hits counter

الاتحاد الدولي كرة القدم (FIFA) يعلق عضوية الاتحاد الكويتي

NSider

NSider

Contributing Editor
24 أكتوبر 2008:
كتب: عمر المطيري

علق الاتحاد الدولي لكرة القدم عضوية الاتحاد الكويتي لكرة القدم وذلك في الاجتماع الذي عقد ظهر اليوم الجمعة في مدينة زيورخ السويسرية .

وسبب تعليق عضوية الاتحاد الكويتي هو بسبب عدم تطبيق قوانيين الاتحاد الدولي المتمثلة بتحديد عدد اعضاء الاتحاد الكويتي بعدد 5 اعضاء فيما تصر القوانيين المحلية الكويتية بوجود 14 عضوا بالاتحاد.

وبذلك سيتم الغاء جميع مشاركات منتخبات واندية الكويت بجميع البطولات وايضا الحكام الكويتيين.
أنقر للتوسيع...

http://www.kooora.com/default.aspx?showarticle=42314&obj=0


لول إيش هذي المهزلة.. وقفت على عدد أعضاء الاتحاد؟ طيب ليش ما يخلونه 5 ويطلعون من المشكلة هذي؟ يا ليت واحد من شباب الكويت يوضح لنا المسألة أكثر.
 
هههههههههههههههه

حب المقاعد في العالم العربي مستشري !! لول


يوسف عنوانك بليغ صراحة 😛
 
ههههههههههههههه الاتحاد الكويتي واضح إنه مش أفضل من بقية الاتحادات الخليجية, بل يمكن أسوأ واحد فيهم لول, هذي المرة الكم الي تتجمد فيها العضوية ؟

لكن الي يبغى يضحك خليه يقرأ هذا الخبر:

بات في حكم المؤكد أن يكون لقاء النصر السعودي ومواطنه الأهلي في نصف نهائي دوري أبطال الخليج (ذهاب - إياب) هو نهائي البطولة التي تحمل رقم 24 حسبما قال رئيس اللجنة المنظمة أحمد ميرزا في مداخلة مع برنامج "الجولة" على قناة art سبورت 7 أمس الخميس بإعتبار أن الطرفين الآخرين في المباراة الأخرى هما كوتيين "القادسية" و "السالمية".

وكان ميرزا قد رد على سؤال لمقدم الحلقة رجاء الله السلمي حول الحل في حال تم إيقاف تجميد أنشطة الاتحاد الكويتي لكرة القدم فقال :"لو صدر قرار إيقاف الاتحاد الكويتي لكرة القدم قبل مباراتي الأهلي والنصر الذهاب والإياب فإن مباراتيهما ستعتبران مباراتي نهائي ذهاباً وإياباً , في حين لو صدر القرار بعد مباراتيهما فسيعلن الفائز منهما أو المتأهل منهما للمباراة النهائية هو بطل دوري أبطال الخليج بنسخته رقم 24" .

يذكر أن نصف نهائي هذه البطولة تأهل له كل من القادسية والسالمية الكويتيين والأهلي والنصر السعوديين , وقضى الجدول أن يلعب الفريقان الكويتيان مع بعضهما ذهابا وإيابا لتحديد المتأهل لنهائي البطولة والحال نفسه مع الفريقان السعوديان .

وكان القادسية قد فاز على السالمية ذهابا بنتيجة 4/3 غير أن قرار اليوم ألغى الفائدة من هذا الفوز وألغى لقاء الإياب , هذا وسيلعب الأهلي والنصر السعودييين لقاء الذهاب بينهما كما كان مقررا في جدة السابع والعشرين من أكتوبر الحالي , فيما سيكون التتويج ولقاء الإياب في الرياض يوم الثالث من نوفمبر القادم .
أنقر للتوسيع...

http://www.kooora.com/default.aspx?showarticle=42317&obj=0

واو.. يا فرحة النصراويين لو فازوا.. بصراحة قمة الانحطاط لو في فريق في العالم يفرح ببطولة جاته بهذا الأسلوب الرخيص :laugh::
 
هههههههههههه النصر. أما لو يفوز فيها.. لو بيسوون أكثر من اللي سووه بعد البطولة التنشيطية حقت الموسم الماضي، يا ويلنا.

