hits counter

التلفاز الخليجي: إلى متى هذا الابتذال؟

المسلسلات الخليجيه يحبون يبنون القصه على مناقصه وشركه
والحلقه الاخيره يموت ابوناصر "صاحب الشركه" بسبب خسارتها
غير ولده حق مخدرات وبنته صايعه والام مو متهمه الا بالاعراس

اووه نسيت .. والولد الي بالملحق مسكنينه .. اصم ابكم
كل هالخير والفلوس والشركات له بس ظالمينه لأن اهله ماتوا

شي ثاني .. كل الكفوف الي بالمسلسل تعرض بالمقدمه (لغز غريب!)


.
.

على فكره المسلسلات القديمه كان بسيطه وفكرتها بسيطه حتى ماتكون بقصه قويه
الناس حبوها للعفويه وممكن ايضا لأن الشخصيات محبوبه .. اقرب فتره بيكون هناك
رجوع لثنائي حياة الفهد وسعاد عبدالله .. منتظر ايش بيعملوا لأن هو بيحدد هل
الزمن تغير او الافكار تغيرت .. خاصه انهم من النجوم القديمه ورجعوا بعد انقطاع 20+ سنه
 
التعديل الأخير:
مشكلة الميديا الخليجية (مسلسلات و أفلام و كتب و حتى ألعاب) برايي إن أغلبها إذا ما كان كلها تحاول تغصب النكهة الخليجية في نفسها. دائماً الكل يحاول يصنع شي مناسب للثقافة المحلية، و إذا بنحصر نفسنا بالثقافة المحلية بنبتعد عن الإبداع اللي إحنا نحتاجه.
طالعوا مثلاً الميديا الغريبة و الشرقية، الإبداع اللي فيها ما نبع من ثقافات هالشعوب. كلها جهود من مخرجين و منتجين مبدعين طلعوا عن المألوف. إحنا عندنا ما أحد يطلع عن المألوف، و الكل يحاول يطلع بمنتجات تمثل الثقافة الخليجية.
 
التعديل الأخير:
انا اؤيد صاحب الموضوع .. فعلا التلفزيون الخليجي الحالي سيء لأبعد الحدود
مافي اي فكرة جديدة للمسلسل ومافي اي تعب بالاخراج .. أظن وقت وضع المكياج واللبس اهم من كل شيء ثاني بالاخراج
غير القصة المبتذلة و الشخصيات المكررة .. غير انهم يشطحون ويحطون اشياء مال امها داعي .
انا آخر مسلسل خليجي شفته كان "بو كريم" واعجبني كثير لين الحلقات الاخيرة و سحبت عليه .
 
الخلل من الكتابة .. النص نفسه سيء .. فاكيد كل شي بعده بيكون سيء
والنص سيء لان نص الكاتبات والحين بعد دخلوا الانتاج من الوسط الفني اللي معروف اصله وفصله
تبي وحدة مثلا من الوسط الفني .. تكتب عن الفضيلة !!

هذي المشكلة الجوهرية اللي عايشنها الوسط الفني نفسه .. مع هذا فيه بقع مضيئة هني وهناك
مسلسل ساهر الليل جزئه الاول كان جيد الى جيد جدا .. كسر رتابة بقية الاعمال نوعا ما

فيه مخرج بحريني صاعد علي العلي .. تعاقدت وياه MBC .. عنده روح جديدة في افكاره وطرحه وحتى طريقة اخراجه
بس يبي ليه يصقلها اكثر واكثر ويتباعد عن قصة ( محاربة رجال الدين ) ويركز على الهموم الاجتماعية اكثر

عندنا مشاكل تلامس كل بيت وهم للحين يتكلمون عن المليارات وكأن كل بيت في الخليج في حديقته آبار نفط
العطالة المؤهلة .. العنوسة .. تاخر سن الزواج .. تكاليف الزواج .. النظرة البحتة للاجنبي على انه افضل من المحلي في الوظائف
الجيل الجديد ومشاكله اللي صارت بدل ما يفكر في انه يجيب درجات زينة صار تفكيره يسوي ليه مذكرة بكل البنات اللي تعرف عليهم

الخلل اللي صاير في التربية .. خلت الناس تتقبل اللوك الغربي البحت اللي ما ليه علاقة فينا بدل المظهر الشرقي
موت الغيرة .. وغيرها وغيرها .. بدل ما يركزون ليي على ابو ناصر وشركاته ومدخوله ابو 780 مليار

