hits counter

افضل Gaming Laptop؟ احتاج مساعدة

Sir Guts

Sir Guts

Ryo Hazuki
السلام عليكم
عشان اوفّر عليكم العناء و عوار الراس انا املك PC قوي يشق الوجه الحمدلله
لكن انا واحد اقضي الويكند مع العيال كل مرة في ملحق احد و نظام لعب x لعب
على العموم، رحت جرير و شفت نوعين MSI جبّارين و اسعارهم نار جدا. هذول هم:

الـMSI GT80 Titan و سعره 15 ألف ريال
image3.png


الـMSI GT72 Dominator Pro و سعره 12,500 ريال
600.png

احنا راعيين MMO من 2006-2007 و هذا حالنا من يومها. كل ويكند نجتمع في ديوانية احد و نلعب
انا مابقعد كل مرة اشيل الـPC حقي و اوديه و اجيبه لأن بصراحة قلق و مشواااار و صداع والله
عشان كذا انا ابغى Gaming Laptop قوي مو لابتوب يمشي الحال و خلاص. ياريت يا اهل الخبرة تساعدوني
شاكر لكم مقدما 🙂​
 
الـMSI GT72 Dominator Pro داخل مزاجي بقوة
هذا واحد مشغّل GTAV Ultra على الابتوب
 
Zero_IYAD قال:
حرام هالأسعار.
اطلب من Amazon يلي يناسبك من لابتوبات Republic of Gamers.
أنقر للتوسيع...
معليش إياد ياريت تشرح اكثر ليش RoG بالذات؟
هو الأسعار غالية اي اتفق لكن بالنسبة لي gaming laptop يشغل العاب بالشكل هذا شي جبّار
على سبيل المثال شوف ويتشر3 على الـDominator Pro. انا عن نفسي خقيت والله
 
ThePliskin قال:
معليش إياد ياريت تشرح اكثر ليش RoG بالذات؟
هو الأسعار غالية اي اتفق لكن بالنسبة لي gaming laptop يشغل العاب بالشكل هذا شي جبّار
على سبيل المثال شوف ويتشر3 على الـDominator Pro. انا عن نفسي خقيت والله
أنقر للتوسيع...


شيك هذا: http://store.asus.com/us/item/201506AM270000011/A30933
 
ThePliskin قال:
معليش إياد ياريت تشرح اكثر ليش RoG بالذات؟
هو الأسعار غالية اي اتفق لكن بالنسبة لي gaming laptop يشغل العاب بالشكل هذا شي جبّار
على سبيل المثال شوف ويتشر3 على الـDominator Pro. انا عن نفسي خقيت والله
أنقر للتوسيع...

من تجربة شخصية.
ما أفهم بعتاد الكمبيوتر, و سألت أول السنة و فتحت موضوع مثلك و انتصحت بواحد. و الآن كمل معي نص سنة بدون أي مشاكل.
لقيت لابتوبي بجرير بنصف مواصفاته بـ9000 ريال, اشتريته من Amazon بضعف المواصفات و سعره 4200 ريال.
 
Solid Sora قال:
شيك هذا: http://store.asus.com/us/item/201506AM270000011/A30933
أنقر للتوسيع...
سعره جميل، مواصفاته جميلة و شكله قبيح xD
شكرا خالد
Zero_IYAD قال:
من تجربة شخصية.
ما أفهم بعتاد الكمبيوتر, و سألت أول السنة و فتحت موضوع مثلك و انتصحت بواحد. و الآن كمل معي نص سنة بدون أي مشاكل.
لقيت لابتوبي بجرير بنصف مواصفاته بـ9000 ريال, اشتريته من Amazon بضعف المواصفات و سعره 4200 ريال.
أنقر للتوسيع...
تقريبا نص السعر و بضعف المواصفات! كلام جميل!
طيب ايش رايك بالـRoG الي حطه خالد فوق؟
 
^
هذا يلي عندي, تقدر تقارن المواصفات بنفسك.
طبعا أخذت يلي معاه SSD. راحة بال و سرعة تستاهل كل قرش اندفع.
 
