ترو جيمنج التعليقات فالموقع تجيب المرض

[Leon_Kennedy]

كل ما اقرا التعليقات مش بالمنتدى بالموقع اقصد
احس اني اقرأ تعليقات اليوتيوب

خبر عن لعبة حصرية سواءً اي شركة

التعليقات:
10/10
GOTY
اليوزر الي يقول هرمنا من اجل هذة اللحظة

وحنا لسا ما شفنا الا عرض سنمائي cgi فقط
وكأن سوني/ميكرو وهلمجرة جمعيات خيرية مو كأنهم جالسين ينصبون عليكم بعروض وهمية والعاب DOWNGRADED لما يتنزل اللعبة ونص العروض غير موجودة بالنسخة النهائية الفاندومز باختصار DELUSIONAL ما في نقد اي شيء تسويه اي شركة بيرفكت وخالي من العيوب ابدأً يجبرونك تشتركة لايف وبلس علشان تلعب اونلاين لا لا لا ابدأً (الشيء هذا قاهرني إلى الان بس العب اونلاين علشان اطلع تروفيز)

نص حصريات سوني/ميكرو ما ادري من وين جاي الهايب! الحصرية الوحيدة الي بجد عجبتني فقط THE LAST OF US

توصل لمرحلة خلاص تصير التعليقات تمرض ي ريت لو المشرفين يهتمون بهالشيء فالموقع وسلامتكم

 

[abdullah-kh]

نحن ما لنا دخل بالموقع، فيه مشرفين مختلفين هناك. أظن لو تسأل @hussien-11 يقدر يعطيك إجابة لذا الشئ.

 

[squall leonhart]

انت جاوبت بنفسك الموقع اي واحد يقدر يشارك فيه زيه زي اليوتيوب.. اذا بتدور على نقاش بمستوى عالي فالموقع مو المكان الصحيح بل المنتدى

بالنسبة للهايب فالناس أحرار بآرائهم الشخصية و زي ما انت من كل حصريات سوني و مايكرو ما تعجب ف في ناس يتظرون إصدارات هذي الشركات و يعشقونها

 

[شيطون]

لهذا نادرا ماشوف التعليقات

 

[fatal framer]

موضوع الهايب مالنا دخل فيه اهم احرار
داونجريد او ابجريد اذا في جمهور وفي للعبة فكل هالمظاهر ماتهم الشخص
انا اشارك في الموقع بس مو وايد بس اذا التعليقات قاهرتك لا تقرا وانتهى الموضوع
اما اذا كنت تشارك وصارتلك مشكلة مع احد عطه بلوك وريح نفسك

 

[hussien-11]

خلي الناس تقول الي تبغاه ما دامها لا تتعدى على أحد بشيء.

 

[fatal framer]

خلي الناس تقول الي تبغاه ما دامها لا تتعدى على أحد بشيء.

بس اخ حسين ليش مايكون في عقوبة في الموقع نفس المنتدى
من ايقاف العضوية لمدة معينة علشان الكل يحترم الثاني

 

[Ria]

الناس أحرار أنه تكتب اللي بباله بالموقع طالما أنه ما تعدت على شخص آخر

ولو مب عاجبك الوضع فيه ببساطة تقدر تتجنب قراءته

 

[hussien-11]

هذا الموضوع ماله أي داعي بأمانة، تفتح موضوع كامل عشان تهاجم آراء ناس و تعليقاتها و شخصياتها، خلي الناس تنبسط يا أخي، ايش يعني كتب 10 و لا goty و لا ما أدري ايش، كيف يزعلك هالشي أو يسيء لك بأي شكل

و ايش الفرق بين هذي الكومنتس و الكومنتس الموجودة في أي موقع ترفيهي أو شبكة اجتماعية

ما تعجبك نوعية التعليقات لا تقراها و خلاص.

