الاسباب الي خلت عشقي لـCapcom يقل كل سنة عن الثانية (قلب محتوى الموضوع 180 درجه)

[Ginko]

دايما جينكو ضد كل المواضيع .. p: ..
الحين خلاص جينكو اتوقع يقولوك مكجول لول ..

ليش فيه كثار يحبون ريزي4 مثلي. بعدين اتكلم عن الردود مو الموضوع، لان الردود اسبابها غريبه من امبريلا والزومبيز اشياء غير مقنعه.

 

[Khalid-S]

ما احب الموضوع يقلب لريزيدنت ايفل 4 ... اللعبة كجيم بلاي والتحول الي تحولته من النظام القديم للجديد احترمه واشوفه شي ايجابي للسلسله .. لكن الي انتقدته انا بالموضوع هو السيناريو والحوارات .. هو كان لازم نشوف جزء يربط بين قصة قديمة وجديدة وكان لازم تظهر هذي اللعبة وكانت 4 .. بعد تدمير امبريلا في اخر جزء لعبناه قبل 4 كان لازم نشوف رئيس جديد يطلع في احد اجزاء كابكوم . يا يستمر وتاخذ السلسله مجرى جديد في القصه .. يا اموت وترجع القصه الاساسيه من جديد (رجوع السامبل لويسكر وبعدين الله يعلم الرجال مع امبريلا او شركة جديدة ثانيه)

ما عندي مانع اشوف RE5 بنظام كابكوم .. بس اتمنى يخلون كريس جامد شوي ومو مسوي كوميدي .. لان شخصية الرجال في جميع الاجزاء الي شفناها فيه هو جدي .. وحسب ما اذكر ليون في RE2 كان جدي .. ما ابي كابكوم يغيرون روح الشخصية.

فيوتفل .. كل واحد والي يشوفه طبعاَ .. لكن تفضل كابكوم الجديدة ؟؟؟ هممممممم والله اول مره اسمع هذا الشي .. كابكوم زمان كانت لمن تنزل IP يكون IP "بحق وحقيقي" مو LP او DR الي ((لمن اقارنهم بالالعاب القديمة تطلع اشباه العاب))
كابكوم القديمة ماتت رسمياَ شباب .. الشركة ما عندها الاشخاص القدام الي يسون لك الهوايل مثل اول ... لووول قارن ظهور هذي الاسماء (لمن طلعت) Onimusha - Resident Evil الي طلعوا لنا لهم اكثر من 5 سنوات تقريباَ .. بمثلا Lost Planet و Okami .. او ديد رايزنق .. مافي مقارنه

(كابكوم الجديدة الي اقصدها الي لها سنتين في السوق .. )

خليها تفرفش مع اينافوني الي بكل امانه صرت ما اطيقه ... احسه هو صار يتحكم بالNew IP's لوحده ... ومافي الا هو في الشركه (والله يمكن صدق)

 

[Rockman]

خليها تفرفش مع اينافوني الي بكل امانه صرت ما اطيقه ... احسه هو صار يتحكم بالNew IP's لوحده ... ومافي الا هو في الشركه (والله يمكن صدق)

انا سمعت انه ترأس ستديو جديد :yuck: ما ادري اذا برة كابكوم ولا لأ
لكن اللي اعرفه انه حاليا ماله علاقة بميجامان (( كمخرج او مطور )) يمكن يرجع يطور لها لكن الحين ما اتوقع :normal:

 

[hussien-11]

صح لسانك خالد..اتفق معاك في كثير من امور..

شي حلو تفكر كاب كوم في آي بي جديد..لكن للأسف تفكيرها قادها للتوجه الغربي اللي يعتمد على الاكشن اكثر من الادفنشر والبازل ألخ

اسماء كثيرة للأسف ماتت*تقريبا*اولها داينو كرايسيس اقسم بالله تمنيت لو شينجي فكر في ريميك للجزء الاول او الثاني على لكيوب مع اجزاء رزدنت ايفل اللي نزلت