لول حازم العنوان كان مختلف لكن غيرته عشان محد يفكر أن الموضوع عن لعبة FIFA 09.
 
لول ودي ادافع ودي اقول عيب عليكم الشماته .. بس فعلا مهزله و يستاهلون ..
 
احسن.
عشان لا يفشلونا زياده, خل ينقرصون عدل علشان ترد الكرة الكويتيه نفس قبل واحسن ان شاءالله.
 
احسن P:

يمكن يتعدلون شوي ويتعدل وضع الكرة الكويتي السيء ..
 
سالفه تفشل ...... ننتظر محللنا بيرسونا ... لأني مالي بالكرة ... والسبب هالسوالف
 
المشكله اكبر من عدد مقاعد او كراسي 🙂..جان زين لو مسأله فلان بيقعد مكان فلان..انحلت المسأله بانتخابات وفاز اللي فاز ومبروك للي خذى المقعد وهاردلك للي ماخذى ..
المشكله انها
أختلاف شيوخ وهوامير رؤساء الانديه ..تكسب بعض اعضاء مجلس الامه من ورا هالمسأله ورفضهم تعديل البند االـ14 عضو..
سالفه الشكاوي اللي تنرسل للفيفا.. يعني الفيفا مره قال اوكي للـ14 ، الجهه اللي ماتبي 14 قالت نبي 5..والفيفا احتارت بموضوعهم..والفيفا تبي انتخابات .
وكل واحد يعطي نقطه ضعف في البند والعكس صحيح
.وماللومهم على طول هالمده صراحه ..استمحلوا مماطله المسؤولين

اللي يِضحك؟ انه امس كانت انتخابات الانديه ..:laugh::

شكله، ماينفع لهالأزمه إلاا الشيخ أحمد الفهد..
اكون محايد ..اكره النزاع اللي صاير بين الغانم وبين طلال الفهد..هل بيواصلون عنادهم وشليتهم اللي مزقت الكره الكويتيه؟..
سبب التأزيم اللي حاصل بالكرة الكويتيه
كل واحد يبي لشليته انها تاخذ الكيكه الكبيرة ، وكل واحد يبين بصحفه وبجرايده وبشليته انه كلامه هو الصح ..
اللي يقول 5 اعضاء مثل مالفيفا تقول يقول انا بو الاصلاح ، واللي يقول 14 عضو ، انا ماشي على مرسوم اميري ووقف معاه مجلس الامة ..

 خلاص اتحاد الكرة الكويتي انتهى حالياً ومافيه مناصب ، اتوقع الححين يبدون يقطون الاتهامات على بعض انت سبب الايقاف ومنةهالطقه

يعني..فوق اللي ذكرته همام

كأس الخليج بدون الكويت ..
احمد عجب ينشطب اسمه من قائمه افضل لاعبي اسيا 🙁..جد قهر.. ثاني هدافي العالم هالسنه بعد ايتو حالياً ..
مباراه اعتزال الهويدي انغلت..
المحترفين بينتقلون لانديه ثانيه لانه ..يعني كيتا القدساوي بيباي ..




هاردلنا ..
 
التعديل الأخير:
Pic_657.JPG


يستحق رد بروحه ...

في الليلة الظلماء يفتقد البدر ..

الله يرحمك..
 
ما أحب أنتقد هوايات الناس واهتماماتهم ،، وللناس فيما يعشقون مذاهب ،، بس ودي أقولها ،،

ما طلعنا بشي من ورا هالكورة 🙁 ،،
 
الكويت حاليا فقط كره يد لا غير ......وبدون دعم بعد
 
مشكلة الاتحاد الكويتي هي تدخل الحكومه في اتحاد كورة القدم وهذا يمنعه الفيفا
ترى هذي عندنا كمان في السعوديه اكبر دليل منع محمد نورمن دخول المنتخب مع اني اهلاوي بس هذا اكبر ظلم للاعب ممتاز

