الحرب تبدأ هنا.. ايش بتشتري أول !

[king zell]

طبعا الجميع عاش الفترة اللي فاتت حالت سلم رهيبة بسبب نهاية الجيل الحالي و كل مواضيع المبيعات صارت ميتة و ما صرنا نشوف لستات للألعاب القادمة و الشغلات القديمة هذي

بس هنا نعلن إن هدنة السلم انتهت :razz:



الحرب بتبدأ من جديد يوم 9 مايو و المنتدى بيصير هالسنة شي مرعب جدا و مواضيع ال100 رد و فوق بتصير شي معتاد عليه


المهم.. لازم نبدأ نحمي شوي.. نهاية هالسنة بيكون في ثلاث أجهز جيل جديد متوفرة بالسوق و مثير مننا هنا للآن ما حصلوا على أي جهاز

لذلك طبقا لحالتك المادية و رغبتك الشخصية ايش الجهاز اللي راح تحصل عليه نهاية هالسنة فقط.. ما علينا من الأشياء اللي بتاخذها بعد شهر أو شهرين أو غيره.. بس الأشياء اللي بتاخذها أول ما تنزل هالسنة..

الأسعار المفترضة أثناء أوكتوبر - نوفمبر .... بلاي ستيشن 3 : 3000-4000 ، ننتيندو ويي : 1800

طبعا اللي ما راح ياخذ "وييي" الحين أو بعدين يعرف شيصير له.. بالجيم كيوب على راسه

 

[king zell]

طبعا شباب خليكم واقعين بأجوبتكم

 

[Humam]

لول محمد يستخدم أسلوب مبطن علشان الناس تشتري ويي, يقول البلاي ستيشن 3 من 3 آلاف ل 4 لكن الويي 1800 .. والله فرق جامد ههههههه..

بالنسبة لي حتى الآن بلا شك راح أشتري البلاي ستيشن 3 أول وبأجل الويي, أنا أول ما اشتريت البلاي ستيشن 2 ومنتظر اللحظة إلي أشتري فيها البلاي 3 😉

لكن كلنا يخشى مفاجئات اللحظة الأخيرة, من ضمن هذه المفاجئات وجود سيولة مادية 😛 أو إن الويي يصدر قبل البلاي 3 وبسعر زهيد ومع مجموعة ألعاب صخر.. وقتها حيا الله الجهازين معاي في 2006, تصير سابقة غير معهودة علي إني اشتري جهازين في نفس الوقت 🙂

 

[fnh]

همم انا مفكر اخذ ويي اول شيء قبل Playstation 3

خاصة مع اليد الجديده بتكون طريقة اللعب مختلفه عن الجيل القديم

و مع نزول زيلدا و ماريو و غيرها من العاب نينتندو مع الجهاز ما راح اقدر اصبر

على نزول الجهاز لكن مع كذا في الE3 راح اقدر احكم بشكل افضل لاني راح اعرف

اكثر عن الجهازين و قوتهم و مميزاتهم بشكل عام Nintendo Wii راح يكون جهازي الاول من

اجهزة الجيل الجديد 🙂 (وييييييييي)

 

[DeaDMaN]

..انشاء الله باخذ الويي مع معظم الألعاب القوية اللي تجي معاه مع كونترولرات اضافيه..يعني حتى الوقت مابيكون مناسب لي حتى ألعب بجهازين بكمية ضخمه من الالعاب..لهذا أأجل الps3 ..بفكر فيه لو كان في ألعاب تحمسني بشكل كبير له..🙂

طبعا اللي ما راح ياخذ "وييي" الحين أو بعدين يعرف شيصير له.. بالجيم كيوب على راسه

^^..خخخخ انا قلت بقرأ كاتب بيموت او بنسوي له إعدام ..نسيت انك ماتتعامل الا بالجيم كيوب..:razz:

 

[BioMario]

طبعاً الوي اول ..
لأنه ارخص في الثمن ووقته مناسب واحتمال كبير قبل البلاي3

وعلى حسب تجربتي البلايستيشن اول ما تنزل ما تنزل العاب قوية كثيرة علية بعد نزولة بسنه
او ب 8 اشهر تبدء الألعاب تقوى بشكل ملحوظ وهذا اهم سبب إلي اخليني أأجل البلايستيشن 3
لكن طبعاً باخذة بدون شك ان شاء الله لين ينخفض سعرة وتنزل العاب قوية

يعني بختصال بعد صدورة ب8 اشهر باخذة ان شاء الله

 

[king zell]

لا همام أنا ما أستخدم أسلوب مبطن و لا شي.. انا واقعي بس 😉


السالفة و ما فيها.. احتمال كبير الويي يكون سعره 200 دولار و هذا بالضبط السعر اللي نزل فيه الجيم كيوب.. و أتذكر ألعاب طوكيو (مش أرخص محل اطلاقا) كان يبيعه أول ما نزل ب1800 ريال

بينما البلاي ستيشن3 من باب أولى نقارنه بال360 من ناحية السعر.. و اذا تبي نقارنه بالبلاي ستيشن2 أول ما نزل كان نادر جدا و أتذكر النسر كان يبيعه ب4300 ريال مع 3 ألعاب و لا يبيع بدون بندل..