بس اخ حسين ليش مايكون في عقوبة في الموقع نفس المنتدى
من ايقاف العضوية لمدة معينة علشان الكل يحترم الثاني

و مين قالك ما في عقوبات أخوي؟
في إيقاف عضويات لما تتجاوز الردود حدود أخلاقية/دينية/سياسية.
غير كذا قراء الموقع عندهم الحرية الكاملة في التعبير.

 

[شيطون]

خلي الناس تقول الي تبغاه ما دامها لا تتعدى على أحد بشيء.

يعني شيء مثل ذاك اللي يقول سوني طريق الجنة عادي

 

[Leon_Kennedy]

خلي الناس تقول الي تبغاه ما دامها لا تتعدى على أحد بشيء.

المشكلة كم من مره انتقد لعبة وانسب هناك وكلام بعضهم قليل ادب

 

[abdullah-kh]

حرية الرأي بالمطلق كذا شئ كارثي، أعتقد نحن هنا عانينا (لا زلنا نعاني)، من ترك الباب لكل من هب ودب. بصراحة يعني يجيك واحد يرمي رد "الوحش الأخضر" "القاتل اللاعق" وكذا بنص موضوع ما، أو ردود مثل "أكيد منقهر من نجاح الجهاز" "أكلناكم جيلين" كل ذي ردود دمارية تدمر المكان وتقتل جدية نقاش ما. أي رد زي كذا ما راح أتسامح معاه وتبًا لحرية تجيب شئ مثل كذا.

 

[شيطون]

أعتقد نحن هنا عانينا (لا زلنا نعاني)، من ترك الباب لكل من هب ودب.

كنت مارح ادخل المنتدى لو ماكان التسجيل مفتوح للكل

 

[abdullah-kh]

كنت مارح ادخل المنتدى لو ماكان التسجيل مفتوح للكل

امم، أتذكر آخر مرة انتهت كيف هنا.....

محتوى مخفي: +18

ما يحتاج أوضح أكثر (@).

التسجيل المفتوح له مشاكل واجد، عضويات إعلانية: كان الوضع سخيف كيف نشوف عضوية جديدة بمشاركات واجد علشان يفتح موضوع إعلاني ولا ذي المشاركات إعلانان ما تتخيلها وتوصل لتنظيف البواليع @@ الشئ الثاني عضو تبند يشجل بعدها على طول بعضوية جديدة ويشارك هذا إذا كان طيب، أما إذا كان شرير فيجي يترول ويخرب المواضيع ومرات يصير مش ممكن ولا كيفين سبيسي بأشر أفلامه :emoji_face_palm: غير العضويات المتعددة وهي كثيييييييييييييييييييرة.
=========
صعب نرجع له حاليًا، الوضع الحالي مش مستحيل بس صرنا ندقق على كل عضوية وننقحها من الشوائب والعضويات الإعلانية غبية لإنها توضح كل شئ من التسجيل وذا يريحنا كثير (@).

 

[DINO CRISIS]

نص حصريات سوني/ميكرو ما ادري من وين جاي الهايب! الحصرية الوحيدة الي بجد عجبتني فقط THE LAST OF US

طيب انت في ايش تختلف عن الاعضاء في الموقع بالهجملة تحديدا ً كلهم يطبل لجهازه ولعبته المفضلة فقط

الهايب جاي من الاعلانات والدعايات في كل مكان

إنت مسحت كل الألعاب على جهازين مختلفين وجيل كامل عشان لعبة بحجة انها تعجبك ونسيت ان الي يعجبك يمكن ما يعجب غيرك

ذكرتني بمواضيع
احسن لعبة هذا الجيل
وأفضل لعبة هالجيل
واحسن لعبة في هذا الجيل

هالمواضيع وطقتهم ما تفيد بشيء غير زيادة التعصب والكراهية للاعبين لبعضهم البعض

التفكير بهذه الطريقة خاطئ لأنه ما في لعبة ممتازة في كل جوانبها الا ما تفشل في جانب معين اثناء عملية التطوير وسير احداث اللعب

والداونجير وينه بالضبط في الجيل هذا ؟!

