التعصب والتعنت الالكتروني ..

[persona]

السلام عليكم


العصيبه:

تعبير ينتج منه تفجير شحنة غضب في شخص ما ..او شي ما ، شعور عدائي جداً وكارثي !

برايكم ..اعطيكم أمثله وانتوا شوفوا

XBOX FOR4VER
نقاشي معاك منتهي ..
انت بس تحب الPS2
يلا روح العب بجهازك ال *****

شنو؟ اكس بوكس 360 بيقضى على كل الاجهزه !؟
استريح زين ، لو شنو تسوي مايكرزفت ماراح توصل لسوني
هههه صراحه تعليقك مضحك ومخجل للاسف ، تعليق غبي ومغفل مثل يا *****

hello
anyone have GC?

آخر مثال ، هذا جاحدينه بالنقاش ، مو داش بموضوعنا 🙄

وطبعا المثالين الاولين بالاخير نلقاهم بالمنتديات شايتنهم بره (الا اذا احد الاطراف عنده واسطه من سلطات عليا)

ليش بعضهم بالانترنت يختلفون معاك ويبون يرفعون الضغط بالردود، المنتدى مخلوق عشان هالشيء؟ لا

صدقوني ، شفتوا اللي ورا هالكيبورد وتعلقياتهم المضحكة والحارجة احياناً

صدقوني مايقدرون يطبقونها على ارض الواقع ، اعطيكم مثال:

========​

بمنتدانا الجامعي واحد اختلفت معاه بموضوع ووصل لدرجة تجريحي ، انا طنشت الموضوع لانه فقاعات بالمنتدى تصير

لكل واحد.

بعدها بأسبوع ، كنت رايح اسجل موادي الجديدة وقعدت مع ربعي اللي اعرفهم مع شباب جدد

وتكلمنا عن المنتدى الجامعي هذا وكل واحد قال النك نيم حقه ، هو بس عرفني وانا عرفته وجهه ..

قام يقط ألوان، وين اللي يهدد بالرسايل الخاصه وين اللي يتكلم ويسب ومسوي روحه عنتر زمانه ...

الظاهر القطوه بلعت السانه ، المهم طنشت بالموضوع وصارت نظري للشخص مثل نظرتي لاي شخص عادي

========


التعصب الالكتروني ؟ واسبابه؟
نظرتك للاشخاص هذول؟
كيفية التعامل مع هؤلاء؟
الانترنت صار بايخ بوجودهم؟
أو ، أفضل بوجودهم؟"فكاهياً"

​

 

[Humam]

لول أعتقد ترو جيمنج ممتليء بمتعصبين الانترنت لكن الحمد لله الوضع بدا يصير أفضل 🙂, و الحقيقة فعلا لمن تناقش شخص على الانترنت مدري تحس بشوية عصبية على عكس يوم تتكلم معاه على أرض الواقع.. يمكن لأنه على النت تحس إنك مو قادر تعبر بالشكل الصحيح أو توصل وجهة نظرك .. ويمكن البعض على النت يشعر بمساحة من الحرية غير الواقع فيسبل في الكلام ..

 

[الــخــــارق]

مثل ما قال اخوي همام
الواحد في النت يحس انه عنده حريه أكبر
فياخذ راحته وتلقاها يتعصب ويسب ويتكلم وانا الصح
وكلامي ورأيي هو المضبوط..

لانه اللي يكلمهم في الحقيقة لا يعرفهم ولا يعرفونه فيحس انه
عادي مهوب محاسب ولا متضرر ضرر مادي..

ولكن تدري مهما كان هذا مهوب مبرر انه يفعل هالامور..
مشكلتنا مع التعصب الزايد
يعني ما عندي مانع تناقص وتبدي رأيك وتصر عليه
لكن هذا ما يصل الى درجة الهواش والنزاع
والا مهوب لازم تدخل ولا تبدي رأيك..

وبصراحه بالنسبة للانترنت بوجودهم مضحك
الا اذا زادت المسال ووصلت للهواش والتعنت الزايد فيبيخونه..

مشكور خالد موضوع أكثر من رائع..

 

[Golden_Sun]

كلامك موجود .. وهمم وبكثره تقريباً ..

