hits counter

استفسار : من يمتلك K800i

BioMario

BioMario

مصمم
السلام عليكم روحمة الله وبركاتة ..

في احد منكم سوى update لجهازة من النت ..؟
هل بالفعل يحل مشاكل كثيرة ..؟

انا جربت اسوي تحديث حملت البرنامج يقولي لازم تحمل مادري شو
من موقع macromedia.com قصدهم بالـ Flash Player ؟
حملت كل البرامج المهمة ولا في فايدة ..

يمكن في طريقة معينه لتحميل التحديث ..
عموماً من جرب يسوي ابديت الأخير وشو انحل معاه ..

الصراحة انا اعاني من الأرسال جداً تعيس -__- ..
 
وش هي المشاكل بالضبط؟ انا عندي الجهاز من فتره، ولا سويت له ولا ابديت لاني ما واجهت ولا مشكله.
 
عندي الأرسال تعبان من يوم ما خذيت الجهاز لين الحين -__- ..
و اعرف ناس قالولي نزل الأبديت رح تنحل كل مشاكلك -__- !!

بس الصراحة انا مستغرف ان الأبديت يقوي الأرسال ..
 
K800i أسرع جهاز في الإرسال على الإطلاق ، وهو الجهاز اللي أحس براحة غير طبيعية وأنا أرسل له .. وفي البلوتوث ينقل 65 و 60 ويتراوح ما بينهما .. عكس كل الجوالات

بالنسبة للتحديث راح يحل كل المشاكل وشكلك باقي على السوفتوير الأول المغبر وللحين ما غيرته لووول .. ومن الأشياء الرهيبة في التحديث تتحرك مربعات الفيديو وهي صغيرة بدون ما تفتح الفيديو ( تنفع للفيديو اللي بدايته شاشة سوداء )

عموما برنامج السوني اريسكون الخاصة بالتحديث يعمل بواجهات فلاشية ولازم يكون عند فلاش بلاير ، ولما تحمل الفلاش بلاير اتبع التعليمات الخاصة ببرنامج التحديث بحذافيرها ..

وإذا ما عرفت أي شيء قول لي .. أنا ما عندي K800i لكن أقدر أساعدك ..
 
من نزل الجهاز للحين ما يواجه اي مشاكل بالارسال. لو كانت فيه مشكلة من هذ القبيل انحلت من اول ابديت

شكل السالفة من جهازك نفسه
 
غريبة.. أنا سويت ابديت للجهاز بدون ما أفتح متصفح و لا يجيب لي سيرة فلاش

ادخل Setting بعدين General بعدين update service

و بيني و بينك سويت تحديث من اسبوعين أو شي .. و كان حجمه 3-4 ميجا أتوقع و لا حسيت بفرق كبير عموما
 
انا مرة سويت ابديت عن طريق الجهاز مباشرة .. و يوم خلص الابديت سوا reboot و من بعدها الجهاز طفى و ما اشتغل نهائيا.. اضطريت اوديه الصيانة.. بدلوا لي كل القطع الداخلية ما عدا الغطاء الخارجي.. باختصار اعطوني جهاز جديد.
 
مشكورين شباب ما تقصرون ..
بس الفلاش بلاير عقدني احد عنده وصله تحميلة ..؟
حملته من الموقع الرسمي لكن بعد مافي فايدة ..
 
تقريبا حصل معي نفس الي حصل مع همام
حدثت الجهاز و بعد يوم او اثنين طفى و ما عاد يشتغل

بس طريقة عمل الاب ديت سهله انته مو مضطر تعمل ابديت من النت تقدر تعمله من الجهاز نفسه
و إذا انت مو مشترك في خدمات ال GPRS شوف احد من ربعك بدل البطاقه و نزل الاب ديت و رجع بطاقتك اعتقد اسهل ...
 
لول نسيت أحذر يا جماعة ! ، أنك لو حدتث الجهاز عن طريقGPRS ممكن توصل الملفات ناقصة ويموت الجهاز ! ذكرتني همام .. عموما لا حد يحدث الجوال بهذه الطريقة أبدا .. خصوصا مع النت اللي سرعته ما شاء الله عندنا .. وناس واجد ماتت أجهزتهم لهذا السبب .. وأنا كان عندي W810i ومات وعطوني الضمان واحد ثاني ولليوم عايش والحمد لله ..

حدث الجوال من الكمبيوتر ومثل ما قلت نزل برنامج الفلاش بلاير ..
 
اخوي الفلاش بلاير ما يشتغل عندي مادري ليش ..
عندك برنامج ثاني ..؟

مع اني محملة من الموقع الرسمي
 
ممم الحل أنك تشوف لك كمبيوتر ثاني أو جهاز لصديقك مثلا وتنزل عليه برنامج التحديث .. عموما بالنسبة للـK800i كما قلت لك هو أسرع جهاز في الإرسال على الإطلاق ..
 
انا شاري k800i شهر 9 إلي طاف ..
ببساطة .. افضل جهاز وقع بين يدي ..
ماكو مشاكل الحمد لله إطلاقا (قولو ما شاء الله!)

واحلى ما فيه السايبر شوت (الكاميرا) قوية بشكل ذباح ^^"
 
يجب تسجيل الدخول أو التسجيل كي تتمكن من الرد هنا.
عودة
أعلى