hits counter

اصرف صرف مو طبيعي ابي نصايح يا نااااس!!

Lone Wolf

Lone Wolf

Banned
السلام عليكم

والله يا شباب اواجه هالمشكلة الي ابي اتخلص منها لأنها مب زينة

اذا في محفظتي فلوس لازم تنصرف حرام لو في فلوس وماصرفهم

وانا الحين ابي هالفلوس ماتنصرف على الفاظي لأني ابيهم حق الجيمز

الحين الله يخليكم ابي نصايح و طرق احافظ على الفلوس وماصرفهم

لحد يقولي حصالة ولحد يقولي خبيهم لأني اكسر الحصالة و اطلعهم اذا مخبيهم

وانا الحمدلله لا ادخن ولا هالخرابيط يعني فلوسي تنصرف على طلعات وبياخة ماحتاجها!!
 
حطها في حساب بنك وضيع الرقم 😛​
 
خلي فلوسك مع الوالد أو الوالدة ( مو بجيبتك ) و كل ما تحتاج اشي مهم اطلب منهم .

و لا تنسى انو المبذرين اخوان الشياطين
​
 
بكل بساطه افتح لك حساب توفير و حطهم بالحساب .. دايما الفلوس اللي تكون بعيده عن اليد صعب انك تصرفها او تفكر فيها 🙂
 
همم ياخي حاسس فيك لان مشكلتك كنت اواجهها , الكاش بجيبتك يصير يحكك صحيح :yuck::
صدقني من افضل الحلول مثل ما خبروك الشباب انك تحطهم ببنك ..والاهم - وما ادري لو هالشي ممكن تعمله أصلا - انك تطلب فتح حسابين , واحد ببطاقة ATM و واحد بدون , خلي حساب البطاقة عشان لو احتجت انك تصرف اما الحساب الثاني فيجبرك تروح للبنك نفسه وتنتظر بالطابوور عشان تحصل فلوسك وبالتالي تعود نفسك على الحرمان ..
 
عندي حساب فالبنك اقدر احط فيهم الفلوس

بس فالويكند خبركم لازم اسحب 10 دينار بالقليل حق الطلعة

فأشوف فلوس زيادة فلازم اسحبهم. قمت قلت مافي الا ابوي يعطيني فلوس الويكند

والباقي هو يحطهم فالبنك واخلي البطاقة عنده لكن ماسويتها 🙁
 
لا تشيل بمحفظتك فلوس كثير ..

أنا أشيل معي 200 ريال كحد أقصى (100 وتفاريق) ... والباقي يا بالبنك يا بالمحفظة اللي بالغرفة ... إلا لو طالع بأشتري لعبة أوغرض أصير آخذ الكاش من محفظتي الثانية.
 
^ true
+لاتكثر طلعات مع اخوياك 😛
 
- تعلم تمسك نفسك.
- بدل هالإدمان بإدمان ثاني.
- شوف طبيب نفسي.
 
^
شوف أنا ما أعتبر اللجوء إلى طبيب نفساني يعتبر إهانة.


بس مو كل حالة الواحد يلجأ فيها للطبيب النفساني -___-"

حسيت بأن كلامك Offensive على الرغم من إنه مو موجه لي.
 
سلمان أنا كنت مثلك أصرف بشكل موب طبيعي ..
وفي حل جداً فادني ..

سوي لك محفظتين ويوم تروح طلعة حط في المحفظة الثانية أكثر شي 200 درهم او 150 درهم ..
او انك قبل لا تصرف درهم واحد فكر عدل الشيء رح يفيدك او لا او انه رح تحتاج له او لا ..

حاول تقتصد في فلوسك لأنك إذا اتعودت خلاص رح تكون عادة لين ما تتوظف ونفس الحالة وفي هذاك الوقت صعب تغير من هذا الشي ..
 
تَصَدَّق :spy: ،،
 
لا تشتري :sarcastic:
 
التعديل الأخير:
قال رسول الله صلى الله عليه وسلم { لا تزولا قدما عبد حتى يسأل عن أربع : عن عمره فيما أفناه ، وعن شبابه فيما أبلاه ، و عن ماله من أين اكتسبه و فيما أنفقه ، و عن علمه ماذا عمل به}
استشعر يا أخي الكريم هذا الحديث , وأعلم أنك محاسب
و هذا أفضل دواء لمشكلتك
 
Isaac قال:
^
شوف أنا ما أعتبر اللجوء إلى طبيب نفساني يعتبر إهانة.


بس مو كل حالة الواحد يلجأ فيها للطبيب النفساني -___-"

حسيت بأن كلامك Offensive على الرغم من إنه مو موجه لي.
أنقر للتوسيع...