طيب..

الريفولشن سعره معقول و ننتيندو عادتها تسوي لنش مع ألعاب قوية.. لذلك الحصول على الجهاز يوم صدوره أمر معقول جدا.. بينما البلاي ستيشن3 الجميع يعرف ان الجهاز خلال شهرين الى ثلاثة بينزل سعره بشكل رهيب.. و غير كذا أنا متوقع اللنش يكون هادي من ناحية الألعاب.. و الهوامير بتبدأ تنزل بعد 6 شهور من صدرو الجهاز


هذا منطقي 🙂

 

[BioMario]

طبعاً الوي اول ..
لأنه ارخص في الثمن ووقته مناسب واحتمال كبير قبل البلاي3

وعلى حسب تجربتي البلايستيشن اول ما تنزل ما تنزل العاب قوية كثيرة علية بعد نزولة بسنه
او ب 8 اشهر تبدء الألعاب تقوى بشكل ملحوظ وهذا اهم سبب إلي اخليني أأجل البلايستيشن 3
لكن طبعاً باخذة بدون شك ان شاء الله لين ينخفض سعرة وتنزل العاب قوية

يعني بختصال بعد صدورة ب8 اشهر باخذة ان شاء الله
شهر 3 من 2007 باخذة ان شاء الله ..

 

[Nin Fun]

بالنسبه لي .. فأكيد راح اقتني الــ Wii و من ثم سأتفرغ للــ PS3 .. و كلا الجهازين بالنسبه لي مهمين .. ^_^ ..

و تشكر على الموضوع اخوي ..

 

[BioMario]

بينما البلاي ستيشن3 الجميع يعرف ان الجهاز خلال شهرين الى ثلاثة بينزل سعره بشكل رهيب.. و غير كذا أنا متوقع اللنش يكون هادي من ناحية الألعاب.. و الهوامير بتبدأ تنزل بعد 6 شهور من صدرو الجهاز

صحيح انا مثلك بالضبط

 

[Futrus]

إذا تقصد شراء الجهاز في فترة نزوله فهذا مستحيل بعد فتره (عدة سنوات) أتوقع البلاي 3 وبعدها بسنه الوي

 

[Naif]

ما اعتقد بخذ البي اس 3 في وقت الاصدار .. متاكد 100% انه اسواقنا و النت بيكون زحمه عليه بشكل كبير مهما كان سعره ..

اكيد الوي قبل .. بكون متحمس وايد اجرب جهاز التحكم .. لكن ما اعتقد في وقت الاصدار ..

 

[Alucard]

بما ان الحالة المادية عندي ما تسمح لي اخذ جهازين في نفس الفترة خاصة وان الاسعار راح تكون مرتفعة عندنا في الفترة الأولى لصدور الجهاز ....

راح اختار الWii بكل تأكيد 🙂

 

[DeaDMaN]

بالنسبة للأسعار ..الكيوب في بيت الكمبيوتر اتوقع بعد شهر من اصداره او شهرين بـ1400 ريال

.. لذلك الحصول على الجهاز يوم صدوره أمر معقول جدا..

الله يسمع منك..انا أكثر شي خايف منه أني ماألاقي الجهاز وقت اصداره..😕 شبااب سؤال بسيط..بالنسبة الى Ebgames لو حجزت منه هل اضمن الجهاز ؟..أو لو كانت الشحنه أقل من الحاجزين يتأخر الجهاز كثير..وهل أقدر أكنسل الحجز وقتها ؟

 

[king zell]

بالنسبة للأسعار ..الكيوب في بيت الكمبيوتر اتوقع بعد شهر من اصداره او شهرين بـ1400 ريال
الله يسمع منك..انا أكثر شي خايف منه أني ماألاقي الجهاز وقت اصداره..😕 شبااب سؤال بسيط..بالنسبة الى Ebgames لو حجزت منه هل اضمن الجهاز ؟..أو لو كانت الشحنه أقل من الحاجزين يتأخر الجهاز كثير..وهل أقدر أكنسل الحجز وقتها ؟

يعتمد هل انت من سكان أمريكا؟

اذا لأ فالشركة ما تشحن لأي مكان برا خصوصا على موعد الإصدار

 

[sir KoRn]

راح آخد الPS3 أول .
اما الwii بعدين ...الين أقتنع بالجهاز .

 

[Evolution]

شخصيًا ابشتري البلاي 3 ...

