hits counter

البلاي ستيشن 2 مالي يخضع لعملية جراحية بسيطة وناجحة

R

rubso

Banned
عنوان ظريف ؟ :bigSmile:
اليوم وديت البلاي ستيشن 2 لجيم سنتر .. وسويت له تنظيف كامل بما فيها العدسة كلفتني خمس دنانير فقط .. ارجع البلاي ستيشن 2 للحياة مرة أخرى وقام يشتغل كأنه اول يوم شاريه !
بعد هذه العملية الناجحة .. بدأت بشراء الألعاب التي لم يتسنى لي اللعب بها بسبب مشاكل العدسة .. اولها Gran Turismo 4 كعادتها قمة .. و Kill Zone "نكتة الموسم" .. و Metal Gear Solid 3 و ايضاً Kingdom Hearts II التي اشتريتها قبل تصليح الجهاز ولم تعمل لكن الآن الحمدلله شغالة زي الفل خخ
😛 كل زون .. المفروض تتحول لعبة آركيد .. الجرافكس فاشل اللعب من افشل ما يكون و مرحلة كاملة بدون موسيقى .. واسلحة مضحكة وتحس من اولها لآخرها نايمة ..
المفروض تباركولي على خروج الجهاز من غرفة العمليات بالسلامة 🙂 :bigSmile:
 
يعني لازم تحش كيل زوون خخخخ

الحمد لله على سلامة الجهاز العملية كانت خطيرة الصراحة 😛
 
لووووووووووووووووووووول الحمد لله على سلامته😛

روبسو جرب هذ🙂
6bc4a338cb.jpg


هذ اللي انا استخدمه في تنظيف العدسة ..ماعمري وديت جهازي عشان ينظفون عدسته ولا غيره.

لو تبيع اللي عندك وتشتري لك الموديل النحيف بتكون مرتاح صدقني..انا سويتها ولله الحمد مرتاح الى اخر درجة مع ان جهازي القديم مافيه شي 3سنوات ونصف مشى معاي احسن مايكون بدون خراب عدسة ولاهم يحزنون..لكن الموديل النحيف اسرع بالتشغيل وافضل خصوصا في مايخص العاب الكوبي..بدل المود شيب الواحد اثنين..واحد لتشغيل الالعاب والثاني للعدسة

كمان العدسة بعيدة عن الغبرة بنسبة90 الى95% لأنها صايرة داخل درج الاسطوانات*مثل لبلاي ستيشن1 والجيم كيوب*والمكان محكم ومافيه فتحات تهوية يدخل منها لغبار *مثل الموديلات القديمة*🙂
 
مابي احطمك بس بعد فتره راح ترد مثل قبل والعن 😉
 
يعني العدسه راح ترد خربانه مثل قبل والعن .. يعني قبل على الاقل كانت تشغل جم لعبه اما بعد فتره راح ترد مثل قبل وما راح تشغل ولا شي وتحتاج انك اتبدل العدسه .. هذا بالضبط الي صار معاي ومع رفيجي
 
تصدق اسود ؟ كل مره اشوف فيها منظف العدسه في محلات الفيديو ايدي تحكني اقول اشتريه للبلي ستشن

واقول لا ، واشتري الافلام واطلع

لا باس طهور ان شاء الله 😛
 
persona قال:
تصدق اسود ؟ كل مره اشوف فيها منظف العدسه في محلات الفيديو ايدي تحكني اقول اشتريه للبلي ستشن

واقول لا ، واشتري الافلام واطلع

لا باس طهور ان شاء الله 😛
أنقر للتوسيع...

مو كل نوع خالد يصلح..اما هذ اللي خليت صورته اخذته بعد ما قلبت السوق فوق تحت وعفست في 100 وعشر طعش نوع 🙂
 
مبروك على النجاح العمليه:wink:

وبخصوص تنظيف العدسة،،،
دائماً اسوي تنظيف العدسة بالبيت مايحتاج اروح للمحل مجرد تفكيك للجهاز وتنظيف للعدسة بالمنديل وانتهى الموضوع ،،،لكن للأسف العدسة تجلس شهر وبعدين ترجع مثل اول وزياده وفي بعض الاحيان لازم اغير العدسة ...
 
كيل زوون حليــوة..لكن مشكلتها الكلام اللي قيل عنها من قبل مصمميها..بأنها قاتلة هيلو..و و و و ....ومكبرينها زيادة عن اللزوم..فـ كنا متوقعين ثورة في العاب الـ fps ..لكن للأسف ما طلعت قد هالكلام...-_-..لكن اللعبة مشي حالك..يعني تسوى 10 ريال..لول..

والحمد لله على سلامة جهازك روبسو..!
 
