R E D
. . . . . .
متعة الثبات والثقل والواقعية والآركيدية بنفس الوقت، فيزيائية جدا عجيبة، وتفاصيل صرت نادرا ما أشوفها اليوم.
بهالموضوع أنا مركز على الشعور العجيب اللي يطلع من هالفيزيائية والتحكم، خاصة مع ألعاب الجيل السادس، كانت خليط بين تقنيات الRagdoll والMotion Capture بستايل كول وسريع فيه Impact عجيب، حتى مع ألعاب الFPS نفس Half-Life و F.E.A.R مرات لما أرجع لها أقول ليش فيها أشياء متقدمة أو متقنة بهالجوانب أكثر من أكثر ألعاب اليوم؟ هل في تقنيات ضاعت خلاص؟ هل الUnreal Engine اهو اللي عافسنا؟
الألعاب الحديثة اللي تعتبر ممتازة جدا مع الAnimations على الأقل، لاحظت فيها شعور Sluggish طيني، مثال Resident Evil 4 Remake، وسلسلة Uncharted، و Red Dead Redemption II، ومرات أحب هالشيء عادي على حسب اللعبة بس لاحظت أغلب الألعاب صار شعورها طيني ومافيها ذاك الImpact والسرعة والتنقل الكول بين ال Animations نفس أيام الجيل السادس.
أغلب القتال ال3D إبداع قبل، لو بحط أمثلة ما بخلص، بس شخصيا أشوف Soul Calibur 2 و 3 Dead or Alive 2 و 3 و 4 ألعاب متقدمة ومتقنة بهالجوانب أكثر من الأجزاء اللي بعدها حتى، جدا Smooth و Impactful، إبداع مع الAnimations والفيزيائية والسرعة، حتى بتفاصيل الModels نفسها.
هذه Urban Reign، كانت محاولة هني أنهم يدمجون جانرا الBeat Em Up مع ألعاب الFighting، أيام المحاولات والتجريب ولت خلاص مع الأسف. الفيزيائية هني جدا نار تحط ألعاب كثيرة اليوم To Shame، أذكر حتى The Bouncer كانت مبهرة مع أنها جانكي شوي بس على الأقل مع فيزيائية الملابس كانت شيء عجيب، ودي لو ألعاب أكثر تهتم بفيزيائية الملابس.
لليوم ما لعبت لعبة سوت اللي سوته لعبة Berserk هذه على الPS2، شعور الGreat Sword، أنميشن جاتس وهو يلوح بالGreat Sword متعة مو طبيعية، والثقل اللي فيه شيء عجيب، تحس فعلا أنت ماسك Great Sword، حفلة Animations ومتميزة جدا بهذا، ياخي أعشق والMotion Capture الياباني في الألعاب بس طاح مستواه كثير هالأيام. الألعاب لازم تتميز أكثر مع أساليب استخدام الأسلحة والشعور.
في ألعاب 3rd Person Shooter نفس هذه Ghost in the Shell Stand Alone Complex وعندنا لعبة Oni اللي كانت من Bungie، الألعاب هذه جدا Smooth وفيها Animations وحركات كول، أحب الثبات هذا والاستعراض هذا، نروح لألعاب اليوم AAAAA بنشوفها جدا متواضعة ومحدودة بهالجوانب، ألعاب Ubisoft مثلا الحديثة ولعبة دارك اللي فلبت، جانكي ومملة.
هيداكي ايتوسنو أسطورة، هذه لعبته Powerstone، الأنميشن فيها جدا ممتع كرتوني
ايتوسنو أسطورة حتى ب Dragon's Dogma بدع مع الانميشنز والفيزيكس.
شينجي ميكامي أسطورة، عاد اهو كان Master بالأشياء مع Resident Evil 4 و Good Hand، ألعابه فيها سرعة و Impact عجيب وقمة الCool بس برأيي طاح مستواه مع The Evil Within هني، كانت عكس كل هذا تماما.
اللعبة هذه كانت Overkill مع الانميشنز والفيزيائية، فلم CG، هذه BotW الأصلية، هذه قمة سوني السينيمائية.
الShooting ب F.E.A.R الأولى والثانية عن ألف لعبة FPS اليوم. جانرا الFPS يمكن أكثر جانرا ألعاب حصلت داونجريد شنيع مع الوقت مع الAnimations والPhysics. ألعاب FPS الحديثة جدا Static.