في رمضان اللي فات للاسف تابعت كم حلقة من مسلسل ميساء مغربي .. جاني مغص من مستوى استحقار عقل المشاهد
 
true story قال:
^
اتفق معاك بالنسبة لعالم الانترتاينمنت العربي بشكل عام تنوع الجنراز هي المشكلة الكبرى المسلسلات كلها دراما و تراجيديا و جميعها صار مبتذل او كوميديا انتقادية سياسية سواء كانت افلام او مسلسلات و برايي السبب انو المخرجين و الكتاب و المنتجين العرب تراجع مستواهم الثقافي بشكل كبير، حتى بالنسبة للموسيقى كل الاغاني نفس الاحان و كلها و ما فيها تميز، على كل انا بطلت اتابع اي مسلسل عربي ، بالنسبة لمشكلة المال لا اتفق معاك المبالغ الي انحطت على مسلسل عمر بن الخطاب رضي الله عنه كبيرة جدا و كنت لما اشوف مشاهد من الحروب تقلب معدتي من سوء الجرافكس المسخدم، المشكلة في النظام كلل محتاجين تنويع في الجنراز و مخرجيين و كتاب على مستوى اعلى و اهم اشي منتجين عندهم ذوق عشان يستثمروا في الاعمال الي تستاهل
أنقر للتوسيع...

ما أعتقد إن المشكلة هي مشكلة رقم معين بقدر ما هي مشكلة "كيفية" توظيف هالرقم، يعني لو يستخدمون جزء من هالمادة في توظيف بعض خبراء السيناماتوغرافي والساوند إيفيكترز، كان شفنا شيء أفضل بكثيييير من اللي شفناه في مسلسل عمر رضي الله عنه، وأعتقد إنك شفت كيف كان مستوى الإخراج الصوتي في المسلسل؛ كان رديء حرفيًا -_-
 
التعديل الأخير:
Veeto قال:
في رمضان اللي فات للاسف تابعت كم حلقة من مسلسل ميساء مغربي .. جاني مغص من مستوى استحقار عقل المشاهد
أنقر للتوسيع...

مالقيت الا هذي .. مع اني مو من متابعين الشاشة الخلـيجية بس هذي معـروفة انها سيئة ومسلسلاتها كلـهـا استعراض

براطم كانها كفرات سيارة :laugh::
 
عاد إلي بيموت من الضحك يتابع هذا الهاش تاج :laugh::

#تعلمت_من_المسلسلات_الكويتية
 
^
^
#تعلمت_من_المسلسلات_الكويتية إذا رفع الأبو ايده بيضرب ولده كف والولد مسك ايد ابوه، الأبو ينشل :laugh::
 
المواد الإعلاميه تعكس البيئة الإجتماعيه لمجتمع ما , يعني مسلسلات تافهه تدل على مجتمع تافه " ليس الكل وإنما الأغلب " , So take your breath and get a ride to move on.
 
^

اخ سلطان , مادري اذا فهمت ردك غلط أو انك تقصد به هذا الشيء, فهمت من كلامك ان المجتمع الخليج تافه(ونعم اعرف انك قلت ليس الكل وإنما الأغلب)؟ ما راح اتحول للرجل الأخضر وازعل او اتلفظ لكن ما تحس انك أجحفت شوي؟

أطلعت على منتجات اليوتيوب؟ مسامير على الطاير ايش إللي خمبلة ، التاسعة الا ربع،التمساح، مونوبولي،لايكثر والكثير ممن لا يحضروني الأن، وشركات انتاج مثل Uتيرن و تلفاز 11 . كل اللي ذكرتهم شباب خليجين موهوبيين على مستوى الكتابة والأخراج والتمثيل, ضعهم امام شاشة أو خلف الكميرا أو اعطه قلماً بدال التُفّه اللي موجودين حالياً وسوف أجزم ان حالُنا ستصبح أفضل.
 
فهمت من كلامك ان المجتمع الخليج تافه(ونعم اعرف انك قلت ليس الكل وإنما الأغلب)؟
أنقر للتوسيع...

انا فهمت ان مقصده ان مجتمع هالممثلين تافه وهذا واقع .. منهم هالممثلين .. 99 % منهم هم (( سقطة القوم )) على قولتهم

اتذكر قبل كم سنة .. زينب العسكري عندنا .. الكاتبة والمنتجة والمخرجة والبطلة .. ويش تتوقع منها
 
زينب العسكري سرقت نصوص الناس وعطتهم فلوس وسمت نفسها " كاتبة " من أيام عذاري كان افضل عمل لها ,, بس بصراحة المسلسلات الي انتجتها الممثلين جايبيتنهم بشكل عشوائي وقالت لهم تعالوا احفظوا هالسيناريو ونقلوه حرفيا بالمشاهد وبعطيكم فلوس , الان سمعت ان تزوجت وتركت التمثيل ........ احسن لها ولنا ، الممثلين قمة في التصنع ويرفعوا الضغط .