مبرووك مقدما ربسو ^^

ASWD قال:
مو كل نوع خالد يصلح..اما هذ اللي خليت صورته اخذته بعد ما قلبت السوق فوق تحت وعفست في 100 وعشر طعش نوع 🙂
أنقر للتوسيع...

من فين أقدر أحصل على واحد , ممكن تذكرلي أكثر من مكان
 
Tom Clancy's قال:
مبرووك مقدما ربسو ^^
من فين أقدر أحصل على واحد , ممكن تذكرلي أكثر من مكان
أنقر للتوسيع...

ما ادري والله توم عن منطقتكم انا ساكن في البحرين🙂

عموما اسم المنتج bib ..ومنه نوعين واحد للعدسة العادية والثاني*اللي حطيت صورته*لعدسة الدي في دي
 
rubso قال:
و Kill Zone "نكتة الموسم" :bigSmile:
أنقر للتوسيع...

😛 انت اصلا بس ناوي على المشاكل لكن يله اخليك تاخذ راحتك ...😉

على العموم .. تستاهل سلامة البلايستيشن 2 🙂

مو جنها غريبة تاخذ متل جير3 ؟! الحين .في ذا الوقت >_> ؟ يعني سبسستنس !!؟
 
gray fox قال:
😛 انت اصلا بس ناوي على المشاكل لكن يله اخليك تاخذ راحتك ...😉

على العموم .. تستاهل سلامة البلايستيشن 2 🙂

مو جنها غريبة تاخذ متل جير3 ؟! الحين .في ذا الوقت >_> ؟ يعني سبسستنس !!؟
أنقر للتوسيع...
يوم نزل متل جير 3 .. وصلت عند شخصية حولينه نحل وقتلته يمكن اسمه the pain ؟ بعدين رديت اشغل الدسك مرة ثانية يطلع "Disc Read Error" خلاص وصابني احباط شديد ما رجعت العب بلاي 2 وطافتني العاب حلوه 😛لكن بخلص اللعبة وباخذ سبسستنس اصلية مع مودم ابي ادش اونلاااااااااين !! هيهيهي!
 
لول مبروك ربسو...

انا كمان البلاي ستيشن2 مالي ميت (جهاز سوني 99.99% لازم يخترب :bigSmile: )..لكني ما عندي رغبة اعدله, خلصت جود اوف وور ومافي لعبة ثانية عاجبتني حالياً (نظامي اوروبي)...
 
Strife قال:
لول مبروك ربسو...

انا كمان البلاي ستيشن2 مالي ميت (جهاز سوني 99.99% لازم يخترب :bigSmile: )..لكني ما عندي رغبة اعدله, خلصت جود اوف وور ومافي لعبة ثانية عاجبتني حالياً (نظامي اوروبي)...
أنقر للتوسيع...


اذا ما تبيه يخترب ...لا تحط مود شيب ولا تستخدم العاب منسوخه ..🙂

عيشه في سلام ...يعيشك في سلام 😉
 
جربت بعض الألعاب الأصلية و ما اشتغلت على جهازي المسكين خخخخ
 
أنا الحمدلله جهازي القديم من موديل 34000 مو متأكد نظام أوربي ظل معاي مثل أسود 3سنين ونصف من غير مشاكل إلا مره وحده إحتاج تعديل وزنية العدسه فقط وإنحلت جميع المشاكل لكن الموديل الجديد الصغير أغراني وبعت اللي عندي وشريت الموديل الصغير نظام أمريكي ومثل ما قال اسود مريح جداً وبدون أي مشاكل وجربت أستفيد من المودم اللي موجود معاه فنزلت 3 ملابس جديده في لعبة ميتل جير بابا نويل والمومياء وما أذكر شنو بعد وكان التحميل يتم بسرعه معقوله ومناسبه 🙂 ،، أنا أجهزتي رغم إستخدامي للكوبي والأصلي بالنظامين الأمريكي والأوربي ما صارت أي مشاكل أبداً والحمدلله ،،، أهم شي الواحد يحاول ينتقي أجهزته بعنايه وحتى المفروض يتأكد من إن جهازه مو مجدد (يعني كان معطل وصلحوه وقاموا باعوه على أساس إنه جهاز جديد ترى صارت حالات كثيره مثل هذه) ويتأكد من نوع قطعة المود شيب الموجوده في الجهاز ويتأكد من إن "الجوي ستيك" "اليده" "الجير" ما أدري شنو تسمونها : ) لازم تتأكدون من شي مهم إن اليده اللي تجي مع الجهاز صحيح أصليه لكن بعض البائعين المنعدمين الظمير شنو يسوون !! يشيلونها ويحطون بدالها يده ثانيه مقلده تجاريه .. إذا الواحد إنتبه لكل هذي النقاط راح تقل نسبة إصابة الجهاز بالأعطال بشكل كبيره 🙂

ومثل ما قال جراي فوكس: "عيشه في سلام ...يعيشك في سلام" 🙂
 
gray fox قال:
اذا ما تبيه يخترب ...لا تحط مود شيب ولا تستخدم العاب منسوخه ..🙂

عيشه في سلام ...يعيشك في سلام 😉
أنقر للتوسيع...