Zero_IYAD قال:
^
هذا يلي عندي, تقدر تقارن المواصفات بنفسك.
طبعا أخذت يلي معاه SSD. راحة بال و سرعة تستاهل كل قرش اندفع.
أنقر للتوسيع...
والله جيّد يا صاحبي بس GTX960؟ امممم ممكن يخليني اتراجع شويتين
ماعلينا، انت قولي لعبت العاب قوية Ultra عليه؟ و اذا اي هل عانيت؟
اذا مالك خلق تجاوب اليوم جاوب اي وقت حبيبي مافي اي مشكلة خذ راحتك
 
^
مرة أخرى, ما عندي معلومات حتى أنصح غيري بناءً على العتاد.
بشكل أساسي لعبت Life is Strange يلي شغالة بمحرك Unreal Engine 3 و ما في أي ملاحظة سلبية, و لا حتى سخونة أو صوت مروحة مزعج أثناء اللعب.
طبعا مريت على مكتبة ألعابي كلها في Steam بشكل سريع. Portal 2 و Mirror's Edge اشتغلوا أيضا بلا أي مشاكل.
ما أعتقد عندي ألعاب أقوى من يلي ذكرتهم تقنيا.
 
مستحيل أدفع مبلغ جنوني مثل كذا.

كل ويكند نجتمع في ديوانية احد و نلعب
انا مابقعد كل مرة اشيل الـPC حقي و اوديه و اجيبه لأن بصراحة قلق و مشواااار و صداع والله
أنقر للتوسيع...

هل ترى هذا مبرر كافي للمبلغ الاستهبالي اللي بتدفعه؟

خل الفلوس عندك وانقل البي سي , مرة أو مرتين في الأسبوع ما تضر.
إذا بتشتري اللابتوب بكل الأحوال, يا إما بع البي سي أو لا أحد يدري أن لا زال عندك بي سي جبار, لأنك إذا سلمت من الحسد ماراح تسلم من النظرة السلبية ( المستحقة - لا تزعل - ) لشخصيتك.


بالنسبة لي أكثر شيء جذاب في البي سي جيمنج هو ال60 فريم, تغير التجربة بشكل كبير.
ما أبغى أفتح موضوع جديد : لو اشتريت جهاز قمة الآن ( بكرت شاشة 980 وحولها ) وراضي تمام الرضى عن إعدادات الmedium و رزلوشن 720, كم بيستمر معي الجهاز إلى أن أظطر أبدله ( أبدأ أنزل عن 60 فريم على medium ).
طبعاً إعدادات الفيزيكس المتقدمة والhair works و الزرع والماء والأشياء هذي إما off أو low .
 
التعديل الأخير:
Zero_IYAD قال:
^
بشكل أساسي لعبت Life is Strange يلي شغالة بمحرك Unreal Engine 3 و ما في أي ملاحظة سلبية, و لا حتى سخونة أو صوت مروحة مزعج أثناء اللعب.
ما أعتقد عندي ألعاب أقوى من يلي ذكرتهم تقنيا.
أنقر للتوسيع...
life is strange مو ذاك الجرافكس الخطير وسواء لعبتها على كمبيوتر او اجهزة الجيل الحالي او السابق ماتفرق
بس امثلتك الثانية ماعندي علم بقوتها
 
ThePliskin قال:
مرة وحدة اعطوني رأيكم في هذا
http://www.razerzone.com/gaming-systems/razer-blade
أنقر للتوسيع...
مممممم صعب جدا تختار لابتوبات gaming بسرعة فكذا لف في قناة lines tech tips وشوف كل الفيديوهات عن الجيمنق لابتوب لاني اشوف تقاريره عن اللابتوبات ممتاز فكذا احتمال تلقى المناسب لك

 
مشاري... إبقى على شيلان الديسكتوب معاك، خصوصاً إذا فعلاً بتلعب ألعاب تتطلب هاردوير قوي أثناء هالجمعات.
نعم، لابتوب جيمنج، حتى لو كان 17 إنتش و وزنه وزن ثور، بيكون بورتبل أكثر من الديسكتوب، بس الهاردوير محدود بشكل كبير و الأداء أضعف، خصوصاً بالمقارنة بالديسكتوب اللي عندك، أيضاً ما تقدر تطور القطع المهمة فيه، ففقط بيكون مضيعة فلوس.
 
msfm قال:
اليوم يشغل الترا بكرا لا

حرام 15 الف
أنقر للتوسيع...
مافي احد قال بدفع المبلغ هذا لأني مستخسره
عشان كذا فتحت الموضوع هذا انا عشان آخذ نصايح
m7mmdal7md قال:
مستحيل أدفع مبلغ جنوني مثل كذا.