اما رزدنت ايفل4..فحدث ولا حرج..اعتقد عمر و همام قالو اغلب اللي ببالي..وللأسف للحين فيه ناس تبغا تقنع نفسها ان رزدنت ايفل4 تنتمي انتماء كلي لباقي اجزاء السلسلة..واهم اول الناس اللي عارفين انها بعيدة كل البعد عن ذا الشي..بس وش نسوي اذا كانو يبغون يكابرون لا اكثر..اجل بالله واحد يدعي انه لاعب كل اجزاء السلسلة يقول ان هذ الجزء هو افضل جزء؟..معليه خل الامور اللي لا جدال عليها واللي تعتبر تطور للعبة..مثل نظام الكاميرا والجيم بلاي الجديد وألخ..خل نتكلم عن مفهوم ذي السلسلة واللي كان موجود من اول جزء الى آخر جزء كلاسيكي واللي كان جزء فرعي الا وهو كود فيرونيكا..تقارن الرابع بالاجزاء هذي..من ناحية القصة وما شابه؟؟ اقسم بالله كود فيرونيكا يكفي.عشان يمسح بيه الارض وبمرتبة الشرف كمان..

ولا مفهوم الرعب.هههههههه..رعب نجاة ؟..اي رعب نجاة..والله وبالله اذا العبها على طول يجي في بالي دانتي واقول ياريت هذ كان الجزء الرابع من ديفل ماي كراي والله بيكون انواع الوناسة خصوصا في عمل الكومبو وبذي البيآت اللي مرة مناسبة لذا الشي..مثل اسقف البيوت ألخ..قال رعب قال..ولا حركات البطل اللي ما بقا شي ويصير مصارع..اجل سوبليكس في رزدنت ايفل!ههههههههههههه..خلها مستورة بس..بليييز كاب كوم رجعي روح السلسلة لسابق عهدها بالجزء الخامس

ولا ستريت فايتر افاا على ايام الخوالي واللعب الحامي مع الربع في ذي اللعبة..اونيموشا والأمل في عودة السلسلة لأصولها في الجزء الرابع*ان كان بيشوف النور اصلا*..والله صعب اتخيل الفيديو جيمز بدون ذي الشركة والاصعب اني اشوفها تبتعد عن الخط اللي حببنا فيها وفي العابها وخلانا مجبورين اننا ننتظر كل شي منها

ايوة انا لعبت كل الأجزاء و أشوف الرابع أفضل واحد و بمراحل ضوئية كمان !! عندك مانع ؟ لوول !

يكفي اني جالس ألعب ( لعبة ) مثل العالم و الناس ، هذا قبل ما أفكر بالقصة و أي شي ثاني ، و بعدين من متى ريزدنت ايفل تقدم قصة قوية .. من متى الناس تحبها علشان القصة ، ما شفت حد بيوم اعتبر جزء من ريزدنت ايفل من أفضل الألعاب من ناحية القصة إلا كود فيرونيكا بس

النسا تنتقد الختمة و مادري شو و تتناسى الختمة السخيفة بأجزاء مثل زيرو و ريميك ، الموسيقى حلوة ، مو بمستوى كود فيرونيكا لكن حلوة !! ، القصة ، صحيح ما في قصة قوية لكن الأحداث ماشية بشكل ما يخيك تحس بملل

همام ، اللعبة سهلة ؟؟ لوول ، نكتة هذي و لا شو ؟

يعني اذا الزعيم الأخير سهل صارت اللعبة سهلة ؟ جيب لي زعيم بالأجزاء الماضية أصعب من سالازار و أكون لك من الشاكرين

كلام عجيب اللي نشوفه بالموضوع ، يعني اذا اللعبة تغيرت صارت ضعيفة ؟ لا و ألف لا ، ما عجبتكم كريزدنت ايفل أوك ، أما مستواها ضعيف !! اسمحولي انتوا تنكتوا .

لوول سوري خالد للخروج عن الموضوع ..

 

[hussien-11]

ماراح ارد على الي قاعدين يحشون بريزي4، لان ماشاء الله مدري وش ميزة امبريلا الي تخلي وجودها يحدد لعبه حلوه ولا بايخه لول. اما الزومبيز وااااو، طبعا الزوبيز غييير مره عن الوحوش في ريزي 4.

الالغاز الشيء الوحيد الي اشوفه في هالردود يسوى وله معنى، لكن لو افكر فيها فالجيمبلاي مغطي عليها.

تدري ايش اللي عاجبهم ؟؟ يخافوا من انه يطلعلهم زومبي مو شايفينه بسبب غباء الكاميرا !! لوول !

 

[Hwoarang]

Howarang: إذا العيوب إلي أنا ذكرتها انت مو ملاحظها فهذا ما يعني إنها غير موجودة. و رزدنت إيفل 4 مو فقط سهلة بل سهلة جدا.. يكفي الزعيم الأخير.. مسسسسسسسسسسخرة.. أول مرة دخلت عليه بترسانة مهولة من الأسلحة والذخائر وفي النهاية ما استخدمت منها شي.