هذه هي القاعدة الذهبية وانا اطبقها من ايام البلاي ستيشن1🙂..لكنها للأسف ماتنفع مع اجهزة سوني...البلاي ستيشن2 يخترب عندي بدون سبب :bigSmile:


الكيوب عندي في الجهة الثانية..انواع المصائب تصيده كذا مرة يسقط من ايدي على الارض بالغلط و اخليه مع اخواني الصغار اسابيع (مايهتمون للأجهزة)..الخ وهو شغال 10\ 10..🙂
 
التعديل الأخير:
روبسو ما ادري يعني انت تحب الخساير والله شنو:question:

عندك الموديل النحيف النظام الامريكي يجي معاه المودم مضمن يعني ما يحتاج تشتري مودم ولا شي جيب اللعبة وخلاص..بيع جهازك الحالي او سو مبادلة مع الجهاز النحيف وادفع الفرق..ولا تاخذ غير النظام الامريكي لانه هو الوحيد اللي يجي فيه مودم اما الياباني والاوروبي مافيه..وانت حر

ما ابي احبطك..لكن الشغلة اللي سواها الك المحل ودفعت عليها 5 دينار وخلى الجهاز يشغل العاب كانت قبل ماتشتغل ماهو تنظيف عدسة بس..المحل قام وعمل موازنة لعدسة جهازك عشان تشغل الالعاب بشكل *مؤقت بس*يعني المرة الجاية اذا رجعت لك المشكلة خلاص انسى يسوي لك موازنة مرة ثانية .المرة الجاية راح تضطر انك تغير العدسة كاملة.يعني 30 دينار راح تدفعها عشان تركب عدسة اصلية ..عشان جذي اقول لك غير جهازك وحول الى الموديل النحيف لان العدسة اللي فيه اقوى وبنفس الوقت الضغط مخفف عنها وقت تشغيل الالعاب بسبب المود شيب الثاني اللي مركب في الجهاز والمخصص للعدسة فقط
 
التعديل الأخير:
أسود المشكلة عويصة .. والمحل رافض المقايضة هذا اولاً
ثانياً، كلمت المحل كان يقول لي اكثر جهاز خرابات مر علي هو الجهاز الصغير .. لدرجة انه يبيع الموديل للجهاز الكبير بـ 80 و الـ Slim يبيعه بـ 60 دينار .. مشكلة
 
الحمدلله على السـلامة ^^

مشاكل العدسة تبع الPS2 مثل الانفلونزا >< ما لها حل !
لكن لو اهتميت بالجهاز ووديته لمكان يوزن لك العدسة بشكل ممتاز ما راح تواجه أي مشاكل .. أو إنك تسوي مثل ما قال لك أسود وتشتري الslim ^^

لكن المحل بيصلح جهازك وينظفه ويبيعه لواحد مسكين ويبلفه في السعر 🙄
 
rubso قال:
أسود المشكلة عويصة .. والمحل رافض المقايضة هذا اولاً
ثانياً، كلمت المحل كان يقول لي اكثر جهاز خرابات مر علي هو الجهاز الصغير .. لدرجة انه يبيع الموديل للجهاز الكبير بـ 80 و الـ Slim يبيعه بـ 60 دينار .. مشكلة
أنقر للتوسيع...

روبسو..بيع الجهاز لحاله وشوف جم يجيب لك وكمل قيمة الجهاز النحيف من عندك

بالنسبة للخرابات..ماعليك منه باين عليه يبي يمشي كمية الاجهزة القديمة اللي عنده..

بالنسبة للسعر اي الجهاز القديم اغلى حتى عندنا والسعر ماله دخل بمسألة الخرابات ولا هم يحزنون التسعيرة هي نفسها بالخرابات وبدون الخرابات حتى الوكالة عندنا تبيع القديم بسعر اغلى

اما اكثر جهاز من ناحية الخرابات هذي قول اله كثر منها..قارن الاجهزة الخربانة عنده من كلا الموديلين وشوف اكبر كمية من اي موديل!..