يمكن لأن الشخص يشوف ان من خلال الكمبيوتر يقدر يهدد ويدافع عن نفسه دون خوف! .. او تكون مواجهة شخصية لأن قاعد على كرسي مرتاح يفكر يتأمل في الشاشة يفكر شنو يكتب على يرد على فلان او يهدده! .. عكس لما تكون معاه face to face وقتها رده فعلك وتفكيرك لازم يكون اسرع اكثر من جلوسك امام شاشة الكمبيوتر ..


عموماً الواحد لازم يحاول قدر الامكان ان ما يختلف عن الواقع وهو امام الشاشة .. انا مرات اواجهة صعوبة لول P: فيه اشياء اقدر اقولها بالنت لكن بالواقع صعبة والعكس صحيح! .. لكن احنا نحاول! ..

الحل الوحيد لهالفئة هي ان يكون همم شقول! << مو عارف يعبر .. يكون صريح مع نفسه .. مممم حتى ما تضطر انك تكون شخص مختلف وانت قاعد خلف الشاشة! .. مادري اعتبره انفصام بالشخصية لأ .. همممم شخصية ازدواجية .. في الطبيعه ما يقدر يعمل الاعمال اللي هو قادر على عملها على النت!! .. عموماً هي مرحله .. او حالة واعتقد مع الوقت راح تروح! سواء كانت طويلة او قصيرة..

edit:
كلامي اللي فوق مو عن الفيديو جيمز وتعصب البعض فيه .. كنت اتكلم عن المشكلة بشكل عام (مثل ما قال برسونا في مثاله في منتدى الجامعه)

 

[rubso]

اول ما تكونت افكارنا .. كعشاق لجهاز معين ، كنا متعصبين درجة اولى، ونسب اللي ما يعجبه الجهاز .
المرحلة الثانية كانت التعرف على قدرات الاجهزة ومقارنتها و أخذ الاخبار والمعلومات !
المرحلة الثالثة كانت التكوين الصحيح، اقدر اوصفها بكلمة واحدة "الـــــــــــنـــــــــــــــــقــــــــــــــــاش" الجيد والبعيد عن التجريح بالطرفين والهدف منه توصيل وجهة نظر وتغيير قناعات ايضاً ..

 

[SEph]

كلامك موجود .. وهمم وبكثره تقريباً ..

يمكن لأن الشخص يشوف ان من خلال الكمبيوتر يقدر يهدد ويدافع عن نفسه دون خوف! .. او تكون مواجهة شخصية لأن قاعد على كرسي مرتاح يفكر يتأمل في الشاشة يفكر شنو يكتب على يرد على فلان او يهدده! .. عكس لما تكون معاه face to face وقتها رده فعلك وتفكيرك لازم يكون اسرع اكثر من جلوسك امام شاشة الكمبيوتر ..


عموماً الواحد لازم يحاول قدر الامكان ان ما يختلف عن الواقع وهو امام الشاشة .. انا مرات اواجهة صعوبة لول P: فيه اشياء اقدر اقولها بالنت لكن بالواقع صعبة والعكس صحيح! .. لكن احنا نحاول! ..

الحل الوحيد لهالفئة هي ان يكون همم شقول! << مو عارف يعبر .. يكون صريح مع نفسه .. مممم حتى ما تضطر انك تكون شخص مختلف وانت قاعد خلف الشاشة! .. مادري اعتبره انفصام بالشخصية لأ .. همممم شخصية ازدواجية .. في الطبيعه ما يقدر يعمل الاعمال اللي هو قادر على عملها على النت!! .. عموماً هي مرحله .. او حالة واعتقد مع الوقت راح تروح! سواء كانت طويلة او قصيرة..

انت كليتني في الRL متعصب نينتندو بطلاقه :jawDrop::

انا من وجه نظري محد عرف مفهوم التعصب حتى الان
من وجه نظري وتجاربي الكثيره التعصب هو

هي حاله تخلي الي تناقش معاه اعمى ويرى كل ماتقوله وتسويه يقلل من شأن الشي الي يحبه ومهما قلت له او كلمته لو كلمت طوفه تقتنع لكن هو ماراح يقتنع ويظن دايما انك متعصب لشغله ثانيه نفسه ضد الشغله الي اهو متعصب لها...

