hits counter

التجمع السنوي: Symphony of the Night

Colorization

Colorization

True Gamer
sotn_alucard_spe1.jpg


اللعبة ما تحتاج مقدمات، في أحد يبي يلعبها من أول معاي؟ محد عنده وقت أكيد (مشغول في The Witcher والقليل من Fallout 3) لكن سيمفوني timeless.

بلعب نسخة البي اس بي (المرفقة مع دراكولا X) عشان ألعب بماريا بعدين. أتمنى اللي وده يعطيني من وقته ويلعب يكون جاد شوي :laugh:: آسف بس لي عبرة لا تنسى مع موضوع ميجامان (٥٠ واحد "متحمس" و٥ لعبوها :laugh:🙂.

ببدأ باجر. أتمنى أصحى من النوم وأشوف واحد على الأقل يبي يلعب :nerd:
 
تباً .. اختبارات 🙁
ودي العبها لكن ما فيه امل اليومين هذي (لول الجديدة للحين ما بديت فيها :laugh:: .)

عموماً .. Have fun جميعاً.
 
نفسي .. لكن تأمينها محال (( ما عندي PSP -__- ))
 
أخر لعبة لعبتها بالـPSP قبل ما يخرب...
 
مالي خلق، وما عندي وقت بعد.. بس حده ودي العبها!!!! تناقض عجيب =(
زين قاعد العب OoC.. مادري شفيني عالفيديو جيمز، اخر شي لعبته على سنع ماريو جالاكسي ولوست اوديسي!!
 
لول فين Adjo ?
هذا اكثر واحد بينبسط عالموضوع هذا :laugh::
 
أومغ ،، أنا ألعبها هاللحظة :w00t: ،،

وصلت عند
القصر المقلوب ،، هذاك الوحش الي يطلق كهرب ،،
أزعجني وجاب لي المرض -_-" ،، موقف عنده لي فترة ،،

مو مشكلة أبدأ معاك من جديد >.> ،،
 
أبي ألعبها .. كانت عندي على الـPSP و الـ360، لكن اثنينهم في السعودية :/
 
قاعد العبها حالياً, ليفلي 18 و لعبت 5 ساعات و نص ..

موصل لحد لما
المفروض انك تطلع لمكان معين فوق لسى ما وصلت له, تطلع له عن طريق الأبراج الي في يسار الخريطة فوق
.. قاعد العبها هي و order of ecclesia في نفس الوقت ..
ممكن اعمل new save و ابداء معاك من جديد ..
 
انا جالس العبها الحين..

وصلت لــ
Death (بالقصر المقلوب),
للأسف مااقدر اعيدها بس اذا تبوني انتظركم الين تاصلون المكان اللي انا فيه ماعندي اي مشكله.
 
توني مخلص OoE و فيني استعداد لأني أعيد SOTN للمرة الخامسة على نسخة PSP ، حددوا الموعد و أنا بكون معكم إن شاء الله .. : )
 
اللي ما يبي يعيد من أول مو مشكلة.
توي خذيت الدبل جمب.
 
الموضوع بوقته لوول ..

بدأت فيها من فترة وانا الحين قريب النهاية "
راح اتحدى ذاك السحلية اللي عنده عصا كهربائية (@)
"

بعد ما اخلصها راح ابدأ فيها من جديد ان شاء الله ..

اللعبة ادمان ادماااااااااااان :rockon:

BTW : كاسلفينيا Castlevania - Dracula X موجودة بالوي شوب ؟

لاني ابي العبها حيل T,T"
 
التعديل الأخير:
بديت العبها اول مرة قبل كم يوم لاول مرة على pspلكن ما خلصت شئ يذكر بحاول العبها معاكم
 
Sky Walker قال:
الموضوع بوقته لوول ..

بدأت فيها من فترة وانا الحين قريب النهاية "
راح اتحدى ذاك السحلية اللي عنده عصا كهربائية (@)
"

بعد ما اخلصها راح ابدأ فيها من جديد ان شاء الله ..

اللعبة ادمان ادماااااااااااان :rockon:

BTW : كاسلفينيا Castlevania - Dracula X موجودة بالوي شوب ؟

لاني ابي العبها حيل T,T"
أنقر للتوسيع...

وصلت عنده وعقدني حسبي الله عليه ><" ،، ما أقدر أقرب منه ولا فيه طريقة فعالة لضربه بقوة :/ ،،

كاسلفينيا موجودة بالفيرتشوال كونسول ،، دراكولا إكس لا ،،
 
عبد المجيد قال:
وصلت عنده وعقدني حسبي الله عليه ><" ،، ما أقدر أقرب منه ولا فيه طريقة فعالة لضربه بقوة :/ ،،

كاسلفينيا موجودة بالفيرتشوال كونسول ،، دراكولا إكس لا ،،
أنقر للتوسيع...

سحقن .. ابي العبها بالوي :crying:

BTW : تشوف الوحش اللي تتكلم عنه اسمه
Galamoth
.. انا اموته خلال اقل من نصف دقيقة :evil::

اعلمك الطريقة ..

لازم يكون عندك هالآيتمين علشان تموته بسرعة :

1 - سيف crissaegrim تحصله من وحش كأنه راس يطير مغطى بوشاح .. اسم الوحش Schmoo تحصله بالمكتبة المقلوبة .. علشان تطلعه اسرع .. حط سيف ودرع و mail الوكارت علشان يزيد حظك وتزيد فرصة خروجه من الوحش .. وحط اي اكسسوري ثاني يزيد الحظ ..
هالسيف تقريباً اقوى سيف باللعبة ..