هل ترى هذا مبرر كافي للمبلغ الاستهبالي اللي بتدفعه؟

خل الفلوس عندك وانقل البي سي , مرة أو مرتين في الأسبوع ما تضر.
إذا بتشتري اللابتوب بكل الأحوال, يا إما بع البي سي أو لا أحد يدري أن لا زال عندك بي سي جبار, لأنك إذا سلمت من الحسد ماراح تسلم من النظرة السلبية ( المستحقة - لا تزعل - ) لشخصيتك.


بالنسبة لي أكثر شيء جذاب في البي سي جيمنج هو ال60 فريم, تغير التجربة بشكل كبير.
ما أبغى أفتح موضوع جديد : لو اشتريت جهاز قمة الآن ( بكرت شاشة 980 وحولها ) وراضي تمام الرضى عن إعدادات الmedium و رزلوشن 720, كم بيستمر معي الجهاز إلى أن أظطر أبدله ( أبدأ أنزل عن 60 فريم على medium ).
طبعاً إعدادات الفيزيكس المتقدمة والhair works و الزرع والماء والأشياء هذي إما off أو low .
أنقر للتوسيع...
و في احد الحين قال بدفع المبلغ هذا؟! فاتح الموضوع ليش انا؟
عشان اهل الخبرة يفيدوني. بتفيدني بكون لك من الشاكرين
ماتقدر تفيدني لا تنتقد و شوف احد يقدر يفيدني و شكرا لك
IBRHEEMQ4 قال:
مممممم صعب جدا تختار لابتوبات gaming بسرعة فكذا لف في قناة lines tech tips وشوف كل الفيديوهات عن الجيمنق لابتوب لاني اشوف تقاريره عن اللابتوبات ممتاز فكذا احتمال تلقى المناسب لك

أنقر للتوسيع...

الـMSI الي حطيته انت رهييييب @@
كم سعره هذا و هل يفي بالغرض؟
 
Kaizoku قال:
مشاري... إبقى على شيلان الديسكتوب معاك، خصوصاً إذا فعلاً بتلعب ألعاب تتطلب هاردوير قوي أثناء هالجمعات.
نعم، لابتوب جيمنج، حتى لو كان 17 إنتش و وزنه وزن ثور، بيكون بورتبل أكثر من الديسكتوب، بس الهاردوير محدود بشكل كبير و الأداء أضعف، خصوصاً بالمقارنة بالديسكتوب اللي عندك، أيضاً ما تقدر تطور القطع المهمة فيه، ففقط بيكون مضيعة فلوس.
أنقر للتوسيع...
مصطفى، ترى قروشه كل مرة اشيل الـPC مع الـMonitor
و آخرتها ارجع البيت و ارجع اركب فيه. مرة مرتين اوكي بس كل مرة؟ توو متش
انا ابغى شي يعطيني ألترا في العاب الـMMO و العاب ثانية قوية بس مو سوبر قوية
الـPC عندي مكفّي و موفّي و ما شاء الله يشق الوجه من قوته
 
ليش ما تسوي Streaming للعبة؟ اي لابتوب يقدر يسويها.
 
ThePliskin قال:
الـMSI الي حطيته انت رهييييب @@
كم سعره هذا و هل يفي بالغرض؟
أنقر للتوسيع...