شكلك في جيل ثاني واحنا في جيل

الحل في وجهة نظري هو ايقاف العضويات الي تسب وتشتم وايقاف

التسجيل في الموقع لفترة حتى يبتعدو عن الموقع

 

[Saudi Fighter]

اذا شي واحد تعلمته من النت الي استعمله من فوق ال12 سنة هو ان مستحيل تتحكم فيه لو ايش انا كنت دايم افتح مواضيع ليش مانسوي وليش كيذا مجرد مضيعة وقت عمرك ماراح تتحكم بالناس لكن لازم نحاول نرفع مستوى النقاش
اذا تبغى رائيي بالموضوع مشكلة المنتدى هنا مو التعصب ضد الاجهزة المنافسة لاني بصراحة ماشفت المشكلة ان كثير من الاعضاء حساسين هنا انا كنت احسب ان حنا حقين الكورة ناس عقليات سخيفة طلع الوضع مايختلف هنا سواء نينتدو او مايكرو او سوني هي شركات ربحية بشكل تام مايعملو اي حاجة الا لانها قرار تجاري بحت والشي هذا من حقهم لكن الغريب انك ماخذ صفة المحاماة عنهم وهم لو قدرو يدعسون علبنا لفعلو والامثلة كثير من جميع الشركات اتذكر عضو هنا كتب انه يبغى يسوي موضوع عشان يشكر شركته المفضلة انا متعجب هل تتوقع فعلا عملو الشي لاسباب خيرية او اسعاد الناس(العضو شخص رائع بالمناسبة)

 

[fatal framer]

اتذكر عضو هنا كتب انه يبغى يسوي موضوع عشان يشكر شركته المفضلة انا متعجب هل تتوقع فعلا عملو الشي لاسباب خيرية او اسعاد الناس(العضو شخص رائع بالمناسبة)

في شي بهالحياة مافي مصلحة او ربح وخسارة
اكيد اهم مو فاتحينها جمعية خيرية ولا احنا لما نشتري الالعاب فيها دعم خيري
ماشوف انه كلمة شكرا ياسوني على تعريب لعبة او دعم الجهاز بحصريات فيها مشكلة ياخي انا مستعد اشكرهم في حساباتهم

اذا بنمشي على هالمنطلق خلاص لانشكر الدكتور لانه هذي وظيفته وواجبه
لا تشكر الموظف اللي يخلصلك معاملة لانه واجبه

حتى لو قتلي انه العضو مو لازم يفتح موضوع ويشكرهم في المنتدى راح اقولك شنو بيضرك من موقفه ؟

خله يفتح موضوع ويشكر سوني او مايكروسوفت او نينتيندو

 

[شيطون]

اتذكر عضو هنا كتب انه يبغى يسوي موضوع عشان يشكر شركته المفضلة انا متعجب هل تتوقع فعلا عملو الشي لاسباب خيرية او اسعاد الناس(العضو شخص رائع بالمناسبة)

هو ممكن هالشيء يكون مبالغة
لكن بصراحة لو اشوف ميزاكي اكيد رح اشكره على التحف اللي قدمها
صح انه ماسواها عشان سواد عيوني او انها جتني هدية منه بس الافكار اللي قدمها في السولز بورن جبارة معا المعارك الملحمية اللي فيها شيء فعلا يستحق الشكر عليه
خصوصا ان العاب كثيرة قاعدة تستلهم من السولز وبعضها الى حد السرقة

هالشيء ايضا ينطبق على كم شخص في مجال ثاني

 

[Saudi Fighter]

هو ممكن هالشيء يكون مبالغة
لكن بصراحة لو اشوف ميزاكي اكيد رح اشكره على التحف اللي قدمها
صح انه ماسواها عشان سواد عيوني او انها جتني هدية منه بس الافكار اللي قدمها في السولز بورن جبارة معا المعارك الملحمية اللي فيها شيء فعلا يستحق الشكر عليه
خصوصا ان العاب كثيرة قاعدة تستلهم من السولز وبعضها الى حد السرقة

