استفسار بخصوص ebay

[ASWD]

سلام عليكم شباب

فيه احد مشترك او جرب يشتري منه ؟

ودي اعرف نظامه وكيفية الشراء منه..اسعار المنتجات اللي فيه خصوصا الالعاب مرة زينة مقارنة بالمواقع الثانية*امازون ألخ* كنت اطلب منه العاب عن طريق شخص يشتغل معنا بس الحين ترك الشركة واشتغل في محل ثاني*وتوهقت لول* اخذت من هالموقع هافنلي سورد وور هوك اوبلفيون وكانت اسعارهم حلوة*لعبتين ماكلفوني اكثر من 410ريال=41دينار*..بالشحن وكل شي.. طبعا العاب جديدة ماهي مستعملة

الحين حاط في راسي افتح حساب في اراميكس وناوي اشتري العابي من برا اصرف لي من هنا..*مع اني نوب ما اعرف شي بهالامور*..واول خيار لي هو ذا الموقع واذا ما ضبط الوضع*محد قدر يساعدني* بحول الى امازون او بلاي اسيا وغيره

 

[Magical Dreamer]

السلام عليكم ورحمة الله وبركاته ..

انا صارلي شهور اتعامل مع ebay .. طبعا انت تشتري من ناس عاديين و فيه انواع للشراء :

يا تدخل مثل المزاد ولو كنت حاط اعلى سعر بتقدر تحصل على اللعبة او السلعة.

او فيه بعض اللي يبيعون يحطون خيار انك تشتري اللعبة على طول.

فيه منهم يحطون خيار انك لازم تدفع حاليا ولا ما تقدر تشتري اللعبة.

طريقة الدفع دائما والأغلب تكون بالـpaypal لكن فيه بعض اللي يبيعون يحطون خيارات دفع ثانية ..

مثل ما قلت من أحسن الأشياء هي الأسعار بس مب كل الألعاب أصلية فيه منهم يحطون مستعملة أيضا (اشتريت شينمو 2 مستعملة) وبأسعار زينة ..

فيه شيئين ما عجبوني في الموقع أول شي هو إنك يوم تضغط على "pay now" ما تقدر تكنسل الطلب ابدا لازم تدفع وطبعا الدفع له فترة معينة لو تأخرت اسبوعين تقريبا راح يرسل لك البائع إنذار بالدفع وكثرت الإنذارات مب زينة للأكاونت ، ممكن تقدر تكنسل الطلب لو راسلت البائع وكان من النوع الطيب.

الشيء الثاني إنه انا من الإمارات ومعظم اللي يبيعون من أمريكا وايد مرات طلبت ألعاب وما وصلت أبدا لكن لو إنك بتاخذ بريد في امريكا ففيه أشياء حلوة مثل إنه الشحن يكون ببلاش داخل أمريكا احيانا وليس دائما

عندك غير ebay موقع play-asia هذا انا دائما اطلب منه العابي وخياري الأول ^^ دامنه امازون ما يطرش لصندوق بريد بالامارات

واي سؤال ثاني انا حاضرة

 

[Snake-87]

جربت مرة اشتريه منه تي شيرت ميتل جير .. قال لي لازم تشترك بـ Paypal اشتركت ولما ابي اعبي فلوس مو راضي .. وأخذو علي 3 دنانير ومعصبين يقولون ما دفعت لي الحين xD المشكلة انه فيزتي مو راضية تنقبل ما ادري ليش مع انه فيها رصيد .

بالنسبة لبلي آسيا مشكلته انه أغلب الأشياء النظام مو أمريكي .. اما الأشياء الثانية ممتازة والحلو فيه دايما تحصل أشياء مو موجودة بمواقع ثانية ومشكلته سعره المرتفع وشحنه المرتفع جدا .

اما آمازون طلبت منه مرات لا تعد ولا تحصى سريع جدا و سعر ممتاز .حتى السوني 3 والـPSP slim طلبتهم منه .. البطئ دايما من آرامكس ><" .
تبي أي مساعدة بآمازون انا حاضر ^^ .

 

[Colorization]

^ انا نفسك، ما عرفت كيف أحط فلوس بالموقع العبيط Pay pal (يقول لي ما يصير\الفيزا ما تنقبل). ابي اشتري اغراض كثيرة من ebay لكن...

 

[Magical Dreamer]

تعبئة البطاقة عادي مب شرط تكون من موقع paypal انا دايما اعطي اخوي يحط الفلوس في البطاقة من البنك عادي

لكن في paypal راح يكون عندك حد معين ممكن تشتري فيه لين ما تسوي verified للبطاقة مالتك بإنه تسوي expand number

بالنسبة لبلاي اشيا الموقع تحسن عن قبل دائما يجيب الأشياء اليديدة الأمريكية لكن لو تدور شي قديم ممكن ما تحصله عندهم إلا ياباني

 

[ASWD]

يعطيكم العافية شباب..طبعا بلاي اسيا مريت عليه واللي حلاني اهرب منه هي اسعاره..سويت بحث الى راتشيت وكود4 للبلاي3 اسعارهم 64 دولا *سعر فاحش* ومع الشحن بيوصل لضعف السعر الاصلي تقريبا مايسوى..اما ebay فاسعاره مرة حلوة اقل حتى من السعر المعتاد في باقي المواقع..مثل راتشيت حصلتها هناك بـ49دولار.. و كود4 بـ50دولار والشحن مايتجاوز 7دولار

بخصوص الشراء فيه ناس تقبل توصل البضاعة لخارج امريكا وفيه ناس لا..لهذ مجيكال لازم اول شي التاكد من خيارات الشحن..والافضل فتح حساب في اراميكس عشان تسهيل العملية

وياريت شرح لكيفية الاشتراك في paypal وايش فايدتها بالظبط..هل هي مجرد وسيط لتحويل المبلغ ولا لها شأن ثاني..مثل حفظ حقوق المستهلك في حال ماوصلت بضاعته في الفترة المحددة*اظن شهرين؟*

ان شاء الله السبت الجاي انا في مكتب اراميكس افتح حساب واطلع لي بطاقة شراء من البنك اللي اتعامل معاه

 

[Magical Dreamer]

بالعادة ما يكون عندك خيارات لما يطرشون worldwide في ebay فقط خيار واحد ..

بالنسبة لـpaypal فايدتها إنك تدفع للأشخاص او المواقع بدون ما يعرفون بياناتك مثل رقم البطاقة ومثل هالاشياء غير إنه سحب الفلوس يكون بنفس اللحظة هذا يسرع الشيبينج غير لو حطيت بيانات بطاقتك في موقع لازم بالأول يتأكدون إنها مضمونة لكن في paypal بتكون الريدي مضمونة.

لما تيي تسجل في paypal بيعطونك 3 خيارات وهذا على حسب رغبتك سواء تبغي الأكاونت للشراء فقط او للبيع والشراء او لـebay

راح يطلبون منك بيانات البطاقة وهالاشياء عادي بس بعد ما تخلص التسجيل لازم تسوي شي اسمه expand number هو إنه الباي بال يسحبون اظن 1.95 دولار مقابل إنه يعطونك 4 أرقام (الأرقام راح تطلع بحسابك بالبنك فلازم تشيك حسابك في البنك عشان تشوفها) ، هالارقام راح تدخلها عندهم بالموقع فقط عشان يتأكدون إنه بطاقتك مضمونة وحتى ما يصير استخدامك لاكاونتك محدود.

بالنسبة لحفظ حقوق المستهلك اعتقد هذا يعتمد على المواقع اللي تشتري منها مب متاكدة صراحة

 

[ASWD]

يعطيج العافية اختي

بخصوص اول نقطة مافهمتها*يكون خيار واحد فقط*؟

اما الباي بال بحاول اقرا عنها اكثر وبخصوص الارقام مفروض البنك يعطيني اشعار او شي من هالقبيل ينبهني عن الارقام ولا؟

 

[Magical Dreamer]

بخصوص اول نقطة مافهمتها*يكون خيار واحد فقط*؟

هذا مثال للعبة الشيبينج حقها worldwide ولما اخترت مثلا الإمارات يطلع سعر واحد للشيبينج وطريقة وحدة فقط

http://www.geocities.com/innocent_angel2020/paypalshipping.jpg

لكن احيانا تقدر تتواصل مع البائع عشان يشوف لك شو ممكن يستخدم للشيبينج والأسعار

اما الباي بال بحاول اقرا عنها اكثر وبخصوص الارقام مفروض البنك يعطيني اشعار او شي من هالقبيل ينبهني عن الارقام ولا؟

When you began enrollment in PayPal's Expanded Use Program, we charged a $1.95 USD fee to your card.

Please check your credit card statement (monthly transaction history) online or when it arrives in the mail from the credit card issuer. On this statement, you will see a $1.95 USD charge from PayPal. Next to this charge you will see the 4-digit Expanded Use Number, which can be found directly before the word PAYPAL. Note that it may take 3-4 working days for the number to appear on your statement.