انت براحتك فهد..انا اتكلم لك من منظور مجرب لكلا الجهازين..المحل اللي انا اتعامل معاه من قبل 6 سنوات خلاص كنسل الموديل القديم وليومك هذ ما شفت عنده جهاز خربان من الموديلات النحيفة..الله وكيلك من اروح واقبل على الطاولة اللي تفصلني عن البايع تشوف كومة اجهزة كلهم موديلات قديمة ما ابالغ اذا قلت لك يوصل عددهم28 30 جهاز مصفوفة عنده وكلهم خربانين *بحاول اجيب لك صورة للواقع في اقرب زيارة للمحل بأذن الله*

واحسن حل الك فهد اذا تبي تعرف الافضل بين الاثنين انك تسأل جم مجرب لكلا الجهازين عندك عمر وتوم كلاسنكي ودانتي وكم واحد من شباب المنتدى يستخدمو حاليا الموديل النحيف*زور موضوع صور اماكن لعب اعضاء ترو جيمينج وشوف الصور وبتعرف جم واحد يستخدم الموديل النحيف*

او تزور لك كم موقع مختص بمسائل الهارد وير وتشوف المقارنات بين الاثنين جيم سبوت على سبيل المثال او اي موقع تثق فيه انت..وقارن بين تقييم كلا الجهازين

هذ اللي اقدر اقوله الك روبسو..والقرار الاول والاخير بيدك
 
اعرف واحد ، شرا الجهاز بيوم، واليوم الثاني وداه للصيانة !
ثانياً .. المودم يكلف 12 دينار 😛 يعني شي هين
والبلاي 2 مالي لو ابيعه الحين ما يطلع 20 دينار .. ادفع 40 دينار على شان اشتري PS2 وانا اقدر احصل مودم و MGS 3 Subsistence فيهم ؟! .. احس فيه لخبطة بالافكار ..
 
rubso قال:
اعرف واحد ، شرا الجهاز بيوم، واليوم الثاني وداه للصيانة !
ثانياً .. المودم يكلف 12 دينار 😛 يعني شي هين
والبلاي 2 مالي لو ابيعه الحين ما يطلع 20 دينار .. ادفع 40 دينار على شان اشتري PS2 وانا اقدر احصل مودم و MGS 3 Subsistence فيهم ؟! .. احس فيه لخبطة بالافكار ..
أنقر للتوسيع...

ههههههههههههههههههههههههه فيه موديل اماراتي لا يكون هذ اللي صار عند صاحبك؟

فهد انت لا تنظر للوقت الحالي بس..طالع لقدام شوي..اذا رجعت المشكلة مرة ثانية ماراح تقدر تسوي موازنة مثل ماسويت الحين لان خلاص المحل رفع لك العدسة الى اقصى حد ..يعني المرة الجاية*لاقدر الله* راح تضطر انك تدفع فوق قيمة اللعبة والمودم 25 او 30 دينار عشان تركب عدسة اصلية وعاد انت احسبها بنفسك بعدين تسوى ولا ماتسوى..وبعد انت مابتلعب ميتل جير سبستينس وخلاص فيه العاب منتظرها والعاب مالعبتها بسبب مشكلة العدسة بالعربي بتضطر تركب عدسة وانت مكره على هالشي🙂
 
ASWD قال:
ههههههههههههههههههههههههه فيه موديل اماراتي لا يكون هذ اللي صار عند صاحبك؟

فهد انت لا تنظر للوقت الحالي بس..طالع لقدام شوي..اذا رجعت المشكلة مرة ثانية ماراح تقدر تسوي موازنة مثل ماسويت الحين لان خلاص المحل رفع لك العدسة الى اقصى حد ..يعني المرة الجاية*لاقدر الله* راح تضطر انك تدفع فوق قيمة اللعبة والمودم 25 او 30 دينار عشان تركب عدسة اصلية وعاد انت احسبها بنفسك بعدين تسوى ولا ماتسوى..وبعد انت مابتلعب ميتل جير سبستينس وخلاص فيه العاب منتظرها والعاب مالعبتها بسبب مشكلة العدسة بالعربي بتضطر تركب عدسة وانت مكره على هالشي🙂
أنقر للتوسيع...
لمن يوصل ذاك اليوم ، يصير خير خخخ ..
 
rubso قال:
لمن يوصل ذاك اليوم ، يصير خير خخخ ..
أنقر للتوسيع...

هههههههههههههههههههههههههههههههههههه

على راحتك فهد..انا اقترحت عليك هالخيار عشان ما ماتخسر بدل المرة مرتين🙂

20دينارقيمةاللعبة+12دينارقيمةالمودم+30دينار قيمة العدسة=62 تسوى :exclamati

🙂
 
😛 يستحسن لو نكمل بالمسنجر، واظن انا ضفتك ؟
 
يجب تسجيل الدخول أو التسجيل كي تتمكن من الرد هنا.
عودة
أعلى