الإعلان عن Yu-Gi-Oh! Master Duel قادمة أيضا لأجهزة الحالي!

[R E D]

السلام عليكم ورحمة الله وبركاته ، اليوم أعلنت كونامي عن أكثر من شيء يخص سلسلة ألعاب !Yu-Gi-Oh في الحدث الرقمي Yu-Gi-Oh! Digital Next. ومن أهم هذه الإعلانات هي لعبة Master Duel القادمة لPS5 ، PS4 ، XBO ، XSX ، Switch ، iOS ، Android والPC.



Master Duel ستستخدم قواعد الMaster Rules وستركز على جانب الرسومات والتقديم أثناء المبارزة. أيضا ستتيح للاعبين نظام المبارزة بالOCG الياباني او الTCG الغربي.

 

[abady-25]

افضل من
Yu-Gi-Oh! Duel Rush

في الانتظار اللعبة اصبحت قريبة
Hearthstone

 

[R E D]

اصبحت قريبة
Hearthstone

تقصد من ناحية المظهر؟ صح فيها من هارتستون شوي وأيضا من جزء Dawn of Destiny اللي نزل قبل 15 سنة.

 

[Primal]

مهم نعرف كيفية تجميع الاوراق
كونامي تبي تعمل e sport مع هاللعبة و شكلها بتكون شراء اوراق بفلوس

 

[Dark_N11]

ممكن اجربها لكن ما اعتقد في لعبة بطاقات راح تخليني احط فيها ساعات طويلة مثل هارثستون

 

[Dark Jester]

الكوفيد اقنعهم انهم يسووا الشيء هذا اخيراً

كونامي الان امام تحدي كبير : كيف تقنع تجيب لعيبة الدولينق نيت وورك و يوقي برو و غيرها للعبتك و في نفس الوقت تكون مربحة لك ؟

البرامج هذه موجودة من سنين طويلة ، مجانية و الاوراق تتحدث اول بأول
هل كونامي مجهزة نفسها للتحدي الكبير هذا ؟

 

[BlueSky]

اكثر شيء مزعج في نسخة الاجهزة الذكية السابقة هو الحوارات المزعجة اللي تظهر وسط المبارزة مع كل بطاقة و تطلعك من الجو !!
الحوارات هذي ما كانت موجودة في جزء الPSP الادماني
إن شاءالله يلغونها مع الاجزاء اللي أعلنوها

 

[zlatanovic]

خطوة بالطريق الصحيح ولو كانت متأخرة. كان المفروض فيه منصة الكترونية رسمية للعبة من عام ٢٠١٠ بدل نيتوورك وبرو. انا شخصيا العب على برو لأنه اسرع وكل شي يصير بشكل آلي.

يارب بس ما يجيبون العيد ويخلونها نظام بكجات، خصوصا مع وجود 10 الاف ورقة تقريبا. الافضل تكون اشتراك شهري والاوراق مفتوحة، او يجيبون فكرة جديدة تماما تخليك تجمع الاوراق بسهولة.

 

[Blue]

عرض جديد

بعض البطاقات ستكون مرتبطة بمشاركة في حدث معين في اللعبة أو قابلة للشراء يمال حقيقي.

 

[ميهارو]

بعد تجارب طويله لالعاب YU GI OH
افضل لعبه كانت Yu-Gi-Oh! Legacy of the Duelist: Link Evolution .
خصوصا من ناحيه تختيم القصه تقريبا ٩٠% من الاوراق مطابقه لاحداث الانمي كان شعور جميل .
مشكله اللعبه الموسيقى وقت اللعب تحس فيها هدوء
غير كذا اللعبه 10/10

 

[Invader Zim]

Dueling Nexus مجانية وتقدم جميع البطاقات من دون شروط من البداية
كونامي يستحيل عليها منافسة هذا

 

[zlatanovic]

الى اللقاء اندوين ... كانت اوقات ممتعة.

اهلا بصديقي القديم ستار دست

 

[R E D]

عرض Overview جديد، واللعبة فيها Cross Play، تم تأكيد هذا الشيء

 

[BETTER GAMER]

كروس بلاي، بكجات وأحداث "إيفنتات" تطلع منها بطاقات... طالعة كأنها نسخة بتوجه مختلف من "روابط المبارزة"؛ وهذا الشيء أعجبني

 

[Primal]

اللعبة نزلت الصباح اليوم


الجاتشا...توقعت انه تشتري باك لورقة وحدة ب100 بس طلع 100 = ملتي كامل
10 اوراق
مع الريتس السيئة كويس ان البانرز عبارة عن صناديق ومو rates up
يعني نفس duel links

ماني فاهم الـsecret pack هذه
شكلها فخ للناس الي تبي ورقة معينة

 

[Mario king]

اللعبة نزلت الصباح اليوم


الجاتشا...توقعت انه تشتري باك لورقة وحدة ب100 بس طلع 100 = ملتي كامل
10 اوراق
مع الريتس السيئة كويس ان البانرز عبارة عن صناديق ومو rates up
يعني نفس duel links

ماني فاهم الـsecret pack هذه
شكلها فخ للناس الي تبي ورقة معينة

سؤال
١ هل لعبة بها طور قصة او offline ام انها فقط اونلاين
٢ هل لعبة تعتمد على دفع بنقود حقيقية

 

[Primal]

