لول والعلم اللي منور بالخريطة ايش يسوي بالظبط ههههههههههههه
شكلهم مالقوا عيب يحطوا عشان يحطو مبرر لانه التقييم أقل من بيرفكت
معرفة المناطق والمهام المطلوبة منك من أسهل وأكثر الأشياء سلاسة باللعبة .. قائمة كاملة تعطيك الكثير والكثير من التفاصيل عن مهامك الرئيسية \ الجانبية .. أضف إلى ذلك عند إختيارك لمهمة ما فـ السهم راح يخبرك بإتجاه منطقة المهمة بشكل جميل وبدون تعقيد ..
مثل ماقلت بتويتر أكثر من مرة .. اللي مايلعب اللعبة يروح الحين ويقتل نفسه بأي طريقه .. سوو أي طريقة أي فرصة أي أسلوب أي شي علشان تلعبون اللعبة .. نينتندو الأمريكية تبغى منكم تسوون هالشي أساساً فـ ليش تزعلونها ..
فيه نقطة مهمه أحب أشيد عليها باللعبة " ياكثر النقاط اللي تستحق الإشادة " .. واللي هي التمثيل الصوتي ..
التمثيل الصوتي بريتيش آكسنت طبعاً .. دائماً البريتيش آكسنت مايكون رفيق جيد لألعاب الفيديو قيمز .. اللكنة البريطانية شوي ماهي مناسبة لأجواء الفيديو قيمز خصوصاً أنها تظهر بشكل أفضل بالحوارات العميقة " المسلسلات والأفلام " .. لكن بقصص سطحية وحوارات بسيطة " مثل مانشوف في غالبية الألعاب " ماقد شفنا تناسق وتوافق مابينها ومابين اللكنة البريطانية ..
على العكس تماماً بزينوبليد .. واللي قدمت تمثيل صوتي أعتبره الأفضل بهذا الجيل .. حرفياً التمثيل الصوتي فيها قاعد يغنيني عن التمثيل الصوتي الياباني الأصلي .. من شخصية " فيورا " وتمثيلها الصوتي الرهيب إلى " شولك " واللي نبرته تحسسك بأنه يستاهل فعلاً أنه يكون بطل اللعبة ..
فيه أيضاً نقطة أخرى مميزة باللعبة لابد أن أذكرها .. اللعبة تتميز بـ " العمق " في كل شي .. عمق فظيع في جميع عناصر اللعبة بشكل مايتخيله الواحد ..
يعني تصوّرو .. " العلاقات " بين شخصيات اللعبة لها تأثير مباشر وكبير جداً على مستواهم داخل النظام القتالي !
أيضاً .. كل صديق تعرفه أثناء أدائك للمهام ماراح يكون صديق عابر فقط .. توجد قائمة كاملة باللعبة تعطيك تفاصيل عن أصدقائك اللي تحدثت معهم .. جنسهم .. عرقهم .. مكانهم .. تفاصيل عن حياتهم الشخصية .. إلى آخره ..
مدري وشلون أوصف هذي اللعبة .. لكن للمرة الثانية اللي مايجيب اللعبة فـ هذا قاعد يخسر خساارة كبييييرة ..