على حسب امازون 7 الآف ريال ورا بحدود 10 الآف في السوق فكذا حط احتمالية انك تشتريه من امازون, ترا كل اللابتوبات الي حاطها high end gaming فكذا ما ادري إذا كان يناسب العاب mmo الي تلعبها لانوا اغلبها تتطلب مواصفات متوسطة
 
من جدكم ينقل الـPC!! ترى جداً جداً جداً متعب خاصة لجلسة في ملحق مع الشباب انا جربت فتره!
ولاتنسون ترى بييشيل معه كيبورد وماوس وسماعات..وموينتور..ووزن البي سي لحاله.. غير الموينتر لازم يرفعه ع شيء وبياخذ مساحة كبيرة من المجلس يشبك فيها اشياءه!..يارجل بيلعبون اخوياك ويخلصون وانت لسى تشبك وتفصل
اخوي ماقلتلنا ايش نوعية الالعاب الي بتلعبها مع أخوياك؟! اذا اشياء مثل DOTA و LOL ماتحتاج لشيء مره خرافي..وأذا العاب زي GTA مب لازم تلعب ع الالترا لاب توب يشغلك عالهاي بدون تقطيع وبسلاسه اتوقع يفي بالغرض ع لاب توب وجلسة شباب تتغير ولاهي دايم بتكون موجوده..خاصة ان عندك بي سي بالبيت يعني مرة خسارة احس تتعب ع الطرفين..
 
يالخوي اعرف بالضبط الألعاب اللي بتلعبها عليه أشوف الاستثمار غير مجدي لو كان بتدفع مبلغ وقدره وبالنهاية بس بتلعب عليه ألعاب MMO وكم لعبة ماتتطلب الكثير
خصوصاً انه عندك جهاز منزلي اولريدي .. بعدين تعال اذا كذا ليش مالعبت ويتشر عالـPC ؟ ما أوقحك

فإن كان لعبك عاللاب مارح تكون فيه ألعاب تاكل الهاردوير (مثل ويتشر في حالتنا) فخذ لك حاجة lower-mid high end ما أشوف انك تحتاج أعلى مافي السوق على ألعاب
جماعية .. وكإقتراح كمجرب سابق لـAsus فأجهزتها صلبة صراحة وتعيش وتعطيك حقها
 
NCC-1701 قال:
ليش ما تسوي Streaming للعبة؟ اي لابتوب يقدر يسويها.
أنقر للتوسيع...
ماعندي مشكلة بس اسوي Streaming من الـPC حقي على ايش؟ مافي شي اسوي ستريم عليه
IBRHEEMQ4 قال:
على حسب امازون 7 الآف ريال ورا بحدود 10 الآف في السوق فكذا حط احتمالية انك تشتريه من امازون, ترا كل اللابتوبات الي حاطها high end gaming فكذا ما ادري إذا كان يناسب العاب mmo الي تلعبها لانوا اغلبها تتطلب مواصفات متوسطة
أنقر للتوسيع...
كلام جميل. الـMMO مو محتاجه شي واو مثل ماتفضلت بس قلت مرة وحده الابتوب اخليه حق السفر
شكرا ابراهيم تعبتك معي
The Last Lombax قال:
شاشة ثانية مع توفير أسلاك اضافية للمكان الاخر بحيث تنقل البي سي فقط في كل مرة؟
أنقر للتوسيع...
ابو احمد، الكلام اسهل من الفعل صدقني
شيلة الـPC لحالها قروشة كل مرة لأنه مو خفيف و اشيله لحالي
ماودي يجيني بواسير ولا الدسك بسبب شيلة الـPC كل مرة xD
 