هالشيء ايضا ينطبق على كم شخص في مجال ثاني

انا ماتكلم عن فنان او طبيب يمارس عمله اتكلم عن شركة ربحية الي تكون المسؤولية اكبر لانها عليها مصاريف وموظفين والف شغلة ماتكلم عن فرد مستقل

حتى لو قتلي انه العضو مو لازم يفتح موضوع ويشكرهم في المنتدى راح اقولك شنو بيضرك من موقفه ؟

زي ماقلت انا ماطلبت لايفتح اقصد ان الفعل نفسه غير عقلاني تغلبه العاطفة وزي ماقلت فيه فرق بين شركة مسؤولية كبيرة جدا جدا وبين فرد واحد تشكره لانه الأولى فاتحه عشان تربح والثاني ممكن يخدمك لانه يبي يخدمك فعلا او زي الفنان الي يمارس الشي لانه يحبه

 

[شيطون]

انا ماتكلم عن فنان او طبيب يمارس عمله اتكلم عن شركة ربحية الي تكون المسؤولية اكبر لانها عليها مصاريف وموظفين والف شغلة ماتكلم عن فرد مستقل

زي ماقلت انا ماطلبت لايفتح اقصد ان الفعل نفسه غير عقلاني تغلبه العاطفة وزي ماقلت فيه فرق بين شركة مسؤولية كبيرة جدا جدا وبين فرد واحد تشكره لانه الألولى فاتحه عشان تربح والثاني ممكن يخدمك لانه يبي يخدمك فعلا او زي الفنان الي يمارس الشي لانه يحبه

بس في النهاية هذي الشركة هي اللي تدعم المطورين بكل شيء وماجبرتهم على نمط واحد واعطتهم حرية
مشروع مثل هورايزون كان مغامرة كبيرة ومن فريق ماله خبرة بهذا النوع من الالعاب لكنها دعمت المشروع اللي كان مخاطرة كبيرة
بغض النظر عن كون اللعبة ماعجبتني واعتبرها مقلب الجيل لكن فعلا اقدر لسوني دعمها لمشروع مثل هذا واتمنى باقي الشركات تفعل هالشيء
بدل ماتستهلك نوع واحد او سلسلة واحدة من الالعاب حتى لو كانت النية ربحية واساسا وحتى الفنان مارح يرضى يشتغل ببلاش مهما كان يحب هالشيء
فكلهم في نفس المركب

 

[fatal framer]

انا ماتكلم عن فنان او طبيب يمارس عمله اتكلم عن شركة ربحية الي تكون المسؤولية اكبر لانها عليها مصاريف وموظفين والف شغلة ماتكلم عن فرد مستقل

زي ماقلت انا ماطلبت لايفتح اقصد ان الفعل نفسه غير عقلاني تغلبه العاطفة وزي ماقلت فيه فرق بين شركة مسؤولية كبيرة جدا جدا وبين فرد واحد تشكره لانه الأولى فاتحه عشان تربح والثاني ممكن يخدمك لانه يبي يخدمك فعلا او زي الفنان الي يمارس الشي لانه يحبه

اوكي غير عقلاني وتغلبه العاطفة فهمنا
شنو راح يضرك اذا واحد فتح موضوع من هالنوعية؟
لو الحين فتحت موضوع وشكرت شركة تيكمو لانها قدمت لنا نينجا قايدن وفيتال فريم شراح يصير معاك؟
ادري ماسووا هالالعاب مخصوص لي بس لعبة نفس مستوى فيتال فريم ورعبها النفسي اللي حتى بعض الالعاب الثانية قلدتها في هالنقطة حبيت هالشغلة وشكرتهم
شنو بيكون موقفك ؟

 

