الألعاب في المانيا !

[Tomb raider]

السلام عليكم ورحمة الله وبركاته !

عندي استفسار بالنسبه للألعاب في المانيا ، ما اذكر مره اني اشتريت العاب هنا ، بس هالمره ناوي على كم لعبه
السؤال هو هل اللغه الانجليزيه تتوفر في الالعاب الموجوده هنا؟ طبعا هالسؤال موجه للي زاروا المانيا واشتروا العاب.

أتمنى حد يفيدني !

 

[king zell]

هلا عزوز


هذا مش من تجربة شخصية.. لكن من معلوماتي أعرف إن الألعاب اللي توزع حول أوروبا تحت نظام الPal تحتوي كل اللغات مهما كان مكان إصدارها

حتى لما تشتري لعبة PAL من عندنا غالبا تلقى فيها 6 لغات أوروبية مختلفة



عموما تقدر تسأل صاحب المحل لما تزوره أو تشوف الغلاف من الخلف لأن أحيانا يكون محطوط عليه أعلام الدول باللغات المتوفرة

 

[Snake-87]

وعليكم السلام ورحمة الله وبركاته
مثل ما قال محمد كلامه صح ولكن بعض الألعاب (خصوصا الوي) يكون فيها لغة واحدة مثلا الأسبانية .
أنا اشتريت MGS2 من ألمانيا وكانت اللغة الأنجليزية موجودة .

 

[Zero]

بعض الألعاب تكون فيها لغة واحدة أو أكثر كتابيا وتمثيل صوتي بنفس اللغة البلد اللي تنزل فيه مثل النسخة الألمانية من بيرفكت دارك زيرو وكرايسس فيهم لغة ألمانية وتمثيل صوتي ألماني ( والتمثيل الصوتي الألماني تحفة بمعنى الكلمة من الفيديوز اللي شفتهم ) ، بيرفكت دارك زيرو عندي اوروبية ( انجليزية ) بس ما فيها خيارات لغة.

الأغلبية تكون فيها عدة لغات من ناحية السكربت وتمثيل صوتي إنجليزي فقط.

من الآخر الموضوع مختلف من لعبة لأخرى.

 

[Naif]

عادة بتحصل هذا الشي مكتوب على غلاف اللعبة من ورا (بتشوف أعلام و لا بيكون مكتوب هذا الشي) تقدر تسأل البائع هناك أكيد يعرف، أنا السنة اللي طافت يوم كنت في ايطاليا كنت أسئل البياع عن الألعاب إذا فيها انجليزي ولا لا و كان يجاوبني (خذت انشارتد من هناك و كان فيها انجليزي)

 

[Yaz3D]

لول .. وش موديك لألمانيا؟ 😛

 

[Tomb raider]

لاحظت ان ورا الغلاف علم المانيا فقط ، توني سألت واحد في منتدي تووم ريدر الاجنبي قالي بس الماني موجود :/

لول .. وش موديك لألمانيا؟

علاج

 

[Yaz3D]

علاج

أووبس .. آسف

 

[Mista Koo]

سلامات ما تشوف شر

الصيف اللي فات رحت جيم ستوب هناك أبي أشتري GTA IV لواحد موصيني عليها.. سألته اللعبة بالألماني؟ (بحكم إن الغلاف كان ألماني بالكامل) قال لي لأ هي حسب الجهاز لو جهازه إنجليزي بتطلع إنجليزي
طبعا طلع كلامه فقش×فقش وبالأخير الرجال تورط واضطر يلعبها بالألماني :xd:

بس أتوقع لو تسأل حد عنده خبرة أكثر.. منصوري؟

 

[The Doctor]

لا تصدق البياع... صاحبي اشترى MGS3 من ألمانيا بعد ما أكد له البياع إنه بالانجليزي
طلع بس الفويس اكتنج اللي بالانجليزي >.>

و ما تشوف شر

 

[ASWD]

سلامات عزوز ماتشوف/يشوف شر*بحكم ما ندري لعلاج الك ولا لمرافق معاك*

 

[BioMario]

عبدالعزيز أنصحك تروح محل مشهور و تسأل العامل المتخصص في قسم الألعاب عن هذا الشي ..
وعلى فكرة صح مب كل الألعاب تكون فيها لغات أوروبا او الأنجليزية لكن تقدر تقول 90% من الألعاب فيها لعبة أنجليزي ..
لكن أتأكد أكثر علشان تظمن ..

رح أبحث لك بخصوص هذا الشيء

 

[Lonely Heart]

من جيم سبوت

Hi, i know i´m a little late. But try the German Website: http://www.ogdb.de it´s short for Online Games Database.