مممم
المراجعات تقول أنها صعبة مو أنا بس
بعدين ما أدري شباب أنتم شايفين أن الأجزاء القديمة صعبة؟

أنا ما أبي أقنعك بشئ عكس رايك ... أنت حر فيه
so forget it


اللي متضايق منه أنكم تتكلموا عني وكأن RE4 أول جزء ألعبه
أو كأني انهيت باقي الأجزاء مرة واحدة والآن قاعد اتفلسف ... !

 

[Nintendo]

ريزدنت ايفل4 اسهل جزء بالسلسله بلامنافس لانها لعبة اكشن مكجوله .. والله من اكثر الاحباطات باللعبه المنطقه اللي فيها براكين وتماثيل تطلق نار اسفل القصر ( اللي توصلها بمركبه مثل الملاهي ) ..

الاجزاء الماضية كان فيها الالغاز وكان فيها تعطيل لسرعة ادائك للعبه عبر الابواب المغلقه والبحث عن المفاتيح .. هذا الجزء .......................

حسين الكاميرا ماكنت مشكلة لانه الزومبي بطيئ .. ولكن كم مره بريزدنت ايفل4 بالقريه تحصل واحد نط عليك من الخلف لانه الكاميرا ماتظهره 🙂 لاتقلي ماصارتلك الحركه ....

 

[dark]

يطلعلهم زومبي مو شايفينه بسبب غباء الكاميرا !!

فعلاً هذي صارت لي مره
كانت الكاميرا قريب على ملامح كريس وانا اشوف أدق التفاصيل الجميله في الجرافيكس الخلاب طلع علي زومبي السريع دخل مع كريس خرب علي التدقيق في الملامح والتفاصيل الخلابه ....

خارج الموضوع

اللعبه اللي فعلاً مرعبه هي انترال داركنيس

نرجع للموضوع

ريزدانت ايفل 4 قصتها هي التكمله لقصة امبريلا؟؟؟ طبعا اللي فهم قصة اللعبة جيداً ولعب مهمة أيدا لتجميع السامبل ...
الشي الوحيد اللي لاحظته عيب في اللعبه الألغاز و كثرة الذخائر والأسلحة أول ما تاخذ المسدس البانشر بعد فترة يطلع مسدس أقوى الخ وكذا اللعبة كان ما فيها عائق ضد الأسلحة إلا كثرة الأعداء وقوة الزعماء فقط هذا الشي الصعب في اللعبة بس ريزدانت ايفل4 افضل لعبة في السلسلة..

حسين الكاميرا ماكنت مشكلة لانه الزومبي بطيئ

لعبة ريزدانت ايفل 1 نسخة الكيوب؟؟؟

 

[Nintendo]

تقصد الكرمزون زومبي .. هاذول دائما يطلعوا من الامام 🙂

والكاميرا مثل ماقلت بردي السابق ايضا مشكلة بالجزء الرابع ..

 

[AMG]

بالنسبة لريزدنت ايفل 4 صحيح انى اشوفها سهلة لكن اللعبة بشكل عام ممتازة فيها كثير من النواحى مثل الجرافيك الى كان فعلا جبار فى الجزء الرابع , كمان تغير اسلوب اللعبة بشكل واضح و اعتماد طريقة جديدة او اسلوب جديد كان شىء ممتاز ويخلى ريزدنت ايفل 4 تجربة جديدة

 

[hussien-11]

ريزدنت ايفل4 اسهل جزء بالسلسله بلامنافس لانها لعبة اكشن مكجوله .. والله من اكثر الاحباطات باللعبه المنطقه اللي فيها براكين وتماثيل تطلق نار اسفل القصر ( اللي توصلها بمركبه مثل الملاهي ) ..

الاجزاء الماضية كان فيها الالغاز وكان فيها تعطيل لسرعة ادائك للعبه عبر الابواب المغلقه والبحث عن المفاتيح .. هذا الجزء .......................

حسين الكاميرا ماكنت مشكلة لانه الزومبي بطيئ .. ولكن كم مره بريزدنت ايفل4 بالقريه تحصل واحد نط عليك من الخلف لانه الكاميرا ماتظهره 🙂 لاتقلي ماصارتلك الحركه ....

