برسونا 5 خاصة تصميمها عبقري تشوف كل شي يدخل مع الثاني وأقرب لأنك تشوف مصنع كل الة تسوي شي والثانية تكمل عليها ويشتغلوا بسلاسة وكفاءة عالية فرادى وتزيد الكفاءة لما يشتغلوا مع بعض، ميزة برسونا 4+5 أنهم يمزجوا الحياة اليومية الاعتيادية بالأشياء الحلوة فيها من علاقاتك مع الشخصيات الجميلة وكذلك الأشياء الروتينية الرتيبة مع الجانب الخيالي ومغامرات بطل الجربج الي يروح الدنجنز ويهزم الشر، المزيج ما بين الخيال وسحره والواقع واعتياديته هو الي خلاهم ألعاب مثيرة، بس لما تشوف بالخامس خاصة كيف كل جزء يدعم الثاني هنا برسونا ترتقي لمرحلة مذهلة.
السوشل لنك هو عبارة عن علاقتك مع الشخصيات، كل مرة تطلع أكثر مع الشخصية وتسولف معها وما إلى ذلك من أمور تقوى علاقتك، هذا بحد ذاته شي رهيب بس بالخامس كل مرة تلفل علاقتك مع شخصية معينة تحصل قدرة بعد فترة، وحدة من الشخصيات تعطيك قدرة المسدس بالكومبات والي لاعب برسونا 5 يعرف لأي درجة ذي القدرة مفيدة، ونفس الشي لما تلفل علاقتك مع الشخصية تحصل XP زيادة لما تصنع برسونا من نفس نوع الشخصية، وزيادة على هذا ما تقدر تطور العلاقة إلا لما تمشي مع التقويم أي ما تقدر تلفل علاقتك مع شخصية من أول أسبوع باللعبة فهذا يخليك تطور علاقتك مع شخصيات مختلفة بنفس الفترة عشان تستفيد من الوقت، وبعد فترة اللعبة بتقول ما تقدر تكمل مسار العلاقة مع ذي الشخصية لأنك ما ذكي كفاية مثلا، فتروح تسوي أنشطة جانبية مثل قراءة الكتب عشان ترفع ذكائك والي ممكن تعطيك شي ثاني غير أنها تفتح لك القدرة أنك تكمل العلاقة، وكلامي ههنا عن الشخصيات وتطوير علاقاتهم خلاني أذكر أشياء أخرى متعلقة بالموضوع، واللعبة كلها كل مصممة بشكل كل شي يخدم الاخر ويساعد الاخر.