1. Type in the text box "Schnellsuche" the title of the game.

2. choose the Version of the Game

3. there are four importent informations for you: Sprachausgabe (spoken ingame language); Textsprache im Spiel (text language), Zensiert (if the game is censored), and Region free (when you only got an NTSC Console)

 

[Black]

ماعندي خبرة بالموضوع .. لكن حبيت أتمنى لك السلامة ،
سلامات ان شاء الله عبد العزيز (أنت والي معك)

 

[KOTSHY]

اولا ما تشوف شر والله يرجعك بالسلامة

شوف بالنسبة للألعاب من اوروبا فعندي تجربة
صديقي دايم يروح فرنسا ويشتري الألعاب من هناك
اولا الأسعار أغلى من عندنا بكثير للعبة الجديدة والمستعملة رخص التراب
ثانيا الألعاب أغلبها تحتوي على كل اللغات إلا ألعاب قليلة جدا تحتوي لغة البلد مثال مرة شريت كول اوف ديوتي 4 من فرنسا بحكم انها ممنوعة عندنا تخيل ان اللعبة فرنسية
وصاحبي اشترى gta من هناك وتدعم الانجليزية

شيء أخير ومهم جدا جدا جدا
الألمان عندهم ممنوع الألعاب الي فيها عنف ((دم )) فجيرز ممنوعة مثلا وبعض الألعاب تنزل لهم نسخة خاصة مفلترة مثال
لعبة ساينت رو وداركنس وكم لعبة ثانية واعتقد gta حتى تحصل الأتشيفمنت حقتهم تختلف عن اتشيفمنت اللعبة الأمريكية يعني لو عندك امريكية واوروبية بيطلع لك 2000
وفوق كذا مفلترين الدم اظن يجيك دم ارزق كما سمعت :laugh:: او مافي دم
والشيء الأخير
اذا اللعبة كانت نسخة خاصة بلغة وحدة اعرف انها ليست فري ريجون
مثلا لما شريت كول 4 من فرنسا اكتشفت انها ما تشتغل على جهازي الامريكي مع ان النسخة الامريكية والاوربية فري ريجون

 

[Nyx]

ماتشوف شر إن شاء الله , بس ليش تشتري مناك ياخي إنت من سكان دبي.
بعدين ماشفت دعايه مستشفى الألماني في جده ؟! واحد راس كبير سافر من لندن لهناك عشان يتعالج , طبعا بعد مالف كل بلدان العالم.

 

[عاشق 360]

اخذت كول اوف ديوتي من المانيا

طلعت كلها باللغه الالمانيه حتى القائمه وغيرها ...

وفي العاب غيرها اخذتها مو المانيه ولا فيها اللغه حتى كخيار رئيسي ...

يعتمد على حسب اللعبه

 

[AMG]

عزوز اختصر على نفسك و اشتري العابك من دبي لما ترجع بالسلامة

 

[Mansoury]

الألعاب اللي تباع بألمانيا اغلبها نظامها pal تحتوي على اغلب اللغات في اوروبا
اذا لقيت لعبه مكتوب عليها Komplett auf Deutsch معناها اللعبه بس بالألماني
انا ما صادفت الا لعبه وحده مكتوب عليها كذا Call of Duty اما باقي الالعاب هذا انا اشتريها و العبها
بالانجليزي
وانصحك زي ما قالو الشباب تقريبا الالعاب هنا غاليه فأحسن لك اذا بتشتري مجموعه اشترها اذا
رجعت اما اذا بتشتري لعبه وحده فاللي يريحك :

على فكره انت بالمانيا الحين ؟!

اذا تقدر على الخاص

 

[Tomb raider]

ماتشوف شر إن شاء الله , بس ليش تشتري مناك ياخي إنت من سكان دبي.
بعدين ماشفت دعايه مستشفى الألماني في جده ؟! واحد راس كبير سافر من لندن لهناك عشان يتعالج , طبعا بعد مالف كل بلدان العالم.

لول السالفه و مافيها ان والدتي تتعالج في المانيا اكثر من 10 سنوات ، وجايين عندنا مراجعات وبنفس الوقت فحوصات حق ركبتي.

اذا تقدر على الخاص

تفضل


----

مشكورين شباب عالمساعده 🙂

 

[Nyx]

لول السالفه و مافيها ان والدتي تتعالج في المانيا اكثر من 10 سنوات ، وجايين عندنا مراجعات وبنفس الوقت فحوصات حق ركبتي.

ماتشوفون شر إن شاء الله .
الظاهر أخذت فكره جده من باب الجد , كنت أتهكم على الصحه اللي عندنا لأن أخر بلد تفكر إنك تتعالج فيه السعوديه , خصوصا لما فجأه سرنا دوله تخرج كوادر طبيه خرافيه.