الله يعينهم الي عندهم العقده هذي :bigSmile:

 

[AMG]

انا زمان كنت واحد من اكثر المتعصبيين الالكتورنيين و خصوصا للاجهزة سونى و البلاىستيشن2 مع انى املك كل الاجهزة

و كانت ما اترك اى موضوع نقاش يعدى الا و اعقد احاور و اناقش الخ الخ

لكن بعدها بمدة حسيت ان الموضوع هذا غبى و ان عالم الفيديو جيمز لا يسحق كل هذى النقاشات والتى كانت ما توصل كثيرا لى حد التجريح و الاستهزاء

لكن المشكلة ان فى ناس ما تقبل تنوع الاراء و اختلافها

 

[Final Fantasy]

الاختلاف في وجهات النظر و الآراء ما تكون السبب الأول في بدأ التعصب عند الناس ... بل لما ييلك واحد و يحط لك رأيه "بأسلوب استفزازي" و داعمه بأدلة "غير منطقية" هني يبدأ الطرف الثاني بالتعصب و الغضب و تلقائيا يلقى نفسه يدافع عن آرائه و وجهات نظره بشوية عنف لأنه من الأساس تم استفزازه .

 

[rubso]

الاختلاف في وجهات النظر و الآراء ما تكون السبب الأول في بدأ التعصب عند الناس ... بل لما ييلك واحد و يحط لك رأيه "بأسلوب استفزازي" و داعمه بأدلة "غير منطقية" هني يبدأ الطرف الثاني بالتعصب و الغضب و تلقائيا يلقى نفسه يدافع عن آرائه و وجهات نظره بشوية عنف لأنه من الأساس تم استفزازه .

انزين اذا الطرف الاول كانت عنده ادله منطقية ... وواجه مخالفيه بقوة واماتهم بالادلة، الطرف الثاني تم استفزازه لكنه سيرد بطريقة همجية .. او على العكس قد ينسحب ويترك هذا الامر للأيام تغيره

 

[Mada Mada Dane]

الاختلاف في وجهات النظر لايفسد في الود قضية


@_@ ومن جد, اول كنت متعصب لننتندو . . .

الحين ماتفرق معاي, الي يهمني نزول لعبة حلوه على اي جهاز علشان العبها . . .

لكن مثلا لو قلت ان 360 مو ميولي لان العابه ماتناسب ذوقي, ولولا اختلاف الاذواق لبارت السلع

 

[Double T]

كلامكم صراحة كفى و وفى

بس وضي اضيف شي له علاقة بالنقاش الحاد نفسه بغض النظر سواء كان تعصب الكتروني او غيره الي هو ضعف ثقة الشخص بنفسه كمناقش او قله ادلته .... بمعنى اخر اذا حس المناقش انه ادلته انتهت يبدأ يخرج من دائرة النقاش بالتجريح و السب في المقابل ... باإضافة الى الكلام الي قلتوه انه النقاش مو وجه لوجه فيصير المناقش اكثر جراءة

و نقطه ثانيه مهمه بخصوص الكتابة في المنتديات الي هي خلو الكتابة بشكل عام من التعابير " ما اقصد الوجيه المتسبه و غيرها " يعني جمله واحده ممكن انها تفسر باكثر من طريقه

مثلا : في النقاش تقال هذي الكلمه كثير " هذا الكلام مو صحيح " ممكن انها تفسر باكثر من طريقه .. ممكن يفهم منها انها ازتهزاء او تقليل " عند بعض الناس طبعا" .... و ممكن انها تكون احد اساسات الحوار و هي النقد و هذا شي طبيعي في النقاش

الظاهر اني تفلسفت كثير سامحوني لأني ما كتبت من زمان 😀

و انا ما اشوف انه هذا منتشر كثير في TG الحمدلله

تحياتي 😉

 

[persona]

طيب برايكم ، ايهو افضل الجيل الحالي للانترنت والا الانترنت قبل خمس سنين؟

صغر عقلية مستخدمي الانترنت ساهمت في تفاقم مشاكل المنتديات وبكثرة

لدرجة تسجل باي منتدى ماتقعد اسبوع والا شايف المشاكل والخلافات فيه ..

مع جزيل الشكر لكل من عقب من الاعضاء بهذا الموضوع 🙂