اكتب حلمك الغريب !

[Tomb raider]

السلام عليكم ورحمة الله وبركاته

فكرة الموضوع ان لك عضو يكتب حلمه الغريب اللي حلم به !

ببدأ اول شي

(هالحلم حالمنه من فتره بس ما اتذكر متى اعتقد من شهرين ... دايما اقوب بكتبه بس انسى لول)*

حلمت ان همام جاي بيتنا .... اظن جاي يتغدى عندنا (مو متذكر ليش بالضبط جاي) بس اعتقد جاي يتغدى..
اول ما وصل اتصلبي ،قالي يالله انا عند الباب ، رحت عنده تفاجأت حصلت محمد زيل بالسياره وزيل هو اللي يسوق لول
نزل همام ، وزيل قال بيروح ما ادري ليش !!
​

هذا كان حلمي ... تعليقاتكم .
وفي انتظاركم !​

 

[Futrus]

لول شكلك ما تفارق تي جي كلش

أنا عندي حلم غريب جداً ودي احتفظ فيه لنفسي

 

[Humam]

هههههههههههههههههههههههههههههههههههههههههههههههههههههههههه

الرؤيا على رجل طائر ان عبرت وقعت, هذا والله أعلم عزوز انا يوم انا و انت و محمد راح نجتمع يوم ونطلع بسيارة محمد نفحط لووووووول.

 

[Naif]

لوول طلعت مش انا الوحيد اللي احلم باعضاء من المنتدى!!

مرة حلمت بخالد.. ما اذكر كيف كان الحلم بالضبط بس اذكر اننا كنا طالعين مع بعض نتحوط .. لوول

بس اكثر الاحلام اللي تتكرر عندي هي احلام قصص (كاني اشوف فلم و انا ما اكون طالع في الحلم) .. في واحد عالق براسي ما اعرف ليش.. باختصار قصته:

البنت كانت كلير من هيروز.. كانت عايشة مع امها في جزيرة في نص البحر صغيرة جدا و ما فيها الا بيتهم اللي مساحته على نفس مساحة الجزيرة.. بتحصل مخلوق غريب ما اعرف شو هو .. كان المخلوق الغريب دايما يروح وراء البيت.. بعد فترة بتصير حفلة في بيتهم و بيوون وايد اشخاص في البيت و بتقرر البنت تتلصص عليه شو يسوي.. يوم يتراقبه شو يسوي وراء البيت بتشوفه تحول انسان و قاعد يخلي رجل و حرمة يشربون دمه (كانوا امه و ابوه.. و كانوا فامبايرز) .. ما اذكر شو صار بعدها..

حاولت احصل تفسير له بس ما عرفت.. افكر احولها فلم P:

 

[Colorization]

مرة حلمت إنه جدي مات 3 مرات (قاعدين نتريق، وفجأة طاح، المقطع يعيد 3 مرات بالحلم)، وراها بـ3 أشهر جدي مات. السالفة قديمة (1996) لكنها غريبة، ومن يومها وآنا مهتم بعالم الأحلام، رهيب!

عندي أحلام غبية، أشهرها حلم Chucky (الدمية القاتلة)، كل أسبوع لازم أحلم إنها جاية تبي تذبحني، أكون أتمشى ببيت جدي وفجاة أشوف شي نازل من الطيارة فوق، آنا أركض لكن حركتي slow motion بينما هي تنزل بسرررررعة، كل ما تقرب مني حيييييل أفز من النوم! أحلم هالحلم من الإبتدائية ومو عارف شنو النهاية، بشوف في أحد راح ينقذني وإلا أموت لول

 

[Naif]

لوول حلوة الاحلام الغريبة.. خاصة يوم تقوم من النوم تقعد تضحك على الاشياء اللي شفتها (خاصة يوم تناقشها مع واحد ثاني) مع انك وانته راقد تكون مميت من الخوف..

 

[Tomb raider]

ههههه لول همام في الانتظار بس ما ادري ليش انتوا الاثنين بالذات (خخخخخ يمكن لما جيت دبي وماقلت لي تذكر P: )

هههههه نايف خلنا نصور الفلم بس الكاتشب حق الدم لا تيبه صوبي (الدكتور مانعني بسبب الحسساسيه) لول

كولورازيشن هههههههههههههههههههههههههههههههههه حلمك يضحك ههههههه (حلم chucky)

 

[Mario2]

انا قبل كم شهر حلمت بمحترم واني سرت الكويت والخ .. وقبل ايام احلم اني اكلم حسين 11 بالتلفون ..

