استفسار بخصوص العاب الأستراتيجية في البي سي

[BioMario]

السلام عليكم ورحمة الله وبركاتة


الصراحة ما عرفت وين احط الموضوع ><"
لكن ما اعتقد انه يخص الألعاب او خبر او شي مجرد استفسار عموماً ..

شباب ابي العب العاب استراتيجية على الكمبيوتر ^^..
من زمان ما لعبت والحين ما عندي خبرة في اسماء الألعاب الأستراتجية ..
عموماً اريدكم تعطوني اسماء العاب متوفرة في السوق او في التورنت والله خاطري العاب من زمان
ياليت ول تقولولي وجزاكم الله خير

مثل جنرالز و جي يعني

 

[Naif]

هنا مكانه افضل ^^

ٌRTS تقصد صح؟

Warcraft III (بتحصل مجموعة حلوة في السوق Warcraft Battle Chest اشتريتها من دبي بـ169 تقريبا .. معاها ووركرافت 3 و الاكسبانشن ذا فروزن ثرون و كتابين الحل الكامل للاثنين)

 

[BioMario]

لا لا غيرها غير ووركرافت لأني لعبتها مرة وحدة وكرهت حياتي XD
من اي مكان من دبي نايف ؟

 

[Naif]

مول الامارات في ثلاث محلات تقدر تاخذ منها (يعني بتكون عندك خيارات اكثر) :
- كارفور
- غييكز للالعاب (مقابل كارفور)
- فيرجن ميغاستور
(في كم كشك منتشره في المول تبيع العاب بعد .. )

مركز العين (في دبي خلف برجمان) فيه كم محل يبيعون العاب بي سي بعد (في الطابق الاول في محلين و في الطابق الارضي في كشك يبيع العاب و على اليمين في الطابق الارضي اول ما تدخل في سوبرماركت سبينس عنده مكان خاص بالالعاب ) ..

 

[Zeyad]

عندك Age of Empires III و LOTR 1 & 2 و C&C GENERALS ...

 

[BioMario]

شكراً نايف .. ( وايد تعبتك )
بس تعرف محلات ييبون الألعاب اول بأول مثل مثل الفيديو جيمز ..
لأني الاحظ العاب الـ PC تاخذ فترة طويلة لين تيي عندنا موب مثل الفيديو جيمنز بسرعة تنزل
بعد امريكا بيومين او ثلاث لكن البي سي يطول ..

ان شاء الله فهمتني

 

[BioMario]

C&C GENERALS

هذي دورت ابوظبي كلها او تقريباً الأمارات ما لقيتها مادري وين احصلها وحملتها بالتورنت طلعت ناقصة يعني جنرالز موجودة لكن زيرو اور خربانه ..

ابي انزلها من النت موب محصلها -___- ..

 

[Suzuki Yu]

انت تبغى ألعاب قديمة ولا جديدة ؟

أفضل سلسلة بالنسبة لي هي TOTAL WAR

لعبت Rome : Total War ؟ اذا مالعبتها روح أشتريها فورا , اللعبة ادمان مو طبيعي
أقعد عليها بالسبع الى 8 ساعات متواصلة !!

هذا عرض لجزء جديد لها حينزل بعد اربع خمس شهور باسم Medieval 2 Total War :

http://www.true-gaming.net/boards/showthread.php?t=4769

7 ثواني لكن معبرة 😎

ثاني لعبة بالنسبة ليه هي جنرالز , زي ماقالوا لك الشباب

 

[Naif]

المحلات اللي قلتلك عليها تييب الالعاب في وقتها .. اذكر محل دخلته في مركز العين كان قاعد يطلب غيلد وورز فيكشن جدامي (كان هذا قبل ثلاث اسابيع تقريبا) ..

اتوقع بتحصل كل اللي تريده هناك ..
فيرجن ميغاستور - كارفور : العاب اوروبية

مركز العين- غيكز غيمز: الاثنين - اوروبية و امريكية

و جيتكس بعد اربع شهور تقريبا ^.^ (اذكر اخر مرة شفته كان في عروض رهييبة لالعاب البي سي فيه .. بس للاسف ما كان عندي كمبيوتر قوي)