2 - لازم تاخذ ايتم اسمه Berly Circlet .. هالآيتم راح يحول اى ظربة كهربائية الى طاقة :evil:: ..
Galamoth معظم هجماته كهربائية فـ 90% من قوته راحت هباء منثور مع هالآيتم :laugh:: ..
ونسيت والله وين القاه بس اعتقد اذا فتشت عدل راح تاخذه ..

فهمت كيف اهو بسيط :wink::
 
شكراً يا رجل ،، أنقذتني :rockon: ،،
 
Kingsize قال:
لول فين Adjo ?
هذا اكثر واحد بينبسط عالموضوع هذا :laugh::
أنقر للتوسيع...
بعد تحطميك هذاك اليوم :crying:
شكرا لازم أرفض :wink::
أقدم إعتزالي للجماهير العريضة :rockon:
 
أنا حاليا العبها على الـ xbox360 .. ما لعبت فيها الا ساعتين .. الصراحه اللعبه شي عجييب.. انا جربت آخر جزء للـds الصراحه ما حسيتها بـ متعة sotn .. ليما جربت OoE حسيت ابـ داونجريد .. بس ابي اعرف كم عمر اللعبه ؟
 
^
النهايه الأولى مع تحليل الماب 6 ساعات تقريبا(بالنسبه لي)

النهايه الثانيه ماادري,باقي الشباب يفيدونك.
 
Solay قال:
^
النهايه الأولى مع تحليل الماب 6 ساعات تقريبا(بالنسبه لي)

النهايه الثانيه ماادري,باقي الشباب يفيدونك.
أنقر للتوسيع...

انا مع النهاية الثانية .. 16 ساعة تقريباً .. على انها اول مرة لوول

بنسبة 199.4%

بس اللي يلعبها اول مرة ممكن تصير 20 ساعة !!
 
التعديل الأخير:
ختمت اللعبة من زمان و مالي نفس ألعبها مرة ثانية ، خصوصا و أن في ألعاب ثانية أبي أخلصها :happy:
 
الأن وصلت لحد لما
اخذت قدرة القفز مرتين, و تقدمت بعدها شوي
و خزنت و سكرت ..

الساوندتراكس رائعة! افضل ساوندتراكس في السلسلة! (أول مرة العبها) ..
 
الأن اخذت
قدرات جديدة, اخذت قدرة التحول لخفاش و قدرة التحول لضباب, و قاعد اتجول في كل مكان حتى اجمع اكبر عدد من الأيتمز!

كمان حصل معاي شي غريب, قابلت
ديمون غريب في مكان كان يشبه نقاط التخزين بس كان لونه بنفسجي, عملت نفسها في الأول على اساس انها ام الوكارد بس هو عرف و قتلتها, بس ما عرفت مين هي؟
 
Ash Storm قال:
كمان حصل معاي شي غريب, قابلت
ديمون غريب في مكان كان يشبه نقاط التخزين بس كان لونه بنفسجي, عملت نفسها في الأول على اساس انها ام الوكارد بس هو عرف و قتلتها, بس ما عرفت مين هي؟
أنقر للتوسيع...

أرسلها دراكولا عشان يخلي ألوكارد يطلع من القلعة ويروح يذبح باقي الناس (يعني يساعده) لكن ألوكادر ما وافق وعرف إنها كذبة.

وصلت
القلعة الثانية. لول أخاف منها :laugh:: خاصة إنه ما عندي كريساجريم. بدون هالسلاح القلعة المقلوبة تصير صعبة بشكل خرافي.
 
Colorization قال:
وصلت
القلعة الثانية. لول أخاف منها :laugh:: خاصة إنه ما عندي كريساجريم. بدون هالسلاح القلعة المقلوبة تصير صعبة بشكل خرافي.
أنقر للتوسيع...

لول توي ماخذه ،، بصراحة صارت اللعبة walk in the park بعدها :laugh:: ،،
أصلاً على خبري ما تاخذه إلا
بالقلعة المقلوبة ،،
 
ختمت اللعبة مساعة ..

بس ينتهي الكريديتس بحذفه وابدأ بكرة ان شاء الله ..
 
فعلا ما تاخذه إلا
بالقلعة المقلوبة
من وحش صغير بس الـdrop نادر يعني انت وحظك. اللعبة مع السلاح تصير كأنها كيربي، سهلة جدا P:

تحرير: آسف، أسهل من كيربي وبكثير بعد :laugh::
 
Colorization قال:
فعلا ما تاخذه إلا
بالقلعة المقلوبة
من وحش صغير بس الـdrop نادر يعني انت وحظك. اللعبة مع السلاح تصير كأنها كيربي، سهلة جدا P:

تحرير: آسف، أسهل من كيربي وبكثير بعد :laugh::
أنقر للتوسيع...

تقدر ترفع الحظ بأنك تحط
درع وسيف وميل ألوكارت ،، المزيف مب الأصلي
،، الحظ بيرتفع يمكن عشرين أو حولها ،، سويتها وحصلت كمن آيتم حلو ،،

شكراً Sky Walker ،،
 
Ash Storm قال:
الأن وصلت لحد لما
اخذت قدرة القفز مرتين, و تقدمت بعدها شوي
و خزنت و سكرت ..

الساوندتراكس رائعة! افضل ساوندتراكس في السلسلة! (أول مرة العبها) ..
أنقر للتوسيع...

من افضل الساوندتراك في عالم الجيمز كله على مدى تاريخه..

عندك
Lost Paintings
The Tragic Prince
هذين الاثنين فقط :inlove: بامكانهم القضاء على ساوندتراكس للالعاب كثيرة 😎:
 
يجب تسجيل الدخول أو التسجيل كي تتمكن من الرد هنا.
عودة
أعلى