 

[Colorization]

الأحلام اللي أحلمها يمكن كلها على هيئة سينما (لول)، يعني بالحياة العادية الواحد يعيشها مثل الـFPS منظور أول، بينما بالحلم تحس إنه العالم يمشي بالثيرد بيرسون، تمشي وتشوف نفسك تمشي عادي، شرحي غبي بس النقطة وصلت لول

أحب أقرا عن الأحلام وأحب أقرا أحلام الناس (أو أسمع من احد)، لكن ما أحب أحلم أشياء تخوّف، لأني وقتها راح أفز بالليل بروحي وتجيني نوبة خوف مو طبيعية لدرجة إنه صرير السرير او الكبت او اي شي يصرقعني -_-

تحرير: في أحد غيري يخاف حيل لما يحلم حلم horror وإلا بس آنا؟ يعني أخاف أقوم أبطل الليت حتى!

 

[Tomb raider]

اتيي فترات اول ما انام احلم لمده ثواني اني اركب درج واطيح فجأه !! وفي الواقح احرك جسمي ! وافتح عيوني بسرعه ! ما ادري ليش O_O

 

[AMG]

لووول اول امس جاني حلم غريييييب عجيييب ما اعرف حتى ايش المقصود منه

كنا خمس ( انا و اربعة ثانيين) واحد اعرفه من الجامعة اسمه مايكل (( مسيحي )) و واحد مو قادر اتذكره و شخصين في المنتدى ما اعرفهم و لا عمري كلمتهم

المهم كنا قاعدين و نتظر نتيجة من بيدخل فيا الجنة و من بيدخل النار ، اول ما اجى الشخص الي بيقول النتيجة مايكل ابتسم و طلع برة الدار الي نحن فيها ، الشخص كان معاه ثلاث صناديق صغيرة و قال الي بياخذ صندوق معناه بيدخل الجنة احنى صرنا اربعة معناها في واحد داخل النار المهم اعطاني انا اول صندوق و اعطى الي مو متذكره الصندوق الثاني و صار في صندوق واحد و الشخصين الي في المنتدى صارو يتهاوشو المهم الشخص اعطي الصندوق لواحد منهم و الثاني صارله انهيار عصبي

و بعدها دخلنا الجنة و كانت في حلمي عبارة عن ارض كلها اشجار و انهار و صرنا نمشي فيها احنى الثلاثة و بعدين واحد قال مافي سيارة قتله سيارة ايش احنى في الجنة خلينا نطير .....

لوول و الباقي مو متذكره


والله هذا اغرب حلم اشوفته في حياتي و ما اعرف ايش معناه اصلا

ماراح اقول اسامي الشخصين الي في المنتدى يعني استريحوو

 

[Colorization]

اتيي فترات اول ما انام احلم لمده ثواني اني اركب درج واطيح فجأه !! وفي الواقح احرك جسمي ! وافتح عيوني بسرعه ! ما ادري ليش O_O

تصير فيني وايد، مو أحلم لكن مادري أحس إني نمت ثواني معدودة وبعدها أحس جسمي يرتعش فجأة (أحس رجولي ترتفع وترجع بالفراش شي جذي) وأقوم من النوم. مو عارف شنو هو بالأساس إن كان له مسمى

 

[Tomb raider]

عبد السلام قول !! يمكن انا ههههه لا تقول لا لأني بتحطم !

 

[Leon]

يوم الجمعة اللي فات أعوذ بالله حلمت بكابوس مخيف جدا , ياخي لمن يصير لك كدة تقوم زي المفجوع محد صار له زي كدة ؟!

من جهة تانية أتاري مو أنا الوحيد اللي يحلم بأعضاء المنتدى خخخخ , لول في أحلامي جاني محمد زيل , خالد , همام , لكن للأسف ما أتذكر التفاصيل بالضبط لول ..

 

[Colorization]

ياخي لمن يصير لك كدة تقوم زي المفجوع محد صار له زي كدة ؟!

آنا أكثر واحد بالعالم يحلم أحلام رعب ويقوم مثل المجنون خايف، كل هذا من الجيمز وأفلام الرعب لوول

قبل أمس حلمت بـThe Darkness لووول قسم بالله حلم رهييييييييييب بس ما راح أقوله لأنه محد راح يفهمه إلا اللي لاعب اللعبة P:

 

[Tomb raider]

آنا أكثر واحد بالعالم يحلم أحلام رعب ويقوم مثل المجنون خايف، كل هذا من الجيمز وأفلام الرعب لوول

قبل أمس حلمت بـThe Darkness لووول قسم بالله حلم رهييييييييييب بس ما راح أقوله لأنه محد راح يفهمه إلا اللي لاعب اللعبة P:

اكثر واحد يحلم احلام مرعبه ؟
مممم حاول تصلي كل صلاه بوقتها :: مو قصدي شي بس انصحك لا تفهمني غلط 🙂*

 

[Leon]

آنا أكثر واحد بالعالم يحلم أحلام رعب ويقوم مثل المجنون خايف، كل هذا من الجيمز وأفلام الرعب لوول

قبل أمس حلمت بـThe Darkness لووول قسم بالله حلم رهييييييييييب بس ما راح أقوله لأنه محد راح يفهمه إلا اللي لاعب اللعبة P:

خخخ شكلك حلمت بإنك جاكي , عندك قدرة الداركنيس و تقدر تستدعي الوحوش لول ..