[Saudi Fighter]

اوكي غير عقلاني وتغلبه العاطفة فهمنا
شنو راح يضرك اذا واحد فتح موضوع من هالنوعية؟
لو الحين فتحت موضوع وشكرت شركة تيكمو لانها قدمت لنا نينجا قايدن وفيتال فريم شراح يصير معاك؟
ادري ماسووا هالالعاب مخصوص لي بس لعبة نفس مستوى فيتال فريم ورعبها النفسي اللي حتى بعض الالعاب الثانية قلدتها في هالنقطة حبيت هالشغلة وشكرتهم
شنو بيكون موقفك ؟

زي ماقلت لك مايضرني شي ولاطلبت انه ماحد يكتب اقرى ردي فوق قلت النت ماتقدر ولا من حقك تتحكم لكن من حقي انه يكون عندي راي خاص من دون ماتعدى على حد اما بالنسبة لسؤالك انا برضو اقولك ماله داعي تكتب موضوع شكر لكن برضو كل شركة اذا ابدعت نقول ابدعت بس من دون حساسية وكان الشركات تمثلنا كأشخاص يعني لو تبي تنتقد مايكروسوفت مثلا خذ راحتك ليش كلامك يزعلني صح أن أحب جهاز الاكس بوكس لكن اذا تبي تقول الجهاز مخيس ابو كلب ليش الموضوع يضايقني؟ طز بالشركة هم الي يدافعو عن أنفسهم انا همني وناستي زي ماهمهم فلوسي

 

[dro]

ليه تقراها اصلا ؟

 

[Leon_Kennedy]

حرية الرأي بالمطلق كذا شئ كارثي، أعتقد نحن هنا عانينا (لا زلنا نعاني)، من ترك الباب لكل من هب ودب. بصراحة يعني يجيك واحد يرمي رد "الوحش الأخضر" "القاتل اللاعق" وكذا بنص موضوع ما، أو ردود مثل "أكيد منقهر من نجاح الجهاز" "أكلناكم جيلين" كل ذي ردود دمارية تدمر المكان وتقتل جدية نقاش ما. أي رد زي كذا ما راح أتسامح معاه وتبًا لحرية تجيب شئ مثل كذا.

بالضبط هذا هو قصدي

 

[fatal framer]

@Saudi Fighter
فاهم كلامك انت تقصد انه واحد يمدح ويمجد بالشركة والثاني يرد عليه ويذمها
انت اول مرة تقرا التعليقات في الموقع لاتستغرب والمشكلة انه بعضهم كبار في الثلاثينات وهذي طريقتهم
شوف الدنيا عجايب وغرايب وكل واحد يمثل نفسه
انت تشوف انه المفترض الشخص مايكون حساس ويرد بهالطريقة
بس الناس ماتمشي على هوانا واصابعك مو سوا
هالنوعية يانك تنصحهم او تجهز النفيش وتقرا التعليقات وتضحك

 

[game for new]

الحمدالله ان احنا هني في المنتدى اعقل منهم شوي :emoji_joy:

يعني شيء مثل ذاك اللي يقول سوني طريق الجنة عادي

ههههههههههههههه هذا خلاص فقد السيطرة على نفسه من ه العضو خلني بدخله المنتدى :emoji_joy::emoji_joy:

 

[you gotta believe]

طنشهم وريح نفسك

 

[XI]

لول اصلا مستغرب فيه ناس للحين يقرون الاخبار من المواقع ويردون فيها ويتناقشون..احس خلاص موضه قديمه مرررررره غالبا النقاشات والاخبار كلها تويتر والخ
عموماً نصهم تروله ف لاتهتم

 

[المعلم]

ترى في اشخاص رائعين زي callevra 31 و باقي الشلة

 

[k87]

اكثرهم ترولة لا أكثر ومضيعة وقت
كانه حضانة..اسوء شي اللي يعظم بالحصريات وللحين
مالعبها خخخخخخ