اممم ماابي اغير الموضوع

بس لو تبي رأيي

كل شخص مهما كان المفروض يروح لطبيب نفسي مره وحده في الاسبوع

صدقني we need them خصوصا هالايام 😛​
 
روح أتصدق
مابقولك كيف تحافظ على فلوسك .. ولا كيف تكنزها وتجمعها.. انا بس بقولك إني كنت زيك تقريبا .. الفلوس تدخل المحفظة وتندر من غير ماأدري .. اوكي فكيت حساب ,, حطيت الفلوس عند أمي .. رميتها جمب الكمبيوتر - مو في المحفظة يعني - .. مافي فايدة .. لكن صدقني لمن تتصدق .. بتحس بالبركة + الراحة النفسية ...
 
Isaac قال:
^
شوف أنا ما أعتبر اللجوء إلى طبيب نفساني يعتبر إهانة.


بس مو كل حالة الواحد يلجأ فيها للطبيب النفساني -___-"

حسيت بأن كلامك Offensive على الرغم من إنه مو موجه لي.
أنقر للتوسيع...
هو لو مشكلته فعلاً كبيرة فالمفروض يلجأ لطبيب نفسي... عادة هالمشاكل لها أساس نفسي
Aoks قال:

اممم ماابي اغير الموضوع

بس لو تبي رأيي

كل شخص مهما كان المفروض يروح لطبيب نفسي مره وحده في الاسبوع

صدقني we need them خصوصا هالايام 😛​
أنقر للتوسيع...
لول من جد... هالايام الواحد يحتاج "ينفس"
 
أولا طريقة Isaac ممتازة.
ثانيا سولك ميزانية شهرية او اسبوعية وامشي عليها, حط كم بالشهر يجيك وكم طلعة بتطلع والخ.
 
انزين لا تصرف ؟
ليش الصرف و الفسفسه ؟
حط لك limit ... و حط في بالك انك لازلت طالب بالثانوية ... الي في سنك المفروض ما يحط اكثر 100 ريال في محفظته !
الحياة الحقيقة للحين ما بديت فيها P:
عن نفسي ... 200 ريال اسبوعيا ً بس ... و نسبة كبيرة تروح على البانزين, و البيت فيه اكل ... و في الويك اند مطعم محترم بس بدون اسراف و لا تبذير.
 
طبيب نفسي ايش ؟؟ تستهبلوا ؟؟ طبيب نفسي لواحد مريض مش واحد يبغى يصير اقتصادي ...
بالنسبة لحالتك سنيك (وش اسمك صحيح ؟؟) فأنا مثلك لفترة قريبة يعني قبل شهرين صرفت تقريبا 2700 ريال في شهر على كلام فاضي ...
لكن عشان اوفر صرت ما اسحب من حسابي غير مبالغ بسيطة جدا اقعد احيانا عليها يومين و ثلاثة و انخفض مصروفي بهالطريقة لما يعادل 800 ريال في الشهر ...
 
أني ما أشتري شيء ألا يكون ضروري ما أشتري كلام فاضي تعلم أن تصرف فلوسك با أهتمام و الدقة
 
اخذلك ماستر كارد..واخذ من فلوس الماستر كارد ، راح تصير مطلوب

وماراح يقعد عندك ولا فلس في البطاقة

وحتى لو حطيت فلوس فانت قاعد تسدد السالب اللي عليك

ووقتها بتحس انه الاقتصاد نعمه ، شرايك بالحل الجهنمي بس؟
 
Agent47 قال:
أولا طريقة Isaac ممتازة.
ثانيا سولك ميزانية شهرية او اسبوعية وامشي عليها, حط كم بالشهر يجيك وكم طلعة بتطلع والخ.
أنقر للتوسيع...

تسجل في التاريخ ...

اول واحد ينادي حازم بـ Isaac من سنتين :laugh::
 
مثل ما قال Ammar_R الله يجزاه خير

تصدق

و نظم مصاريفك يعني فيه أولويات مثل الشرب والاكل والملبس والبنزين لازم تكون الاولوية في الصرف عليها وفيه كماليات مثل الطلعات و الافلام و المطاعم تقدر تصرف عليها جزء مما يتبقى مو كله و أحسن شي انك تفتح حساب ثاني (ببطاقة او بدون) و تحط فيه نسبة من مصروفك مثلا 10 او 50 دينار شهريا (على حسب مصروفك) وبكون الحساب هذا للتوفير و للحالات الطارئة لا سمح الله مثلا لو خلصت الفلوس اللي معك ومحتاج تعبي بنزين


من فوائد الصدقة/

أنّها تطفىء غضب الله سبحانه وتعالى كما في قوله صلى الله عليه وسلم: «إن صدقة السر تطفىء غضب الرب تبارك وتعالى» [صحيح الترغيب].