بالعكس أصعب جزء بالسلسلة ، مو مثل الأجزاء الماضية أخلصها بدون ما أموت و لا مرة ، لوول

هذا الفرق بين الأجزاء الماضية و الرابع ، الرابع ما في شي يخفف وتيرة السرعة باللعبة ، و هالشي هو اللي ميّزها أصلا ، أما الألغاز ، ما دري اذا كنت مستمتع انك ترجع لأول منطقة باللعبة تجيب لي مفتاح يفتحلك باب في المنطقة الأخيرة ؟؟!!

ما أذكر انها صارت لي بالرابع ؟ لكن انت أصلا بالرابع معرّض تجيك الضربة من وين ما كان ! كاميرة الجزء الرابع أفضل كاميرا للعبة شفتها بحياتي و شوف كم لعبة تقتبس منها 🙂

بالعكس في كثير مواقف عمر الزومبي ما يطلع من الكاميرا بأماكن ضيقة ، و هالحركة كانت مقصودة .. بجد شي مزعج ، أصلا حرام نقارن مجرد مقارنة بين طريقة اللعب بالأجزاء القديمة و الرابع ، أما القصة و الموسيقى هذي أشياء ممكن تتعدل بسهولة مستقبلا

ريزدنت ايفل4 اللعبة اللي تخلي الواحد يثق انو كابكوم لا زال عندها إمكانات مذهلة بتطوير ألعاب من الطراز الأول .

 

[dark]

تقصد الكرمزون زومبي .. هاذول دائما يطلعوا من الامام

أقراء ردي اللي فوق...

والكاميرا مثل ماقلت بردي السابق ايضا مشكلة بالجزء الرابع

اذا كانت اللعبة الكاميرا طريقتها نفس الحقيقة يعني لو يجي واحد من وراك بتشوفه ؟ إذا كان هذا عيب أجل لازم ينحذف نظام المنظور الأول ..
ومع المشكلة اللي حصلت لك ما أتوقع انها مشكلة إذا تحكم بزر الأصفر C تتحكم بالكامرا وتشوف اللي وراك

اللعبه لها عيبين فقط انه الألغاز و كثرة الذخائر والأسلحة أثرت في سهولة اللعبة فقط مع ذلك في طور البروفشلن اللعبة تكون اصعب بكثير بس نضل نعتبرها عيب ..

 

[AMG]

بالعكس أصعب جزء بالسلسلة ، مو مثل الأجزاء الماضية أخلصها بدون ما أموت و لا مرة ، لوول

.

لا اتفق معاك انه اصعب جزء بالنسبة لى كود فورونيكا او ريزدنت ايفل2 اصعب بكثير

على العموم السهولة و الصعوبة تختلف من لاعب للثانى :slant:

 

[NSider]

تدري ايش اللي عاجبهم ؟؟ يخافوا من انه يطلعلهم زومبي مو شايفينه بسبب غباء الكاميرا !! لوول !

لول، أصلاً جزء كبير جداً من الرعب في ألعاب RE القديمة هو من الكاميرا الثابتة والتحكم الغبي. اللي كرهني في السلسلة قبل RE4 هو التحكم، واللعبة الوحيدة اللي قدرت أخلصها هي RE2 على الـN64 لأن فيها خيار اللعب بتحكم يخليك تحرك الشخصية حسب زاوية الكاميرا!

EDIT

حسين الكاميرا ماكنت مشكلة لانه الزومبي بطيئ .. ولكن كم مره بريزدنت ايفل4 بالقريه تحصل واحد نط عليك من الخلف لانه الكاميرا ماتظهره 🙂 لاتقلي ماصارتلك الحركه ....

لول من جدك عمر؟ في RE4 تقدر تلف حول نفسك في جزء من الثانية وتتأكد من محيطك، لكن لو جاك زومبي أو كلب من زاوية صعبة في الألعاب القديمة لازم تروح منطقة مختلفة عشان تشوفه عدل. باختصار: لو جاك واحد من الخلف في RE4 تحس أنها غلطتك أنت لأنك ما طالعت كل الزوايا، لكن لو صارت لك في الألعاب القديمة تحس أنه بسبب الكاميرا الثابتة اللي ما تعطيك أي نوع من التحكم.

