اكسبيريا او جالاكسي 4؟

[Ze Truth]

انا الان في السوق لجوال جديد. الجوال اللي عندي الحين بلاك بيري من فئة الكيرف. طبعا الجوال معفن (رسائل الsms تنمسج من نفسها بعد مدة من الزمن), الشيء الوحيد اللي مخلني متحمله او اني اخاذه من الاساس هو الماسنجر.

بس من بعد ما اعلنوا عن الماسنجر للايفون والاندرويد, بدت اللستة تقل عندي يوم عن يوم لدرجة ان الخدمة ما صارت تسوى الحين. وبرضوا احس ان الوقت حان لانتقل للجيل الجديد. جيل الانستجرام, التويتر وبقية الخرابيط.

انا ما عمري كنت في سين الجوالات ولا ادري وش الموجود. سألت اللي حولي ونصحوني بالجالكسي والاكسبيريا.

مسكت الجوالين سوا, حطيتهم جنب بعض, وكلهم كانوا نفس الشيء (؟).

انا ما همني المعالج قوته ما ادري ايش, كاميرا مليون ميجا بكسل. انا ماني راعي جيمز في الجوالات ولا راعي تصوير. انا ابي جوال يخدمني في وظائف الجوال الاساسية. يكون آمن, يحافظ على معلومات. يعطني حرية في نقل الرسائل والاسماء. سهل تنقل وتخزن عليه ملفات. بطارية تكون كويس. ويكون الجهاز مقاوم للصدمات (انا من النوع اللي يطيح).

انا نوعا ما اميل للاكسبيريا بسبب الشكل. وبرضوا اكره تونة الرجوع في السامسونج اللي كنها صوت قطرة (سامسونج صارعتنا فيها من جالكسي الاول)


الخبيرين في الجوالات والمستخدمين, ايش في نظركم الجهاز الاحسن؟

 

[N E R O]

ما ادري عن الاس فور ، لكن اذا انت من النوع اللي يطيح الجهاز فالاكسبيريا بيعيش معاك وقت كافي " معي اكسبيريا Ray" له سنتين و كل يوم يطيح :thumbsup::joy::v:

 

[Uzumaki Naruto]

أنا لي يمكن 3 أو 4 سنوات ما أستخدم الا الآيفون, وزيك قبل كم شهر حبيت أغير وأخذت الجالاكسي اس فور للتغيير وكثير ناس مدحوه لي. ومثلك أنا ما أهتم للتقنيه بس ألعب عالجوال كثير وأستخدم انستجرام وفيسبوك عليه وأقرا مقالات وزي كذا. الزبده اني متحسف كثير عالاس فور, كبير بشكل معوق مثلاً قبل ما أنام أحب أشيك عالجوال وغير مريح أبداً أستخدمه وأنا منسدح. وبطاريته بتسبب لي ارتفاع بالضغط. حتى لو ما أستخدمه كثير يستنفز بطاريه بشكل مو معقول! وربي حسبتها مشكله بجوالي بس سألت أصحابي يقول لا هو كذا وفوق هذا اذا جيت أشحنه مثلاُ وهو فيه 30٪ يبغالي بدون مبالغه على الأقل 4 ساعات عشان يصير فول! ويييييين!

وهو كخدمات ومدري ايش الظاهر انه ممتاز بس ما أعرف عنها شي ولا مهتم لها.
يعني في ناس أعرفهم أول ما يشتري شي زي الجوال يحب يخربط فيه ويعرف عنه كل شي, أنا أبداً مو كذا لهذا ممكن ما أكون أحسن واحد أتكلم عن الجوال لأني من جد ما أعرف عنه الكثير.

مالي خبره كبيره بالجوالات بس ما جربت اللآيفون؟ ولا هيبستر وما تبغى تصير مع المينستريم؟ (بس كان معك بي بي >.>)

 

[ivision]

كان معايا الاكسبيريا زد
اكبر عيب فيه هو الشاشه جدا سيئه والالوان تطلع باهته واكبر خدعه سوتها فينا سوني هو البرافيا انجن -_-
والبطاريه لك عليها ما تطول كثير

لكن من ناحية الصدمات والطيحات والتحمل مافي زيه
كم مره طاح عليا طيحات قاتله لكن ماشاء الله ما تأثر ابدا

تبغى جوال قوي وببطاريه قويه خذلك النوت اذا ماكان الحجم يهمك

 

[Fatani Heart]

Nexus 4 بيخدمك بشكل مثالي ما دامك منتا مُهتم بمواصفات الجوالات وبيكون أفضل مدخل لك للأندرويد بواجهته البسيطة ونظامه الخام وتحديثاته وسعره الممتاز.
تلاقيه في جرير ب1600 ر.س.
(بيعلن عن Nexus 5 ذا الشهر)

ال G2 من LG ب2200 أفضل وأقوى خيار لك في المواصفات حالياً لو رفعت الميزانية.

الHTC ONE من الألمنيوم فبيعيش معاك.

الZ القديم من سوني برضه بيتحمل معاك وضد الماء لا تاخذ الجديد.

حالياً ابتعد عن الNote 3 من Samsung والZ1 من Sony وNokia
الأول لو مهتم تستخدم القلم واعتقد بيكون معقد لك ما دامك من مستخدمين البلاكبيري.
برضه شاشته كبيرة ومو متعود عليها ومن أول طيحة بتنكسر عليك.
الثاني لو مهتم للكاميرا وأنت مو مهتم، بكذا بتدفع في حاجة ما تستفيد منها خصوصاً سعره مرتفع حالياً.