ذكرني هذا الموضوع بخبر حلو
جا وفد من الاتحاد الاسيوي عشان يشوف الملاعب في السعوديه من حين التوافق من شروط الفيفاء في الملاعب
جو للملعب العالم استاذ الامير عبدالله الفيصل فرفضو ان تقام مباريات نادي الاتحاد في هذا الملعب

بدل ما يسوون كراسي في الملعب ويريحون راسهم قررو نقل مباريات نادي الاتحاد في البطوله الاسيويه لملعب الشرايع بمكه يعني الله يعين الجمهور
 
التعديل الأخير:
المشكله انها
أختلاف شيوخ وهوامير رؤساء الانديه ..
أنقر للتوسيع...
بالضبط
لو الشيوخ يشيلون ايدهم من الكرة جان احنا بخير
 
^مو شرط ، مو دايم يكون الشيوخ هم خراب الرياضه..
انت عارف منو اللي كان يماطل ويستغل مكانه في مجلس الامة\منصبه في نادي الكويت ويخدع الشباب انه بيطور الكرة الكويتيه ..
الحين الموضوع صاير عند مجلس الامة ..وبالتحديد وزير الشؤون بدر الدويلة ..
ياايقول ..نمشي على الفيفا ..او انه يعطينا تصريحات عجيبه مثل.."لاتخافوا ، الايقاف بيكون شهرين بس"..
 
الاتحاد الدولي كرة القدم (FIFA) يعلق عضوية الاتحاد الكويتي بسبب تعصب الكويتيين للبرو إيفولوشن :wow:
أنقر للتوسيع...
..............
 
اصل المشكلة بين العضو مرزوق الغانم و الشيخ طلال الفهد :yuck::
 
GARY قال:
الكويت حاليا فقط كره يد لا غير ......وبدون دعم بعد
أنقر للتوسيع...

قصدك كرة يد.بواسطات..اللي متابع البطولات بيعرف وش اقصد

بخصوص اتحاد كرة القدم الكويتي كلنا بالهوا سوا*الخليج* لكن لكويت شاطحة حبتين:laugh::
 
قصدك كرة يد.بواسطات..اللي متابع البطولات بيعرف وش اقصد
أنقر للتوسيع...
ياريت لو تشرح لنا بالله ؟
 
بسيطة اذا كنت شفت اخر بطولة اسيوية..والتلاعب في النتائج لتحديد الفرق المتأهلة لكأس العالم+سالفة المنتخبين الكوري الجنوبي واليابان والشكوى الى الاتحاد الدولي+من ماسك الاتحاد الاسيوي للعبة.وهالشي معروف من فترة مش بسيطة*اذا كنت متابع بطولات اللعبة* الجرايد مقصرت اكانت جرايدكم المحلية او غيرها..ماودي اتفرع بالموضوع لان هذ الموضوع ماله دخل بالسالفة
 
^ أنا ما أشوف أي دليل في كلامك ( البينة على من ادعى )
و إذا كان رئيس الاتحاد كويتي لازم تكون في واسطات!
بس أخوي كلامك ما يأخذ بعين الاعتبار إذا لم يدعم بدليل
ما يصير ترمي الكلمة و تمشي بدون دليل
 
اسود،
شفت البطولة الاسيويه المعادة(اذا كنت شايف الاعادة)؟ تأهلت فيها الكويت للمرة الثانية رغم الاشراف تحت الاتحاد الدولي لكرة اليد بدل من الاتحاد الاسيوي؟
هالشيء رد على المشككين انه الموضوع يكون الكويت متأهل بواسطة الاتحاد الاسيوي وانه هناك منتخبات افضل منها..
ترى حتى رئيس الاتحاد الدولي رشوه الكوريين واليابانيين عشان يبعدون الكويت بجم بيزه وحنى اللي وصلناه لهالمنصب ، اعاد البطولة باشرافه الدولي ووصلنا غصبن عن خشمه للنهائي وتأهلنا مره ثانيه بالاعادة 🙂
يعني.اذا كانت كره يد بواسطات على قولتك..راح نشوف منتخبات أفضل من الكويت باليد تحت الاشراف الدولي للبطولة مره ثانية.. أو الكويت حتى ماتقدر توصل المربع الذهبي بالاعادة
وقتها نقول للمشككين كلامكم صح ..لكن بالاعادة ونوصل للنهائي مره ثانيه؟
هالشيء يؤكد انه كره اليد بالكويت بخير والحمدلله ..
مو مشكله البطوله تنعاد مره او مرتين اوثلاث ونتأهل ..
لكن الحق ينقال ، كرة اليد بالكويت وانجازاتها وتأهلها ماهي واسطه او حدث بفعل فاعل ..🙂
 
همممم ماعرف شاقول بس............!