سؤال
١ هل لعبة بها طور قصة او offline ام انها فقط اونلاين
٢ هل لعبة تعتمد على دفع بنقود حقيقية

1-لا طور قصة حاليا ولا اعلم لو بيكون فيه بالمستقبل,كونامي تبي اللعبة تنافس و يكون لها esport و جمهور يتابعها
ما اظن ان هذا بيكون من اولوياتهم
2-فيها دفع فلوس لكن للأن ما اعلم لو هي تعتمد بزيادة على هالشي
شايف مهمات و باتل باس و يمكن لو ترفع الرانك حقك باللعبة تجيك جواهر مع كل فوز
و ايضا فيه نظام كرافت

حاليا الي متطمن منه هو الية فتح الباكس رخيص جدا مقارنة بالي توقعته

لسى للحين ما لعبت ولا ماتش, سحبت اوراق كثير و احاول اركب مجموعة

 

[R E D]

اوه والله فجأة أنزلت لول. نزلتها على الPS5 توني
عاجبني OST جدا. حتى الUI جميل بس.. مو قادر اشوف عدل لسبب ما لول. أيضا التنقل في Menu بطيء نوعا ما.

اخترت مجموعة التانين ومركز على باك Blue Eyes، حتى طلعلي الباك سري مال Chaos Blue Eyes.

اللعبة فيها سوالف Cosmetics كثيرة (&). بس بتعوذ من ابليس وماني دافع شي For now (&).

 

[Primal]

اوه والله فجأة أنزلت لول. نزلتها على الPS5 توني
عاجبني OST جدا. حتى الUI جميل بس.. مو قادر اشوف عدل لسبب ما لول. أيضا التنقل في Menu بطيء نوعا ما.

اخترت مجموعة التانين ومركز على باك Blue Eyes، حتى طلعلي الباك سري مال Chaos Blue Eyes.

اللعبة فيها سوالف Cosmetics كثيرة (&). بس بتعوذ من ابليس وماني دافع شي For now (&).

اذا معك بلص خذ 50 باك مجاني من الستور

حقين ستيم مالهم شي

 

[zlatanovic]

نزلت على كل شي الا الجوالات، بتنزل "لاحقا".

ياكونامي نسخة الجوالات والبي سي هي اهم شي

 

[R E D]

اذا معك بلص خذ 50 باك مجاني من الستور

حقين ستيم مالهم شي

عندي البلاس وما حصلت شي :/ لا يكون لاني أخترت الكويت وانا حسابي امريكي على الPS؟

 

[Primal]

عندي البلاس وما حصلت شي :/ لا يكون لاني أخترت الكويت وانا حسابي امريكي على الPS؟

اظن لازم تخش تاخذهم من الستور
جربت؟

 

[R E D]

@Prima اوكي طلع ال50 Ticket Pack بس حق Lagacy Pack في الBonus Section.

 

[pomni]

لعبت ساعة تفاجئت ان جميلة بس اتوقع جمع الورق بيكون اغبى شيء .....

 

[pomni]

مشكلة اللمس جدا بطيء ...

 

[pomni]

لو يمنعوا الانسحاب ......

 

[Primal]

@Prima اوكي طلع ال50 Ticket Pack بس حق Lagacy Pack في الBonus Section.

يعني صدق مجانية؟
+
ما ودك تسوي موضوع رسمي؟ و العنوان يكون ثق بقلب المحفظة؟

 

[R E D]

يعني صدق مجانية؟
+
ما ودك تسوي موضوع رسمي؟ و العنوان يكون ثق بقلب المحفظة؟

ههههههه شكلي بسويه اليوم عشان العنوان هذا XD
بس اذا انت ناوي تسويه سوه عادي.

 

[zlatanovic]

كونامي مهابيل!

اللعبة فيها تقريبا 11 الف بطاقة. والبكج الواحد يعطيك 8 بطاقات بس!! غالب بطاقات اللعبة القوية تعتمد على بطاقات اخرى من نفس النوع، وبكذا تكون اللعبة حرفيا ادفع عشان تفوز.

راح انتظر فترة اطول عشان احدد هل راح استثمر وقت ومجهود فيها او لأ.

 

[Mute City]

واضح توجههم المرة هذي, الى جانب duel links "مو الجميع يفضلها" بيكون عندهم لعبتين بطاقات لجمهور اكبر.
الي يبحث عن طور قصة وبطاقات مجانية ترى legacy of duelist موجودة وفيها طور قصة ومع التخفيضات تصير ب15$ صفقة ممتازة جدا.
مازلت انتظر rush duel للps4 كون القوانين مختلفة وسريعة جدا واسرع من duel links حتى.

مازلت مستغرب من قرار ان اللعبة تحتوي على 10 الاف بطاقة!! يفترض الموضوع يبدأ بالتدرج زي ما صار مع duel links الي بدأ بالجزء الاصلي ومجموعة اوراق اعتقد 300 ورقة,
بعدها بدأ يضيف باقي الاجيال, الفكرة هو تسهيل اللعبة على اللاعبين الجدد وسهولة الحصول على مجموعات موزونة, الموضوع قلب كأنها كروت حقيقية وادخل ebay واشتري.

الي ما يعرف انه الدخول على عالم يوغي جدا مكلف وكثير ناس تكلمت عن الموضوع ذا عشان تصنع مجموعة راح تضطر تدفع + 1000$.