بالنسبة لي أنا جوالي القادم بيكون الNote3 أو الNexus 5.
وأنا بكتب لك الآن من الNexus 4.

 

[R E M i X E R]

أنصحك بـ HTC one أنا معي واحد .. والله ممتاز ماشاالله , و الأشياء اللي أنا أدورها محصلها فيه !

بس اذا نويت عليه .. نصيحة لوجه تعالى ركب له case لو على الأقل غطاء خلفي

و الله يوفقك

 

[m5050]

الإكسبيريا z1 جوال تحفة فنية. سوني تهتم بالتصميم وجماله اللنشر والجوال أكثر من غيرها إذا تبي جوال مميز رح لسوني نصيحه

 

[bXNmbQ==]

الافضل رح جرب جوال Z1 عند عالم سوني اظن يحطون نسخ للتجربة عشان تجرب الشاشة هل هي ممتازة او لا لان (Z) سيء فاماادري عن Z1

و عموما الجوال افضل من الجلاكسي 4 بالمواصفات

وخذ 4G بأي الحالتيين يا الاكسبيريا او الجلاكسي(افضل نسخة 4G عن 3G بالمعالج بالنسبة للجلاكسي)

الـ4G فرق كبير بالسرعه عن الـ3G لو كنت تستخدم شريحة البيانات

 

[SAUD~F-16]

الأكسبيريا حسب تجربتي لجهازي S و Z ممتازة جداً جداً .فيها جميع المواصفات اللي ذكرتها زائد ان الأخير مضاد للماء والأتربة وبطاريته ممتازة جداً اذا فعلت بعض خصائص توفير الطاقة.

 

[Classic Player]

انا كنت مثلك ابي آخذ وحدة من هالجوالات الاكسبيريا زد و الاس4 و HTC ONE و ايفون 5 .. بالأخير رسيت على الايفون 5 مو لأنه الافضل .. لكن لأن نظامه بيسك جداً و متعود عليه ... كنت على وشك اخذ HTC ONE بسبب شكله الخطير بس حولت على الايفون

شوف الايفون 5 اس .. اتوقع ممكن يدخل في مجال اختياراتك

 

[G4mer]

أنا شخص اجبرته الحياة على ترك الأكسبريا و التوجه الى الإس 4 بسبب شح إكسسوارات الجهاز عندنا .. بس في الأونة الأخيرة أشوف المحلات بدت أتيب الأكسسوارات بس مش كثير

 

[Zeyad]

أنا لي يمكن 3 أو 4 سنوات ما أستخدم الا الآيفون, وزيك قبل كم شهر حبيت أغير وأخذت الجالاكسي اس فور للتغيير وكثير ناس مدحوه لي. ومثلك أنا ما أهتم للتقنيه بس ألعب عالجوال كثير وأستخدم انستجرام وفيسبوك عليه وأقرا مقالات وزي كذا. الزبده اني متحسف كثير عالاس فور, كبير بشكل معوق مثلاً قبل ما أنام أحب أشيك عالجوال وغير مريح أبداً أستخدمه وأنا منسدح. وبطاريته بتسبب لي ارتفاع بالضغط. حتى لو ما أستخدمه كثير يستنفز بطاريه بشكل مو معقول! وربي حسبتها مشكله بجوالي بس سألت أصحابي يقول لا هو كذا وفوق هذا اذا جيت أشحنه مثلاُ وهو فيه 30٪ يبغالي بدون مبالغه على الأقل 4 ساعات عشان يصير فول! ويييييين!

وهو كخدمات ومدري ايش الظاهر انه ممتاز بس ما أعرف عنها شي ولا مهتم لها.
يعني في ناس أعرفهم أول ما يشتري شي زي الجوال يحب يخربط فيه ويعرف عنه كل شي, أنا أبداً مو كذا لهذا ممكن ما أكون أحسن واحد أتكلم عن الجوال لأني من جد ما أعرف عنه الكثير.

مالي خبره كبيره بالجوالات بس ما جربت اللآيفون؟ ولا هيبستر وما تبغى تصير مع المينستريم؟ (بس كان معك بي بي >.>)

أكبر غلطة ارتكبتها ان تركت الايفون فور وشريت سامسونج اس ثري وقت صدوره جهاز معوق ونظام غير مستقر مليان مشاكل هذا غير التحديث الي ياخذ وقت عشان ينزل.

حاليا افكر ارجع للايفون مع ايفون فايف اس ..انا اذا شريت جوال عشان استخدمه فالمهمام اليومية رسائل وانترنت ومكالمات مو عشان اصلح مشاكله المتكرره لذلك الاستقرار ماشوف الا في الايفون.

 

[Rain]

انا نفس حالتك بالضبط، كان همي اشتري جوال ينفعني بالخدمات و الخفة اكثر..
اشتريت ايفون 5 وما ندمت..

 

[AKUMA]

يبا لا تلف ودور وتروح يمين يسار بصراحه الايفون ماعليه كلام وعملي واستخدامه سهل ومريح لا تروح تاخذ تلفون ماله لزمه من الي ذكرتهم وتعور راسك ترى مردك بالاخير بترد تاخذ ايفون صارت مع اكثر من شخص اعرفه

 

[FARES_]

دامك ما تهتهم بالمواصفات ليش حاط احدث تلفونات


شوفلك جلكسي اس 2 .. يسوي كل الشغل الي يسونه الجدد بس بمواصفات اقل , بس البرامج وغيره كلها تضبط معاك

 

[B*&%#rd]

أنا حاليًا في حيرة بين أني اشتري الإكسبيريا أو أصبر للآيفون5s .