عموماً المسلسلات الخليجية للان تفتقر للكونسبتز , يمكن احسن مخرج وفريق انتاج للان اشوفه ثابت على مستواه محمد الشمري , دايما يكون اول الناس الي يلحقوا على افكار محد جابها مثله تقريباً , اما وداد الكواري غسلت يدي منها , ومليت من السباعي البنات الي كل سنة يطلعوا لنا نفس الدور خصوصا شجون >_> راح نتعب من الانتظار لو انتظرنا عمل خليجي ممتاز !
 
ع طاري زينت العسكري .. اعتزلت التمثيل ؟ لان اذكر قالوا ان حسن عسيري
شاري ظهورها بالتلفزيون او شاري شركتها او شاري شي وصارت ممنوعه وكذا .. صحيح ؟
 
سنويا يضهر 1 او 2 مسلسلات خليجيه " تتشاهد " , بنظري الخلل في نقطتين الاولى هي في القيمه الانتاجيه " الميزانية " للمسلسل , والثانيه في قلة الجرأه بطرح الافكار بسبب التشديد وخصوصا في منطقة الخليج .
 
^
بالعكس القيمة الميزانية غالبا مرتفعه .. خصوصا بمسلسلات رمضان .
نقطتك الثانية سبب وجيه واظن هي السبب في قلة الافكار
 
^^^
الميزانيه تروح اغلبها على المطاعم والكافيه والمستشفيات اللي يتعاقدون معاها .
 
واوعية الميكاج (&)
 
التعديل الأخير:
كل شي عندنا ممل! حتى دعاياتنا فاشلة و مسروقة و لا مدبلجة بعد!

الفن كان اوّل و لما نقول فن طبعا نقول الكويت! ما شاء الله انجبت اساطير في مجال الفن

و الي ينكر هذا توّه منولد و قاعد يشوف المسلسلات التركية. الكويت من سنة مدري كم الى الآن و هي مسيطرة في الفن ما شاء الله

افضل لوحات كانت تعمل فالكويت ايام زمان! مين كان يجيب اوركسترا و يحطونهم تحت المسرح و تسمع شادي الخليج و تشوف الي يمثلون اللوحات الجميلة؟

مافي الا الكويت ما شاء الله عليهم .. طبعا الحين المسلسلات حتى الكويتية بايخة. نفس النظام نفس القرف نفس السيناريو نفس الحزن! ليش كل المسلسلات حزن حزن حزن؟!

زبدة كلامي، ما راح نتطوّر طول ما احنى قاعدين نسرق من هالأجانب.
 
^
والله صادق .. سلملي على ايام خالتي قماشة و محظوظة ومحبوبة 🙁
 
المشكله ما تعرف تلقي اللوم على مين على الممثل ولا المخرج , من وجة نظري انا اشوف المنتج الي ما يبغى يجازف ويلعب على المضمون
إما مسلسل كوميدي بائس لا يمد بصله للكوميديا , او درامي مكرر .

يعني للان ما شفنا منتج يجازف ويكسر الروتين للاسف , حتى المسلسلات السوريه مكرره بشكل أصبح ممل
 
Makaveli قال:
كل شي عندنا ممل! حتى دعاياتنا فاشلة و مسروقة و لا مدبلجة بعد!

الفن كان اوّل و لما نقول فن طبعا نقول الكويت! ما شاء الله انجبت اساطير في مجال الفن

و الي ينكر هذا توّه منولد و قاعد يشوف المسلسلات التركية. الكويت من سنة مدري كم الى الآن و هي مسيطرة في الفن ما شاء الله

افضل لوحات كانت تعمل فالكويت ايام زمان! مين كان يجيب اوركسترا و يحطونهم تحت المسرح و تسمع شادي الخليج و تشوف الي يمثلون اللوحات الجميلة؟

مافي الا الكويت ما شاء الله عليهم .. طبعا الحين المسلسلات حتى الكويتية بايخة. نفس النظام نفس القرف نفس السيناريو نفس الحزن! ليش كل المسلسلات حزن حزن حزن؟!

زبدة كلامي، ما راح نتطوّر طول ما احنى قاعدين نسرق من هالأجانب.
أنقر للتوسيع...

نسرق من الأجانب؟ XD! لو كان الخليجيين يسرقون من الأجانب كان شفت التلفاز الخليجي بأفضل حالة.
 