مافي اي حل ثاني يعني على طول تعليق؟

دام اهل الكويت قالوا احسن يالله وراهم أحسن! P=

النهائي النصر و الأهلي، نصراوية ان شاء الله 😀.
هههههههههههه النصر. أما لو يفوز فيها.. لو بيسوون أكثر من اللي سووه بعد البطولة التنشيطية حقت الموسم الماضي، يا ويلنا.
أنقر للتوسيع...

خلهم يطلعون مسيرة و يحتفلوا انه فريقهم اخذ ابطال الخليج مافيها شي 🙂.
 
^

شفت مباراة ايران والكويت؟..كان لازم يفوز المنتخب الايراني بفارق عدد اهداف معينة*هدف واحد تحديدا* عشان ماتتاهل البحرين للدور اللي بعده *وسبحان الله* صابت بالملي..كان التلاعب واضح جدا من خلال نمط لعب لاعبين الكويت..الطاقم الدولي موجود بالاسم فقط

للعلم السالفة هذي عمرها تقريبا عشر سنوات..وسبق ان كانت الاتحادات الاسيوية بتقديم شكوى ومقاطعة البطولة*منهم البحرين والسعودية ألخ*..وش اللي حصل..تم تهديدهم اللي يقدم شكوى او ينسحب بيتم ايقاف عضويته.المنتخبين الوحيدين اللي كملو المشوار هم اليابان وكوريا..وتم ابلاغهم ان نتايجهم ماراح يعترف بها من قبل اتحاد اسيا..لكن بالنهاية رضخو بالقرار الدولي بعد مماطلات عدة وتم اعادة البطولة..وفوق هذ تم تغريم الاتحادات اللي كانت بتتقدم بالشكوى وتراجعت حتى بعد ما كنسلت فكرة الشكوى والانسحاب

الكل يعرف هالموضوع ومن زمااااااااااااااااااان..هالشي مش وليد الساعة خالد

تعديل:

كمان خالد كان المفترض ان تكون المباراة الاولى للبحرين*اللي كانت بمجموعة الكويت* مع لبنان لكن بقدرة قادر تغيرت وصارت مع الكويت

اعذرني اخ Super Mario انا ما ادعيت ولا اتهمت بدون ما اشوف شي..البطولة اللي فاتت واللي قبلها*اظن بالاردن* صارت نفس السيناريوهات اكان في بطل الدورة*اللا اخر وحدة* او المتأهلين من خلال التلاعب بالنتايج..انا متابع لبطولات اليد من زمااااان لكني تركتها بعد هالوقائع لانها صارت بطولات معروفة الهوية قبل ما تبدى..تقدر تسوي بحث اخ Super Mario وتشوف النتايج
 
التعديل الأخير:
تفضل اخ سوبر ماريو..شوية تناتيش عن المسالة

http://www.alriyadh.com/2007/12/19/article302647.html

http://www.alqasr.net/vb/showthread.php?t=10934

http://arabic.people.com.cn/31658/6336755.html
^
*تغيير طاقم المباراة في يوم اقامتها*

ملف بي دي اف احد صحفات جريدة النهار
http://www.annaharkw.com/annahar/Resources/PdfPages/25-02-2008/P23.pdf

وفيه كثييير لو بتبحث

مشكلتنا احنا اننا مانعترف بالشي الغلط اذا كان بصف بلدنا*اعني الكل دون استثناء*..لكن شوف الاتحادات الاوروبية لشتى الالعاب والامريكية اللاتينية وغيرها
 