و صاحب الصدقة يبارك له في ماله كما أخبر النبي صلى الله عليه وسلم عن ذلك بقوله: «ما نقصت صدقة من مال» [في صحيح مسلم]

------------------------------------

بالنسبة لموضوع الطبيب النفسي

للأسف في اغلب مجتمعاتنا العربية اللي عنده مرض نفسي او يروح للطبيب النفسي نعتبره مجنون او عنده حاله مستعصية, لازم النظرة هذي تتغير. المريض النفسي يعاني من مرض مثل اي مريض يعاني من مرض عضوي كالزائدة او المرارة, الامراض النفسية لها ادوية و علاجات ممكن تشفي المريض كليا, تماما مثل الامراض العضوية. ويستطيع الشخص اذا تعالج ان يمارس حياته بشكل طبيعي ويكون عنصر فعال ومنتج في المجتمع

فاللي اتمنى اننا ننظر للمريض النفسي كشخص طبيعي (مو مجنون) يعاني من مرض له ادويته و قابل للعلاج

و مافيها شي اذا شخص سليم راح عند طبيب نفسي يشيك على صحته مثل اي احد يروح عند طبيب عام يشيك عالضغط او السكر
 
التعديل الأخير:
Kaizoku قال:
هو لو مشكلته فعلاً كبيرة فالمفروض يلجأ لطبيب نفسي... عادة هالمشاكل لها أساس نفسي

لول من جد... هالايام الواحد يحتاج "ينفس"
أنقر للتوسيع...

لول, كذا الواحد عنده ربع علشان ينفس معهم :innocent::
احسك بالغت بقوه, هالسالفه بسيطه ولا تحتاج طبيب نفسي ولا بطيخ ..

المهم, لاتشيل فلوس كثيرة معك, وحاول تفكر قبل ما تشتري وتحسب, لان مشكلتك, والله اعلم, انك كل ما تشتري شئ تقول, هذا قيمته بس 10 ريالات, هذا بس 5, ماهيب فارقه, و خمسه فوق خمسه تصير مية, و ميه تصير ميتين, وانت ماتحس لانك ما تشتري إشياء لها قيمه كبيره, فقط اشياء بسيطة لكن تكثر منها ..
 
أهلا سنيك ، والله يا عزيزي أنا صرت أعرف أوفر ولله الحمد وعندي لك نصائح بإذن الله بتكون مفيدة جدا .

-ما في أحلى وأطيب وأصح من أكل الوالدة ، تجنب شراء الأكل من خارج البيت ولو احتجت اشتري شيء بسيط ويسد جوعك فأنت ما راح تموت لو ما أكلت واجد ولما ترجع البيت كل اللي تبغاه ، ولو اشتهيت شيء تعلم تسويه بنفسك في البيت ( تسوي لك قهوة ولا تروح تشتري لك كوب من محل بـ8 ريال أو 800 فلس مثلا ) .

-نظم مصاريفك ، أعرف أنك تبغى تشتري أشياء وبعضها يهمك ( ألعاب أو أدوات شخصية ) ، لا تشتري كل شيء مرة وحدة وتطير فلوسك ، إبدأ بالأهم وخلي الباقي لوقت أو شهر آخر .

-باختصار حاول تمسك نفسك ، مو كل شيء تشوفه ( أوه حلو ينفع .. أوه حلو بشتريه ) .

-احمل وياك مبالغ بسيطة إذا ما كنت ناوي تشتري شيء .

طبعا الوضع يختلف من شخص إلى آخر بحسب ميزانيته وقدرته المالية وبحسب قدرته على تنظيم مصاريفه ، وعموما اتمنى تطبق النصايح اللي عطيتك إياها لمدة وتعطيني رأيك .

عموما انتبه ترى الأكل برا البيت يطير الفلوس بشكل ما تتصوره ، عموما لا تبخل على نفسك ولا تترك لنفسك المجال .. الوسطية زينة .
 
التعديل الأخير:
Zero قال:
عموما انتبه ترى الأكل برا البيت يطير الفلوس بشكل ما تتصوره
أنقر للتوسيع...
بقوة 🙁 ،، إسألني أنا ،، عزوبي بين أهلي ،، ثلاث أرباع المكافأة بالبطن 🙁 ،،
 
شكلك الفلوس تجيك بسهوله .. !
عدا ذلك فما ضنتي تواجه صعوبات وزي ماقال isaac .. خل مية ريال بالبوك .. والباقي حطه بحسابك بالبنك
 
والله يا جماعة الخير تصدقت وسويت كل شي

لكن فالبحرين كل شي غالي يعني اخلي في محفظتي 100 ريال

عادي 60 او 70 طايرين على العشا ويا أخ تيمون الفلوس ماتجيني بسهوله

لو تجيني بسهوله كان اي لعبة خاطري فيها اشتريها. الحين مب قادر اوفر فلوس عشان اشتري لعبة خاطري فيها

صرت احمس ابوي على لعبة واخليه يشتريها لول لأنه ابوي يحب سوالف الجيمز والجرافكس والنقاشات ذي

يالله الله المستعان وشكرا يا شباب على النصايح ماقصرتوا والله 🙂
 
يجب تسجيل الدخول أو التسجيل كي تتمكن من الرد هنا.
عودة
أعلى