 

[Colorization]

السالفة مو عن الصلاة أو الإيمان بشكل عام، لكن عندي خوف شديد من الظلمة، وبنفس الوقت ما أعرف أنام والليتات مبطلة لذلك أنام وأصكر الليتات، فترة "ما قبل النوم" هذي أكون خايف حيل (مع إنه ماكو سبب يخليني أخاف لول)، لذلك الأفكار اللي تجيني هالفترة الصغيرة (وأحيانا ً تكون طويلة!) تنتقل معاي لأحلامي، لأنه كل مرة انام وآنا خايف؛ أحلم حلم رهيب ب_ب

خخخ شكلك حلمت بإنك جاكي , عندك قدرة الداركنيس و تقدر تستدعي الوحوش لول ..

لأ، حلمت إني Darkling وكل شوي أحن على جاكي إنه يستدعيني 😛 بس قهر، آنا أذبح المافيا وهو اللي ياكل قلوبهم! لول

 

[TenZen]

لول ... احلام 🙂

الحلم الوحيد الي ما نسيته طول حياتي (صار له اكثر من 15 سنه)

حلمت انا و اخواني و اولاد عمي (كان عددنا 4 ) ماسكين سيوف و فينا اجنحة بيضاء و نطير و نحارب
تنين ضخم يمشي في ممر داخل البيت (تحس ان البيت كان قصر طول في عرض رغم ان الممر
بالحقيقة طوله خمسة امتار و عرضه مترين ) ثم اثناء القتال هربت و اتجهة ناحية باب الخروج
و لم خرجة خرجت وانا شخص عادي من غير اجنحة و لاسيف .. ثم شفت طائرة حربية
امام مدخل البيت (شبيها ب f16 اعتقد) مريت بجنبها و اتجهة ركضا الى بيت جدي
وهناك شفت احد اقاربي (بنت) كانت تحذرني من عصابة الي هم اختطفوها و حولوها الى روبوت
بس لازالت عندها بعض الذكريات و عرفتني وقالت لي اهرب بسرعة و في هذي اللحظة
دخلت العصابة من باب المزرعة و اطلقو علينا الرصاص و اصابت البنت و انا كنت بقربها
ثم اعتقد ان الحلم انتهى ..


ما قدرت افهم شيء من هذا الحلم بس هو الحلم الوحيد الي اذكره طول هذي السنين ..!!

 

[Leon]

اتيي فترات اول ما انام احلم لمده ثواني اني اركب درج واطيح فجأه !! وفي الواقح احرك جسمي ! وافتح عيوني بسرعه ! ما ادري ليش O_O

تعوذ من الشيطان , شباب ترى هذه نغزة من نغزات الشيطان أو بالأصح يلعب عليك , لمن يحصل لك كدة تعوذ من الشيطان الرجيم واقرأ أية الكرسي وانفث على جنبك اليسار ثلاثة مرات أو كما قال الرسول عليه الصلاة والسلام ..

تعديل :

Posts: 9,999

همام أصحك تحط رد دحين , خلي الرقم المميز شوية .. :cooool:

 

[megaman]

آنا أكثر واحد بالعالم يحلم أحلام رعب

لول نفس الشي هنا



طبعا في كثيــــــــــــــــــر احلام غريبة قد حلمتها

لكن فيه واحد فعلا عجبني .. وهو اني حلمت اني اقدر اطير

بدون اي مساعدة او اجهزة .. انا اقدر اطير بنفسي, والغريب انه كان حلم واقعي 100% وكأنه حقيقي ..

حتى كنت اقدر اوازن روحي وانا بالهوا واتشقلب بكل سلاسة

كانت متعة لاتوصف بصراحة شي غير طبيعي







بس نصيحتي للشباب انهم ما يتكلمون عن اي حلم غريب \ مرعب يكون فيه احتمال انه يصير (مثل انك تحلم بأحد اقاربك انه صار له شي)

أما اذا كانت أضغاث احلام فخذ راحتك :yuck:

 

[Bounty]

الدمية القاتله كانت مسببه لي رعب مو طبيعي .. اكرهها اكرهها اكرهها حتى ليلحين اخاف منها لول :cryy:

والكوابيس الي احلم فيها كلها من الدمية القاتله الله لا يرجعها للسينما ان شاء الله ..


المهم ..


حلم غريب :yuck:

لول وانا صغير حلمت اني رحت الجنه .. كانت فوق غيوم .. و كنت اكلم الله سبحانه قلت له ابي تلفزيون عشان العب بلاي ستيشن استغفر الله .. لول الحلم كان على ايام البلاي 1 اول ما نزلت يعني كنت صغير بالعمر :yuck:




هممممم حلم ثاني ..


لول كان في بيتنا الي قبل هذا درج طويييييييييييل .. كنت كله احلم اني انقزه (اقفز jump ..إلخ) احلم اني انقزه كله مره وحده .. لول بس كان شي يخرع ..بس شعور لا يوصف اتحس انك سوبرهيرو :yuck:

 

[AMG]

عبد السلام قول !! يمكن انا ههههه لا تقول لا لأني بتحطم !

انا قلت ان الاعضاء ما اعرفهم معرفة شخصية و انا للاسف اعرفك معرفة شخصية خخخخ:yuck: :yuck: اهاع

 

[Final Fantasy]

أنا كل ما أنام أحلم .. مستحيل أنام من غير لا أحلم و مخيلتي جدا خصبه !

لذلك صعب أني أتذكر حلم من أحلامي الغريبة لأنه راح يكون كأني أنتقي ابره من كومة قش بحجم أبو الهول ;p

 

[Hwoarang]

حلمت واحد طعني بظهري ...



أخ ... أبي أعرف من ذا الشخص بس

 

[Colorization]

حلمت واحد طعني بظهري ...



أخ ... أبي أعرف من ذا الشخص بس

الصورة رعب مادري شلون بنام اليوم

 

[BioMario]

اوووه الصراحة حلمت احلام غريبة على كيف كيفكم لكن الصراحة ما اتذكر ..
مرة اعتثد حلمت اني في حرب ومت لكن اشوف إلي حولي يقاتلون بعدين ما اتذكر ..
لكن إلي خلاني استغرب اني كنت ميت لكن احس و اشوف الدنيا ..

ماراح اقول اسامي الشخصين الي في المنتدى يعني استريحوو

قول مين بليز والله الفضول ماكلني اكل لوول ..
انا واحد منهم ولا لا XD ?

 

[Solay]

عالم الأحلام شي رهييب وللمعلوميه الأحلام اللي ماتنساها هاذي للازم يكون لها تفسير!!

أما عن الحلم اللي مانسيته هو :

كنت واقف عند باب بيتنا وكان فيه دريشه(شباك) بجانب الباب وطفشان من شي ماادري وشو وبعدين جا زورو وجالس يواسيني وبعجين خلاني زورو زيه وانتهى الحلم هذا كان قبل 11أو12 سنه

شباب ترا الحلم يجي من شي كنت تفكر به او شي شفته قبل نومك بساعه أو أقل حتى كد سمعت طبيب يقول لازم ماتتفرج على شي قبل النوم بساعه يعني ترتاح ساعه

يعني كينجي يوم تحلمت بداركنيس كنت تلعبها قبل ماتنام^^

 

[squall leonhart]

شباب الاحلام و تفاسيرها مهي لعبة لانها ممكن تحصل من جد .. انا ما رح اشارك بالموضوع هذا اجتنابا للمشاكل الكثيره الي ممكن يسببها مع الاعتذار لاخوي Tomb raider كاتب الموضوع

 

[m7tram]

انا قبل كم شهر حلمت بمحترم واني سرت الكويت والخ .. وقبل ايام احلم اني اكلم حسين 11 بالتلفون ..

تدرون شنو الغريب ؟؟ اني بعد ما قالي الحلم بيومين تحلمت اني رحت لهم الامارات بس اشلون ؟؟ توقعوا لوول ..

في مرحله بجود اوف وور 2 تحت الأرض وبعدين تروح لمنطقه فيها ماي ... هههههههه رحت الامارات بالطريج هذا وكان أفلام رعب داخل :yuck: ولما وصلت الامارات قعدت تقريبا 5 دقايق شفت فيها حميد وبعدين رديت من نفس الطريج :cryy: .


تعديل :

تحرير: في أحد غيري يخاف حيل لما يحلم حلم horror وإلا بس آنا؟ يعني أخاف أقوم أبطل الليت حتى!

على هالطاري , مره تحلمت ان في واحد يبي يذبحني ليش مادري وانا كنت ميت خووف منه وانحاش وحالتي حاله , اخر شي قعدت من النوم ولقيت نفسي بسريري وبغرفتي وكل شي تمام بس شنو الغريب ؟؟ الشخص الي يلحقني موجود على يميني يصرخ ويقول ياوييييييييييييييييييييييييييييييييييييييلك !!

من الخرعه غمضت عيني وقعدت من النوم أصرخ واقول رووووووح .. طلعت متحلم حلمين داخل بعض :cryy: كان رعب .