ..ولازم تشوف لك صرفه مع هذا الشئ
حاول تعد ساعات اللعب في اليوم وساعات الدراسه ...ولا تخلي ساعات اللعب تاخذ أكثر وقتك
إذا عندك رفيق

محتوى مخفي

أو رفيقه

خلهم يساعدونك في الدراسه ... حدد لك وقت معين حق مذاكره جماعيه كل يوم
اذا تمل بسرعه راقب يومك وخل على الأقل ساعه ....ساعه خير من لاشئ ...ساعه لعب ..ساعه راحه ...ساعه بابا جونز ..مشي حالك ..بس لا تخلي اللعب أكثر يومك

 

[BioMario]

امممم الأمر بيدك مشاري ..
اللعب لاحق عليه مابيطير لكن الدراسة لازم تخلص أمورك

 

[Majeed]

ملخص : الابتعاد عن الملهيات ( تطلع من الغرف الي فيها تلفزيون وألعاب وكمبيوتر ) + وضع جدول ،، الجدول مهم جداً حتى لو ماتشوف له فايدة ،، لأنه يلزمك أنك تتقيد فيه ،، ممكن في البداية ما تمشي عليه ،، بس كلما شفت نفسك طلعت برى الجدول بتتحسف وبتحاول تلزم نفسك ،،

لول المفروض الكلام هذا لي -_-" ،، لكن بالتوفيق للجميع ،،

 

[Snake-87]

ألعب كثر ما تقدر علشان تمل من الألعاب وترجع للدراسة (&)

 

[Megagarcon]

أعتقد المشكلة أنك ماتقدر تذاكر، لأن لما تجي تفتح الكتاب أو تحاول تستمع لشرح الأستاذ يبدأ الملل يلعب فيك. إذا المشكلة كذا فقد مرت علي من قبل، لكن بالعزيمة و توفيق من الله قدرت أتجاوزها. المهم أن عزيمتك تكون ثابتة قوية و حاول أنك تدرس في أفضل الأوقات اللي يكون مزاجك فيها رايق، حاول مرة مرتين ثلاث عشر عشرين، لين ماتبدأ تدريجيا تتعود على الدراسة، و أفضل الأوقات طبعا بعض صلاة الفجر، لأن مخك يكون فاضي و تكون قادر على التركيز، و أجتنب السهر.

الألعاب، الأفلام .. أشياء راح تدمرك لو ماقدرت تضبطها، و أنت الآن تقريبا في مرحلة إنتقالية، لذا شيلها تماما من قاموسك. بالنسبة للكومبيوتر، حط فيه فقط البرامج اللي تحتاجها، و إذا جاتك شهوة أنك تلعب و أنت منت فاضي للعب .. أستحم أو سو شيء غير اللعب.

 

[Wellscha]

الحل السحري عندي.

نظم وقتك.

واحد من الشباب الله يذكره بالخير. عمري ما شفته ماسك كتاب أبداً. كل ما اقابله جيمز وفله ووناسه إلين الساعه 9 الصباح يوم اليوم الثاني. و تخرج ماشاء الله عليه GPA 3.6 من 4 .

تقول عبقري او ذكي؟

أبدأً. الرجال في الوقت إللي ما اقابله فيه يكون قاعد يذاكر سواء في غرفته أو في مكتبة الجامعه.

نظم وقتك وأولوياتك وصدقني بتمشي دراستك

محتوى مخفي

وحياتك

زي العسل.

 

[SPIRIT X360]

نصيحه

اذا حبيت تذاكر صح أطلع من غرفتك ولاتروح برا البيت دور اي مكان هادي في البيت وذاكر فيه

تحت بالملحق

بالداخل في غرفه الجلوس

وحاول تاخذ كفايتك من النوم . ولا تقرب من اي جهاز لعب الا وانت مخلص الي عليك واجبات ربورتات بروجكت
وصدقني راح تحصل اخر اليوم ساعه-ساعتين تقدر تتسلى فيهم قبل ماتنوم وللمعلوميه

انا مثلك احيانا واقدم النصائح هذا لنفسي قبلك والله يوفقنا واياك

 

[Zero_IYAD]

انت انسان راشد و مو طفل صغير , و أهم نقطة و هي "تأنيب الضمير" شغالة عندك .
ببساطة , اختلي مع نفسك لدقائق , امسك المسارين يلي قدامك في الحياة و شوف وين حيوصلوك , و تخيل مستقبلك و هل انت مستعد تعيش بهيك مستقبل .
1- أوكي , عطيت نفسك حريتها , لعبت ختمت مليون لعبة , ما وفرت لعبة على كل أجهزة هالجيل , بعدين ؟
لا سمح الله ترسب !! تشوف يلي كان أصغر منك بسنة و سنتين صار خريج و توظف أو اشتغل و مسك راتب و عاش حياة أحلى ما يكون !
و انت لسة عند نقطة الصفر !!
مستعد تعيش هيك مستقبل !!

2- أو , أوكي , أنا ضميري يأنبني , الحل , عليي دراسة متراكمة بالهبل , مستحيل ألحق , مستحيل أقدر ..
ماشي ماشي ماشي , كلو كلام , طيب , أظل مكاني و أتفرج على نفسي !!
ابدأ خفف من هالضغوط يلي عليك , صدقني مهما كانت الدراسة "تبدو" صعبة , لما تمسكها و تتوكل على ربك و الله تنجز فيها انجاز رهيب .
ما أقولك انك ما راح تتعب , مافي شي يجي بالسهل , خصوصا بزمنا , لكن عليك انك تشد على نفسك .
خطط , حط جدول تعيش عليه يومك , لو خرب , ارجع رتبه بما يناسب نظام حياتك الجديد .
لكن انك تترك نفسك على هواها , مثل ما تشوف , العمر طيااااااارة اليوم يسحب الأسبوع يسحب الشهر يسحب السنة .
توكل على الله , يمكن هذي من أصعب مراحل حياتنا , لكن نحن لها 🙂

 

[النسر الأسود]

أفضل حل أشوفه هو تلاقي مجموعة أصدقاء تلتقي معاهم وتدرسون مع بعض مثلا المواد العلمية يلي ما تحتاج حفظ بنسبة كبيرة... حتى لما ترد البيت خليك مع تواصل معهم وتسألهم إيش صار بالمادة الفلانية وهل الشي بخلي روح المنافسة عندك ترتفع نسبيا وتصير ترغب في الدراسة عشان ما تكون أقل منهم

 

[Mista Koo]

تخيل حالك لو رسبت وانطردت من المدرسة/الجامعة ودورت وظايف وما حصلت وانهار اقتصاد البلد ولا قدر الله وأوضاعك المالية انعدمت واضطريت تشتغل في سوق الخضار والا سواق/حمال وراتبك يدوب يعيشك.. ولا أسوأ من كذا تغربت عن أهلك عشان تشتغل وتعيش أهلك/نفسك
أو شوف أمثلة تخليك تستحي من نفسك وتدرس.. بجامعتنا مثلا أشوف طلاب مقعدين على كراسي (ومو متحركة بعد!) ولا عميان وجايين يدرسون ويجتهدون.. وانت اللي الحمدلله بصحتك وعافيتك مطنش؟!

 

[Lunar Poet]

خل أحد ياخذ منك أجهزة الجيمنج (أبوك مثلاً) و قل له ما يرجّعهم لك إلا لمن تحسّن مستواك..
لا تقول ما أقدر، بما إنك حطيت هالموضوع فإنت تقدر 🙂

 

[Dark soul]

في جملة قالها لي احد المدرسين في الثانوية الله يذكره بالخير

" اياني و اياك تلعب وقت المذاكرة ... و اياني و اياك تذاكر وقت اللعب "

اتمنى تمثل ما افادتني تفيدك.... موفقين

 

[Tomb raider]

طز في الدراسه وكمل لعب

 

[Double T]

انا راح اتلكم عن واقع انا جربته و عشته و النتيجة اني عدت ترم كامل ( اربع مواد )

الي كان يصير لي اني اقول راح اذاكر بعد ما العب و الشي هذا هو المصيبة .. بعد ما جربت طعم الرسوب صرت اضغط على نفسي اول و اذاكر و لو شي بسيط قراءة مثلا بس اهم شي اني ما اترك المواد تتراكم على يوم الإختبار

سويت لي جدول و طبعته و خليته جنبي و في الجدول حاط اوقات المذاكرة بالساعة و الدقيقة .. و اوقات اللعب الي ما نقص منها شي .. بالعكس صار اللعب له طعم ثاني

صدقني ما احد عنده حل غيرك .. , لو غصبك احد تتدرس و انت ما تبغى ما راح تتدرس .. اصعب وقت في المذاكرة هو اول 5-10 دقايق .. ثقيلة بشكل بس بعدها ما تحس بالوقت

طبعا في شيين ما يجتمعوا مع بعض .. الدراسة و ال MMO .. كل شي تقدر توافق بينهم الا ذول الاثنين .. فهذا ما له حل الا تركه لللإجازات <<< انا كنت العب FF XI Online 😀

 

[Wellscha]

في جملة قالها لي احد المدرسين في الثانوية الله يذكره بالخير

" اياني و اياك تلعب وقت المذاكرة ... و اياني و اياك تذاكر وقت اللعب "

اتمنى تمثل ما افادتني تفيدك.... موفقين

كلام واقعي و رهيب في نفس الوقت:laugh::

 

[EPIC FAHAD]

في جملة قالها لي احد المدرسين في الثانوية الله يذكره بالخير

" اياني و اياك تلعب وقت المذاكرة ... و اياني و اياك تذاكر وقت اللعب "

اتمنى تمثل ما افادتني تفيدك.... موفقين

هذا الي المفروض يصير صدقني ما نتدم طبق هذي النظريه

 

[KOTSHY]

اقطع الدي اس ال
ارفع الاجهزة وروح ذاكر