oX. قال:
من جدكم ينقل الـPC!! ترى جداً جداً جداً متعب خاصة لجلسة في ملحق مع الشباب انا جربت فتره!
ولاتنسون ترى بييشيل معه كيبورد وماوس وسماعات..وموينتور..ووزن البي سي لحاله.. غير الموينتر لازم يرفعه ع شيء وبياخذ مساحة كبيرة من المجلس يشبك فيها اشياءه!..يارجل بيلعبون اخوياك ويخلصون وانت لسى تشبك وتفصل
اخوي ماقلتلنا ايش نوعية الالعاب الي بتلعبها مع أخوياك؟! اذا اشياء مثل DOTA و LOL ماتحتاج لشيء مره خرافي..وأذا العاب زي GTA مب لازم تلعب ع الالترا لاب توب يشغلك عالهاي بدون تقطيع وبسلاسه اتوقع يفي بالغرض ع لاب توب وجلسة شباب تتغير ولاهي دايم بتكون موجوده..خاصة ان عندك بي سي بالبيت يعني مرة خسارة احس تتعب ع الطرفين..
أنقر للتوسيع...
مثل ماتفضلت جدا متعب خصوصا و ان الـPC حقي مو خفيف ابدا
فوق هذا ماوس، كيبورد، pad، سماعات..الخ. اي والله بيلعبون و انا لسه اشبّك xD
شوف يا طويل العمر لعبنا Full MMO، مانلعب DOTA و LOL و الـMOBA بشكل عام
لعبنا كله MMO من Aion الى WoW و انت رايح يا وحش + CS:GO الألعاب ماتتطلب مواصفات قوية
بس انا قلت حرام دامي بدفع مرة وحده اخذ شي كويس و اسفيد منه فالسفر بعد
Clock Ender قال:
يالخوي اعرف بالضبط الألعاب اللي بتلعبها عليه أشوف الاستثمار غير مجدي لو كان بتدفع مبلغ وقدره وبالنهاية بس بتلعب عليه ألعاب MMO وكم لعبة ماتتطلب الكثير
خصوصاً انه عندك جهاز منزلي اولريدي .. بعدين تعال اذا كذا ليش مالعبت ويتشر عالـPC ؟ ما أوقحك

فإن كان لعبك عاللاب مارح تكون فيه ألعاب تاكل الهاردوير (مثل ويتشر في حالتنا) فخذ لك حاجة lower-mid high end ما أشوف انك تحتاج أعلى مافي السوق على ألعاب
جماعية .. وكإقتراح كمجرب سابق لـAsus فأجهزتها صلبة صراحة وتعيش وتعطيك حقها
أنقر للتوسيع...
زي ماقلت بخليه مرة وحده حق السفر و ابغاه يكون شي كويس
لأن حرام ادفع مبلغ على لابتوب و آخرتها اسوي فيه شي واحد ولا استخدمه مكان واحد
معليش شعور الكونسول غير عن الـPC مهما كان فرق القوة يالخوي @@
 
انا مابقعد كل مرة اشيل الـPC حقي و اوديه و اجيبه لأن بصراحة قلق و مشواااار و صداع والله
أنقر للتوسيع...

ليش ماتاخد ميني كيس أريح لك ؟ واذا عند الشباب شاشة زايدة تشبك فيها بواير HDMI ، وضروري الكيبورد والماوس .. فهمت من كلامك الي عندك مخصصين للالعاب ؟ ماتلعب بالكنترولر ؟
 
Squalyian قال:
ليش ماتاخد ميني كيس أريح لك ؟ واذا عند الشباب شاشة زايدة تشبك فيها بواير HDMI ، وضروري الكيبورد والماوس .. فهمت من كلامك الي عندك مخصصين للالعاب ؟ ماتلعب بالكنترولر ؟
أنقر للتوسيع...
ايوووه بخصوص الميني كيس، امس واحد من الشباب قاعد يدورلي و شفت اشياء حلوة. الفكرة دخلت في مخي و قاعد اراجع نفسي. بخصوص الماوس و الكيبورد الا العب بالكنترولر اغلب الوقت على الـPC بس طبعا مو العاب MMO و كاونتر طبعا. على العموم اذا انت لقيت ميني كيس كويس مواصفات و سعر. ارمي هنا الله لا يهينك و شكرا مقدما
 
برايي ميني كيس كـ شيء للمستقبل مابينفعك! خذلك لاب توب زي ماقلت بكرى لاسافرت ولاشيء ينحط بالشنطه بدون ماياخذ مساحه وتتنقل به بسهوله..لاجاء وقت سفرة بتتمنى انك شريت لاب توب قيمنق
 
يجب تسجيل الدخول أو التسجيل كي تتمكن من الرد هنا.
عودة
أعلى