انا ما اتـابع مسلسلات خليجـية كثير .. الي تابعتهم في حيـاتي ينعـدوا عالاصابع يمكن

بس في مسلسل شدني .. الي هو مسلسل "امـيمة فـي دار الايتـام" هذا مسلسل خطير :inlove::inlove:

من المسلسلات الخـليجية القليلـة الـي مافيها الحزن والكئابة والقصة المكـررة وبوجاسم, والشركة الي تنسرق والتفاهات هذي وطـقتهـا :laugh::
عـجبني جدا هو قديم في رمضـان 2010 .. غبااار :laugh::

واهـم شي ان طابع الفله فيه يغلب على الحـزن الي ماله داعي وهــذي من اكـثر الاشياء الي حـبيتها فيه
 
المسلسلات الخليجية الحلقة الاولى تقدم لك الشخصيات، الـ28 حلقة اللي بعدها فلر، الحلقة الاخيرة تتطور الشخصيات ويصير الشرير طيّب :wow:

عموماً دام المسلسلات هذي ماتتطور، وكلها نصوص فقيرة ومكررة واستخفاف بعقول العالم، ودراما وكوميديا مصطنعه "تكفى تأثّر ياالمُشاهد"، وكل واحد يمثّل بدون نفس،
فتلقى القائمين على هذي الأعمال مايهتموا بجودتها بقدر مايهتموا بالربح اللي يجيهم منها. فيه شباب باليوتوب شغالين بضمير اكثر من المسلسلات المعفنه هذي

المشكلة بعض المشاهدين يعتقدوا ان الشي اللي يشوفوه من الأحداث واقع! والله ماأدري وين الواقع!

غير انك تسوي مسلسل كامل بمستوى ممتاز شي صعب جداً، يبيلها كتابة وتسلسل احداث منطقي وتطوير شخصيات.. الخ

بعدين ماني عارف ليه لازم كل مسلسل يمطّوه لـ30 حلقة بالضبط بينما قصّته ماتتحمل هالعدد؟ وليه مثلاً الخليجيين مايسوّون افلام؟ :\ ياما أفلام تستاهل انها تنشاف اكثر من مسلسلات كاملة!
 
T u R k I قال:
المسلسلات الخليجية الحلقة الاولى تقدم لك الشخصيات، الـ28 حلقة اللي بعدها فلر، الحلقة الاخيرة تتطور الشخصيات ويصير الشرير طيّب :wow:

عموماً دام المسلسلات هذي ماتتطور، وكلها نصوص فقيرة ومكررة واستخفاف بعقول العالم، ودراما وكوميديا مصطنعه "تكفى تأثّر ياالمُشاهد"، وكل واحد يمثّل بدون نفس،
فتلقى القائمين على هذي الأعمال مايهتموا بجودتها بقدر مايهتموا بالربح اللي يجيهم منها. فيه شباب باليوتوب شغالين بضمير اكثر من المسلسلات المعفنه هذي

المشكلة بعض المشاهدين يعتقدوا ان الشي اللي يشوفوه من الأحداث واقع! والله ماأدري وين الواقع!

غير انك تسوي مسلسل كامل بمستوى ممتاز شي صعب جداً، يبيلها كتابة وتسلسل احداث منطقي وتطوير شخصيات.. الخ

بعدين ماني عارف ليه لازم كل مسلسل يمطّوه لـ30 حلقة بالضبط بينما قصّته ماتتحمل هالعدد؟ وليه مثلاً الخليجيين مايسوّون افلام؟ :\ ياما أفلام تستاهل انها تنشاف اكثر من مسلسلات كاملة!
أنقر للتوسيع...

صدقني، لو أحد يتطوع ويستهل في صناعة الأفلام، ويتقن شغله ويكون شغوف أثناء عمله، ويلقى الفيلم اللي اشتغل عليه نجاح هائل، كان لحقه الكل وبدأت صناعة الأفلام في العالم العربي بالرجوع للحياة شوي شوي. أصلًا من توفي العقاد الله يرحمه والكل ساحب سيفون على صناعة الأفلام.

الصنّاع العرب يفتقرون إلى الجرأة والشجاعة؛ ماحد قادر يضع رهانه ويتشجع عشان يعمل حاجة جديدة وفريدة ماحد عملها قبله.
 
[video=youtube;0QnBjWfwuRQ]http://www.youtube.com/watch?v=0QnBjWfwuRQ[/video]
 
Unknown قال:
ع طاري زينت العسكري .. اعتزلت التمثيل ؟ لان اذكر قالوا ان حسن عسيري
شاري ظهورها بالتلفزيون او شاري شركتها او شاري شي وصارت ممنوعه وكذا .. صحيح ؟
أنقر للتوسيع...
اعتزلت لانها تزوجت وزوجها هو الي منعها
وقالوا ظهورها قريب
 
يجب تسجيل الدخول أو التسجيل كي تتمكن من الرد هنا.
عودة
أعلى