وطبعًا البلاي 3 ابشتريه بعد نزوله بعدة أشهر ،

والمسألة ليست مسألة مادية ، إنما أنا كغيري من طلاب الجامعة لا نجد الوقت لنرتاح فيه ، يعني من مشروع لثاني لثالث وبهذله وعور راس ودكاترة يسدون النفس ،،،،،

وشخصيًا ما اتوقع اشتري الوي ، لأني أساسًا ما أعجبتني فكرة الريموت - وشخصيًا أتصور إني الوحيد في العالم اللي ما أعجبه الريموت ! -

 

[Tomb raider]

أكيد Wii
والبلاي3 بعدني مب الحين ...ما ادري متى!
احس اني بديت اتعود عالاسم
بس بعد اسم غريب....
Wiiiiiiiiiiiiiiii

 

[dragonwarrior]

الوي أول! أكيييد دعم ننتندو دائما قوي مع بداية أجهزتها.
البلاي 3 يمكن أخيلة ينتظر سنة أو سنتين و نص! أجهز سوني خياس أول ما تنزل .... -_- ليش أحرق أعصابي و فلوسي.

 

[Humam]

لول محمد اذا انت واقعي لكن أنا مجنون ! هو كلامك صحيح جدا.. بس أنا ماراح اشتري البلاي ستيشن 3 بسعر 4000 ريال.. حدي 3 آلاف ريال ماكسيمم مع الألعاب.. وراح أحاول بكل استطاعتي إني أجيب الجهاز من برة ..ال PS3 هذا محمد والا شكلك نسيت اني همام 😉

 

[Zeyad]

اكيد PS3 بحكم انه جهازي تقليدي ،

وبخصوص ويييييييييي مادري ليش ماعجبني لا من ابتكار ولا من اسم ...

وعلى فكره مو شرط اشتري PS3 اول ماينزل ، ماراح افكر اشتريه الا بعد 3 شهور الى شهرين..

 

[The Sinner]

اذا كانت الاوضاع المادية زينة ف PS3 واذا كانت نص نص Wii واذا كنت شاركت بمن سيربح المليون وطلعت بمبلغ اثنينتهم اهم شي استمتع بالجيل الجديد من الالعاب من اوله

 

[Suzuki Yu]

انا طبعا مع نهاية هذي السنة ناوي أشتري ال Wii 😛eeved: وال 360

ال PS3 حشتريه ان شاء الله بعدهم بسنة او اكثر شوية :bigSmile:

 

[hussien-11]

الـWii ، طبعا السبب معروف ، سعره بيكون أرخص بكثير ..

الـPS3 بكل الأحوال بينزل عندنا بسعر لا يقل عن 800$​

 

[Aoks]

ما يبغى لها كلام ... طبعا بشتري البلاتستيشن3 اول ... هذا اذا اشتريت شي

 

[Bounty]

من ناحيتي بشتري الريفلوشن <=== ليلحين من معارضي اسم وي 😛eeved:


اول شي الريفو بحكم اني بشتري ال360 حاليا و انا ما احب اشتري اجهزه ورى بعض ^^" احس ابملل صراحه ..


و الps3 اعتقد بعد سنه يمكن ؟ ان شاء الله اذا طاح سعره ^^" لأن عارف ان الأسواق هني ما ترحم

 

[Ginko]

كلهم ان شاء الله.

 

[ryo hazuki]

بالنسبه لي احب املك كل الاجهزه لان كل جهاز له اللعاب حلوه بس طبعا مش اول ما ينزل لان الاسعار نار

و انشالله بعد ماينزل الجهاز تقريبا ب شهرين يكون عندي بس ps3 مشش متحمس لها لان للحين ماشفت شي يشدني و كله يعتمد على اللعاب اللنش تايتل

 

[mario0o]

وهل يخفا القمر 🙂 اكيد الwiiiiiiiiiii (وسالفة السعر مب مهمة .. متعودين على اسعار ننتندو المتوسطه -اقصد الهنود خخخ ما يقدرون وايد يغشون في اجهزة ننتندو لانها اصلا ارخص من الباقيين )

جهاز ننتندو ومبتكر وثوري والعاب من اسماء قوية من ننتندو غير الالعاب الحصرية والمميزة اكيد بتشغلني لفتره شهووور !!!! ما اقدر اتخيل شخص اقل شي يشوف لعبة ماريو (if as they said they leared the leson) وسوبر سماش اونلاين !! وما يشتري الجهاز !! (طبعا هذا غير الالعاب الثورية الاخرى ...)

(ياااااه تذكرت اول نسخة جيم كيوب يابانية نزلت عندنا اشتريتها مع لويجي وويف ريسر ومونكي بول ما اقدر اوصف هذاك الشعور)

اما البلاي3 لازم اعطيه فتره ما تقل عن 6 اشهر عشان يجمع الالعاب مميزة والقوية و اختارهن على راحتي وطبعا الين ما يهدى السوق 🙂

 

[The_One]

على حسب ألعاب الإصدار...

إذا سوني نزلت كالعادة جهازها مع ألعاب باهته وتجارية فراح أعطيه طاف إلى السنة الي بعدها 😀

أما ويي (والله يفشل هالأسم) فمن المؤكد أنه راح ينزل مع ألعاب قوية وبسعر رخيص يعني pre-order من أمه :razz: