استفسار عن عوازل الصوت

[fatal framer]

بغيت احط عوازل على كل الاماكن اللي ممكن الصوت يطلع منها في غرفة مخصصة لمشاهدة الافلام والالعاب

بس بغيت خدمة من اي شخص عنده تجربة

اذا حطيت بالحائط هل محتاج اني اعزل الباب وفتحات التكييف ؟

شنو افضل انواع العوازل وهل لازم احط في بالي عوازل الصدى ؟

تنصحوني اتعامل مع شركة ؟

انا مخطط اني اشتري سماعات مسرح منزلي اذا قدرت او على الاقل تجربة مماثلة

 

[Zorro]

اذا حطيت بالحائط هل محتاج اني اعزل الباب وفتحات التكييف ؟

نظريا لازم كل شي ينعزل

فعليا هل محتاج تعزل كل شي
اقصد هل انت بمكان تحتاج انك تعزل 100‎%‎ عن اللي في البيت !

شخصيا افضل انك تتواصل مع الشركات او المحلات المختصة و يمكن يجيك مهندس للبيت و ويعطيك تسعيرة مبدئية على الشغل ..
منها تعرف الاسعار و منها (وهذا المهم بالنسبة لي) بتاخذ فكرة عن الموضوع بالكامل بانواع العزل ..

باي مدينة انت ؟

 

[fatal framer]

نظريا لازم كل شي ينعزل

فعليا هل محتاج تعزل كل شي
اقصد هل انت بمكان تحتاج انك تعزل 100‎%‎ عن اللي في البيت !

شخصيا افضل انك تتواصل مع الشركات او المحلات المختصة و يمكن يجيك مهندس للبيت و ويعطيك تسعيرة مبدئية على الشغل ..
منها تعرف الاسعار و منها (وهذا المهم بالنسبة لي) بتاخذ فكرة عن الموضوع بالكامل بانواع العزل ..

باي مدينة انت ؟

يعطيك العافية اخوي انا بالكويت

بس المشكلة من شركة لشركة يفرق السعر وانا ابي خدمة زينة وانه يراعيني بالسعر

صراحة مادري اذا كنت مضطر اعزل كل شي الفكرة اني مابي الصوت يطلع من الغرفة

 

[Zorro]

الله يعافيك

بطبيعة الحال الاماكن الغير معزولة راح يكون فيها تسريب لذبذبات الصوت ، لكن هل هي مقبولة او لا هذه راجعة لك
عادة اماكن الاستوديوهات و التسجيلات هم اللي يفرق معاهم كل شي ..
ماراح تعرف اذا مضطر تعزل كل شي عشان تكتم الصوت تماما ، او تعزل لمعظم المكان عشان تخفف الا اذا جاك مختص للبيت ، سواء من شركة او فرد فاهم .
على الاقل صور الغرفة من كل جهة و خاصة الاماكن اللي تبي تتاكد من عزلها او لا
و زور محلات الشركات هذه و خذ تسعيرة تقريبي .