ASWD قال:
^

شفت مباراة ايران والكويت؟..كان لازم يفوز المنتخب الايراني بفارق عدد اهداف معينة*هدف واحد تحديدا* عشان ماتتاهل البحرين للدور اللي بعده *وسبحان الله* صابت بالملي..كان التلاعب واضح جدا من خلال نمط لعب لاعبين الكويت..الطاقم الدولي موجود بالاسم فقط

للعلم السالفة هذي عمرها تقريبا عشر سنوات..وسبق ان كانت الاتحادات الاسيوية بتقديم شكوى ومقاطعة البطولة*منهم البحرين والسعودية ألخ*..وش اللي حصل..تم تهديدهم اللي يقدم شكوى او ينسحب بيتم ايقاف عضويته.المنتخبين الوحيدين اللي كملو المشوار هم اليابان وكوريا..وتم ابلاغهم ان نتايجهم ماراح يعترف بها من قبل اتحاد اسيا..لكن بالنهاية رضخو بالقرار الدولي بعد مماطلات عدة وتم اعادة البطولة..وفوق هذ تم تغريم الاتحادات اللي كانت بتتقدم بالشكوى وتراجعت حتى بعد ما كنسلت فكرة الشكوى والانسحاب

الكل يعرف هالموضوع ومن زمااااااااااااااااااان..هالشي مش وليد الساعة خالد

تعديل:

كمان خالد كان المفترض ان تكون المباراة الاولى للبحرين*اللي كانت بمجموعة الكويت* مع لبنان لكن بقدرة قادر تغيرت وصارت مع الكويت

اعذرني اخ Super Mario انا ما ادعيت ولا اتهمت بدون ما اشوف شي..البطولة اللي فاتت واللي قبلها*اظن بالاردن* صارت نفس السيناريوهات اكان في بطل الدورة*اللا اخر وحدة* او المتأهلين من خلال التلاعب بالنتايج..انا متابع لبطولات اليد من زمااااان لكني تركتها بعد هالوقائع لانها صارت بطولات معروفة الهوية قبل ما تبدى..تقدر تسوي بحث اخ Super Mario وتشوف النتايج
أنقر للتوسيع...



لول يوسف أعتقد تعرف السبب الي خلى الكويت تفوز إيران بهالمباراة , مانبي نرجع للتاريخ علشان ماندش بمواضيع سياسية هي خارجة عن هالموضوع أصلاً والمنتدى هذا مو محتاج لها .

أصلاً كافي لما أرجع لشريط السنة هذي وأشوف البطولات الي خذتها الكويت ( بطولة أسيا للناشئين - بطولة آسيا للشباب - بطولة آسيا للأندية ) علشان أعرف إن أي تشكيك ماهو إلا كلام فاضي .
 
طيب اسود ..اترك عنك سالفه الاتحادات ..
البطوله وبرمتها انعادت وباشراف دولي ووصل الكويت للنهائي؟ ليش انت مصر انه الموضوع واسطه 🙂


أصلاً كافي لما أرجع لشريط السنة هذي وأشوف البطولات الي خذتها الكويت ( بطولة أسيا للناشئين - بطولة آسيا للشباب - بطولة آسيا للأندية ) علشان أعرف إن أي تشكيك ماهو إلا كلام فاضي .
أنقر للتوسيع...

وحتى لو يبون اشراف دولي ويعيدونها..بنفوز فيها مره ثانيه :grin:
 
ذي الردود ممنوعه بالمنتدى
 
التعديل الأخير بواسطة المشرف:
قبل شوي شفت في أخبار قناة الرأي بالصدفة خبر إلغاء مبارة القادسية والسالمية من الفيفا .. أظن الخبر جا مع نشرة الإقتصاد حتى :laugh::

الله يعين متابعين الكورة الكويتيين .
 
والله خبر سيء، بس مش كأن هذي ثالث مرة يتم الإيقاف... كل مرة كان يوقفونكم ويشيلونه ويعطون مهلة.

أتوقع بينشال قبل كاس الخليج لول
 
يجب تسجيل الدخول أو التسجيل كي تتمكن من الرد هنا.
عودة
أعلى