لو فيديتش وفيرديناند يلعبون بشكل دائم كنت وافقتك بكلامك لكن إصاباتهم صايرة كثيرة جداً ومش فقط بالموسم الماضي، يعني باختصار الاعتماد عليهم مراهنة لا تحمد عقباها
بالنسبة للباقين فبصراحة ايفانز ما اقتنعت فيه إطلاقاً ونكبنا في عدة مرات، وجونز لا أفضله في هذا المركز، أما سمولينغ فممكن أعتبره بديل جيد
خير دليل على تردى الدفاع هو عدد الأهداف يلي تلقيناها في بداية الموسم، ويلي كنا ننافس فيه الفرق متذيلة الترتيب!
مش شرط يجيبو لاعب سوبر بس يعني أقل شي يكون في بديل كفؤ نوعاً ما في حال غياب فيديتش أو فيرديناند، وأنا ما قلت الأولوية للدفاع حالياً
ايفانز ممكن ما يكون سوبر نفس فيديتش و الريو بس مب سيء
الناس للحين ماخذين عنه فكره بسبب بداياته و مب طايعين يغيرونها و لا اللاعب تطور مستواه و من ناحية الاحصائيات هالموسم متفوق على الريو و فيديتش ( الاحصائيه من who scored )
نفس ما ذكرت ايفانز مب مدافع سوبر بس فنفس الوقت مب مدافع سيء .. سمولينغ نفس ما اتفقنا انه جيد .. اما جونز الي هو أسوءهم في مركز قلب الدفاع مجرد خيار ثالث لو صارت غيابات و من النادر انه يلعب في هالمركز مكان ايفانز او سمولينغ
الاسماء هذي كلها مقنعين كبدلاء و نفس ما قلت صعب تحصل مدافع مستواه احسن من هذيل الثلاثه و بيرضى يقعد دكه و ينتظر فيديتش و ريو يتعبون
اما مسألة عدد الاهداف المسجله ترا مب كل شي ينحط على الدفاع في الاهداف .. اغلب الاهداف على اليونايتد سببها سوء تغطيه من لعيبة الوسط او انهم ما يضغطون على الخصم
راجع مباراة توتنهام و اليونايتد الي في الاولدترافور و شوف لعيبة الوسط وين واقفين وقت الاهداف
و حتى مباراة استون فيلا الي انتهت 3-2 لليونايتد فالفيلا بارك الوسط كان فظيع دفاعياً
حصلت هالصور في النت و ماعرف منو مسويها بس توضح تحرك لعيبة ارتكاز اليونايتد وقت الهدف الاول للفيلانز
http://im13.**********/L6wL1.png
http://im13.**********/R3HF2.png
http://im13.**********/cH0v3.png
http://im13.**********/268y4.png
روني وصل للمنطقه و سكولز و كاريك ما وصلوا
المدافع صعب يقوم بالتغطيه و مراقبة المهاجم و فنفس الوقت ياخذ باله من القادمين من الخلف هذا دور لعيبة الارتكاز
على سبيل المثال .. بايرن ميونخ دفاعهم هالموسم الكثير تكلموا عنه و ما انكر روعة رباعي الدفاع بس في النفس الوقت هالرباعي قدامهم شفايني و مارتينيز الي من الاساس يصعبون المهمه على الفريق الثاني انه يوصل للدفاع و يفتكون الكور
اتمنى تكون نقطتي وصلت لان نفس ما ذكرت مافي فريق في العالم عنده في كل مركز بدلاء مستواهم جيد جداً الا فيما ندر
::