 

[Zero]

بخصوص الموضوع : أقول الله يرحم أيام ميجا مان X4 وستريت فايتر 2 بس -__-" ، كل اللي راح أقوله اتمنى نشوف شيء مرضي ... وأكثر لعبة حبيتها هذا الجيل هي Shadow of Rome .. من يحبها ؟ XD

أما RE4 جرافيكس ممتاز وجيم بلاي ممتاز والباقي عادي لكن عمر اللعبة طويل ، الكاميرا راح تتعود عليها بسرعة ، الشخصيات والقصة .... خلني ساكت ، أما الصعوبة ما حسيت بها .. بيني وبينكم وأحيانا لما تكون الشاشة مليانة أعداء تشوفني أضغط أزرار خطأ بشكل كبير لووووول السبب مو التوتر !! لا لا .. السبب : إقفز يا دانتي !!!!! بعد شوي أصحى وأتدارك الأمر وأرى أني ألعب ريزدنت إيفل ( كنت اتمنى أني ألعب بدانتي وأقطع في القرويين تقطيع XD ) خصوصا أول ما لعبتها ..

 

[Nintendo]

يوسف كيف تلف على نفسك وقدامك اعداء ؟ فسرلي اياها بشكل منطقي ؟؟ دائما يوم واحد يمسكني من ورى اكون اقاتل ناس قدامي وشوي احصل نفسي ممسوك ( لاتقلي لازم تتاكد مين وراك ومين قدامك ) ..

لا اجل طالما بريزدنت ايفل4 عشان الواقعيه وباقي الالعاب مشكلة باللعبه ... مافي داعي نتكلم 🙂

 

[hussien-11]

لا اتفق معاك انه اصعب جزء بالنسبة لى كود فورونيكا او ريزدنت ايفل2 اصعب بكثير

على العموم السهولة و الصعوبة تختلف من لاعب للثانى :slant:

أصعب من ناحية الألغاز أما الأكشن و قتال الأعداء كان مسخرة مقارنة بالتطور المذهل الموجود في الجزء الرابع

و يوسف أتفق معاك 100% ، الألعاب ثلاثية الأبعاد و التحكم الجديد هو المستقبل ، طريقة التحكم البالية و الكاميرا القديمة هي الماضي ، اللي صار Outdated حاليا و اللعبة بسببه و بسبب تكرار نمطها كانت تخسر شعبيتها جزء عن جزء( لوول حتى سايلنت هيل صارت تقلد تحكم و كاميرا الجزء الرابع )

 

[dark]

أنا رديت قبل بالمسألة الكاميرا بس بما أنه كلامك مواجه للأخ يوسف هو يرد عليك..

لا اجل طالما بريزدنت ايفل4 عشان الواقعيه وباقي الالعاب مشكلة باللعبه ... مافي داعي نتكلم

حبيبي عمر المسأله مو أنه ريزدانت ايفل4 الواقعيه أو لا.!!
اللعبه أعجبت أكثر الأصناف من ناس الكاجوالز والجيمرز وعشاق اللعبه
وفئات من الكاجوالز والجيمرز وعشاق اللعبه ما أعجبته ريزدانت ايفل4
المسأله كلها أذاوق
انت تحب لعبة كابتن ماجد فرضاً أنا أكرها السبب اللعبه قصير أو.. الخ (الحرية في الرأي)
أنا أحب لعبة نارتو فرضاً أنت تكرها ليش الخ..(الحرية في الرأي)

بالنهاية اللعبه حازت على الأعجاب الكثير من الناس سواءً كانوا كاجوالز و فانز للعبه وحظيت بلقليل من النقد
وطلعنا من الموضوع بدرجة كبيره
بس هذا اللي احب اوضحه في الموضوع بشكل عام..

 

[Nintendo]

عشان كذا الجزء الرابع حسين باع اكثر من الاجزاء الماضيه 🙂

 

[Nintendo]

اخ دارك لاتفمهني غلط .. ماحب احد ياخذ انطباع اني مثلا لازم اكون صح .. ولكن انت تقول مثلا انه محبي السلسله حبوا اللعبه ..

انا وهمام ويوسف وفيصل وشباب كثيرين مدمنين ريزدنت ايفل وماحبينها .. فعلا هي مسالة اذواق ولكن كشخص محب بقوه لسلسله ريزدنت ايفل راح تحس بكلامي اذا غيروا زيلدا مثلا وخلوها لعبة خلنا نقول اكشن اقتل وامشي 🙂

 

[hussien-11]

عشان كذا الجزء الرابع حسين باع اكثر من الاجزاء الماضيه 🙂

باع أكثر من الأجزاء الأخيرة عمر 🙂 و بدون شك قدر يجذب فانز جدد للسلسلة ، مثل ما قال الأخ دارك اللعبة حظيت بإعجاب أكبر من النقد بكثير 🙂

 

[Gon freeces]

خالد انت لعبت الريميكس اللي على البي اس بي (قاعد اتكلم عن ميجامان) , اللعبتين رهيييييييييييبة , و سلسة زيرو ممتازة من اللي سمعته , كان قصدك سلسة BN ?

 

[dark]

فاهم عليك عمر وكذا أنا وضحت انه عشاق اللعبة البعض أعجبهم التغير والبعض أنتقد التغير..

 

[Nintendo]

اذا تقصد بالاجزاء الماضيه ( الحصريه على الكيوب ) فاكيد باع اكثر لانه صدر على البلايستيشن2 ايضا .. ولاتنسى انه الكيوب ماصدر عليه غير جزء واحد جديد فقط ( زيرو ) والباقي ريميكات وبورتات .. شئ طبيعي اعتقد انه اللعبه راح تبيع اكثر من ( اخر كم لعبه ) ..

 

[sir KoRn]

أشوف كابكوم بألف خير الحين خاص بعد ما شاتت كولفر...
بصراحه هي أكثر شركة يابانية تتطور....

ماراح ارد على الي قاعدين يحشون بريزي4، لان ماشاء الله مدري وش ميزة امبريلا الي تخلي وجودها يحدد لعبه حلوه ولا بايخه لول. اما الزومبيز وااااو، طبعا الزوبيز غييير مره عن الوحوش في ريزي 4.

الالغاز الشيء الوحيد الي اشوفه في هالردود يسوى وله معنى، لكن لو افكر فيها فالجيمبلاي مغطي عليها.

من جد ...
أسلوب RE القديم "قصدي الجيم بلاي" ماله مكان بالنكست جن...أبداً

 

[NSider]

يوسف كيف تلف على نفسك وقدامك اعداء ؟ فسرلي اياها بشكل منطقي ؟؟ دائما يوم واحد يمسكني من ورى اكون اقاتل ناس قدامي وشوي احصل نفسي ممسوك ( لاتقلي لازم تتاكد مين وراك ومين قدامك ) ..

لازم تتأكد مين وراك ومين قدامك! والطريقة صعبة في البداية لكن مع التكرار تصير لا إرادية: كل ما تسوي reload في منطقة مفتوحة يصير عندك وقت كافي للدوران 360 درجة (ورا + B مرتين). صدقني صرت أحس بتوتر لما ما أكون مو متأكد من مكان الأعداء اللي حولي. في طرق أخرى لتجنب الأعداء اللي وراك طبعاً (اعطاء ظهرك لجدار، التحرك بطريقة معينة) لكن هذي أفضل وأحلى طريقة بالنسبة لي.

 

[Ryu-Bounty Hunter]

بالنسبة لي الحين كابكوم افضل من الأول بكثييير
ريزدنت ايفل 4 سواء الفنز منقهرين منها اولا لأنها ما فيها احساس رزدنت ايفل تتم الشركة قدمت شي جديد بس اكيد بنفس الوقت ما راح تخذل الفانز وراح تسوي دمج بين الجديد و القديم

مادري شالأسباب المحددة اللي خلتني احب كابكوم اكثر من الأول بس احسها دايما تبي تقدم اشياء جديدة و ما تحب التكرار و هذا شي مهم طبعا
new Capcom>>>>>old Capcom

 

[Mada Mada Dane]

تقصد الكرمزون زومبي .. هاذول دائما يطلعوا من الامام 🙂

والكاميرا مثل ماقلت بردي السابق ايضا مشكلة بالجزء الرابع ..

عمر .. كلامك غريب .. تقدر تلف بجزء من الثانية مثل ماقال انسايدر وتشوف حولك ..
تبي ليون يمشي وشايل مراية سيارة يوريك الي وراه؟

الفكرة نفس العاب منظور الشخص الاول, الشحص كل شوي يلتفت وراه يتاكد وراه شخص ولا ..
والي مايتلفت بس يمشي على قدام اعتبرها غشامه فيه مو عيب بالكاميرا

 

[Khalid-S]

حسب ما اذكر ان تقدر تضغط تحت + B (نسخة الكيوب) ويلف ليون 360 درجه ..

 

[NSider]

حسب ما اذكر ان تقدر تضغط تحت + B (نسخة الكيوب) ويلف ليون 360 درجه ..

180 درجة، لكن لو ضغطت B مرتين يكمل 360.